ⵄⴱⴷ ⵏⵏⴰⴱⴰⵡⵉ ⵉⵙⵙⴽⴰⵏ ⵉ ⵓⴽⴰⴱⴰⵕ ⵏ ⵉⵙⵏⵏⴰⵔⴰⵣⵏ ⵉⵎⴰⵜⴰⵢⵏ ⴳ ⵎⵉⵔⵉⴽⴰⵏ ⴰⵙⴷⴷⵉ ⵏ ⵓⵙⴳⴳⴷ ⵏ ⵓⵏⴰⴳⵔⴰⵡ ⵏ ⵜⵣⵔⴼⵜ ⴳ ⵜⴳⵍⴷⵉⵜ (ⵍⴱⴰⵢⴰⵏ)

ⵉⵙⵏⵓⴱⴳ ⵓⵏⵙⵙⵉⵅⴼ ⴰⵎⴰⵔⵉ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵏⴱⴰⴹt ⵜⴰⵣⵔⴼⴰⵏⵜ; ⵎⵓⵃⵎⵎⴰⴷ ⵄⴱⴷ ⵏⵏⴰⴱⴰⵡⵉ ⴰⵙⵙⵍⵉⴷ, ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⵉⵙⵏⵏⴰⵔⴰⵣⵏ ⵉⵎⴰⵜⴰⵢⵏ ⵙⴳ ⵎⴰⵔⵉⴽⴰⵏ. ⵉⴱⴷⵔ ⵓⵙⵉⵡⴹ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ, ⵉⵙ ⴷ ⴷⴼⴼⵉⵔ ⵓⵙⵏⴽⴷ ⵏ ⵜⵓⵙⵙⵉⴼⵜ ⵜⴰⵎⵣⵔⴰⵢⵜ ⵏ ⵜⵏⴱⴹⴰⵢⵜ ⴳ ⵜⴳⵍⵉⴷⵉⵜ, ⵉⵜⵜⵓⵙⴽⵏ ⵉ ⵓⴽⴰⴱⴰⵕ ⴰⵎⴰⵔⵉⴽⴰⵏⵉ ⵓⵙⴷⴷⵉ ⵏ ⵓⵙⴳⴳⴷ ⵏ ⵏ ⵓⵏⴰⴳⵔⴰⵡ ⵏ ⵜⵣⵔⴼⵜ, ⴷ ⵉⵎⴰⵙⵙⵏ ⵏ ⵓⵙⴷⵓⵙ ⵏ ⵜⵙⵉⵎⴰⵏⵜ ⵏ ⵜⵏⴱⴹⴰⵢⵜ ⴷ ⵜⵙⵉⵎⴰⵏⵜ ⵏ ⵓⵙⵇⵇⵉⵎ ⴷ ⵜⵏⵙⵙⵉⵅⴼⵜ ⵏ ⵜⵙⵎⵉⵔⵉⵜ ⵜⴰⵎⴰⵜⴰⵢⵜⵏ ⴳ ⵓⵣⵣⴳⵉⵔ ⵏ ⵜⴰⵏⵏⴰⵢⵜ ⵜⴰⵎⵙⴳⴳⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ. ⵉⵔⵏⴰ ⵉⵙ ⵉⴳⴰ ⵓⵎⵙⴰⴳⴰⵔ ⴰ ⴰⵙⵓⵍⴼ ⵏ ⵓⵙⴷⵓⵙ ⵏ ⵉⵎⵢⴰⵙⵙⴰⵜⵏ ⵉⵣⵔⴼⴰⵏⵏ ⴳⵔ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ, ⴷ ⵜⵎⵔⵙⴰⵍ ⵜⵉⵣⵔⴼⴰⵏⵉⵏ ⴳ ⵉⵡⵓⵏⴰⴽ ⵉⵎⵓⵏⵏ ⴷ ⵓⵙⴷⵓⵙ ⵏ ⵉⵎⵢⴰⵙⵙⴰⵜⵏ ⵏ ⵓⵎⵢⴰⵡⴰⵙ ⴳ ⵢⵉⴳⵔⴰⵏ ⵎⵢⴰⵏⴰⵡⵏⵉⵏ ⵍⵍⵉ ⵉⵇⵇⵏⵏ ⵙ ⵜⵖⴰⵡⵙⴰ ⵜⴰⵣⵔⴼⴰⵏⵜ, ⵓⵍⴰ ⴰⵙⵎⵎⵙⴽⴰⵍ ⵏ ⵉⵔⵣⴰⴼⵏ ⵉ ⵓⵚⴰⵃⴰ ⵏ ⵜⵉⵔⵎⵉⵜⵉⵏ ⴳ ⵢⵉⴳⵔ ⵏ ⵜⵣⵔⴼⵜ.

