ⴱⵍⵊⵉⴽⴰ… ⴰⵙⵏⵎⴰⵍⴰ ⵏ ⵜⵙⵇⵓⵏⵙⵓⵜ ⵉⵜⵜⵎⴰⵜⵜⴰⵢⵏ ⴳ ⵜⵓⵕⵏⵉ ⵏ ⵡⴰⴷⴰⵙ ⵏ ⵜⵎⵙⵙⵓⴳⵓⵔⵜ ⵙⴳ ⵉⵎⵙⵙⵔⵎⵙⵏ

(ⵎⴰⵕⵓⴽ ⵍⵓⵊⵓⵔ)

ⵜⵙⵏⵎⴰⵍⴰ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⵏ ⵍⵎⵖⵔⵉⴱ ⴳ ⴱⵍⵊⵉⴽⴰ ⵢⴰⵜⵜⵙⵇⵓⵏⵙⵓⵜ ⵉⵜⵜⵎⴰⵜⵜⴰⵢⵏ ⵉ ⵜⵏⴰⴼⵓⵜ ⵏ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⵜⵎⴷⵉⵏⵜ ⵏ ⵜⵓⵕⵏⵉ ⴳ ⴱⵍⵊⵉⴽⴰ(ⵉⴼⴼⵓⵙ) ⴷ ⵜⵙⴳⴳⵯⵉⵏ ⵏⵏⵙ. ⵜⵥⵍⵉ ⵜⵙⵏⵜⴰⵢⵜ ⴰ, ⵍⵍⵉ ⵉⴼⴽⴰⵏ ⵉ ⵡⵓⴼⵔⵉⴷⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴰⴷ ⵙⵙⴽⵔⵏ ⵜⵉⵎⵙⴽⵉⵔⵉⵏ ⵏ ⵜⵙⵇⵓⵏⵙⵓⵜ ⴷ ⵜⵎⵙⵙⵓⴳⴰⵔ ⴳ ⵡⴰⴷⴰⵙ ⵙⴳ ⵡⴰⵏⵙⴰⵜⵏ ⵏ ⵓⵣⴷⵓⵖ ⵏⵏⵙⵏ, ⵙ ⵓⵙⵙⵓⴼⵖ ⵏ ⴽⵉⴳⴰⵏ ⵏ ⵜⵏⵜⴰⵎⵉⵏ; ⵍⵓⵎⴰⵕ ⵜⵉⴽⴰⵕⴹⵉⵡⵉⵏ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ ⵜⴰⵍⵉⴽⵟⵕⵓⵏⵉⵜ, ⴰⴱⴰⵚⴱⵓⵔ ⴰⴱⵢⵓⵎⵉⵜⵔⵉ, ⴷ ⵜⵏⵜⴰⵎⵉⵏ ⵎⵢⴰⵏⴰⵡⵏⵉⵏ ⵏ ⵡⴰⴷⴷⴰⴷ ⵓⵖⵔⵉⵎ ⴷ ⵉⵙⵍⴽⵉⵏⵏ, ⵙ ⵜⵙⴳⴰ ⵏ ⵓⵙⵎⴽⵍ ⵏ ⵜⵓⵜⵜⵔⵉⵡⵉⵏ ⵏ ⵜⵉⴳⴳⵉ ⵏ ⵜⵏⵜⴰⵎⵉⵏ ⵜⵉⵎⴰⴷⴷⵓⴷⵉⵏ. ⵉⵎⴽⵉⵏⵏⴰ ⵜⵙⵍⵍⴰ ⵉ ⵉⵏⵣⴳⵓⵎⵏ ⵏ ⵉⵎⵖⵔⴰⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴷ ⵓⵙⵓⵊⴷ ⵏ ⵉⵏⵖⵎⵉⵙⵏ, ⵉⵙⵎⵎⵜⵔⵏ ⴷ ⵉⵙⵡⴰⵍⴰⵢⵏ ⵖⵓⵔ ⵜⵏⵓⴼⴰ ⵏ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ.

ⴰⵎⵔⵡⴰⵙ   ⴰⵏⴼⵍⴰⵃ ⵏ ⵍⵎⵖⵔⵉⴱ ⵉⵙⴷⵓⵙ ⵜⴰⵎⴷⵔⴰⵡⵜ ⵏⵏⵙ ⴰⴽⴷ ⵓⵖⴰⵡⴰⵙ ⴰⵏⵉⵊⵉⵔⵉⵢ ⵏⵉⵔⵙⴰⵍ (ⵍⵉⵣⴰⵏⵙⴱⵉⵔⴰⵙⵢⵓⵏ ⵉⴽⵓ)

ⵉⵏⵏⴰ ⵓⵎⵔⵡⴰⵙ ⵏ ⵜⴼⵍⵍⴰⵃⵜ ⴳ ⵍⵎⵖⵔⵉⴱ ⵎⴰⵙ ⵉⵙⴷⵓⵙ ⵜⴰⵎⴷⵔⴰⵡⵜ ⴰⴽⴷ ⵓⵖⴰⵡⴰⵙ ⴰⵏⵉⵊⵉⵔⵉⵢ (NIRSAL) ⵏⵉⵔⵙⴰⵍ, ⴰⵢⴰ ⴳ ⵓⵙⴰⵜⵉ ⵏ ⵜⵎⵔⵉⵙⵜ  ⵉⴷⵓⵙⵏ ⵏ ⵍⴱⴰⵏⴽ ⵙ ⵜⵎⵍⴰⵍⵜ ⵜⴰⵙⵜⵔⴰⵜⵉⵊⵉⵜ ⵍⵍⵉ ⵉⴳⴰⵏ ⵜⵉⵏⵏⵙ ⵉ ⵜⵏⴰⴼⵓⵜ ⵏ ⵓⵙⵉⴷⴼ ⴰⵥⵕⴼⴰⵏ ⵏ ⵉⴼⵍⵍⴰⵃⵏ ⴳ ⵉⴼⵔⵉⵇⵢⴰ. ⵉⴷⴷⴰ ⴷ ⴳ ⵓⵙⵉⵡⴹ ⵏ ⵓⵎⵔⵡⴰⵙ ⴰⵏⴼⵍⴰⵃⵏ ⵍⵎⵖⵔⵉⴱ ⵉⵙ ⵉⵙⵏⵓⴱⴱⴳ ⴰⵙⵙ ⵏ 20 ⵎⴰⵢⵢⵓ 2022 ⴰⴽⴰⴱⴰⵕ ⴰⴼⵔⵉⵇⵉⵢ ⵉⵜⵜⴳⵏⵙⴰⵙⵏ ⴰⵖⴰⵡⴰⵙ “ⵏⵉⵔⵙⴰⵍ, ⵉⵙⵙⵎⵜⵔ ⵉⵙ ⴷ ⵉⵔⵣⴼ ⵓⴽⴰⴱⴰⵕ ⴳ ⵙ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵎⵙⵙⴽⵜⵉⵜ ⵏ ⵓⵎⵙⵔⵎⴰⵙⵍⵍⵉ ⵉⵜⵜⵓⵙⴳⵎⴹⵏ ⴰⵙⵙ ⵏ 2 ⴷⵓⵊⴰⵏⴱⵉⵔ 2016 ⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰ ⵜⴰⴼⵉⴷⵉⵕⴰⵍⵉⵜ ⵜⴰⵏⵉⵊⵉⵔⵉⵢⵜ ⵎⵓⵃⵎⵎⴰⴷ ⴱⵓⵅⴰⵔⵉ. ⵙⴳ ⵎⴰ ⴰⵢ ⴷ ⵜⴻⵜⵜⵓⵙⴳⵯⵎⴹ ⵜⵎⵢⴰⵇⵇⴰⵏⵜ ⵉⵙⵔⵙ ⵓⵎⵔⵡⴰⵙ ⴰⵏⴼⵍⴰⵃ ⵏ ⵍⵎⵖⵔⵉⴱ ⴷ ⵓⵖⴰⵡⴰⵙ ⴰⵏⵉⵊⵉⵔⵉⵢ “ⵏⵉⵔⵙⴰⵍ” ⵜⴰⴽⴰⵕⴹⴰ ⵏ ⵓⵣⵓⴳⴳⵣ ⵏ ⵜⵎⴷⵔⴰⵡⵜ ⴰ ⵖⴼ ⵉⵙⵏⵜⴰⵍ ⵉⵅⴰⵜⴰⵔⵏ ⵍⵍⵉ ⴰⵙⵏ ⵉⵙⵙⴰⵔⵏ.

ⴰⵏⵡⴰⵔ ⴱⵏⵄⵣⵣⵓⵣ ⵉⴳⴰ ⵙ ⵜⵎⴰⴷⴷⵓⴷⵜ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⴱⵔⴷⴰⵏ (ⵍⵉⵣⴰⵏⵙⴱⵉⵔⴰⵙⵢⵓⵏ ⵉⴽⵓ)

ⵢⵓⵎⵥ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵙⵙⵓⵔⵜ ⵜⴰⵏⴰⵎⵓⵔⵜ ⵏ ⵉⴱⵔⴱⵔⵉⴷⵏ ⴳ ⵍⵎⵖⵔⵉⴱ , ⵙ ⵜⵎⴰⴷⴷⵓⴷⵜ ⵜⴰⵏⵙⵙⵉⵅⴼⵜ ⵏ ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵉⴱⵔⴱⵔⵉⴷⵏ; ⴳ ⵓⴳⵔⴰⵡ ⴰⴳⵔⴰⵖⵍⴰⵏ ⵏ ⵡⴰⵙⵙⴰⵢ, ⵍⵍⵉ ⵉⵜⵜⵓⴳⴰⵏ ⴳ  ⵍⴰⵢⴱⵣⵉⴳ ⴳ ⵍⴰⵍⵎⴰⵏ. ⵉⴹⵔ ⴱⵏⵄⵣⵣⵓⵣ, ⵍⵍⵉ ⵉⵜⵜⵓⵙⵜⴰⵢⵏ ⵙ ⵓⵎⵙⴰⵙⴰ; ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⴱⵔⴱⵔⵉⴷⵏ, ⵙ ⵓⵙⵓⵍⴼ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⴰⵎⵓⵏⵜ ⵍⵍⵉ ⵉⵍⵍⴰⵏ ⴳ 29 ⵎⴰⵕⵚ ⵉⵣⵔⵉⵏ ⴳ ⴰⵎⵚⵟⵕⴹⴰⵎ, ⴰⴷⵖⴰⵔ ⵏ ⴱⵉⵍ ⵀⴰⵎⵍⴽⵢⴰⵙ ⵍⵍⵉ ⵉⵙⵎⴷⵏ ⴽⵕⴰⴹ ⵉⵙⴳⴳⵯⴰⵙⵏ ⵏⵏⵙ ⴳ ⵜⵏⵙⵙⵉⵅⴼⵜ ⵏ ⵜⵎⴰⴷⴷⴰⵙⵜ ⴰ. ⵙ ⵓⵙⵓⵍⴼ ⵏ ⵉⵎⵊⵕⵉ ⴰ, ⵜⴻⵜⵜⵓⴳⴰ ⵜⴼⵓⴳⵍⴰ ⵜⴰⵏⵎⴰⵜⴰⵔⵜ, ⴰⵙⵉⵎⵡⴰⵙ, ⴳ  ⵓⵙⴼⵙⵔ ⵏ ⵍⵎⵖⵔⵉⴱ ⴳ ⵓⵙⴳⵔⴰⵡ  ⴰⴳⵔⴰⵖⵍⴰⵏ ⵏ ⵡⴰⵙⵙⴰⵢ, ⵙ ⵜⵉⵀⴰⵡⵜ ⵏ ⵓⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵍⵓⵊⵉⵙⵜⵉⴽ ⵎⵓⵃⵎⵎⴰⴷ ⵄⴱⴷ ⵍⵊⵍⵉⵍ, ⵍⵍⵉ ⵉⵙⵙⵉⵅⴼⵏ ⴰⴽⴰⴱⴰⵕ ⴰⵎⵖⵔⴱⵉⵢ ⴰⵅⴰⵜⴰⵔ ⵏ ⵓⴳⵔⴰⵡ ⴰ.

ⴰⴳⵔⴰⵡ ⴰⵎⴰⵜⴰⵢ ⵡⵉⵙⵙ 26 ⵏ ⵜⵎⴰⴷⴷⴰⵙⵜ ⴰⵍⴽⵙⵓ ⵉⵙⵙⵉⵜⵉⴳ ⵜⵉⵣⵎⵎⴰⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⵣⴰⵖ ⵏ ⵍⵇⵓⴷⵙ ⴰⵛⵛⵔⵉⴼ (ⵍⴱⴰⵢⴰⵏ)

ⵉⵙⵙⵓⵜⴳ ⵓⴳⵔⴰⵡ ⴰⵎⴰⵜⴰⵢ ⵡⵉⵙⵙ 26 ⵏ ⵜⵎⴰⴷⴷⴰⵙⵜ ⵜⴰⵄⵔⴰⴱⵜ ⵏ ⵓⵙⴳⵎⵉ ⴷ ⵜⴷⵍⵙⴰ ⴷ ⵜⵎⴰⵙⵙⴰⵏⵉⵏ “ⴰⵍⴽⵙⵓ” ⵍⵍⵉ ⵉⵜⵜⵓⴳⴰⵏ ⵜⵉⴳⵉⵔⴰ ⴰ ⴳ ⵜⵓⵏⵙ, ⵙ ⵜⵣⵎⵎⴰⵔ ⵍⵍⵉ ⵉⵜⵜⴳⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⵖⴼ ⵓⵎⵣⴰⵖ ⵏ ⵍⵇⵓⴷⵙ ⴰⵛⵛⵔⵉⴼ ⴷ ⵓⴼⵔⴰⴳ ⵉ ⵜⵎⴰⴳⵉⵜ ⵏⵏⵙ. ⵉⵎⴽⵉⵏⵏⴰ ⵢⵓⵙⵉ ⵓⴳⵔⴰⵡ ⴰⵎⴰⵜⴰⵢ ⵉⵜⵜⵓⴳⴰⵏ ⴳ ⵜⵙⵓⵜⵍⵜ ⵏⵏⵙ ⵜⵓⵏⵣⵉⵍⵜ, ⵍⵍⵉ ⵉⴳⴰⵏ ⵜⴰⵙⵇⵇⵉⵎⵜ ⵜⴰⵎⴰⵜⵜⴰⵢⵜ ⵏ ⴰⵍⴽⵙⵓ; ⵍⵍⵉ ⵢⵓⵎⴰⵏ 22 ⵏ ⵓⵡⴰⵏⴽ ⴰⴳⵎⴰⵎ, ⵜⴰⵖⵜⴰⵙⵜ ⵉⵙⴱⵏⵏⴷⵏ ⴰⵏⵏⴰⵍ ⵉⵣⴷⵉⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖⴼ ⵉⴱⴷⴷⵉ ⵏ ⵓⵖⵔⴼ ⴰⴼⴰⵍⴰⵚⵟⵉⵏⵉ. ⵉⵎⴽⵉⵏⵏⴰ ⵉⵙⴱⵏⵏⴷ ⵜⴰⵡⵓⵔⵉ ⵏ ⵓⴱⴰⵔⴰⵣ ⵏ ⵜⵙⵏⵓⵔⴰⵢⵜ ⴱⴰⵢⵜ ⵎⴰⵍ ⵍⵇⵓⴷⵙ, ⵉⵖⵉⵍ ⴰⵎⵣⵣⴳⴰⵔ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵙ ⵢⵉⵡⵉⵣ ⴰⵏⵎⵢⴰⴳ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵍⵊⴰⵣⵓⵍⵉ ⵢⴰⵎⵓ ⴳ ⵓⵙⴰⴳⵔⴰⵡ ⴰⴷⵎⵙⴰⵏ  ⴰⵎⴰⴹⵍⴰⵏ ⴳ ⴷⴰⴼⵓⵙ (ⴰⵍⴱⴰⵢⴰⵏ)

