ⴳ ⵓⵙⵎⵣⵣⵓ ⵏ ⵜⵎⴽⵜⵉⵜ ⵜⵉⵙ ⴽⴽⵓⵥ ⵏ ⵡⴰⴳⵏⴰⵔⵏ ⵉ ⵜⵏⴽⴷⴰ ⵏ ⵜⵏⵜⴰⵎⵜ ⵏ ⵜⵓⵜⵜⵔⴰ ⵏ ⵜⵙⵉⵎⴰⵏⵜ ⴷⴰ ⵜⵙⵏⵎⴰⵍⴰⵜⵎⴰⵡⴰⵙⵜ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ (ⵉⴳⵔ ⵏ ⵓⵎⵢⴰⵡⴰⴹ) ⴰⵙⴼⵙⵔ ⵏ ⵜⵡⵍⴰⴼⵉⵏ ⵜⵉⵎⵣⵔⴰⵢ ⴷⴷⴰⵡ ⵏ ⵓⵣⵡⵍ « ⵜⴰⵏⵜⴰⵎⵜ ⵏ ⵜⵓⵜⵜⵔⴰ ⵏ ⵜⵙⵉⵎⴰⵏⵜ ⴷ ⵜⴰⵎⴰⵜⴰⵔ ⵜⴰⴽⵙⵡⴰⵜ ⵏ ⵓⴼⵔⵔⴰ ⴰⵏⴰⵎⵓⵔ ⴷ ⵜⴰⴳⴳⴰⵍⵜ ⵏⵜⴰⵎⵓⵏⵜ ⵏ ⵓⴷⴰⴱⵓ ⴳ ⵓⴳⴷⵓⴷ » 11-12 ⵉⵏⵏⴰⵢⵔ

ⵉⵙⵖⵣⵏ ⵓⵙⵇⵇⵉⵎ ⵏ ⵓⵎⵛⵉⵡⴰⵕ ⴰⵙⵙ ⵏ 19 ⵢⵓⵍⵢⵓⵣ 2022, ⴳ ⵜⵖⵉⵎⵉⵜ ⵜⵓⵣⵔⵉⴼⵜ ⵜⴰⵎⴰⵜⴰⵢⵜ, ⵅⴼ ⵓⵙⵏⴼⴰⵔ ⵏ ⵓⵙⵍⴳⵏ 25.19 ⵏⵏⴰ ⵉⵥⵍⵉⵏ ⵙ ⵓⵙⵉⵔⴰ ⴰⵎⵖⵔⵉⴱⵉⵢ ⵏ ⵉⵣⵔⴼⴰⵏ ⵏ ⵓⵎⴰⴳⴰⵢ. ⵉⴷⴷⴰⴷ ⵓⵙⵖⵣⵏ ⴷⴷⵖ ⵙ ⵜⵓⴳⴳⵜ ⵜⴰⵅⴰⵜⴰⵔⵜ ⴷⴼⴼⵉⵔ ⵏ ⵎⴰ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴰⵜⴰ, ⴳ ⵜⴼⵔⴽⵜ ⵜⴰⵎⵣⵡⴰⵔⵓⵜ. ⵅⴼ ⵓⵙⵖⵏⵓⵏ ⵏ ⵓⵙⵍⴳⵏ ⵉⵜⵜⵓⴱⴷⴰⵔⵏ. ⴳ ⵜⴳⵓⵔⵉ ⵏⵏⵙ ⵏ ⵜⵏⴽⴷⴰ ⴷⴰⵜ ⵏ ⵉⵎⵛⵛⴰⵡⵕⵏ, ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵎⴰⵙⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⵎⴰⵙ ⴰⵙⵖⵏⵓⵏ ⵏ ⵓⵙⵍⴳⵏ ⴰⴷ  ⴷⴰⵔⵙ ⴰⵡⵜⵜⴰⵙ ⵏ ⴰⴷ ⵉⵥⴹⵉⵕ ⵓⵙⵉⵔⴰ ⴰⵎⵖⵔⵉⴱⵉⵢ ⵏ ⵉⵣⵔⴼⴰⵏ ⵏ ⵓⵎⴳⴰⵢ ⴰⴷ ⵉⴳ ⵜⵉⵏⴱⴰⴹⵉⵏ ⵏⵏⴰ ⵥⴰⵕⵙ ⵉⵥⵍⵉⵏ ⴳ ⵓⵙⴰⵜⵉ ⵏ ⵓⵙⵍⴳⵏ ⵉⴼⴰⵡⵏ ⵏⵏⴰ ⵉⵙⵙⵉⵜⴳⵏ ⵜⴰⵡⵓⵔⵉ ⵏⵏⵙ, ⵙ ⵎⴰⵏ ⴰⵢⴰ ‘’ ⴰⵔ ⵉⴽⴽⴰⵜ ⴰⴷ ⵉⵙⴷⵓⵙ ⵉⵙⵙⵇⵙⵃ ⵜⵉⵡⵓⵔⵉⵡⵉⵏ ⵏ ⵓⵙⵉⵔⴰ ⵙⵍⴰⵡⴰⵏ ⴰⴽⴽⵯ ⴰⵙⴱⵓⵖⵍⵓ ⵏ ⵜⵖⴰⵔⴰⵙⵜ ⵏ ⵓⵙⵡⵓⴷⴷⵓ ⴷ ⵓⵃⵔⴰⵢ ⵏⵏⵙ, ⴷ ⵓⵙⴽⵛⵎ ⵏ ⵓⴼⴰⵡ ⴷ ⵓⵏⴱⴰⴷ ⴳ ⵓⵙⵏⵢⵓⴷⴷⵓ ⵏ ⵜⵏⵓⴷⴰⴼ ⴷ ⵜⵖⴰⵙⵙⵉⵔⵉⵏ, ⵓⵍⴰ ⵉⵡⵙ ⴳ ⵓⵙⵖⵓⴷⵓ ⵏ ⵓⵙⵓⵔⵙ ⴰⵏⴰⵎⵓⵏ ⵏ ⵉⵎⴳⴰⵢⵏ ⴷ ⵓⵣⵣⵓⴳⵣ ⵏ ⵜⵎⵢⴰⵇⵇⴰⵏⵉⵏ ⵜⵉⵎⴰⴹⵍⴰⵏⵉⵏ ⵏⵏⴰ ⵅⴼ ⵉⵙⵙⴳⵎⴹ ⵍⵎⵖⵔⵉⴱ’’. ⴷⴼⴼⵉⵔ ⵏ ⵓⵖⵣⴰⵏ ⴰⴷ, ⵉⵖⴰⵎⴰ ⴷ ⵓⴷⵡⴰⵍ ⵏ ⵓⵥⵟⵟⴰ ⵏ ⵓⵙⵉⵔⴰ ⵅⴼ ⵜⵔⵙⴰⵍ ⵏ ⵜⵎⴰⴼⴰⵡⵜ ⴷ ⵓⵏⴱⴰⴹ ⴷ ⵓⴼⴰⵡ ⴷ ⵓⴱⵟⵟⵓ ⵉⵎⵙⴰⵙⴰⵏ ⵏ ⵜⵏⵓⴷⴰⴼ ⵏⵏⴰ ⵉⵥⵍⵉⵏ ⵙ ⵓⵣⵣⵓⴳⵣ ⵏ ⵉⴹⵕⵉⵚⵏ ⵏ ⵓⵙⵏⵎⴰⵍⴰ ⵉⵥⵍⵉⵏ ⵙ ⵎⴰⵏ ⴰⵢⴰ. ⵉ ⵓⵙⵙⴽⵜⵉ, ⵉⴷⴷⴰ ⴷ ⵓⵙⵖⵣⵏ ⵅⴼ ⵓⵙⵍⴳⵏ 25.19 ⵙ ⵢⴰⵏ ⵉⵎⴰⵍⴰⵙⵙ ⴷⴰⵢ ⴷⴼⴼⵉⵔ ⵏ ⵓⵙⵖⵣⵏ ⵅⴼ ⵓⵙⵍⴳⵏ 66.19 ⵏⵏⴰ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵓⵎⴳⴰⵢ ⴷ ⵉⵣⵔⴼⴰⵏ ⵏ ⵜⴰⵎⴰ ⵏⵏⴰ ⵢⴰⴽⴽⴰⵏ ⵉ ⵉⵏⴰⵥⵓⵕⵏ ⵏ ⵓⵙⴼⵉⵔⵙ ⴰⵣⵔⴼ ⵏ ⵓⴹⴼⵓⵕ, ⵓⵍⴰ ⴰⵎⴰⵔⵓⵜⵏ ⴷ ⵉⵏⵖⵎⴰⵙⵏ ⴰⵣⵔⴼ ⵏ ⵓⵙⵙⵏⵖⵍ ⴰⵙⵡⵍⵍⴼⴰⵏ ⵜⵉⴽⴽⵍⵜ