ⵍⵓⵏⴹⵓⵏ .. ⴰⵎⵢⴰⵡⴰⵙ ⴳ ⵢⵉⴳⵔ ⵏ ⵓⵙⵙⵍⵎⴷ ⴳ ⵡⴰⵎⵎⴰⵙ ⵏ ⵉⵔⵣⵣⵓⵜⵏ ⴳⵔ ⵎⴰⵙⵙ ⴱⵏⵎⵓⵙⴰ ⴷ ⵉⵎⴳⴳⴰⵢⵏ ⵉⴱⵕⵉⵟⴰⵏⵉⵢⵏ, (ⵍⴱⴰⵢⴰⵏ)

ⵉⴳⴰ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴳⵔ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵉⵎⵓⵏⵏ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⴰⵙⵏⵜⵍ ⴰⵏⴰⵎⵎⴰⵙ ⵏ ⵉⵎⴷⵉⵡⵉⵍⵏ ⴰⵙⵍⵉⴷ ⴳ ⵍⵓⵏⴹⵓⵏ, ⴰⴽⴷ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ ⴰⴽⴷ ⵉⵎⴳⴳⴰⵢⵏ ⵉⴱⵕⵉⵟⴰⵏⵉⵢⵏ ⴳ ⵢⵉⴳⵔ. ⵜⴳ ⵜⴰⵙⵎⵓⵏⵉ ⵍⵍⵉ ⵜⵙⵏⵎⴰⵍⴰ ⵜⵎⵙⵇⴰⴷⵜ ⵜⴰⵎⵖⵔⵉⴱⵉⵢⵜ ⴳ ⵜⴳⵍⴷⵉⵜ ⵉⵎⵓⵏⵏ ⴰⵙⵓⵍⴼ ⵉ ⵎⴰⵙⵙ ⴱⵏⵎⵓⵙⴰ ⴷ ⵓⴽⴰⴱⴰⵕ ⵉⴷⵙ ⵉⵎⵓⵏⵏ ; ⵢⵓⵎⴰⵏ ⵉⴳⵎⴰⵎⵏ ⵙⴳ ⵜⵎⴰⵡⴰⵙⵜ ⵏⵏⵙ ⴷ ⵜⵎⴰⵡⴰⵙⵜ ⵏ ⵓⵙⵙⵍⵎⴷ ⴰⵎⴰⵜⵜⴰⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⵓⵍⴼⵓ ⵉ ⵉⵡⴷⵉⵡⵉⵍⵏ ⴰⴽⴷ ⵉⵎⴰⵙⴰⵢⵏ ⵙⴳ ⵜⵎⴰⵡⴰⵙⵉⵏ ⵏ ⵓⵙⵙⵍⵎⴷ ⴷ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵜⵉⴱⵕⵉⵟⴰⵏⵉⵢⵉⵏ ⴷ ⵓⵙⵇⵇⵉⵎ ⴰⴷⵍⵙⴰⵏ ⴰⴱⵕⵉⵟⴰⵏⵉⵢ. ⵉⵎⴽⵉⵏⵏⴰ ⵉⴳⴰ ⵓⵎⵙⴰⵡⴰⵍ ⴰ, ⵍⵍⵉ ⵙⵙⵓⵜⵉⵏⵜ ⵜⴽⵛⵛⵓⵎⵉⵏ ⵏ ⵉⴽⴰⴷⵉⵎⵉⵢⵏ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⵜⴳⵍⴷⵉⵜ ⵉⵎⵓⵏⵏ, ⴰⵙⵓⵍⴼ ⵉ ⵓⵙⴷⴷⵉⴷ ⵏ ⵜⵉⵅⵅⵉⵜⵔⵜ ⵏ ⵡⵓⵟⵓⴼ ⵏ ⵉⵙⵓⵍⴼⵏ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⵙⵙⵍⵎⴷ ⵉⵜⵜⵓⴼⴽⴰⵏ ⵉ ⵜⵎⵉⵣⴰⵔ ⴰ, ⵙ ⵓⵡⵡⵜⵜⴰⵙ ⵏ ⵓⵙⴱⵓⵖⵍⵓ ⵏ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ.

ⵜⴰⵎⴰⵍⵍⴰⵢⵜ .. ⴰⵣⵡⵓ ⵏ ⵓⵙⴼⴰⵍ ⵉⵜⵜⵚⵓⴹ ⵖⴼ ⵢⵉⴳⵔ ⵏ ⵜⵏⵢⵓⴷⴷⵓⵜⵉⵏ ⵜⵉⵢⵍⴰⵏⵉⵏ (ⵍⵉⴱⵉⵔⴰⵙⵢⵓⵏ)

ⴰⴽⴷ ⵓⵎⵓⵙⵙⵓ ⵍⵍⵉ ⴷⵉⵖ ⵉⵜⵜⵉⵍⵉⵏ ⴳ ⵜⵎⴰⵍⵍⴰⵢⵜ ⵜⴰⵏⴰⵎⵓⵔⵜ, ⵉⵜⵜⵚⵓⴹ ⵡⴰⴹⵓ ⵏ ⵓⵙⴼⴰⵍ ⵖⴼ ⵜⵏⵢⵓⴷⴷⵓⵜⵉⵏ ⵜⵉⵢⵍⴰⵏⵉⵏ ⵍⵍⵉ ⵉⵙⵙⵉⵜⵉⵎⵏ ⴷⴼⴼⵉⵔ ⵙⵉⵏ ⵉⵙⴳⴳⵯⴰⵙⵏ ⴳ ⵜⴰⴷⵔⵙⵉ ⵏ ⵡⴰⵔ ⴰⵙⵙⵕⵚⵓ ⴰⴷ ⴷ ⵉⵔⴰⵔ ⵜⵉⵣⵎⵎⴰⵔ ⵏⵏⵙ, ⴰⵢⵍⵍⵉ ⵉⵔⴰⵏ ⴰⴷ ⵉⵙⴷⵓⵙ ⵜⴰⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⵏ ⵉⴷⵙⵏⵜ ⵜⵙⴳⴳⵯⵉⵏ ⵏ ⵜⴳⵍⴷⵉⵜ. ⵏ ⵢⵓⵎⵓ ⵡⴰⵍⴰⵙ ⵏ ⵜⵉⵍⴰⵍ ⵏ ⵜⵎⵙⵙⵓⵔⵉⵏ ⵜⵉⵢⵍⴰⵏⵉⵏ, ⴷ ⵜⵉⵍⵍⵉ ⵉⵥⵍⵉⵏ ⵙ ⵉⵖⵔⵔⵓⴱⴰ ⵉⵢⵍⴰⵏⵏ ⵖⴼ ⵓⵎⴰⴹⴰⵍ, ⴳ ⵡⵓⵖⵓⵍ ⵏ ⵜⵓⴷⵔⵜ ⵉ ⵜⵏⵢⵓⴷⴷⵓⵜⵉⵏ ⵜⵉⵢⵍⴰⵏⵉⵏ ⵙ ⵍⵎⵖⵔⵉⴱ, ⵍⵍⵉ ⵉⵜⵜⵢⴰⵙⵙⵏ ⵏ ⵉⵙⵔⵙⵏ ⵏⵏⵙ ⵉⵢⵍⴰⵏⵏ ⵉⵥⵉⵍⵏ.