ⵢⴰⵎⵓ ⵓⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵓⵙⵙⵉⵜⴳ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⵎⵓⵃⵙⵉⵏ ⵍⵊⴰⵣⵓⵍⵉ, ⴳ ⵓⵙⴰⴳⵔⴰⵡ ⴰⴷⵎⵙⴰⵏ ⴰⵎⴰⴹⵍⴰⵏ ⴳ ⴷⴰⴼⵓⵙ ⵙⴳ 22 ⴰⵔ 26 ⵎⴰⵢⵢⵓ ⴰⴷ. ⵉⴱⴷⵔ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵓⵙⵙⴰⵔⵓ ⴷ ⵓⵙⵉⵜⵜⴳ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⵉⵙ ⵔⴰⴷ ⵉⴳ ⵍⵊⴰⵣⵓⵎⵉ ⵙ ⵓⵙⵓⵍⴼ ⴰ ⵉⵎⵙⴰⴳⴰⵔⵏ ⵉⵢⵓⴳⴰⵏⵏ ⴰⴽⴷ ⵜⵓⴳⵜ ⵏ ⵉⵎⴳⴳⴰⵢⵜⵏ ⵏ ⵜⵖⵜⴰⵙ ⵜⵉⵙⵔⵜⴰⵏⵉⵏ ⴷ ⵜⴷⵎⵙⴰⵏⵉⵏ ⵙ ⵍⴰⵡⴰⵏ ⴰⴽⴽⵯ ⴳ ⵢⵉⴳⵔⴰⵏ ⵏ ⵜⵥⴹⴰⵕⵜ ⴷ ⵜⵉⴽⵏⵓⵍⵓⵊⵉⵜ ⴷ ⵜⴼⵍⵍⴰⵃⵜ ⴷ ⵉⵙⴰⴼⴰⵔⵏ ⴷ (l’outsourcing) ⴷ ⵓⵥⵕⴼ ⵏ ⵜⵎⵓⵟⵟⵓⵏⵜ. ⵉⵖⵉⵢ ⴰⴷ ⵓⵎⵓⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵜⵏⴱⴰⴹⵉⵏ ⴷ ⵉⵏⵎⵖⵓⵔⵏ ⵙⴳ ⵓⵎⴰⴹⴰⵍ ⵏ ⵜⵡⵓⵔⵉⵡⵉⵏ ⴷ ⵡⴰⵎⵓⵏ ⵓⵖⵔⵉⵎ ⴷ ⵜⵖⵎⵙⴰ ⴳ ⵓⵙⴰⴳⵔⴰⵡ ⴰ ⵍⵍⵉ ⵔⴰ ⴳ ⵉⵍⵉⵏ ⵙ ⵜⵉⵀⴰⵡⵜ ⵉ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⵙⴳ ⵡⵓⴳⴳⴰⵔ ⵏ ⵙⵉⵏ ⵉⵙⴳⴳⵯⴰⵙⵏ ⵙ ⵜⵎⵏⵜⵉⵍⵜ ⵏ ⵓⴱⴰⵢⵢⵓⵕ ⴽⵓⵕⵓⵏⴰ.

ⴰⵙⴱⵏⵏⴷ ⵏ ⵜⵎⵔⵉⵙⵜ ⵏ ⵉⵄⵔⵔⵉⵎⵏ ⵙ ⵜⵡⵓⵔⵉ ⵏ ⵓⵏⵣⵡⵉ (ⵍⵉⴱⵉⵔⴰⵙⵢⵓⵏ)

ⵜⴳⴰ ⵜⵉⵏⴰⵡⵜ ⵍⵍⵉ ⵙⵏⵎⴰⵍⴰⵏⵜ ⵜⴰⴳⴳⴰⵍⵉⵏ ⵏ ⵜⵊⴹⵕⵎⵜ ⵜⴰⵏⴰⵎⵓⵔⵜ ⵏ ⵟⵟⴰⵍⵢⴰⵏ (ⴽⴰⵕⴰⴱⵢⵉⵔⵉ) ⴳ ⵕⵓⵎⴰ, ⵙ ⵓⵙⵓⵍⴼ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵢⴰⵏⴰⵡⵜ ⵜⴰⴱⵢⵓⵍⵓⵊⵉⵜ, ⴰⵣⵎⵣⵣⵓ ⵏ ⵓⵙⴱⵏⵏⴷ ⵏ ⵜⵎⵔⵉⵙⵜ ⵏ ⵜⵄⵓⵔⵔⵎⴰ ⵜⴰⵎⵖⵔⴱⵉⵢⵜ ⵙ ⵜⵡⵓⵔⵉ ⵏ ⵓⵏⵣⵡⴰⵢ. ⵙ ⵓⵣⵎⵣⵣⵓ ⴰ, ⵜⵙⵙⵍⴽⵏ ⵃⴰⵜⵉⵎ ⴰⵥⵏⴰⴳ, ⴰⵎⴽⵔⴰⵙ ⴷ ⵓⵏⵙⵙⵉⵅⴼ ⵏ ⵜⵎⴰⴷⴷⴰⵙⵜ ⵏ ⵜⵄⵓⵔⵔⵎⴰ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳ ⵍⵎⵖⵔⵉⴱ, ⵉⵙ ” ⴷⴰ ⵉⵙⵙⴱⵖⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵓⵎⵓ ⵏ ⵉⵄⵔⵔⵉⵎⵏ ⵉⵎⵖⵔⴰⴱⵉⵢⵏ ⴳ ⵜⵣⵎⵎⴰⵔ ⵉⵜⵜⴷⴷⵓⵏ ⴳ ⵓⴱⵔⵉⴷ ⵏ ⵓⵙⴱⴷⴷⵉ ⵎⴳⴰⵍ ⴰⵙⵏⴼⵍ ⵏ ⵓⵏⵣⵡⵉ ⴳ ⵍⵎⵖⵔⵉⴱ”, ⵜⵙⵙⵍⴽⵏ ⵉⵙ ⴷ ⵙ ⵜⵎⵏⵜⵉⵍⵜ ⵏ ⵓⵙⴽⵙⵡ ⵓⵏⵥⵉⵥ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵜⵍⵍⴰ ⵜⵄⵓⵔⵔⵎⴰ ⵜⴰⵎⵖⵔⴱⵉⵢⵜ ⴳ ⵉⵎⵣⵡⵓⵔⴰ ⵏ ⵓⵙⵖⵓⵢⵢ ⴰⵎⴰⴹⵍⴰⵏ ⵖⴼ ⵓⵙⴱⴷⴷⵉ ⵎⴳⴰⵍ ⴰⵙⵏⴼⵍ ⵏ ⵓⵏⵣⵡⵉ”, ⵉⵙⴱⵏⵏⴷ ⵉⵙ ⴷⴰ ” ⵜⵙⵙⴱⵖⴰⵙ ⵜⴳⵍⴷⵉⵜ ⴰⵙⵏⵓⵍⴼⵓ ⴷ ⵜⵙⵏⵜⴰⵢⵉⵏ ⵏ ⵜⵄⵓⵔⵔⵎⴰ ⴳ ⵜⵡⵓⵔⵉ ⵏ ⵓⵏⵣⵡⵉ.”

ⴰⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵙⴽⵏⵉⵡ ⴳⵔ ⴱⵓⵊⴷⵓⵕ ⴷ ⵜⵎⴷⵉⵏⵜ ⵜⴰⵟⴰⵍⵢⴰⵏⵉⵜ ⴱⴰⵜⵉⴱⴰⴳⵍⵢⴰ (ⴱⴰⵢⴰⵍ ⵍⵢⴰⵡⵎ)

ⵜⴻⵜⵜⵓⵙⴳⵎⴹ ⵜⵉⴳⵉⵔⴰ ⴰ ⵜⴰⵎⵢⴰⵇⵇⴰⵏⵜ ⵏ ⵓⵙⴽⵏⵉⵡ ⴳⵔ ⵏ ⴱⵓⵊⴷⵓⵕ ⴷ ⵜⵎⴷⵉⵏⵜ ⵜⴰⵟⴰⵍⵢⴰⵏⵉⵜ  ⴱⴰⵜⵉⴱⴰⴳⵍⵉⵢⴰ, ⵙ ⵓⵡⵜⵜⴰⵙ ⵏ ⵓⵙⴷⵓⵙ ⵏ ⵉⵎⵢⴰⵙⵙⴰⵜⵏ ⵏ ⵓⵎⵢⴰⵡⴰⵙ ⴰⵢⵓⴳⴰⵏ, ⵙ ⵍⴰⵡⴰⵏ ⴰⴽⴽⵯ ⴳ ⵢⵉⴳⵔⴰⵏ ⵉⴷⵎⵙⴰⵏⵏ, ⵉⴷⵍⵙⴰⵏⵏ ⴷ ⵉⵎⴰⵍⵍⴰⵢⵏ. ⵉⵙⴳⵎⴹ ⵏ ⵉⵙⴽⴽⵉⵍⵏ ⵉⵎⵣⵡⵓⵔⴰ ⵄⴱⴷⵍⵄⵣⵉⵣ ⴰⴱⴰ, ⴷ ⵓⵏⴱⴷⴰⴱ ⵏ ⴱⴰⵜⵉⴱⴰⴷⵍⵉⵢⴰ, ⵙⵉⵙⵉⵍⵢⴰ ⴼⵔⴰⵏⵛⵉⵣ ⵙ ⵜⵉⵀⴰⵡⵜ ⵏ ⵓⵎⴹⴰⵏ ⵏ ⵉⴳⵏⵙⴰⵙ ⵏ ⵜⵏⴱⴰⴹⵉⵏ ⵜⵉⴷⵖⵔⴰⵏⵉⵏ ⴷ ⵡⴰⵎⵓⵏ ⵓⵖⵔⵉⵎ. ⵜⵕⵣⵎ ⵜⵎⵢⴰⵇⵇⴰⵏⵜ ⴰ ⵉⴷⵉⵔⵏ ⵏ ⵓⵙⴷⵓⵙ ⵏ ⵉⵎⵢⴰⵙⵙⴰⵜⵏ ⵏ ⵜⵎⴷⵔⴰⵡⵜ ⴳⵔ ⵏ ⵙⵉⵏ ⴰ ⵡⴰⵏⵉⵜⵉⵏ ⴳ ⵢⵉⴳⵔⴰⵏ ⵉⴷⵎⵙⴰⵏⵏ ⵉⵎⴰⵍⵍⴰⵢⵏ ⴷ ⵉⵡⵏⵏⴰⴹⵏ ⵉⵎⵙⵎⵓⵏⵏ, ⵉⴷⵍⵙⴰⵏⵏ ⴷ ⵏ ⵜⵓⵏⵏⵓⵏⵜ, ⴳ ⵓⵙⴽⵙⵡ ⵙ ⵜⵏⴽⵔⴰ ⵜⴰⵏⴰⵡⴰⵏⵜ ⵍⵍⵉ ⵉⵍⵍⴰⵏ ⴳ ⵜⵎⵏⴰⴹⵜ ⵏ ⵍⵄⵢⵓⵏ ⵙⵙⴰⵇⵢⴰ ⵜⴰⵣⴳⴳⵯⴰⵖⵜ.

ⴰⵙⵙⵉⵜⵜⴳ ⴳ ⵓⴳⵔⴰⵡ ⴰⵙⴳⴰⵡⴰⵏ ⴳ ⵄⵓⵎⴰⵏ ⵏ ⵜⵉⵔⵎⵉⵜ ⵜⴰⵎⵖⵔⴱⵉⵢⵜ ⴳ ⵢⵉⴳⵔ ⵏ ⵓⵙⵖⵍⴼ ⵏ ⵜⵎⵖⴰⵔⵉⵏ ⵜⵓⵏⴳⵉⵙⵉⵏ ⵏ ⵜⴽⵕⵉⴹⵜ (ⵔⵉⵙⴰⵍⴰⵜ ⵍ ⵓⵎⵎⴰ)

ⴳ ⵓⴳⵔⴰⵡ ⴰⵙⴳⴰⵡⴰⵏ ⵉⵜⵜⵓⵙⵏⵎⴰⵍⴰⵏ ⵙⵉⵏ ⵡⵓⵙⵙⴰⵏ ⴰⵚⵉⴹⵢⴰⵙ ⴷ ⵓⵙⴰⵎⴰⵙ ⵉⵣⵔⵉⵏ ⴳ ⵄⵓⵎⴰⵏ ⵖⴼ ⵜⴽⵕⵉⴹⵜ ⵎⴳⴰⵍ ⵜⵉⵎⵖⴰⵔⵉ, ⵜⴻⵜⵜⵓⵙⵉⵜⵜⴳ  ⵜⵉⵔⵎⵉⵜ ⵜⴰⵎⵖⵔⴱⵉⵢⵜ ⴳ ⵢⵉⴳⵔ ⵏ ⵓⵙⵖⵍⴼ ⵙ ⵜⵎⵖⴰⵔⵉⵏ ⵜⵓⵏⴳⵉⵙⵉⵏ ⵏ ⵜⴽⵕⵉⴹⵜ. ⵙⵙⵓⵜⴳⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰ ⵍⵍⵉ ⵜⵙⵏⵎⴰⵍⴰ ⵜⵙⵏⵜⴰⵢⵜ ⵏ ⵜⵎⵖⴰⵔⵉⵏ ⵓⵕⵓ- ⵜⴰⴳⵔⴰⴽⴰⵍⵜ ⵙ ⵜⴷⵔⴰⵡⵜ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵏ ⵓⵕⴹⵓⵏ ⵉ ⵓⵙⴷⵓⵙ ⵏ ⵜⵎⵖⴰⵔⵜ, ⴰⵡⴷ, ⵙ ⵓⵙⵖⵣⵏ ⵏ ⵍⵎⵖⵔⵉⴱ ⵜⵉⴳⵉⵔⴰ ⴰ ⴰⴱⵔⵓⵜⵓⴽⵓⵍⵏ ⵉⵏⴼⵔⴰⵏⵏ ⵉⵥⵍⵉⵏ ⵙ ⴰⵇⴰⵡⵍ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵉⵏⴰⵎⵎⵓⵏⵏ ⴷ ⵉⵙⵔⵜⴰⵏⵏ. ⵙⵙⵓⵜⵔⵏ ⴳ ⵓⵎⵙⴰⴳⴰⵔ ⴰ ⵍⵍⵉ ⴳ ⵢⴰⵎⵓ ⵓⴽⴰⴱⴰⵕ ⴰⵎⵖⵔⴱⵉ ⵢⵓⵎⴰⵏ ⵜⴰⴳⵏⵙⴰⵙⵜ ⵏ ⵜⵎⴰⵡⴰⵙⵜ ⵏ ⵓⵎⵢⴰⵡⴰⵣ ⴷ ⵓⵙⵓⴷⴼ ⴰⵏⴰⵎⵓⵏ ⴷ ⵜⵡⵊⴰ, ⴷ ⵉⴳⵏⵙⴰⵙ ⵏ ⴽⵉⴳⴰⵏ ⵏ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴱⴰⴹⵜ ⵜⴰⵣⵔⴼⴰⵏⵜ, ⴰⵙⵏⵖⵍ ⵏ ⵜⵉⵔⵎⵉⵜ ⵜⴰⵎⵖⵔⴱⵉⵢⵜ ⵜⵎⴰⴷⵢⴰⵜ ⴳ ⵢⵉⴳⵔ ⵏ ⵓⵙⴱⴷⴷⵉ ⵎⴳⴰⵍ ⵜⴰⴽⵕⵉⴹⵜ ⵏ ⵓⵙⵖⵍⴼ ⵏ ⵜⵎⵖⴰⵔⵉⵏ ⵜⵓⵏⴳⵉⵙⵉⵏ ⵏ ⵜⴽⵕⵉⴹⵜ.

