ⵢⴰⵎⵓ ⵎⴰⵙⵙ ⴰⵎⴰⵡⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵎⴰⵙⵙ ⵎⵓⵃⵎⵎⴷ ⵎⵀⴷⵉ ⴱⵏⵙⵄⵉⴷ, ⴳ ⵜⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵏ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵙ ⵜⵉⵍⵉⵜ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵏⴰⵢⴰ, ⵖ ⵓⵙⴰⵜⵉ ⵏ ⵜⵣⵎⵎⴰⵔ ⵏⵏⵉ ⵜⴳⴳⴰ ⵜⵏⴱⴰⴹⵜ ⵃⵎⴰ ⴰⴷ ⵢⵉⵍⵉ ⵓⵙⴱⵓⵖⵍⵓ ⴷ ⵓⵣⵉⴳⴳⵣ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷⵉ ⵎⴰⵕⵕⴰ ⵉⴳⵔⴰⵏ, ⵙ ⵉⴷⵖ ⵜⴳⴰ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⵏ ⵜⴳⵍⴷⵉⵜ, ⵎⵏⵉⴷ ⵏ ⵓⵢⵏⵏⴰ ⵅⴼ ⴷ ⵢⵉⵡⵉ ⵓⴷⵓⵙⵜⵓⵕ, ⵎⴰⵢⴰ, ⵔⴰⴷ ⵢⵉⵍⵉ ⵙ ⵓⴹⴼⴼⵓⵕ ⴷ ⵓⵣⴷⴰⵢ ⵏ ⵉⴳⵔ ⵏ ⵜⴷⵍⵙⴰ.ⴰⵎⵓⵙⵙⵓ ⴰ ⵡⴰⵏⵉⵜⵉⵏ, ⵉⴷⵔⴰ ⴳⵉⵙ ⵎⴰⵙⵙ ⴰⵎⴰⵡⴰⵙ ⵏ ⵜⵣⵔⴼⵜ, ⴷ ⵜⵎⴰⵡⴰⵙⵜ ⵜⴰⵎⴰⵍⴰⵍⵜ ⵉⵜⵜⵓⵙⵎⴳⴰⵍⵏ ⵙ ⵓⵙⵏⴼⵍ ⴰⵎⴰⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ, ⴷ ⵓⵏⵙⵙⵉⵅⴼ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ.
ⴰⵍⵖⵓⴰⵖⵎⵙⴰⵏ
ⴳ ⵓⵙⴰⵜⵉ ⵏ ⵜⵣⵎⵎⴰⵔ ⵏ ⵜⴳⵍⴷⵉⵢⵜ ⵏ ⵍⵎⵖⵔⵉⴱ ⴳ ⵡⴰⵍⴰⵙ ⵏ ⵓⵚⴽⵓ ⵏ ⵜⵎⵏⴰⴹⵉⵏ ⵏ ⵓⴷⵔⴰⵔ ⵏ ⴷⵔⵏ ⵏⵏⴰ ⵜⵙⵙⵉⵖ ⵜⴰⵣⵓⵣⵜ ⵏ ⵡⴰⴽⴰⵍ ⵏ 8 ⵛⵓⵜⴰⵏⴱⵉⵔ 2023, ⴷ ⴳ ⵓⵙⴰⵜⵉ ⵏ ⵜⵎⵢⴰⵇⵇⴰⵏⵜ ⴳⵔ ⵓⵙⵉⵏⴰⴳ ⴰⵏⴰⵎⵓⵔ ⵏ ⵜⵎⴰⵙⵙⴰⵏⵉⵏ ⵏ ⵓⴷⵔⵉⵣ ⴷ ⵡⴰⵢⴷⴰ (INSAP) ⴷ ⵜⴰⵎⵓⵏⵜ ⵏ ⵊⴰⴱⴱⵓⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵢⵉⴳⵔ ⵏ ⵜⴰⵢⵙⵉ (JCIC-Heritage), ⵜⵙⵙⴽⴻⵔ ⵢⵓⵡⵜ ⵜⵔⴱⵉⵄⵜ ⵏ ⵓⵔⵣⵣⵓ ⵜⴰⵙⵎⵉⴳⵍⵜ ⵜⴰⴱⴰⵔⴰⵣⵜ ⵖⵔ ⵜⵙⴳⴰ ⵏ ⵍⵃⵓⵣ ⵙⴳ 17 ⴰⵔ 25 ⴽⵜⵓⴱⵕ 2025, ⵉⵣⵡⴰⵔ ⵜⵙ ⵓⵎⵢⴰⵡⴰⴹ ⴷ ⵜⵏⴱⴰⴹⵜ ⵜⴰⵏⴰⵎⵓⵔⵜ ⴷ ⵜⵏⵎⵏⴰⴹⵜ ⴷ ⵜⴼⵓⵍⵉⵏ ⵉⵜⵜⵓⵏⵜⴰⵢⵏ ⵙⴳ 14 ⴰⵔ 16 ⴽⵜⵓⴱⵕ 2025. ⴰⵎⵓ ⴳ ⵜⵙⵎⵉⴳⵍⵜ : ⵃⵎⴰⴷ ⵓⵙⴽⵏⵜⵉ, ⴰⵙⵍⵎⴰⵏ ⴰⵎⵔⵣⵓ, ⴰⵙⵉⵏⴰⴳ ⴰⵏⴰⵎⵓⵔ ⵏ ⵜⵎⴰⵙⵙⴰⵏⵉⵏ ⵏ ⵓⴷⵔⵉⵣ ⴷ ⵡⴰⵢⴷⴰ, ⵕⵕⴱⴰⵟ, ⵃⵎⴰⴷ ⵓⵎⵓⵙⵙ, ⴰⵙⵍⵎⴰⵏ ⴰⵎⵔⵣⵓ, ⴰⵙⵉⵏⴰⴳ ⴰⵏⴰⵎⵓⵔ ⵏ ⵜⵎⴰⵙⵙⴰⵏⵉⵏ ⵏ ⵓⴷⵔⵉⵣ ⴷ ⵡⴰⵢⴷⴰ, ⵕⵕⴱⴰⵟ, ⵜⴰⴽⵓ ⵉⵉⴷⴰ, ⴰⵎⵔⵣⵓ, ⴰⵙⴰⵍⴰⵢ ⴰⵏⴰⵎⵓⵔ ⵏ ⵜⵓⵙⵏⴰⴼⴳⴰⵏ, ⵓⵙⴰⴽⴰ, ⵊⴰⴱⴱⵓⵏ, ⵏⴰⵡⴽⵓ ⴼⵓⴽⴰⵎⵉ, ⵜⴰⵙⵍⵎⴰⴷⵜ ⵜⴰⵎⵔⵣⵓⵜ, ⵜⴰⵙⴷⴰⵡⵉⵜ ⵏ ⴽⵓⴽⵉⵛⵉⴽⴰⵏ, ⵊⴰⴱⴱⵓⵏ, ⵛⵉⵢⵓⴽⵉ, ⴳⵓⵛⵉⵎⴰ, ⵜⴰⵎⵔⵣⵓⵜ, ⵜⴰⵎⵓⵏⵜ ⵏ ⵊⴰⴱⴱⵓⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵢⵉⴳⵔ ⵏ ⵜⴰⵢⵙⵉ (JCIC-Heritage), ⵊⴰⴱⴱⵓⵏ, ⵎⵓⵃⵎⵎⴰⴷ ⵄⴰⵇⵉⵍ ⵛⴷⴷⴰⴷⵉ, ⴰⵙⵍⵎⴰⴷ ⴰⵎⵔⵣⵓ, ⵜⴰⵙⴷⴰⵡⵉⵜ ⵏ ⴽⵉⵢⵓ, ⵊⴰⴱⴱⵓⵏ. ⵉⴳⴰ ⵓⵡⵜⵜⴰⵙ ⵏ ⵜ ⵢⵙⵎⵉⴳⵍⵜ ⴰⴷ ⵜⵓⴱⴷⴷⴰ ⵅⴼ ⵓⵙⵓⵔⵙ ⵏ ⵜⴰⵢⵙⵉ ⵜⴰⴷⵍⵙⴰⵏⵜ ⵜⴰⵎⵜⵜⵉⵜ ⴷ ⵜⵔⴽⵎⴰⵎⵜ ⴳ ⵜⴰⵙⴳⵉⵡⵉⵏ ⵜⵙⵙⵉⵖ ⵜⴰⵣⵓⵣⵜ ⵏ ⵡⴰⴽⴰⵍ, ⵙ ⵓⵎⴰⵜⴰ ⴰⵏⵙⵉⵡⵏ ⵏ ⵓⴷⵔⵉⵣ ⴷ ⵜⵓⵚⴽⵉⵡⵉⵏ ⵜⵉⵎⵣⵔⴰⵢ ⴰⴽⴷ ⵜⵓⵙⵓⵔⵜ ⵜⴰⵏⴰⴱⴰⵡⵜ ⵅⴼ ⵉⴼⵔⴷⵉⵙⵏ ⴷ ⵜⵎⴰⴳⵔⴰⵡⵉⵏ ⵉⵏⴼⴳⴰⵏⵏ ⵖⵓⵔ ⵍⵍⴰⵏⵜ ⵜⵎⴰⵙⵙⴰⵏⵉⵏ ⴷ ⵜⴰⵙⵏⵉⴳⵉⵜⵉⵏ ⴷ ⵉⵡⵏⵏⵉⵜⵏ ⵉⵣⴷⵉⵏ ⴷ ⵜⴷⵍⵙⴰ ⴷ ⵓⴳⴰⵎⴰ. ⴳ ⵜⴳⵉⵔⴰ ⵏ ⵜⵡⵓⵔⵉ ⵢⴰⴷ, ⴰⴷ-ⴷ ⵜⵙⵙⵓⴼⵖ ⵜⵔⴱⵉⵄⴰ ⵜ ⵓⵔⵣⵣⵓ ⵉⴷⵊ ⵓⵏⵇⵇⵉⵙ ⵅⴼ ⵓⵙⵓⵔⵙ ⵏ ⵜⴰⵢⵙⵉ ⵜⴰⴷⵍⵙⴰⵏⵜ ⴰⴽⴷ ⵜⴰⵏⵏⴰⵢⵜ ⵜⴰⵎⵙⴽⵔⵜ ⵅⴼ ⵓⴱⵔⵉⴷ ⵏ ⵓⵃⵟⵟⵓ ⵏⵙ ⴷ ⵓⵙⵉⵜⴳ ⵏⵙ ⴰⴼⴰⴷ ⴰⴷ ⵜⴰⵡⵙ ⵜⴰⵢⵙⵉ ⴳ ⵓⵙⴷⵓⵙ ⵏ ⵜⵎⴰⴳⵉⵜ ⵜⴰⵎⵓⵔⴰⵏⵜ ⴷ ⵜⵎⵢⴰⵎⴰⵥⵜ ⵜⴰⵏⴰⵎⵓⵏⵜ, ⴰⵀⴰ ⵜⴳ ⴰⵙⴰⴳⵎ ⵏ ⵜⴳⵎⵉ