ⴰⴷⴰⴱⵓ ⴰⴷⵣⴰⵢⵔⵉ ⵉⵙⴽⵓⵜⵜⵓ ⵖⴼ ⵜⴰⵖⵣⵉ ⵏ ⵓⵎⵏⵣⴰⵖ ⵉⵜⵜⵓⴳⴰⵏ ⵖⴼ ⵙⵙⵃⵔⴰ ⵜⴰⵎⵖⵔⵉⴱⵉⵢⵜ ⴳ ⵓⵢⵍⵍⵉ ⵉⵙⵡⵓⵔⵉⵏ ⵉ ⵜⴽⴰⵢⵍⴰⵍⵉⵏ ⵏⵏⵙ ⴳ ⵜⵎⵏⴰⴹⵜ (ⵍⵉⴱⵉⵔⴰⵙⵢⵓⵏ)

ⵢⴰⵔⵉ ⵓⵖⵎⵉⵙ “ⵍⴰⴼⵓⵣ ⴷⵉⵍ ⴰⵔⴰⴱⵉ” ⵏ ⵎⵉⴽⵙⵉⴽⵓ ⵉⵙ ⵉⵙⴽⵓⵜⵜⴰ ⵓⴷⴰⴱⵓ ⴰⴷⵣⴰⵢⵔⵉ ⵖⴼ ⵜⴰⵖⵣⵉ ⵏ ⵓⵎⵏⵣⴰⵖ ⵉⵜⵜⵓⴳⴰⵏ ⵖⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵜ ⵙ ⵓⵢⵍⵍⵉ ⵉⵙⵡⵓⵔⵉⵏ ⵉ ⵜⴽⴰⵢⵍⴰⵍⵉⵏ ⵏⵏⵙ ⴳ ⵜⵙⴳⴰ. ⵏ ⵉⵙⵙⵍⴽⵏ ⵓⵖⵎⵉⵙ ⵉⵙ ” ⵜⵙⴷⴷⵉⴷ ⴷⵣⴰⵢⵔ ⵙⴳ ⵓⵙⵏⵓⵍⴼⵓ ⵏ ⵜⵢⵔⵏⵉⵜ ⵏ ⴱⵓⵍⵉⵙⴰⵔⵢⵓ ⵜⴰⵎⵏⴳⵉⵔⵉⵜ, ⴰⵙⴳⴳⵯⴰⵙ ⵏ 1973, ⵖⴼ ⵓⵣⵣⵔⵓⵔⵜ ⵏ ⵜⵎⴰⵙⴰⵢⵜ ⵏⵏⵙ ⴳ ⵜⵉⴳⴳⵉ ⴷ ⵓⵙⵖⵣⵉⴼ ⵏ ⵓⵎⵏⵣⴰⵖ ⴳ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵜ, ⵙ ⵓⵙⵡⵓⵔⵉ ⵏ ⵜⵏⴰⴼⵓⵜⵉⵏ ⵏⵏⵙ ⴷ ⵜⴽⴰⵢⵍⴰⵍⵉⵏ ⴳⴳⵓⵜⵏⵉⵏ.” ⴳ ⵉⴳⵊⴷⵉ ⵏ ⵓⵎⵓⵣⴰⵢ ⴳ ⵉⵎⵢⴰⵙⵙⴰⵜⵏ ⵉⴳⵔⴰⵖⵍⴰⵏⵏ, ⴰⵎⵙⵇⴰⴷ ⴰⵎⴽⵙⵉⴽⵉⵢ ⵉⵣⵔⵉⵏ ⴳ ⵍⵎⵖⵔⵉⴱⵏ ⴰⵏⴹⵕⵉⵚ ⵓⵔⴷⵓⵏⵉⵣ, ⵉⵙⵏⴰⵖⵙ ⵓⵖⵎⵉⵙ ⴰⴽⵓⵢⴰⵙⵙ ” ⵉⵙⵙⵏ ⵓⵎⴰⴹⴰⵍ ⵉⵎⴷⴰ ⵉⵙ ⴷⴰ ⵜⵅⴷⴷⵎ ⴷⵣⴰⵢⵔ ⵖⴼ ⵓⵙⵉⵖⵣⵉⴼ ⵏ ⵓⵎⵏⵣⴰⵖ ⵉⵜⵜⵓⴳⴰⵏ, ⵙ ⵍⴰⵡⴰⵏ ⴰⴽⴽⵯ ⴳ ⵢⵉⴳⵉ ⵏⵏⵙ ⵉ ⵓⵙⵉⵟⵟⵏ ⵏ ⵉⵎⵣⴷⴰⵖ ⵏ ⵜⵎⵔⵙⵉⵡⵉⵏ ⵏ ⵜⵉⵏⴷⵓⴼ ⵖⴼ ⵉⴽⴰⵍⵏ ⵏⵏⵙ, ⵍⵍⵉ ⵟⵟⴼⵏⵜ ⵎⵉⵍⵉⵛⵢⴰⵜ ⵏ ⴱⵓⵍⵉⵙⴰⵔⵢⵓ ⵜⴰⵎⵏⴳⵉⵔⵉⵜ.