ⵍⵎⵖⵔⵉⴱ ⴷ ⵚⴱⵍⵢⵓⵏ ⵥⵕⵕⴹⵏ ⵙ ⵜⵏⵎⵎⵣⵔⴰⵢⵉⵏ ⵙ ⵜⵙⴳⴰ ⴷ ⵢⵉⴷⵉⵔⵏ ⵉⴷⵎⵙⴰⵏⵏ ⵉⵏⴳⵔⴰⵙⵏ ⴷ ⵉⵎⴰⴼⴰⵢⵏ

ⴳ ⵡⴰⴽⵓⴷ ⵉⴷⵔⵓⵙ ⵉⵣⵎⵔ ⵍⵎⵖⵔⵉⴱ ⴷ ⵚⴱⵍⵢⵓⵏ ⴰⴷ ⵙⵔⵙ ⵜⵉⵏⵎⵎⵣⵔⴰⵢ ⴷ ⴳⴰⵔ ⴰⵔⵎⴰⵙⵏ ⵍⵍⵉ ⵉⵙⵙⵅⵛⵏⵏ ⵉⵎⵢⴰⵙⵙⴰⵜⵏ ⴳⵔ ⵜⴳⵍⴷⵉⵜⵉⵏ ⴳ ⵓⵣⵎⵣ ⵉⵣⵔⵉⵏ, ⵓⴼⴰⵏ ⴰⴷ ⵔⵏⵓⵔ ⵜⵉⵏⵎⵎⴰⵔ ⵜⵉⵙⵔⵜⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵏ, ⵎⵓⵔⵙⵏ ⴳ ⵓⵙⵏⴽⵔ ⵏ ⵢⵉⵎⴰⵏ ⴷⵉⵖ ⴷ ⵉⵙⵏⴼⵍⵏ ⵉⵢⵓⴳⴰⵏⵏ ⵏ ⵜⵙⴱⴱⴰⴱⵜ, ⵙ ⵍⴰⵡⴰⵏ ⴰⴽⴽⵯ ⵉⵙ ⵓⵔⴰⵔⵏ ⵉⵔⴳⴰⵣⵏ ⵏ ⵜⵡⵓⵔⵉⵡⵉⵏ ⵉⵎⵖⵔⵉⴱⵉⵢⵏ ⴷ ⵉⵚⴱⵍⵢⵓⵏⵉⵢⵏ ⵜⵉⵎⵍⴰⵍⵉⵏ ⵜⵉⴷⵙⵍⴰⵏⵉⵏ ⴷ ⵓⵙⵏⴼⵍ ⵏ ⵉⵎⵢⴰⵙⵙⴰⵜⵏ ⵉⵢⵓⴳⴰⵏⵏ ⴳⵔ ⵜⵎⵉⵣⴰⵔ ⵙ ⵡⵓⵎⵏⵉⴳ. ⴳ ⵓⵢⵏⵏⴰ ⵉⵇⵇⵏ ⵙ ⵜⵓⵛⵛⵔⴽⴰ ⵜⴰⴷⵎⵙⴰⵏⵜ ⵜⴰⵢⵓⴳⴰⵏⵜ ⵜⴰⵎⴰⵢⵏⵓⵜ; ⵉⵜⵜⵓⵏⴰⵍⵏ ⵙ ⵉⵎⵢⴰⵙⵙⴰⵜⵏ ⵉⵙⵔⵜⴰⵏⵏ ⴷ ⵉⴷⵉⴱⵍⵓⵎⴰⵙⵏ ⵏ ⵜⴳⵍⴷⵉⵜⵉⵏ ⵜⵙⴽⵡⵉⵙ ⴷⵖⵉ ⵙ ⵉⵎⴰⵍ, ⵜⴰⵖⴰⵡⵙⴰ ⵍⵍⵉ ⵢⵓⵊⵊⴰⵏ ⵜⵉⵎⵉⵣⴰⵔ ⴰ ⴰⴷ ⴼⵔⴳⵏⵜ ⵉ ⵜⴷⵉⵏⴰⵎⵉⴽⵜ ⵏ ⵜⵙⴱⴱⴰⴱⵜ ⵜⴰⵙⵓⵍⴰⵏⵜ ⴰⴽⴷ ⵡⴰⴽⵓⴷ ⴷ ⵓⵣⵣⴳⵉⵔ ⵏ ⵉⵙⵖⵏⵓⵜⵏ ⵏ ⵜⴳⵎⵉ ⵉⵛⵛⴰⵔⵏ ⵉⵍⴰⵏ ⴰⵜⵉⴳ ⴰⵎⵇⵔⴰⵏ.

ⴰⴼⴷⵓⴷⴷⵔ ⵏ ⵜⴰⵙⴰ : ⵉⵎⵖⵔⴱⵉⵢⵏ ⴷⴰ ⵜⵜⴽⴽⵏ ⵟⵟⵕⴼ ⵉ ⵓⵣⵣⵔⵓⵢ (ⵓⵊⵓⵔⴷⵡⵉ ⵍⵓⵎⴰⵔⵓⴽ)

ⵜⵥⵕⴳ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⵜⵉⵏⵓⵟⵟⴰⴼ ⵏ ⵓⵙⵇⵙⴰⵢ ⴰⵏⴰⵎⵓⵔ ⴰⵎⴰⵣⵡⴰⵔⵓ ⵖⴼ  ⵓⵏⵢⵓⴷⴷⵓ ⵏ ⵓⴼⵉⵔⵓⵙ ⵏ ⴰⴼⴷⵓⴷⴷⵔ ⵏ ⵜⴰⵙⴰ. ⴷⴰ ⵢⴰⴽⴽⴰ ⵓⵙⵇⵙⴰⵢ ⴰ, ⵍⵍⵉ ⵉⵜⵜⵓⴳⴰⵏ ⴳ ⵓⵙⴳⴳⵯⴰⵙ ⵏ 2019 ⵏ ⵡⴰⵏⵏⴰⵍ ⵏ ⵜⵎⴰⴷⴷⴰⵙⵜ ⵜⴰⵎⴰⴹⵍⴰⵏⵜ ⴷ ⵍⵢⵓⵏⵉⵙⵉⴼ, ⵜⵉⵎⵓⵛⴰ ⵜⵓⵏⵜⵉⵎⵉⵏ ⵖⴼ ⵓⴼⴷⵓⴷⴷⵔ ⵏ ⵜⴰⵙⴰ, ⴰⵢⴰ ⵙ ⵓⵡⵜⵜⴰⵙ ⵏ ⵓⵙⵡⴰⵍⴰ ⵏ ⵜⴽⵛⵛⵓⵎⵉⵏ ⵏ ⵓⴱⴰⵡⴰⵙ ⴰⵙⵜⵕⴰⵜⵉⵊⵉ ⴰⵏⴰⵎⵓⵔ. ⴳ ⵓⵙⴰⵜⵉ ⵏ ⵓⵙⴰⵙⴰⵢ ⴰ, ⵉⵜⵜⵓⵙⵇⵙⴰ ⵎⴰ ⵉⵜⵜⴳⴳⴰⵏ 12.676 ⵏ ⵢⴰⵏ, ; ⵜⵜⵓⵙⴰⵜⵜⵉⵏⵜ ⵜⵓⵙⵙⵉⴼⵉⵏ ⵙⴳ 12.147 ⵏ ⵢⴰⵏ ⴷⴷⴰⵏ ⴷ ⵙⴳ 4.575 ⵏ ⵜⴰⵡⵊⴰ ⵉⵔⵣⴼ ⵜⵏⵜ 17 ⵏ ⵜⵔⴰⴱⴱⵓⵜ. ⴳ ⵓⵙⴰⵜⴰⵍ ⴰ, ⵉⵜⵜⵢⴰⴼⴰ 62 ⵏ ⴷ 57 ⵏ ⵢⴰⵏ ⴳ ⵓⵢⵏⵏⴰ ⵉⵥⵍⵉⵏ ⵙ ⴰⴼⴷⵓⴷⴷⵔ ⵏ ⵜⴰⵙⴰ (ⴱ) (12.9%); ⴷⵉⴳⵙⵏ 5 ⵜⵜⵓⵙⵎⴽⵍ, 3 ⴷ 3 ⵏ (ⵙ) (6%) ⴷⵉⴳⵙⵏ ⵙⵉⵏ ⵜⵜⵓⵙⵎⴽⵍⵏ

ⵍⴱⴰⵏⴽ ⴰⴼⵔⵉⵇⵉ ⵏ ⵜⴳⵎⵉ ⵉⵔⴰ ⵢⴰⵍⵙ ⵉ ⵜⵉⴳⴳⵉ ⵍⵍⵉ ⵉⴳⴰ ⵡⵓⴷⴷⵉⵙ “ⵏⵓⵔ” ⵏ ⵡⴰⵔⵣⴰⵣⴰⵜ ⴳ ⵉⴼⵔⵉⴰⵢⴰ

ⵉⵙⵙⵓⵜⴳ ⵓⵏⵙⵙⵉⵅⴼ ⵏ ⵍⴱⴰⵏⴽ ⴰⴼⵔⵉⵡⵉ ⵉ ⵜⴳⵎⵉ, ⴰⴽⵉⵏⵓⵡⵎⵉ ⴰⴷⵉⵙⵉⵏⴰ, ⵉⴹⵍⵍⵉ ⵏ ⵓⵢⵏⴰⵙ ⵣⵉⴽ, ⵙ ⵜⵎⵔⵉⵙⵜ ⵏ ⵍⵎⵖⵔⵉⴱ “ⵉⵍⵉⵏ” ⵉ ⵜⵏⴰⴼⵓⵜ ⵏ ⵜⵥⴹⴰⵕⵉⵏ ⵜⵉⵙⵎⴰⵢⵏⵓⵜⵉ,. ⵉⵙⴼⴰⵡ ⴰⴷⵉⵙⵉⵏⴰ, ⴳ ⵜⵉⵏⴰⵡⵜ ⵜⴰⵏⵖⵎⴰⵙⵜ ⵜⴰⵎⴰ ⵏ ⵓⴳⵔⴰⵡ ⴰⵙⴳⵯⵙⴰⵏ ⵏ ⵍⴱⴰⵏⴽ ⴰⴼⵔⵉⵇⵉ ⵉ ⵜⴳⵎⵉ; ⵉⵜⵜⵓⴳⴰⵏ ⵙ ⵜⵎⴰⵜⴰⵔⵜ “ⴰⵏⵏⴰⵍ ⵏ ⵉⴱⴷⴷⵉ ⵏ ⵓⵏⵣⵡⴰⵢ ⴷ ⵓⵎⵎⴰⵜⵜⵉ ⴰⵥⴹⴰⵕⴰⵏ ⵓⵖⴷⵉⵎ ⴳ ⵉⴼⵔⵉⵇⵢⴰ”, ⵉⵙ “ⵢⵓⵔⵣ ⵍⵎⵖⵔⵉⴱ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ; ⴰⵍⴰⵢ ⵉⵜⵜⵓⵙⵏⴰⵖⵙⵏ ⴳ ⵢⵉⴳⵔ ⵏ ⵜⵥⴹⴰⵕⵜ ⵜⴰⵙⵎⴰⵢⵏⵓⵜ”; ⵉⵣⵔⵉⵔⵉⴳ ⴰⴷⵉⵙⵉⵏⴰ ⴳ ⵓⵙⵓⵍⴼ ⴰ ⵖⴼ ⵡⵓⴷⴷⵉⵙ “ⵏⵓⵔ” ⴳ ⵡⴰⵔⵣⴰⵣⴰⵜ; ⵢⴰⵏ ⵙⴳ ⵉⵙⵔⴰⵙ ⵉⵅⴰⵜⴰⵔⵏ ⵏ ⵓⵣⵎⴰⵔ ⵏ ⵜⴰⴼⵓⴽⵜ ⴳ ⵓⵎⴰⴹⴰⵍ ⵉⵎⵡⵡⵍ ⵍⴱⴰⵏⴽ ⴰⴼⵔⵉⵇⵉ ⵉ ⵜⴳⵎⵉ, ⵜⵙⵙⵍⴽⵏ ⵉⵙ ⵉⵔⴰ ⵍⴱⴰⵏⴽ ⴰⴷ ⵢⴰⵍⵙ ⵉ ⵜⵉⴳⴳⵉ ⴰ ⵍⵍⵉ ⵉⵜⵜⴳⵏⵙⴰⵙ ⵡⵓⴷⴷⵉⵙ ⴰ ⵙ ⵓⵙⵖⵏⵓ  “Desert to Power” ⵉⵡⴰⵜⵙⵏ ⴰⵙⵃⴷⵓⴷⵉ ⵏ ⵓⵣⵎⴰⵔ ⵉ 250 ⵎⵍⵢⵓⵏ ⵏ ⵢⴰⵏ ⴳ ⵜⵎⵉⵣⴰⵔ ⵍⵍⵉ ⵉⴳⴰⵏ ⵉⵣⵔⵉⵔⵉⴳ ⴰⵙⴰⵃⵉⵍⵉ, ⵙ ⵓⵙⵎⵔⵙ ⵏ ⵉⵙⵓⴳⴰⵎ ⵏ ⵜⵥⴹⴰⵕⵜ ⵍⵍⵉ ⵉⵍⵍⴰⵏ ⴳ ⵜⵙⴳⴰ ⴰ.