ⵉⵙⴳⵎⴹ ⵓⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵎⴰⵙⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⴰⵙⵙ ⵏ 14 ⵢⵓⵍⵢⵓⵣ 2022, ⴰⴽⴷ ⵜⵎⴰⵡⵙⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏⵏⴰ ⵉⵥⵍⵉⵏ ⵙ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⵔⵜ, ⵎⴰⵙⵙⴰ ⵖⵉⵜⴰ ⵎⴰⵣⵓⵔ, ⵜⴰⵎⵢⴰⵇⵇⴰⵏⵜ ⵏ ⵜⵓⵛⵛⵓⵔⵜ ⵉⵥⵍⵉⵏ ⵙ ⵜⵙⵎⵓⵟⵟⵓⵏⵜ ⵏ ⵜⵎⵙⵙⵓⴳⵔⵜ ⴷ ⵜⵏⴰⴼⵓⵜⵉⵏ ⵜⵉⴱⵉⴷⴰⵖⵓⵊⵉⵢⵉⵏ ⴳ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ, ⵎⴰⵏ ⴰⵢⴰ ⵙ ⵢⵉⵍⵉ ⵏ ⵓⵏⵎⵀⴰⵍ ⵏ ⵓⵙⵉⵏⴰⴳ, ⵎⴰⵙⵙ ⵄⴱⴷ ⵍⵍⴰⵟⵉⴼ ⴱⵏⵚⴼⵉⵢⵢⴰ. ⵇⴰⴷ ⵜⵥⵎⵔ ⵜⵎⴰⵇⵇⴰⵏⵜ ⴷⴷⵖ, ⵏⵏⴰ ⵉⴽⵛⵎⵏ ⴳ ⵓⵙⴰⵜⵉ ⵏ ⵓⵙⵏⴼⴰⵔ ⵏ ⵓⴼⵏⵉⵇ ⵏ ⵓⵙⵎⴰⵢⵏⵓ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ (FOMAP), ⵙⴳ ⵓⵙⴳⵣⵍ ⵏ ⵜⵉⵣⵉ ⵏ ⵓⵙⵎⴽⵍ ⵏ ⵉⵙⴷⴰⵡⵏ ⴷ ⵓⵙⵖⵉⵡⵙ ⵏ ⵡⴰⴱⵓⴹ ⵏ ⵉⵙⵎⵎⴰⵍⵏ ⵏⵏⴰ ⵉⵥⵍⵉⵏ ⵙ ⵉⵎⵃⴹⴰⵕⵏ ⴷ ⵉⵙⵍⵎⴰⴷⵏ ⴷ ⵉⵎⵔⵣⴰ, ⴷ ⵓⵙⵃⴷⵓⴷⵉ ⵏ ⵜⵉⵣⵉ ⵉ ⵉⵏⵎⵀⴰⵍⵏ, ⵓⵍⴰ ⴰⵎⵔⴰⵔⴰ ⵏ ⵡⴰⵔⵔⴰⵜⵏ ⴷ ⵉⵙⵎⵎⴰⵍⵏ ⴼⵉⵙⵙⴰⵄ ⵙ ⵢⴰⵜ ⵜⵖⴰⵔⴰⵙⵜ ⵉⴼⵓⵍⵙⵏ. ⵜⵜⵎⴷⵉ ⵖⵓⵔ ⵙⵉⵏ ⵉⴷ ⵎⵍⵢⵓⵏ ⴷ 600 ⵏ ⵉⴼⴹ ⵏ ⵉⴷ ⴷⵔⵀⵎ ⵃⵎⴰ ⴰⴷ ⵜⵜⵓⴳⴰ ⵜⴷⴰⴱⵓⵜ ⵜⴰⵎⵓⵟⵟⵓⵏⵜ, ⵜⵜⵓⴱⴹⴰ ⵅⴼ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⴳ ⵕⵕⴱⴰⵟ ⴷ ⵓⴼⵉⵏⵉⵇ ⵏ ⵓⵙⵎⴰⵢⵏⵓ ⵏ ⵜⵎⵙⵙⵓⴳⵓⵔⵜ