ⵍⵎⵖⵔⵉⴱ ⵉⴷⵔⵓ ⴳ ⵓⴳⵔⴰⵡ ⴰⴳⵔⴰⵖⵍⴰⵏ ⴳ ⵍⵇⴰⵀⵉⵔⴰ ⵖⴼ ⵓⵙⴱⴷⴷⵉ ⵎⴳⴰⵍ ⵏ ⵜⵙⴱⴱⴰⴱⵜ ⴷ ⵓⵣⵓⵣⵣⵔ ⴰⵔⵓⵙⵍⵉⴳ ⵏ ⵉⵍⴰⴼⵏ (ⵔⵉⵙⴰⵍⴰⵜ ⵍⵓⵎⵎⴰ)

ⵢⴰⵎⵓ ⵍⵎⵖⵔⵉⴱ ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⵖⴼ ⵓⵙⴱⴷⴷⵉ ⴷ ⵜⵙⴱⴱⴰⴱⵜ ⴷ ⵓⵣⵓⵣⵣⵔ ⴰⵔⵓⵍⴳⵉⵏ ⵏ ⵉⵍⴰⴼⵏ ⵍⵍⵉ ⵜⵙⵏⵎⴰⵍⴰ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵉⵄⵔⴰⴱⵏ. ⵉⵃⴰⴹⵕ ⵍⵎⵖⵔⵉⴱ ⵓⴽⴰⴱⴰⵕ ⵢⵓⵎⴰⵏ ⵉⵎⴰⵙⴰⵢⵏ ⴷ ⵉⵙⵓⵜⴰⵢ ⵙⴳ ⵜⴰⴳⴳⴰⵍⵉⵏ ⵜⵉⴼⵉⵍⴰⵏⵉⵏ ⵜⵉⴳⵍⴷⴰⵏⵉⵏ, ⴷ ⵜⵎⴰⵡⴰⵙⵜ ⵏ ⵜⴳⵯⵏⵙⴰⵏⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵏ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⵉⵜⵜⵓⵙⵏⵎⴰⵍⴰ ⵙ ⵓⵎⵢⴰⵡⴰⵙ ⴰⴽⴷ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵏ ⵡⴰⵄⵔⴰⴱⵏ ⴷ ⵜⵎⴰⴷⴷⴰⵙⵜ ⵏ ⴰⵏⵜⵉⵔⴱⵓⵍ ⴷ ⵜⵎⴰⴷⴷⴰⵙⵜ ⵏ ⵜⴷⵉⵡⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵖⴰⵡⴰⵙ ⵉ ⵓⵚⴼⴰⴹ ⵏ ⵉⵍⴰⴼⵏ ⵉⵎⵥⵥⴰⵏⵏ ⵍⵍⵉ ⵖⴼ ⵉⴱⴷⴷⴰ ⵓⵙⵉⵏⴰⴳ ⴰⵎⴰⵜⴰⵢ ⵏ ⵜⵖⵓⵔⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵏ ⵜⴳⵎⵉ ⴳ ⵜⵙⴷⴰⵡⵉⵜ ⵏ ⵊⵓⵏⵉⴼ ⴳ ⵙⵡⵉⵙⵔⴰ. ⵉⵡⴰⵜⵙ ⵓⴳⵔⴰⵡ ⴰ ⴰⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⵉⵔⵉⵏ ⵜⵉⵎⵓⴼⴰⵢ ⵉ ⵓⵙⴷⵓⵙ ⵏ ⵜⵣⵎⵔⵜ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵉⵄⵔⴰⴱⵏ ⴰⴷ ⵏⵏⴰⵖⵏ ⵎⴳⴰⵍ ⵉⵍⴰⴼⵏ ⵉⵎⵥⵥⵢⴰⵏⵏ ⴷ ⵉⴼⵙⵙⴰⵙⵏ ⴰⵔⵓⵣⵔⵉⴼⵏ, ⴳ ⵉⵍⵍⴰ ⵢⵉⵍⵉ ⵏⵏⵙⵏ ⵖⵓⵔ ⵉⴱⵔⵙⴳⴳⵯⴰⴷⵏ ⴷ ⵉⵏⴱⴽⴰⴹⵏ.