ⴰⵙⴱⴷⴷⵉ ⵏ ⵜⴰⵔⴷⴰ ⵏ ⵓⴷⵔⵉⵎ ⴷ ⵓⵙⵉⵥⵕⴼ ⵏ ⵓⴱⵔⵙⵉⵡⴷ : ⵜⵉⵎⵙⴽⵉⵔⵉⵏ ⵜⵉⵎⴰⵢⵏⵓⵜⵉⵏ ⵏ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ (ⵍⵉⴽⵓⵏⵓⵎⵉⵙⵜ)

ⵙⴳ ⵢⵓⵏⵢⵓ ⵉⵣⵔⵉⵏ, ⵜⴻⵜⵜⵓⵙⵎⴰⴳⵍ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⵙ ⵜⵙⵎⵉⴳⵍⵜ ⵜⴰⵎⴰⵢⵏⵓⵜ ⵉⵥⵍⵉⵏ ⵙ ⵓⵙⴱⴷⴷⵉ ⵎⴳⴰⵍ ⵜⴰⵔⴷⴰ ⵏ ⵓⴷⵔⵉⵎ ⴷ ⵓⵙⵉⵥⵕⴼ ⵏ ⵓⴱⵔⵙⵉⵡⴷ. ⴳ ⵓⵣⵣⴳⵉⵔ ⵏ ⵓⵙⵍⴳⵏ, ⵜⴰⵖⵓⵍ ⵜⵖⵉⵢ ⴰⴷ ⵜⵉⵍⵉ ⵜⴰⵡⵓⵔⵉ ⴰⵎⵎ ⵜⵏⴱⴰⴹⵜ ⵏ ⵓⵙⵍⴳⴰⵎⵓ ⵖⴼ ⵜⵙⴱⴱⴰⴱⵜ ⵏ ⵉⵥⵕⴰⵏ ⵉⵖⵍⴰⵏ ⴷ ⵜⵡⵓⵔⵉⵡⵉⵏ ⵜⵉⵥⵓⵕⴰⵏⵉⵏ. ⵙ ⵎⴰⵏ ⴰⵢⴰ, ⵜⴳⴰ ⵜⴰⵎⴰⵙⴰⵢⵜ ⵖⴳ ⵓⵙⵍⵍⵡⵓ ⵏ ⵓⵣⵣⴳⵉⵔ ⵏ ⵉⵎⴳⴳⴰⵢⵏ ⵏ ⵢⵉⴳⵔ  ⵜⵓⵎⴰⵢⵉⵏ ⵏ ⵓⵙⵍⴳⵏ ⴰ, ⴷ ⵓⵡⵇⵇⵔ ⵏⵏⵙⵏ ⵉ ⵜⵎⵔⵉⵙⵉⵏ ⵉⵜⵜⵓⵚⴹⵕⵚⵏ. ⵃⵎⴰ ⴰⴷ ⵉⵜⵜⵓⵣⴳⵔ ⵓⵙⵍⴳⵏ ⵙ ⵜⴰⵍⵎⴰ ⵢⵓⴼⵏ, ⵜⵙⵏⵎⴰⵍⴰ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⴰⵙⴷⴷⵉ ⵏ ⵉⵎⵙⴰⴳⴰⵔⵏ ⵉ ⵉⵙⴱⴱⴰⴱⵏ ⵏ ⵉⵣⵓⵖⴰⵣ ⴷ ⵉⵥⵕⴰⵏ ⵉⵖⵍⴰⵏ ⴷ ⵜⵡⵓⵔⵉⵡⵉⵏ ⵜⵉⵥⵓⵕⴰⵏⵉⵏ. ⴰⵡⵜⵜⴰⵙ ⵏ ⵓⵢⴰ ⴰⵙⴼⵔⴽ ⵏⵏⵙⵏ ⵙ ⵉⵎⵉⵣⵉ ⵏ ⵜⴰⵔⴷⴰ ⵏ ⵓⴷⵔⵉⵎ.

ⵜⵉⴽⴽⵉ ⵏ ⵓⵙⵏⵜⵉ ⵏ ⵜⵙⵓⵜⵍⵜ ⵜⴰⵙⴳⵯⵙⴰⵏⵜ ⵏ ⵜⵎⵔⵙⵍⵜ “ⵜⴰⵎⵡⵉⵍⵉⴽⵓⵎ” ⴳ ⵓⵙⵡⵉⵔ ⴰⵏⴰⵎⵓⵔ (ⵍⵄⴰⵍⴰⵎ)

ⵜⴼⴽⴰ ⵜⵎⵔⵙⵍⵜ “ⵜⴰⵎⵡⵉⵍⵓⴽⵓⵎ” ⴰⵙⵏⵜⵉ ⵉ ⵜⵙⵓⵜⵍⵜ ⵏⵏⵙ ⵜⴰⵙⴳⵯⵙⴰⵏⵜ ⵉ ⵉⵎⴳⴳⴰⵢⵏ ⵉⵥⵕⴼⴰⵏⵏ ⴷ ⵉⴷⵎⵙⴰⵏⵏ, ⵉⵜⵜⵓⵙⵏⵎⴰⵍⴰⵏ ⵙ ⵜⵎⴰⵜⴰⵔⵜ “ⴰⵎⵡⵡⵍ ⵏ ⵜⵎⵙⵙⵏⵜⵉⵜ ⵜⴰⵎⵖⵔⴱⵉⵢⵜ : ⵉⴷⵉⵔⵏ ⵉⵎⴰⵢⵏⵓⵜⵏ ⵉ ⵓⵙⵍⵍⵡⵓ ⵏ ⵜⵏⴽⵔⴰ ⵜⴰⴷⵎⵙⴰⵏⵜ”. ⵔⴰⴷ ⵜⵙⵜⴰⵔⴰ ⵜⵙⵓⵜⵍⵜ ⴰ ⵜⵉⵎⵏⴰⴹⵉⵏ ⵎⵣⴰⵔⴰⵢⵏⵉⵏ ⵏ ⵍⵎⵖⵔⵉⴱ; ⵉⵎⵉⵍ ⵔⴰⴷ ⵜⴷⴷⵓ ⴰⴷ ⵜⵎⵙⴰⴳⴰⵔ ⴰⴽⴷ ⵉⵎⴷⵔⴰⵡⵏ ⴳ 8 ⵏ ⵜⵎⴷⵉⵏⵉⵏ ⵏ ⵜⴳⵍⴷⵉⵜ ⴳ ⵜⵍⵍⴰ ⵜⴰⴷⴷⴰⵔⵜ ⵜⵓⵎⵍⵉⵍⵜ ⴷ ⵓⴳⴰⴷⵉⵔ ⴷ ⵎⵍⵔⵔⴰⴽⵛ ⴷ ⵍⵄⵢⵓⵏ ⴷ ⵟⴰⵏⵊⴰ ⴷ ⴼⴰⵙ ⴷ ⵡⵊⴷⴰ ⴷ ⵕⵕⴱⴰⵟ. ⵡⴰⵜⵙⵏ ⵉⵏⵎⵓⵣⵣⴰⵔⵏ ⴰ ⵍⵍⵉ ⵔⴰⴷ ⵢⵉⵍⵉⵏ ⴰⵔ 7 ⵢⵓⵍⵢⵓⵣ ⴷ ⵉⴷⴷⴰⵏ, ⵜⵉⴽⴽⵉ ⵉ ⵉⵎⴳⴳⴰⵢⵏ ⴷ ⵉⵎⵙⴽⴰⵔⵏ ⵏ ⵎⴰⵕⵕⴰ ⵉⵏⵖⵎⵉⵙⵏ ⵉⵍⴰⵇⵏ ⵖⴼ ⵉⵙⴽⴰⵏⵏ “ⵜⴰⵎⵡⵉⵍⵓⴽⵓⵎ”, ⵉⵎⴽⵉⵏⵏⴰ ⵜⴳⴰ ⵜ=ⴰⵙⵓⵍⴼ ⵉ ⵉⵎⵙⴳⴷⴰⵍ ⵏ ⵉⵥⵍⴰⵢⵏ ⵏ ⴽⵓ ⵜⴰⵎⵏⴰⴹⵜ; ⵓⵍⴰ ⴰⵙⵙⴰⵔⵏ ⵏ ⵉⵎⵙⵙⵏⵜⴰⵢ.

ⵍⵎⵖⵔⵉⴱ ⵢⴰⵎⵓ ⴳ ⵓⴳⵔⴰⵡ ⴰⴳⵔⴰⵖⵍⴰⵏ ⴳ ⵍⵇⴰⵀⵉⵔⴰ ⵖⴼ ⵓⵙⴱⴷⴷⵉ ⵎⴳⴰⵍ ⵜⵙⴱⴱⴰⴱⵜ ⴷ ⵓⵣⵓⵣⵣⵔ ⴰⵔⵓⵙⵍⵉⴳ ⵏ ⵉⵍⴰⴼⵏ (ⴱⴰⵢⴰⵏ ⵍⵢⴰⵡⵎ)

ⵏⵜⴰⵏⵜ ⵉⴹⵍⵍⵉ ⴰⵢⵏⴰⵙ ⴳ ⵓⵙⵖⵉⵎ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵉⵡⵓⵏⴰⴽ ⵉⵄⵔⴰⴱⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵏ ⴰⴳⵔⴰⵖⵍⴰⵏ ⵖⴼ ⵓⵙⴱⴷⴷⵉ ⵎⴳⴰⵍ ⵜⵙⴱⴱⴰⴱⵜ ⴷ ⵓⵏⵢⵓⴷⴷⵓ ⴰⵔⵓⵣⵔⵉⴼⵏ ⵏ ⵉⵍⴰⴼⵏ ⵉⵍⵥⵥⵢⴰⵏⵏ ⴷ ⵉⴼⵙⵙⴰⵏ, ⵙ ⵓⴷⵔⴰⵡ ⵏ ⵍⵎⵖⵔⵉⴱ. ⵉⴷⴷⴰ ⴷ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰ ⴳ ⵓⵙⴰⵜⵉ ⵏ ⵜⴼⵔⴽⵜ ⵜⵉⵙⵙ ⵙⵏⴰⵜ ⵏ ⵓⵙⵖⵏⵓ ⵏ ⵓⵎⵢⴰⵡⴰⵙ ⴳⵔ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵉⵄⵔⴰⴱⵏ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵓⵙⴰⵜⵉ ⵏ ⵓⵎⵙⴰⵡⴰⵍ ⴰⵙⵜⵔⴰⵜⵉⵊⵉ ⴳⵔ ⵜⵎⴰⴷⴷⴰⵙⵉⵏ. ⵉⵡⴰⵜⵙ ⴰⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⵉⵔⵉⵏ ⵜⵉⵎⵓⴼⴰⵢ ⵉ ⵓⵙⴷⵓⵙ ⵏ ⵜⵣⵎⵔⵜ ⵏ ⵉⵡⴰⵏⴽⵎ ⵉⴳⵎⴰⵎⵏ ⴼ ⵜⵙⴷⴰⵡⵉⵜ ⵏ ⵉⵎⴰⵏⴽⵏ ⵉⵄⵔⴰⴱⵏ ⴰⴷ ⵏⵏⴰⵖⵏ ⵎⴳⴰⵍ ⵉⵍⴰⴼⵏ ⵉⵎⵥⵥⵢⴰⵏⵏ ⴷ ⵉⴼⵙⵙⴰⵙⵏ ⴰⵔⵓⵣⵔⵉⴼⵏ, ⴳ ⵉⵍⵍⴰ ⵢⵉⵍⵉ ⵏⵏⵙⵏ ⵖⵓⵔ ⵉⴱⵔⵙⴳⴳⵯⴰⴷⵏ.

ⵎⴱⴰⵔⴽⴰ ⴱⵓⵄⵉⴷⴰ : ⵍⵎⵖⵔⵉⴱ ⵉⴳⴰ ⴱⴷⴷⴰ ⴰⵎⵣⵡⴰⵔ ⴳ ⵓⵙⵡⵉⵔ ⵏ ⵜⵡⵓⵔⵉ ⵜⴰⴼⵔⵉⵇⵉⵜ ⴳ ⵡⴰⵀⵍⵉ ⵏ ⵉⵙⵡⵉⵔⵏ (ⴱⴰⵢⴰⵏ ⵍⵢⴰⵡⵎ)

ⵥⵍⵉⵏⵜ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵜⵥⴰⵜ ⵏ ⵓⴳⵔⴰⵡ “ⴰⴼⵔⵉⵉⵙⵜⵉ” ⵉⵜⵜⵓⴳⴰⵏ ⵙⴳ 17 ⴰⵔ 21 ⵎⵢⵢⵓ ⴷⴷⵖ ⴳ ⴽⵉⵙⵓⵎⵓ ⴽⵉⵏⵢⴰ; ⵙ ⵜⵉⵀⴰⵡⵜ ⵏ ⵓⴽⴰⴱⴰⵔ ⴰⵎⵖⵔⴱⵉ ⴰⵅⴰⵜⴰⵔ, ⵉⵡⴳⴳⴹⵏ ⵙ ⵓⴷⵔⴰⵡ ⴰⵏⵙⴱⴰⵖⵓⵔ ⵙ ⵓⵙⵎⴰⵙⵙ ⵏ ⵜⵖⵉⵎⴰ ⴷ ⵜⵙⴰⵡⴰⵔⵉⵏ ⴷ ⵉⵎⵊⵕⵉⵜⵏ ⵉⵎⵓⵏⵏ ⵍⵍⵉ ⵢⵉⵡⵉⵏ ⵜⴰⵖⴹⴼⵜ ⵏ ⵎⴰⵕⵕⴰ ⵉⴽⴰⴱⴰⵔⵏ ⵉⵍⵍⴰⵏ ⴳ ⵜⵎⵙⴰⵔⵜ ⴰ ⵜⴰⵎⵏⵥⴰⵡⵜ. ⴳ ⵜⴰⵎⴰ ⵏ ⵓⴷⵔⴰⵡ ⵏⵏ ⴳ ⵓⴳⵔⴰⵡ ⴰ, ⵜⵥⵍⵉ ⵜⵏⵙⵙⵉⵅⴼⵜ ⵏ ⵜⵎⵏⴰⴹⵜ ⵏ ⴳⵯⵍⵎⵉⵎ ⵡⴰⴷ ⵏⵓⵏ ⴷ ⵜⵎⵙⵎⵓⵏⵜ ⵏ ⵜⵎⵏⴰⴹⵉⵏ ⵏ ⵍⵎⵖⵔⵉⴱ, ⵎⴱⴰⵔⴽⴰ ⴱⵓⵄⵉⴷⴰ, ⵜⴰⵙⵏⵓⵔⴰⵢⵜ ⵏ ⵍⵎⵖⵔⵉⴱ ⴰⵅⴰⵜⴰⵔ ⵉ ⵉⵏⵖⵎⵉⵙⵏ ⵙ ⵓⵎⵙⴰⵡⴰⵍ, ⵜⴱⵏⵏⴷ ⴷⵉⴳⵙ ⵜⵉⵀⴰⵡⵜ ⵉⴷⵓⵙⵏ ⵏ ⵓⴽⴰⴱⴰⵔ ⴰⵎⵖⵔⴱⵉ ⴷ ⵢⵉⴷⵉⵔⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵓⵔ ⵉⵜⵜⵓⵙⵏⴰⵎⵎⵙⵏ ⴰⴽⴷ ⵜⵎⵉⵣⴰⵔ ⵜⵉⴼⵔⵉⵇⵉⵢⵉⵏ ⴷ ⵉⵎⴰⵙⵙⵏ ⵏ ⵓⵙⵢⴰⴼⵓ ⵏⵏⵙⵏ ⴳ ⵜⵔⵎⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵜⴰⵔⵏⴰⵎⵎⴰⵙⵜ, ⴷ ⵓⵙⴷⵓⵖ ⵖ ⵜⵙⵔⵜⵉⵜ ⵏ ⵜⵎⴷⵉⵏⵜ.