ⵉⵎⵎⴰⵜⵜⵉ ⵙ ⴷⴰⵔ ⵓⵙⵓⵔⴼ ⵏ ⵕⴱⴱⵉ ⴳ ⵜⵉⴼⴰⵡⵜ ⵏ ⵡⴰⵙⵙ ⵏ ⵓⵙⵉⵏⴰⵙ 12 ⵢⵓⵍⵢⵓⵣ 2022, ⴰⵏⵖⵎⴰⵙ ⵄⴱⴷ ⵍⵍⴰⵀ ⵙⵙⵜⵜⵓⴽⵉ, ⵢⴰⵏ ⵙⴳ ⵉⵏⵖⵎⴰⵙⵏ ⵉⵅⴰⵜⴰⵔⵏ ⴳ ⵍⵎⵖⵔⵉⴱ, ⵏⵏⴰ ⵖⵓⵔ 76 ⵏ ⵓⵙⴳⴳⵯⴰⵙ. ⵉⴽⴽⴰ ⵜⵜⵉⵏ ⵓⵏⵊⴷⵉ ⵉⵃⴰⴹⵔ ⴰⴽⴽⵯ ⵉ ⵉⵙⵏⴼⴰⵍⵏ ⵏⵏⴰ ⵉⵙⵙⵏ ⵍⵎⵖⵔⵉⴱ ⵙ ⵓⵎⴰⵜⴰ, ⴷ ⵢⵉⴳⵔ ⵏ ⵜⵏⵖⵎⴰⵙⵜ ⵙ ⵜⵎⴰⵎⴽⵜ ⵉⵥⵍⵉⵏ ⴰⵎⵎⴰⵙ ⵏ ⴽⵉⴳⴰⵏ ⵏ ⵉⵙⴳⴳⵯⴰⵙⵏ, ⴰⵢⴷⴷⵖ ⴷ ⵢⵓⴷⵊⴰ ⵜⵉⵎⴰⵜⴰⵔ ⵏⵏⵙ ⴳ ⵢⵉⴳⵔ ⵏ ⵓⵙⵏⵖⵎⵙ ⴰⵏⴰⵎⵓⵔ ⵣⵓⵏⴷ ⴰⵏⵖⵎⴰⵙ ⴷ ⵓⵎⴰⵔⴰ ⴷ ⵓⵙⵏⴼⵙⴰⵔ ⴷ ⵓⵏⵎⵔⵙⴰⵍ ⵏ ⴽⵉⴳⴰⵏ ⵏ ⵉⵖⵎⵉⵙⵏ, ⵓⵍⴰ ⴰⵡⴷ ⴰⵏⵎⵔⵙⵍ ⵏ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⴰⵅⴰⵜⴰⵔ ⵏ ⵉⵏⵖⵎⵉⵙⵏ, ⵎⴽⵉⵏⵏⴰ ⴷ ⴼⴼⵖⵏ ⴳⵔ ⵉⴼⴰⵙⵙⵏ ⵏⵏⵙ ⵜⵉⵙⵓⵜⴰ ⵉⴳⴳⵓⵜⵏ ⵏ ⵉⵏⴰⵖⵎⴰⵙⵏ ⵉⵛⵏⴰⵏ. ⵙ ⵜⵎⵍⴷⴰ ⴰⴷ ⵉⵀⵕⵕⴰⵏ, ⵉⵣⵡⴰⵔ ⵓⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵓⵎⵢⴰⵡⴰⴹ, ⵎⴰⵙⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⵙ ⵉⴼⵛⴰⴷⵏ ⵏⵏⵙ ⵉ ⵜⴰⵡⵊⴰ ⵏ ⵓⵎⵜⵜⵉⵏ ⵜⴰⵎⵥⵥⴶⵏⵜ ⵓⵍⴰ ⵜⴰⵅⴰⵜⴰⵔⵜ, ⵉⵜⵜⵔ ⵙⴳ ⴱⴰⴱ ⵏ ⵉⴳⵏⴰⵡⴰⵏ ⴰⴷ ⵜⵜ ⵉⵡⴰⵍⴰ ⵙ ⵜⵎⵍⵍⴰ ⵏⵏⵙ ⵜⴰⵅⴰⵜⴰⵔⵜ ⵉⵖⴼⵔ ⴰⵙ, ⵉⵣⵣⵓⵣⴷⵖ ⵜ ⴳ ⵍⵊⵏⵜ ⵏⵏⵙ ⵎⵇⵇⵓⵔⵏ, ⵉⵡⵛ ⵜⵉⵥⵥⵉⴹⵕⴰ ⵉ ⴰⵢⵜ ⴷⴰⵔⵙ, ⵏⴳⴰ ⵡⵉⵏ ⵕⴱⴱⵉ ⵏⵡⵔⵔⵉ