ⵓⵜⵓⵍ ⵏ ⵜⵡⵔⵉⵇⵉⵏ : ⵜⴰⵎⵙⵙⵓⵔⵜ “Smurfit Kappa” ⵜⴱⵔⵔⵃ ⵙ  ⵓⵙⴰⴽⵯⵏ ⵏⵏⵙ ⴰⵎⵣⵡⴰⵔⵓ ⵏ ⵍⵎⵖⵔⵉⴱ (ⵍⵉⴽⵓⵏⵓⵎⵉⵙⵜ)

ⵜⴱⵔⵔⵃ “Smurfit Kappa  ⵢⴰⵜ ⴳ ⵜⵎⵙⵙⵓⵔⵉⵏ ⵜⵉⵎⴰⴹⵍⴰⵏⵉⵏ ⵜⴰⵎⵣⵡⴰⵔⵜ ⵏ ⵢⵉⴳⵔ ⵏ ⵡⵓⵜⵓⵍ ⵏ ⵜⵡⵔⵉⵇⵜ; ⵙ ⵓⵙⴽⵓ ⵏ ⴰⵙⴰⴽⵯⵏ ⴳ ⵜⵎⵏⴰⴹⵜ ⵏ ⵕⵕⴱⴰⵟ. ⵉⴳⴰ ⵜⴰⴼⵔⴷⵉⵙⵜ ⵜⴰⵎⵣⵡⴰⵔⵓⵜ ⵏ ⵜⵔⴰⴱⴱⵓⵜ ⴳ ⵉⴼⵔⵉⵇⵢⴰ. ⵔⴰⴷ ⵢⵉⵍⵉ ⴰⵙⴽⵯⴰⵏ ⵏ ⵓⴽⴰⵕⵟⵓⵏ  ⵖⴼ ⵜⴰⵍⵍⵓⵏⵜ ⵉⵍⴰⵏ ⵓⴳⴳⴰⵔ ⵏ 25000 ⵎⵉⵜⵔ ⴰⵎⴽⴽⵓⵥ, ⴷ ⵔⴰⴷ ⵉⵙⵖⵏⵓ 300 ⵏ ⵓⴷⵖⴰⵔ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵜⴰⵔⵓⵙⵔⵉⴷⵜ ⴳ ⵜⵎⵏⴰⴹⵜ. ⴰⴼⴰⵔⵙ ⵏ ⵜⴼⵔⴷⵉⵙⵜ ⴰ ⵔⴰⴷ ⵉⵜⵜⵓⵥⵍⵉ ⵎⴰⵕⵕⴰ ⵉ ⵓⵙⵎⵓⵔ ⴰⴳⴰⴷⵣⴰⵏ ⴰⵎⵖⵔⴱⵉ.

ⵉⴳⴰⵔⴰⵡⵏ ; ⵜⵉⵎⵔⵙⵍⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⴼⵔⴰⴳ ⵏ ⵜⵡⵏⵏⴰⴹⵜ ⵜⴻⵜⵜⴰⴽⵎ ⵜⴰⵡⵓⵔⵉ ⵏ ⵉⴼⵔⵉⵇⵉⵢⴰ ⴳ ⵉⵄⵔⵔⵉⵎⵏ ⵏⵏⵙ (ⵍⵓⵎⴰⵜⵜⴰⴱ)

ⵜⵙⵙⵍⴽⵏ ⵜⵎⴰⵔⴰⵜ ⵜⴰⵎⴰⵜⴰⵢⵜ ⵏ ⵜⵎⵔⵙⵍⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⴼⵔⴰⴳ ⵏ ⵜⵡⴰⵏⵏⴰⴹⵜ, ⵏⵣⵀⴰ ⵄⴰⵍⴰⵡⵉ, ⴰⵙⵙⵏⴰⴹ ⵏ ⵓⵙⵉⵏⴰⵙ, ⴳ ⵙⵉⴷⵉ ⴱⵓⵇⵏⴰⴷⵍ ⴳ ⵙⵍⴰ, ⵉⵙ ⴷⴰ ⵜⴻⵜⵜⴰⵔⵎ ⵜⵎⵔⵙⵍⵜ ” ⴰⴽⴰⵎ ⵏ ⵜⵓⵔⵉ ⵜⴰⴼⵔⵉⵡⵉⵜ ⵉ ⵉⴳⴰⵔⴰⵎⵏ” ⴳ ⵉⵄⵔⵔⵉⵎⵏ ⵏⵏⵙ. ⵜⵏⵏⴰ ⵍⵄⴰⵍⴰⵡⵉⵏ ⵍⵍⵉ ⵉⴽⴽⴰⵏ ⴷⴰ ⵜⵙⴰⵡⴰⵍ ⴳ ⵓⵕⵥⵥⵓⵎ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ “Blue Talk” ⵍⵍⵉ ⵜⵙⵏⵎⴰⵍⴰ ⵜⵎⵔⵙⵍⵜ ⵙ ⵓⵎⵢⴰⵡⴰⵙ ⴰⴽⴷ ⵜⵎⵙⵇⴰⴷⵜ ⵏ ⴱⵔⵟⵇⵇⵉⵣ ⴳ ⵍⵎⵖⵔⵉⴱ ” ⴷⴰ ⵏⵜⵜⴰⵔⵎ ⴰⵙⵙ ⴰ ⴰⴷ ⵏⴰⴽⵎ ⵜⴰⵡⵓⵔⵉ ⵜⴰⴼⵔⵉⵡⵉⵜ ⵉ ⵉⴳⴰⵔⴰⵡⵏ ⵙ ⵓⵙⵡⵓⵔⵉ ⵏ ⵢⴰⵜ ⵙⴳ ⵜⵣⵎⵎⴰⵔ ⵏⵏⵙ ⵍⵍⵉ ⵉⴳⴰⵏ ⵉⵄⵔⵔⵉⵎⵏ ⵏⵏⵙ .

ⴰⵙⴽⵏⵉⵡ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵖⴼ ⵡⴰⵏⵏⴰⵍ ⵏ ⵓⵙⴱⴰⵢⵏⵓ ⴰⵎⴰⵜⴰⵢ.. ⵜⴰⵎⵔⵉⵙⵜ ⵉⴳⵣⵉⵏ ⵉ ⵓⴹⴼⴰⵕ ⵏ ⵉⵙⴳⴳⴷⵏ ⵍⵍⵉ ⴳ ⵜⵍⵜⵖ ⵜⴳⵍⴷⵉⵜ (ⵍⵓⵎⴰⵜⵜⴰⵏ)

ⵜⵙⵙⵍⴽⵏ ⵓⵏⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ, ⵏⵓⵔⴷⴷⵉⵏ ⴱⵏⵙⵓⴷⴰⵏ ⵉⴹⵍⵍⵉ ⴰⵢⵏⴰⵙ ⴳ ⵕⵕⴱⴰⵟ, ⵉⴰ ⴷⴰ ⵉⵙⴱⵏⵏⴰⴷ ⵡⴰⵏⵏⴰⵍ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵓⵙⴰⵜⵉ ⵏ ⵓⵙⴽⵏⵉⵡ ⴳⵔ ⵍⵎⵖⵔⵉⴱ ⴱ ⵜⴰⵎⵓⵏⵜ ⵉ ⵡⴰⵏⵏⴰⵍ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜⵏ ⵜⴰⵎⵔⵉⵙⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉ ⵓⴹⴼⴰⵕ ⵏ ⵜⴷⵉⵏⴰⵎⵉⵜ ⵉ ⵙⴳⴳⴷⵏ ⵍⵍⵉ ⴳ ⵜⵍⵜⵖ ⵜⴳⵍⴷⵉⵜ. ⵜⵙⵙⵍⴽⵏ ⴱⵏⵙⵓⴷⴰ ⴳ ⵜⴽⵛⵛⵓⵎⵜ ⵏⵏⵙ ⵙ ⵓⵙⵓⵍⴼ ⵏ ⵓⵕⵥⵥⵓⵎ ⵏ ⵜⵉⵏⴰⵡⵜ ⵜⴰ ⵎⴳⴳⴰⵔⵓⵜ ⵏ ⵓⵙⵖⵏⵓ ⵏ ⵓⵙⴽⵏⵉⵡ ⴰⵎⵔⵙⴰⵍ  ⵍⵎⵖⵔⵉⴱ-ⵜⴰⵎⵓⵏⵜ ⵏ ⵓⵕⵓⴱⴱⴰ ⵍⵍⵉ ⵉⵣⴷⵉⵏ ⴰⵏⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴰⴽⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵥⵕⴼ ⴳ ⴼⵔⴰⵏⵙⴰ, , ⵉⵙ ‘ ⴷⴰ ⵉⵙⴱⴰⵢⴰⵏ ⵡⴰⵏⵏⴰⵍ ⴰ ⵜⵉⴽⴽⵍⵜ ⵢⴰⴹⵏ ⵜⴰⵎⵔⵉⵙⵜ ⵉⵣⴷⵉⵏ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉ ⵓⴹⴼⴰⵕ ⵏ ⵉⵙⴳⴳⴷⵏ ⵍⵍⵉ ⴳ ⵜⵍⵜⵖ ⵜⵎⴰⵣⵉⵔⵜ ⵏⵏⵖ ⴳ ⵎⵏⵏⴰⵡ ⵏ ⵢⵉⴳⵔⴰⵏ, ⴳ ⵢⴰⵎⵓ ⵜⵉⴳⵔ ⵏ ⵜⵓⵏⵏⵓⴱⴹⴰ ⵜⴰⵎⴰⵜⴰⵢⵜ .

ⵉⵙ ⵔⴰⴷ ⵉⵜⵜⵓⴼⴰⵔⵙ ⵡⴰⵜⴰⵢ ⵉⵊⵊ ⵏ ⵡⴰⵙⵙ ⴳ ⵍⵎⵖⵔⵉⴱ? (ⵍⵓⴱⵉⵏⵢⵓⵏ)

ⵎⴽ ⵉⴳⴰ ⵓⵏⵄⵏⴰⵄ ⵍⵍⵉ ⵉⵜⵜⵎⵓⵏ ⴷ ⵓⵎⵙⵡⵉ ⵏⵏⵖ ⴰⵏⴰⵎⵓⵔ ⴷⴰ ⵉⵜⵜⵓⴼⴰⵔⵙ ⵖⵓⵔⵏⵖ, ⵉⵙⵓⵍ ⵉⵇⵇⵏ ⴷ ⴰⵜⴰⵢ ⴰⵣⴳⵣⴰⵡ, ⴰⵔ ⴰⵙⵙ ⴰ, ⴰⴷ ⵉⵣⴳⴳⵔ ⵉⵍⴰⵍⵏ ⴷ ⵉⴳⴰⵔⴰⵡⵏ ⵃⵎⴰ ⴰⴷ ⴰⵏⵖ ⴷ ⵉⵍⴽⵎ. ⵙ ⵜⵎⵏⵜⵉⵍⵜ ⴰ, ⵖⵔⴰⵎ ⵉⵎⵥⵍⴰⵢⵏ ⴳ ⵢⵉⴳⵔ ⵉⵎⵙⴽⴰⵔⵏ ⵏ ⵜⵖⵜⴰⵙ ⴽⵉⴳⴰⵏ ⵏ ⵜⵉⴽⴽⴰⵍ ⴰⴷ ⵙⵙⵓⴷⵓⵏ ⴳ ⵜⵉⵔⵎⵉⵜⵉⵏ ⵍⵍⵉ ⵉⵏⵜⴰⵏ ⵙⴳ ⵙⴰⵎⵔⴰⵡⵉⵏ (ⴳ ⵜⵎⵏⴰⴹⵜ ⵏ ⵍⵄⵔⴰⵢⵛ ⵙ ⵓⵥⵍⴰⵢ) ⵉ ⵖⴼ ⵉⵙⴱⵓⵖⵍⵓ ⵏ ⵓⴼⴰⵔⵙ ⴰⴷⵖⵔⴰⵏ ⵏ ⵙⵍⵉⵄⵜ ⴰ ⵜⴰⵙⵜⵕⴰⵜⵉⵊⵉⵜ. ⵎⴽ ⴽⴽⴰⵏⵜ ⵜⵉⵔⵎⵉⵜⵉⵏ ⴰ ⴼⴼⵖⵏⵔ ⵏⵡⵉⵙ ⵉⵔⵅⵙ ⴰⴷ ⵜ ⵉⴷ ⵏⵙⴽⵛⴰⵏ ⵙⴳ ⴱⵕⵕⴰ, ⴷⵖⵉ ⵉⵖⵉⵢ ⵓⵙⴱⵓⵖⵍⵓ ⵏ ⵜⵉⵇⵏⵉⵢⵉⵏ ⵏ ⵜⴼⵍⵍⴰⵃⵜ ⴰⴷ ⵙⵏⴼⵍⵏⵜ ⴰⴷⴷⴰⴷ.

ⴰⵏⵎⵓⵇⵇⴰⵔ ⵏ ⵜⵉⵟⵡⴰⵏ ⵉ ⵙⵙⵉⵏⵉⵎⴰ ⵏ ⵢⵉⵍⴻⵍ ⴰⴳⵔⴰⴽⴰⵍ ⵢⴰⵖⵓⵍ ⴷ ⵙ ⵜⵓⴷⵔⵜ (ⵍⵓⴱⵉⵏⵢⵓⵏ)

ⵜⵙⴷⵍ ⵜⵎⴷⵉⵏⵜ ⵏ ⵜⵉⵟⵡⴰⵏ ⵜⵉⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵙⵉⵎⵔⴰⵡ ⴷ ⵙⴰⵜ ⵏ ⵓⵏⵎⵓⴰⴰⵇⵔ ⵏ ⵜⵉⵟⵡⴰⵏ ⵉ ⵙⵙⵉⵏⵉⵎⴰ ⵏ ⵢⵉⵍⴻⵍ ⴰⴳⵔⴰⴽⴰⵍ; ⵜⵙⵏⵎⴰⵍⴰ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ; ⴳ ⵓⵣⵎⵣ ⵙⴳ 10 ⴰⵔ 17 ⵢⵓⵏⵢⵓ ⴷ ⵉⴷⴷⴰⵏ, ⵢⵓⵙⵉ ⵓⵏⵎⵓⵇⵇⴰⵔ ⵏ ⵜⵉⵟⵡⴰⵏ ⴰⵏⴰⵥⴰⵕ ⴰⵅⴰⵜⴰⵔ, ⴳ ⵡⴰⴷⴷⴰ ⴰ, ⵍⵍⵉⴳ ⴳ ⵉⵙⵏⵢⴰⴷⴷⴰ ⴰⵙⵏⴼⴰⵔ ⵏⵏⵙ ⵏ ⵙⵙⵉⵏⵉⵎⴰ ⵏ ⵓⴳⵔⴰⴽⴰⵍ, ⵉⵎⴽⵉⵏⵏⴰ ⵉⵏⵜⴰ ⴳ ⵜⴼⵙⵓⵜ ⵏ 1985, ⵙ ⵜⵉⵀⴰⵡⵜ ⵏ ⵉⵏⵎⵖⵓⵔⵏ ⵏ ⵙⵙⵉⵏⵉⵎⴰ ⵜⴰⵎⴰⴹⵍⴰⵏⵜ ⴷ ⵜⵄⵔⴰⴱⵜ ⴷ ⵜⵎⵖⵔⵉⴱⵉⵜ. ⵢⴰⵖⵓⵍ ⴷ ⵓⵏⵎⵓⵇⵇⴰⵔ ⵙ ⵜⵓⴷⵔⵜ ⴷⴼⴼⵉⵙ ⵏ ⵜⵙⵓⵜⵍⵜ ⵜⵓⵔⴷⵉⵜⵏ ⵜⴻⵜⵜⵓⴳⴰ ⵙⴳ ⵜⵓⴳⴳⵓⴳⵜ, ⴽⵓⴷⵏⵏⴰ ⵇⵇⵏⴻⵏⵜ ⵉⴷ ⵙⵙⵉⵏⵉⵎⴰ ⵜⵉⴳⴳⵓⵔⴰ ⵏⵏⵙⵏⵜ ⵎⵎⴰⵜⵜⵉ ⴽⵉⴳⴰⵏ ⵏ ⵉⵏⵎⵓⵣⵣⴰⵔⵏ ⵏ ⵙⵙⵉⵏⵉⵎⴰ ⴳ ⵓⵎⴰⴹⴰⵍ ⵙ ⵜⵎⵏⵜⵉⵍⵜ ⵏ ⵓⴱⴰⵢⵢⵓⵕ. ⵜⵄⵡⵡⵍ ⵜⵉⵟⵡⴰⵏ ⵖⴼ ⴰⴷ ⴷ ⵜⵔⴰⵔ ⵓⴷⴷⵓⵔ ⵏⵏⵙ ⵏ ⵙⵙⵉⵏⵉⵎⴰ; ⵃⵎⴰ ⴰⴷ ⵜⴷⵡⵎ ⴰⵎⵏ ⵜⵓⵖⴰ ⵜⵜ, ⴰⵙⵢⵔⴰⵔ ⵏ ⵓⵎⵙⴰⴳⴰⵔ ⴳⵔ ⵉⵎⵙⴽⴰⵔⵏ ⴷ ⵉⵎⵓⵔⴰⵏ ⵏ ⵙⵙⵉⵏⵉⵎⴰ ⵖⴳ ⵉⴳⵯⵎⵎⴰⴹⵏ ⵏ ⵢⵉⵍⴻⵍ ⴰⴳⵔⴰⴽⴰⵍ.

ⴰⵏⵙⵙⵉⵅⴼ ⵏ ⵍⴱⴰⵏⴽ ⵏ ⵉⴼⵔⵉⵇⵢⴰ ⵉ ⵜⴳⵎⵉ ⵉⵙⵙⵉⵜⵉⴳ ⵙ ⵜⵎⵣⵡⴰⵔⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵜⵥⴹⴰⵕⵉⵏ  ⵉⵜⵜⵓⵙⵎⴰⵢⵏⵓⵏⵏ ⵎⴰⵕⵓⴽ ⵍⵓⵊⵓⵔ)

ⵉⵙⵙⵓⵜⴳ ⵓⵏⵙⵙⵉⵅⴼ ⵏ ⵍⴱⴰⵏⴽ  ⴰⴼⵔⵉⵡⵉ ⵉ ⵜⴳⵎⵉ, ⴰⴽⵉⵏⵓⵡⵎⵉ ⴰⴷⵉⵙⵉⵏⴰ, ⴰⵙⵍⵉⴷ ⵏ ⵓⵢⵏⴰⵙ ⵣⵉⴽ, ⵙ ⵜⵎⵔⵉⵙⵜ ⵏ ⵍⵎⵖⵔⵉⴱ “ⵉⵥⵍⵉⵏ” ⵉ ⵜⵏⴰⴼⵓⵜ ⵏ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏⵏ. ⵉⵙⴼⴰⵡ ⴰⴷⵉⵙⵉⵏⴰ, ⴳ ⵜⵉⵏⴰⵡⵜ ⵜⴰⵏⵖⵎⴰⵙ ⵜⴰⵎⴰ ⵏ ⵓⴳⵔⴰⵡ ⴰⵙⴳⵯⵙⴰⵏ ⵏ ⵍⴱⴰⵏⴽ ⵏ ⵉⴼⵔⵉⵇⵢⴰ ⵉ ⵜⴳⵎⵉ, ⵉⵍⵍⴰⵏ ⵙ ⵜⵎⴰⵜⴰⵔⵜ ⴰⵏⴰⵍ ⵏ ⵜⴱⴷⴷⵉ ⵏ ⵓⵏⵣⵡⴰⵢ ⴷ ⵓⵎⵎⴰⵜⵜⵉ ⴰⵏⵥⴹⴰⵕ ⵓⵖⴷⵉⵏ ⵉ ⵉⴼⵔⵉⵇⵢⴰ, ⵉⵙ ⵢⵓⵔⵙ ⵍⵎⵖⵔⵉⴱ ⴷⴷⴰⵡ ⵜⵏⴰⵔⴰ ⵜⵓⵏⵥⵉⵣⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵃⴰⴷ ⵡⵉⵙⵙ ⵚⴹⵉⵚ, ⴰⵍⴰⵢ ⴰⵎⵣⵔⴰⵏ ⴳ ⵢⵉⴳⵔ ⵏ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏⵏ. ⵙ ⵓⵙⵍⴼ ⴰ, ⵉⵣⵔⵉⵔⵉⴳ ⵖⴼ ⵡⵓⴷⴷⵉⵙ “ⵏⵓⵔ” ⵢⴰⵏ ⵙⴳ ⵉⵙⵔⴰⵙ ⵏ ⵓⵣⵎⴰⵔ ⵏ ⵜⴰⴼⵓⴽⵜ ⴳ ⵓⵎⴰⴹⴰⵍ ⵍⵍⵉ ⵉⵎⵡⵡⵍ ⵍⴱⴰⵏⴽ ⵏ ⵉⴼⵔⵉⵇⵢⴰ ⵉ ⵜⴳⵎⵉ, ⵜⵙⵙⵍⴽⵏ ⵉⵙ ⵉⵔⴰ ⴰⴷ ⵢⴰⵍⵙ ⵉ ⵜⵉⴳⴳⵉ ⴰ ⵉⵜⵜⴳⵏⵙⴰⵙ ⵡⵓⴷⴷⵉⵙ  ⵙ ⵓⵙⵖⵏⵓ “Desert to Power” ⵉⵡⴰⵜⵙⵏ ⴰⵙⵃⴷⵓⴷⵉ ⵏ ⵜⵥⴹⴰⵕⵜ ⵉ 250 ⵎⵍⵢⵓⵏ ⵏ ⵢⴰⵏ ⴳ ⵜⵎⵉⵣⴰⵔ ⵍⵍⵉ ⵉⵍⵍⴰⵏ ⴳ ⵓⴼⵜⴰⵙ, ⵙ ⵓⵙⵎⵔⵙ ⵏ ⵉⵙⵓⴳⴰⵎ ⵏ ⵓⵣⵎⴰⵔ ⵍⵍⵉ ⴳⵉⵙⵏ ⵉⴳⴳⵓⴷⵉⵏ .

ⴰⵙⴳⵎⴹ ⵏ ⵓⵎⵣⴷⴰⵢ ⴰⵎⵙⵙⵓⴳⵓⵔ ⵉⵥⵍⵉⵏ ⵙ ⵜⵙⵏⵙⵉ ⵏ ⵜⵎⵢⴰⵇⵇⴰⵏⵜ ⵏ ⵓⴹⴰⴽⴰⵍ ⴰⵏⴰⵎⵓⵏ ⴳⵔ ⵍⵎⵖⵔⵉⴱ ⴷ ⴱⵍⵊⵉⴽⴰ (ⵙⵙⵃⵔⴰ ⵜⴰⵎⵖⵔⴱⵉⵢⵜ)

ⵉⵙⴳⵎⴹ ⵍⵎⵖⵔⵉⴱ ⴷ ⴱⵍⵊⵉⴽⴰ ⵉⴹⴳⴰⵎ ⴳ ⵔⵔⴰⴱⵟ, ⴰⵎⵣⴷⴰⵢ ⴰⵎⵙⵙⵓⴳⵓⵔ ⵉⵥⵍⵉⵏ ⵙ ⵜⵙⵏⵙⵉ ⵏ ⵓⴹⴰⴽⴰⵍ ⴰⵏⴰⵎⵓⵏ ⵉⵜⵜⵓⵙⴳⵍ!ⴷⵏ ⴳⵔ ⵜⵎⵉⵣⴰⵔ ⴳ ⵓⵙⴰⴽⵓⴷ 18 ⴱⵕⴰⵢⵕ 2014. ⵉⵙⴳⵍⴹ ⴰⵎⵣⴷⴰⵢ ⴰ ⵍⵍⵉ ⵉⴽⵛⵎⵏ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵉⵎⵢⴰⵙⵙⴰⵜⵏ ⵏ ⵓⵎⵢⴰⵡⴰⵙ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵏ ⴱⵍⵊⵉⴽⴰ ⴳ ⵢⵉⴳⵔ ⵏ ⵓⴹⴰⴽⴰⵍ ⴰⵏⴰⵎⵓⵏ; ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴳ ⵜⵙⴳⴰ ⵜⴰⵎⵖⵔⴱⵉⵢⵜ, ⴷ ⵜⵎⵙⵇⴰⴷⵜ ⵏ ⴱⵍⵊⵉⴽⴰ ⴳ ⵕⵕⴱⴰⵟ ⴱⵉⵔⵓⵏⵉⴽ ⴱⵓⵜⵉ, ⴳ ⵜⵙⴳⴰ ⵏ ⴱⵍⵊⵉⴽⴰ. ⵉⴱⴷⵔ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵉⵙ ⵢⵓⵎⴰ ⵓⵎⵣⴷⴰⵢ ⴰ ⴰⵎⵙⵙⵓⴳⵓⵔ ⵎⴰⵕⵕⴰ ⵜⵓⵎⴰⵢⵉⵏ ⵜⵓⵙⵏⵉⵙⵉⵏ ⵏ ⵜⵎⵢⴰⵇⵇⴰⵏⵜ ⵏ ⵓⴹⴰⴽⴰⵍ ⴰⵏⴰⵎⵓⵍ ⵍⵍⵉ ⵔⴰⴷ ⵉⴽⵛⵎⵏ ⵉⴳⵔ ⵏ ⵜⵙⵏⵙⵉ ⴳ ⵓⵎⵏⵇⵓ ⵏ ⵢⵓⵏⵢⵓ 2022 ⵃⵎⴰ ⴰⴷ ⵟⴹⵕ ⴰⴷⵖⴰⵔ ⵏ ⵜⴰⵍⵍⵉ ⵉⵜⵜⵓⵙⴳⵎⴹⵏ ⴳ ⵓⵙⴳⴳⵯⴰⵙ ⵏ 1968.

ⴷⵔⵉⵙ ⵍⵛⴳⵕ : ⵜⵓⵣⵍⵜ ⵜⴰⵎⴰⵙⴰⵢⵜ ⴷ ⵜⵎⵙⴽⴰⵡⵜ ⴳ ⵓⵙⵡⵓⵔⵉ ⵏ ⵓⵙⵉⵣⵡⵔ ⴰⵏⴰⵎⵓⵔ (ⵍⵉⵜⵜⵉⵃⵯⴰⴷ ⵍⵉⵛⵜⵉⵔⴰⴽⵉ)  .

ⵜⵙⵙⵍⴽⵏ ⵉⵎⴰⵔⴰ ⵎⴰⵣⵡⴰⵔⵓ ⵏ ⵓⵎⵓⵍⵍⵉ ⴷⵔⵉⵙ ⵍⵛⴳⵔ, ⴳ ⵜⵏⵙⵙⵉⵅⴼⵜ ⵏⵏⵙ ⵉ ⵓⴽⴰⴱⴰⵕ ⴰⵛⵜⵉⵔⴰⴽⵉ ⴳ ⵓⵙⵇⵇⵉⵎ ⵏ ⵉⵎⴰⵔⴰⵏ, ⵉⴹⴳⴰⵏ ⴳ ⵓⵙⵖⵉⵎ ⴰⵏⴰⵎⵎⴰⵙ ⵏ ⵓⵎⵓⵍⵍⵉ; ⵉⵙ ⵢⵉⵡⵏ ⵍⵉⵜⵜⵉⵃⴰⴷ ⵍⵉⵛⵜⵉⵔⴰⴽⵉ ⵏ ⵜⵉⵅⵅⵉⵜⵔⵜ ⵏ ⵜⵓⵢⵍ ⵜⴰⵏⵎⴰⵙⴰⵢⵜ  ⵜⴰⵎⵙⴽⴰⵡⵜ ⵍⵍⵉ ⵉⵔⵣⵣⵓⵏ ⴰⵙⵡⵓⵔⵉ ⵏ ⵓⵙⵉⵣⵡⵔ ⴰⵏⴰⵎⵓⵔ. ⵉⵙⴷⴷⵉⵙ ⵖⴼ ⵜⵎⵍⴰⵍⵉⵏ ⵉ ⵜⵜⴳⴳⵏ ⵉⴽⴰⴱⴰⵕⵏ ⵏ ⵍⵉⵛⵜⵉⵔⴰⴽⵉ ⴳ ⵜⵎⵔⵙⵍⵜ ⵜⴱⵕⵍⴰⵡⴰⵏⵉⵜⵏ ⵙⵡⴰ ⴳ ⵓⵙⵡⵉⵔ ⴰⵣⵣⵔⴰⴼ ⵓⵍⴰ ⴰⵏⵙⵍⴳⴰⵎⵓ; ⴳ ⵓⵎⵣⴰⵖ ⵖⴼ ⵡⴰⵎⵎⴰⵥⵏ ⵉⵏⴰⵎⵓⵏⵏ ⴷ ⵉⵙⵔⵜⴰⵏⵏ ⴷ ⵉⵣⵔⴼⴰⵏ, ⴰⵔ ⵉⵜⵜⵉⵏⵉ ⵉⵙ ⵜⵥⴹⴰⵕ ⵜⵓⵣⵍⵜ ⵜⴰⵜⵜⵉⵃⴰⴷⵉⵜ  ⴰⴷ ⵜⵎⵢⴰⵖ ⴰⴽⴷ ⵡⴰⴷⴷⴰⴷ ⴰⵙⵔⵜⴰⵏ ⴰⴷⵎⵙⴰⵏ ⴰⵏⴰⵎⵓⵏ ⵍⵍⵉ ⵜⴻⵜⵜⵉⴷⵉⵔ ⵜⵎⴰⵣⵉⵔⵜ ⵏⵏⵖ ⵎⵇⵇⴰⵔ ⴷ ⵜⵉⵎⵓⴽⵔⵉⵙⵉⵏ ⵍⵍⵉ ⵙⴳⵙ ⴷ ⵉⵜⵜⴼⴼⵖⵏ .

ⴰⵜⵉⴳ ⵏ ⵜⵎⵇⵕⴰⴹ ⵏ ⵍⵃⵉⴷⵊ ⵏ ⵢⵉⵎⵉⵔ ⴰ ⵉ ⵓⵙⵏⵎⴰⵍⴰ ⵏ ⵜⵎⴰⵡⴰⵙⵜ ⵏ ⵜⵙⴱⴷⴰⴷⵉⵏ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴳⴰⵏ 63 ⵏ ⵢⵉⴼⴹ ⴷ 800 ⴷⵔⵀⵎ (ⵍⵉⵜⵜⵉⵃⴰⴷ ⵍⵉⵛⵜⵉⵔⴰⴽⵉ)

ⵜⴱⵔⵔⵃ ⵜⵎⴰⵡⴰⵙⵜ ⵏ ⵜⵙⴱⴷⴰⴷⵉⵏ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰ ⵉⵙ ⵢⵉⵡⴹ ⵡⴰⵢⵉⵏ ⵏ ⵜⵎⵇⵕⴰⴹ ⵏ ⵍⵃⵉⴷⵊ (1443)  ⵉ ⵓⵙⵏⵎⴰⵍⴰ ⵏ ⵜⵎⴰⵡⴰⵙⵜ ⵚⴹⵉⵎⵔⴰⵡ ⴷ ⴽⵕⴰⴹ ⵢⵉⴼⴹⵏ ⴷ ⵜⴰⵎⵜ ⵜⵎⴰⴹ ⴷⵔⵀⵎ (63.800 ⴷⵔⵀⵎ), ⴷ ⵡⴰ ⵉⴳⴰ ⴰⵜⵉⴳ ⵓⵔ ⵢⵓⵎⵉⵥⵏ ⵎⴰⵕⵕⴰ ⵜⵉⵎⵇⵕⴰⴹ ⵏ ⵜⴽⵛⵛⵉⵜ. ⵜⵙⴼⴰⵡ ⵜⵎⴰⵡⴰⵙⵜ, ⴳ ⵓⵙⵉⵡⴹ ⵏ ⵡⴰⵙⵙⵏⴰⴹ ⴰⵢⵏⴰⵙ ⵖⴼ ⵜⵎⵇⵕⴰⴹ ⵏ ⵍⵃⵉⴷⵊ, ⵉⵙ ⴷ ⵉⵇⵇⴰⵏ ⵎⴰⵕⵕⴰ ⵡⵉⵍⵍⵉ ⴳ ⵍⵍⴰⵏⵜ ⵜⴼⴰⴷⵉⵡⵉⵏ (ⵉⵍⴰⵏ ⵏ 2019 ⴷ ⵜⴼⴰⴷⴰ ⵏ ⵓⵡⵜⴰⵢ ⴷ ⵓⴳⵣⵣⴰⵢ) ⴰⴷ ⵉⵙⵔⵙ ⴰⵔⵉⴳ ⵏ ⵜⵎⵇⵕⴰⴹ ⴳ ⵢⴰⵜ ⵜⵉⴽⴽⵍⵜ ⴳ ⵜⴰⵢ ⴳ ⵜⵙⵏⵓⵔⴰⵢⵉⵏ ⴱⴰⵔⵉⴷ ⴱⴰⵏⴽ ⴳ ⵓⵣⵎⵣ ⵉⵍⵍⴰⵏ ⴳⵔ ⵜⵉⴼⴰⵡⵜ ⵏ ⵓⵢⵏⴰⵙ 30 ⵎⴰⵢⵢⵓ ⴷ ⵜⵎⴷⴷⵉⵜ ⵏ ⵓⵙⵉⵎⵡⴰⵙ 3 ⵢⵓⵏⵢⵓ, ⵜⵔⵏⵓ ⵉⵙ ⵢⵓⵎⵥ ⵡⴰⴽⵓⴷ ⴷ ⴷⵖⴰⵔ ⵏ ⵓⵙⵔⵓⵙ ⵉⵙⵎⴰⵜⵜⴰⴳⵏ ⵏ ⵜⵎⴰⵡⴰⵙⵜ ⴷ ⵉⵙⵎⴰⵜⵜⴰⴳⵏ ⵏ ⵜⵙⵏⵓⵔⴰⵢⵉⵏ ⵏ ⵓⵎⵓⴷⴷⵓⵜⵏ.

ⵜⴰⴷⵉⵡⴰⵏⵜ ⵜⴱⵔⵔⵃ ⵙ ⵜⵉⴳⵉⵔⴰ ⵏ ⵓⵙⵔⵡⵍ ⴰⵙⴷⵓⵔⴰⵏ ⴳ ⵉⵥⵥⵍⵎⴹ (ⵍⵎⴰⵙⴰ)

ⵉⵎⵍ ⵉⵙ ⵉⵎⴷⴰ ⵓⵎⵣⵣ ⵏ ⵓⵙⵔⵡⵍ ⵏ ⵙⵍⵉⵄⵜ ⴷ ⵜⴼⴰⴷⵓⵡⵉⵏ ⵜⵓⵣⴷⵉⵔⵉⵏ ⵍⵍⵉ ⵉⵜⵜⵉⵍⵉⵏ ⴳ ⵓⵙⴰⴽⴰ ⵏ ⵙⴱⵜⴰ, ⵓⵔ ⵙⴰⵔ ⴷ ⵢⴰⵖⵓⵍ ⴰⵡⴰⵔⵏⵉ ⵜⴰⵙⴳⵓⵔⵉ ⵜⴰⵎⴰⴷⴷⵓⴷⵜ ⵏ ⵓⵏⵎⵀⴰⵍ ⴰⵏⵎⵏⴰⴹ ⵏ ⵜⴷⵉⵡⴰⵏⵜ ⴳ ⵟⴰⵏⵊⴰ ⵜⵉⵟⵡⴰⵏ ⵍⵄⵓⵙⵉⵎⴰ; ⵄⴱⴷⵍⵃⴽⵉⵎ ⵣⵃⴰⴼ ⵍⵍⵉ ⵜⵙⵙⵍⴽⵏⵏ ” ⵓⵔ ⵙⴰⵔ ⴷ ⵢⴰⵖⵓⵍ ⵓⵙⵔⵡⵍ ⴷ ⵓⵣⵔⵔⵓⵢ ⵏ ⵙⵍⵉⵄ ⴳ ⵓⵙⴰⴽⴰ ⵏ ⴱⴰⴱ ⵙⴱⵜⴰ”. ⵉⵙⴼⴰⵡ ⵣⵃⴰⴼ ⴳ ⵓⵎⵙⴰⴳⴰⵔ ⵍⵍⵉ ⵜ ⵉⵙⵎⴰⵏⵏ ⴰⴽⴷ ⵓⵔⴳⴰⵣ ⵏ ⵜⵡⵓⵔⵉⵡⵉⵏ ⵉⵎⵖⵔⵉⴱⵉⵢⵏ ⴳ ⵚⴱⵍⵢⵓⵏ, ⵉⵙ ⵜⵓⵙⵉ ‘ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⵜⴰⵎⵖⵔⴱⵉⵢⵜ ⵎⴰⵕⵕⴰ ⵜⵉⵎⵀⴰⵍ ⵏ ⵡⴰⵔⵓⵖⵓⵍ ⵙ ⵎⴰ ⵜⵜ ⵏⵏ ⵉⴽⴽⴰⵏ ⴷⴰⵜ”, ⵉⵙⵙⵎⵜⵔ ⵉⵙ ⵓⵔ ⵔⴰⴷ ⵢⵉⵍⵉ ⵓⵙⵡⵀⵏ ⴰⴽⴷ ⵓⵣⵔⵔⵓⵢ ⵏ ⵜⵍⵣⴰⵣⵜ ⵉⵍⴰⵏ ⵜⴰⴼⵔⵉⵙⵜ ⵏ ⵜⵙⴱⴱⴰⴱⵜ, ⴳ ⴽⵔⴰⵢⴳⴰⵜ ⴰⵙⵡⵉⵔ, ⵙⵎⵡⴰ ⴰⵙⵡⵉⵔ ⵓⴷⵎⴰⵡⴰⵏ ⵏⵖ ⴰⵏⵙⴱⴰⴱ.

ⵉⵊⴷⴰⵔⵏ ⵙⵙⴽⵎⴰⴹⵏ ⵓⴳⴳⴰⵔ ⵏ 60 ⵀⵉⴽⵟⴰⵕ ⵏ ⵡⴰⴷⴷⴰⴳⵏ ⴳ ⵍⵃⴰⵡⵣ (ⵍⵎⴰⵙⴰ)

ⵢⴰⵖ ⵡⴰⴼⴰ, ⴰⵙⵙ  ⵓⵙⵉⵎⵡⴰⵙ, ⴰⴼⴷⴰⴷⴷⴰⵔ ⴳ ⵜⴰⴳⴰⵏⵜ ⴳ ⵓⵎⵥⵎⵉⵥ ⴳ ⵜⴻⴳⴰ ⵏ ⵍⵃⴰⵡⵣ ⴰⵢⵍⵍⵉ ⵉⵙⵙⴽⵔⵏ ⴽⵉⴳⴰⵏ ⵜⵕⵓⵥⵉⵡⵉⵏ ⵏ ⵜⵎⵜⵜⴰ; ⵉⵎⵉⵍ ⵉⵛⵛⴰ ⵡⴰⴼⴰ ⴰⵜⵜⴰⵢⵏ ⵏ 60 ⵀⵉⴽⵟⴰⵕ ; ⵏ ⵉⵙⴽⵯⵍⴰ ⵏ  ⵜⵥⵓⴽⴰⵢⵜ ⴷ  ⵜⴰⵢⴷⴰ. ⵓⵔ ⵜⵜⵓⵎⵜⵜⴰⵏⵜ ⵜⵎⵏⵜⵉⵍⵉⵏ ⵏ ⵡⴰⴼⴰ ⴰ, ⵎⴰⵛⴰ ⵙⵓⵍⵏ ⵉⵔⵣⵣⵓⵜⵏ ⴷⴰ ⵜⵜⵓⴳⵓⵏ. ⵉⴱⴷⵔ ⵓⵙⴰⴳⵎ ⵙⴳ ⵜⵎⵀⵍⴰ ⵜⴰⵙⴼⴰⵡⴰⵏⵜ ⵏ ⵡⴰⵎⴰⵏ ⴷ ⵜⴰⴳⴰⵏⵉⵏ ⴷ ⵓⵙⴱⴷⴷⵉ ⵎⴳⴰⵍ  ⴰⵙⵏⵣⵔⵓⴼ, ⵉⵙ ⵉⵏⵜⴰ ⵓⴽⵎⵎⵓⴹ ⵙⴳ ⵜⵉⵙⵙ ⴽⴽⵓⵥ ⵏ ⵓⵣⴰⵍ ⵏ ⵡⴰⵙⵙ ⵏ ⵓⵙⵉⵎⵡⴰⵙ, ⴳ ⵓⵣⵎⵣ ⵏⵏⴰ ⴳ ⵜⵓⵍⵉ ⵜⵇⴽⵯⴼⵍⵜ ⵏ ⵜⵣⵖⵍⵜ ⴳ ⴽⵉⴳⴰⵏ ⵏ ⵉⴷⵖⴰⵔⵏ. ⵉⵙⴼⴰⵡ ⵓⵙⴰⴳⵎ ⴰ ⵏⵉⵜ ⵓⴼⴰⵏ ⵉⴼⵔⴷⵉⵙⵏ ⵏ ⵡⴰⵔⴰⵢ ⵓⵖⵔⵉⵎ ⴷ ⵜⵏⴱⴰⴹⵉⵏ ⵏ ⵡⴰⵎⴰⵏ ⴷ ⵜⴰⴳⴰⵏⵉⵏ ⴷ ⵜⴰⴳⴳⴰⵍⵉⵏ ⵏ ⵢⵉⵡⵙ ⴷ ⵜⵏⴱⴰⴹⵉⵏ ⵜⵉⴷⵖⵔⴰⵏⵉⵏ ⵙ ⵜⵡⵉⵣⵉ ⵏ ⵉⵎⵣⴷⴰⵖ ⴰⴷ ⵙⵅⵙⵉ ⴰⴼⴰ ⵉⵎⴷⴰ. ⵔⴰⴷ ⵜⵙⵙⴽⵔⵜ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵉⴹⴼⴰⵕⵏ ⵉ ⵢⵉⴳⵔ ⵏ ⵡⴰⵎⴰⵏ ⴷ ⵜⴰⴳⴰⵏⵉⵏ ⴰⵙⵙ ⵏ ⵓⵙⵉⵏⴰⵙ 24 ⵎⴰⵢⵢⵓ ⴷⴷⵖ ⴳ ⵕⵕⴱⴰⵟ, ⵜⴰⵙⵎⵓⵏⵉ ⵏ ⵓⵣⵔⴰⵡ ⵏ ⵉⴱⵔⴷⴰⵏ ⵏ ⵓⵙⵡⵜⵜⵓ ⵏ ⵉⵎⴽⵎⵎⵓⴹⵏ ⴷ ⵜⵎⵀⴰⵍ ⵍⵍⵉ ⴷ ⴰⵇⵇⵏⵏ ⴳ ⵓⵏⴱⴷⵓ ⴰ.

ⴰⵙⵏⵜⵉ ⵏ ⵓⵙⴷⴷⵉ ⵏ ⵜⵙⵓⵜⴰⵍ ⵏ ⵓⵙⵎⵓⵜⵜⴳ ⵉⵥⵍⵉⵏ ⴳ ⵓⵙⴱⴷⴷⵉ ⵏ ⵓⴱⵔⵙⵉⵡⴷ (ⵙⵙⵃⵕⴰ ⵜⴰⵎⵖⵉⴱⵉⵜ)

ⵉⵏⵜⴰ ⴰⵙⵙⴰⵏⴹ ⵏ ⵓⵢⵏⴰⵙ ⴳ ⵔⵔⴱⴰⵟ, ⵓⵙⴷⴷⵉ ⵏ ⵜⵙⵓⵜⴰⵍ ⵏ ⵓⵙⵎⵓⵜⵜⴳ ⵉⵥⵍⵉⵏ ⵙ ⵢⵉⴳⵔ ⵏ ⵓⵎⵏⵏⵏⵓⵖ ⵎⴳⴰⵍ ⴰⴱⵔⵙⵉⵡⴷ, ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵖⴰⵡⴰⵙ ⵏ ⵜⵎⵜⵜⵉⵏ ⵉⵎⵓⵏⵏ ⵏ ⵓⵙⴱⴷⴷⵉ ⵎⴳⴰⵍ ⴰⴱⵔⵙⵉⵡⴷ ⴷ ⵓⵙⵍⵖⵎⴰⵢ ⴳ ⵉⴼⵔⵉⵇⵢⴰ, ⵙ ⵓⵎⵢⴰⵡⴰⵙ ⴰⴽⴷ ⵜⵏⴱⴰⴹⵜ ⵏ ⵓⵙⵜⵔⴰⵍⵢⴰ. ⵡⴰⵜⵙⵏ ⵜⵙⵓⵜⴰⵍ ⴰ ⵏ ⵓⵙⵎⵓⵜⵜⴳ ⵍⵍⵉ ⵙⵎⵓⵜⵜⵓⴳⵏ ⵉⵎⵓⵣⴰⵢⵏ ⵉⴳⵔⴰⵖⵍⴰⵏⵏ, ⴳ 10 ⵏ ⵉⵎⴰⵍⴰⵙⵙⵏ, ⴰⵙⴱⵓⵖⵍⵓ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵜⵙⵓⴳⴰⵔ ⴳ ⵢⵉⴳⵔ ⵏ ⵓⵙⴱⴷⴷⵉ ⵎⴳⴰⵍ ⴰⴱⵔⵙⵉⵡⴷ. ⵢⴰⵍⵓ ⴳ ⵓⵙⴷⴷⵉ ⴰⵎⵣⵡⴰⵔⵓ ⵍⵍⵉ ⵔⴰⴷ ⵉⴽⴽⵏ 3 ⵉⵎⴰⵍⴰⵙⵙⵏ (23 ⵎⴰⵢⵢⵓ- 10 ⵢⵓⵏⵓⵉ) ⴳ ⵉⵙⵏⵜⵍ ⵏ ⵜⴰⵢⴰⵏⵉⵏ ⵜⵉⴷⵙⵍⴰⵏⵉⵏ, 2′ ⵏ ⵓⵎⴷⵔⴰⵡ ⵉⵜⵜⴳⵏⵙⴰⵙⵏ 6 ⵏ ⵉⵡⴰⵏⴽⵏ ⵉⴼⵔⵉⵡⵉⵢⵏ; ⵍⴱⵉⵏⵉⵏ; ⴱⵓⵔⴽⵉⵏⴰⴼⴰⵙⵙⵓ; ⵜⵛⴰⴷ; ⵎⴰⵍⵉ, ⵏⵉⵊⵉⵔⵢⴰ ⴷ ⵙⴰⵍⴰⴳⴰⵏ.

ⴰⵙⵇⵇⵉⵎ ⵏ ⵓⵎⵣⵉⵣⵡⵔ ⵉⵕⵥⵎ ⵉⵙⴷⴰⵡⵏ ⵏ ⵡⴰⵜⵉⴳⴳⵏ ⵏ ⵉⵙⴽⵎⵓⴹⵏ (ⵍⴰⵃⴷⴰⵜ ⵍⵎⵖⵔⵉⴱⵉⵢⴰ)

ⵜⵙⵙⵍⴽⵏ ⵃⵎⴰⴷ ⵔⵃⵃⵓ, ⴰⵏⵙⵙⵉⵅⴼ ⵏ ⵓⵙⵎⵎⵉⵎ ⵏ ⵓⵎⵣⵉⵣⵡⵔ, ⵉⵙ ⴷⴰ ⵉⵙⵡⵓⵔⵉ ⵓⵙⵇⵇⵉⵎ ⵖⴼ ⵜⵉⴽⴽⵉ ⵏ ⵓⵎⵏⴰⴷ ⴳ ⵓⵢⵏⵏⴰ ⵉⵥⵍⵉⵏ ⵙ ⵢⵉⵊⴳⵉⵍ ⵏ ⵡⴰⵜⵉⴳⴳⵏ. ⵉⵙⴼⴰⵡ ⵔⵃⵃⵓ ⴳ ⵓⵎⵙⴰⵡⴰⵍ ⵔⴰⴷ ⵜ ⵜⵙⵙⵓⴼⵖ “ⵍⴰⵃⴷⴰⵜ ⵍⵎⵖⵔⵉⴱⵉⵢⴰ” ⴼⴰⵔ ⵡⵉⵛⵛⴰ ⴰⴽⵡⴰⵙ, ⵉⵙ ⵔⴰⴷ ⵜⵉⵍⵉ ⵜⵡⵓⵔⵉ ⵖⴼ ⵓⵙⴼⵔⵓⵔⵉ ⵏ ⵉⵙ ⵎⴰⵏⵏ ⵢⵉⵊⴳⵉⵍⵏ ⵉⵍⵍⴰⵏ ⴳ ⵓⴳⴰⴷⴰⵣ ⴰⵏⴰⵎⵓⵔ ⴷ ⵓⵎⴰⴹⵍⴰⵏ ⵓⵔ ⴷⴰ ⵜⵜⵎⵓⵏⵏ ⴷ ⵢⵉⵊⴳⵉⵍⵏ ⵉⵍⵍⴰⵏ ⴳ ⵓⴳⴰⴷⴰⵣ. ⵜⵙⵙⵍⴽⵏ ⵉⵙ ⵔⴰⴷ ⵡⵣⴰⵔ ⵣⵣⵔⵉⵏ ⵖⴼ ⵜⴰⵎⵉⵡⵉⵏ ⵏ ⵡⴰⵔⵔⴰⵣ ⵏ ⵜⵎⵙⵙⵓⵔⵉⵏ ⵃⵎⴰ ⴰⴷ ⵉⵜⵜⵢⴰⵙⵙⵏ ⵉⵙ ⵍⵍⴰⵏ ⵢⵉⵊⴳⵉⵍⵏ ⴳ ⴳ ⵜⴰⵎⵉⵡⵉⵏ ⴰ ⵏⵖ ⵓⵀⵓ, ⵙ ⵜⴱⵔⵉⴷⵜ ⵜⴰⵏⵍⵍⵉⵜ ⴷ ⵜⵓⵣⵔⵉⴼⵜ, ⴷⴰⵜ ⴰⴷ ⵉⵜⵜⵓⵣⵎⵎⴻⵎ ⴽⵔⴰ ⵏ ⵓⵣⵖⴰⵏ. ⴰⵢⴰ ⵎⵉⵏⵣⵉ ⵜⵓⵏⴳⵉⵙⵉⵏ ⵏ ⵓⵙⵇⵇⵉⵎ ⵉⵖⵉⵢ ⴰⴷ ⴷⵉⴳⵙⵏⵜ ⵉⵡⵜ ⴷⴰⵜ ⵜⵙⵏⴱⴹⴰⵢⵉⵏ.

ⵀⵉⵍⴰⵍ : ⴰⵙⵡⵓⵔⵉ ⵏ ⵍⵎⵖⵔⵉⴱ ⴰⴽⴷ ⵜⵎⵣⵣⵉⵜ ⵓⵔ ⵉⴳⵉ ⴰⵏⵙⵓⵍⴼ

ⵜⵙⵙⵍⴽⵏ ⵓⵎⵙⵇⴰⴷ ⴰⴰⴳⵏⵙⴰⵏ ⴰⵎⵖⵍⴰⵍ ⵏ ⵍⵎⵖⵔⵉⴱ ⵖⵔ ⵜⵎⵜⵜⵉⵏ ⵉⵎⵓⵏⵏ ⵄⵓⵎⴰⵔ ⵀⵉⵍⴰⵍ, ⵉⵙ ⵜⵎⵙⴰⵙⴰ ⵜⵙⵜⵔⴰⵜⵉⵊⵉⵜ ⵍⵍⵉ ⵉⴹⴼⴰⵕ ⵍⵎⵖⵔⵉⴱ ⴳ ⵢⵉⴳⵔ ⵏ ⵜⵎⵣⵣⵉⵜ ⴰⴽⴷ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴷ ⵓⵖⴰⵡⴰⵙⵏ ⵉⴳⵔⴰⵖⵍⴰⵏⵏ ⵏ ⵜⵎⵣⵣⵉⵜ. ⵉⵙⴷⴷⵉⵙ ⵀⵉⵍⴰⵍ; ⴳ ⵜⴳⵓⵔⵉ ⵏⵏⵙ ⴳ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⴰⵎⵣⵡⴰⵔⵓ ⵏ ⵓⵣⵔⴰⵡ ⵏ ⵉⵣⵡⴰⴳⵏ ⵉⴳⵔⴰⵖⵍⴰⵏⵏ ⴳ ⵏⵢⵓⵢⵓⵔⴽ; ⵉⵔ ⵉⵔ ⵜⴳⵉ ⵜⵡⵓⵔⵉ ⵏ ⵍⵎⵖⵔⵉⴱ ⴰⵏⵙⵍⵓⴼ, ⵎⴰⵛⴰ ⴷⴰ ⵉⵜⵜⴽⵔⵔⴰⵙ ⴰⵎⵙⴰⵙⴰ ⴰⴳⴰⵎⴰⵏ ⴰⴽⴷ ⵉⵎⵏⵣⴰⵢⵏ ⴷ ⵉⵙⵏⵉⵎⴰⵍⵏ”. ⵉⵙⴼⴰⵡ ⵓⵎⵙⵇⴰⴷ ⴳ ⵓⴳⵔⴰⵡ ⴰ ⵍⵍⵉ ⵉⵥⵍⵉⵏ ⵙ ⵓⵣⵔⴰⵡ ⵏ ⵡⴰⵍⴰⵢ ⵉⵍⵍⴰⵏ ⴳ ⵓⵣⵣⴳⵉⵔ ⵏ ⵜⵏⵜⴰⵎⵜ ⵜⴰⵎⴰⴹⵍⴰⵏⵜ ⵉ ⵜⵎⵣⵣⵉⵜ ⴰⵏⴼⵔⵉⵙⵓⴷⵙⵏ. ⴰⵜⵜⴰⵢⵏ ⵏ ⴽⴽⵓⵥ ⵏ ⵉⵙⴳⴳⵯⴰⵙⵏ ⵖⴼ ⵓⴹⴼⴰⵕ ⵏⵏⵙ ⴳ ⵎⵔⵔⴰⴽⵛ ⴳ 2018; ⵉⴳⴰ ⵍⵃⴰⵍ ” ⴰⵎⵙⴰⵙⴰ ⴳⵔ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵍⵍⵉ ⵉⵙⵎⴰⵏⵏ ⵉⵎⴰⵙⴰⵢⵏ ⴷ ⵜⵉⴼⴼⵓⴳⵏⴰ ⴳ ⵜⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵜⵎⵣⵣⵉⵜ, ⴷ ⵡⴰⵀⵉⵍ ⴰⴳⵔⴰⵖⵍⴰⵏ ⵉⴱⴷⴷⴰⵏ ⵖⴼ ⵜⵉⵏⴷⵉⵜⵉⵏ ⴰ ⵏⵉⵜ.”

ⵍⵎⵖⵔⵉⴱ ⵉⵙⵎⴰⵢⵏⵓ ⵜⴰⵎⵔⵉⵙⵜ ⵏ ⵓⵙⴱⵓⵖⵍⵓ ⵏ ⵜⵡⵓⵔⵉ ⵜⴰⵄⵔⴰⴱⵜ ⵉⵛⵛⴰⵔⵏ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵜⴷⵍⵙⴰ ⴷ ⵜⵎⴰⵙⵙⴰⵏⵉⵏ (ⴱⴰⵢⴰⵏ ⵍⵢⴰⵡⵎ)

ⵉⵙⵎⴰⵢⵏⵓ ⵍⵎⵖⵔⵉⴱ ⵜⴰⵎⵔⵉⵙⵜ ⵏⵏⵙ ⵙ ⵓⵙⴱⵓⵖⵍⵓ ⵏ ⵜⵡⵓⵔⵉ ⵜⴰⵄⵔⴰⴱⵜ ⵉⵛⵛⴰⵔⵏ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵜⴷⵍⵙⴰ ⴷ ⵜⵎⴰⵙⵙⴰⵏⵉⵏ ⴳ ⵓⵢⵏⵏⴰ ⴳ ⵜⵍⵍⴰ ⵜⵓⵍⵍⵓⵖⵜ ⵉ ⵉⵖⵔⴼⴰⵏ. ⵉⵙⴼⴰⵡ ⵓⵎⴰⵔⴰ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵢⵓⵙⴼ ⴱⵍⵇⴰⵙⵎⵉ, ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵓⵏⵣⵉⵍⵜ ⵜⵉⵙⵙ 26 ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵜⴰⵄⵔⴰⴱⵜ ⵏ ⵓⵙⴳⵎⵉ ⴷ ⵜⴷⵍⵙⴰ ⴷ ⵜⵎⴰⵙⵙⴰⵏⵉⵏ (ⴰⵍⴽⵙⵓ); ⵉⵍⵍⴰⵏ ⴳ ⵜⵓⵏⵙ, ⵉⵙ ⵜⵃⵡⵡⵍ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙⴳ  ⵓⵀⵍⵍⴰ ⵉⵥⵍⵉⵏ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵜⵎⴰⴷⴷⴰⵙⵜ,  ⴼ ⵓⵙⴰⵍⵉ ⵏ ⵢⵉⴳⵔⴰⵏ ⵉⵏⵣⴳⵓⵎⵏ ⵏⵏⵙ. ⵉⵙⴱⵏⵏⴷ ⴱⵍⵇⴰⵙⵎⵉ, ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⴰⵎⵖⵔⴱⵉ ⵢⴰⵎⵓⵏ ⴳ ⵓⴳⵔⴰⵡ, ⵉⵙ ⴷⴰ ⵉⵜⵜⵃⴰⵙⴰⴱ ⵓⴳⵍⵍⵉⴷ ⵉⴳⵔⴰⵏ ⴷ ⴰⵙⵉⵣⵡⵔ ⵏ ⵜⴳⵍⴷⵉⵜ.