ⴰⵎⵔⵡⴰⵙ ⵙ ⵓⵣⴰⵍ ⵏ 350 ⵎⵍⵢⵓⵏ ⴹⵓⵍⴰⵕ ⵖⵓⵔ ⵍⴱⴰⵏⴽ ⴰⴳⵔⴰⵖⵍⴰⵏ ⵉ ⵡⴰⵏⵏⴰⵍ ⵏ ⵜⴷⵎⵙⴰ ⵜⴰⵏⵉⵍⵉⵜ ⴳ ⵍⵎⵖⵔⵉⴱ (ⵔⵉⵙⴰⵍⴰⵜ ⵍⵓⵎⵎⴰ)

ⵉⵎⵙⴰⵙⴰ ⵍⴱⴰⵏⴽ ⴰⴳⵔⴰⵖⵍⴰⵏ ⵖⴼ ⵓⵎⵔⵡⴰⵙ ⵏ 350 ⵎⵍⵢⵓⵏ ⴹⵓⵍⴰⵕ ⵉ ⵡⴰⵏⵏⴰⵍ ⵏ ⵓⵕⵥⵥⵓⵎ ⵏ ⵜⴷⵎⵙⴰ ⵜⴰⵏⵉⵍⵉⵜ ⴳ ⵍⵎⵖⵔⵉⴱ. ⵉⴱⴷⵔ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⵙⵉⵡⴹ ⵉⴼⴼⵖⵏ ⴳ ⵡⴰⵛⵉⵏⵟⵓⵏ, ⵉⵙ ” ⵉⵡⴰⵜⵙ ⵓⵎⵔⵡⴰⵙ ⴰ ⴰⵙⵙⴱⵖⵙ ⵏ ⵜⵉⴳⴳⵉ ⵏ ⵉⴷⵖⴰⵔⵏ ⵏ ⵜⵡⵓⵔⵉⵏ ⴷ ⵜⴳⵎⵉ ⵜⴰⴷⵎⵙⴰⵏⵜ, ⴰⴽⴷ ⵓⵙⵖⵓⴷⵓ ⵏ ⵜⵙⵓⵍⴰⵏⵜ ⵏ ⵉⵙⵓⴳⴰⵎ ⵉⴳⴰⵎⴰⵏⵏ ⴷ ⵜⵣⵎⵔⵜ ⵏⵏⵙ ⵖⴼ ⵜⵥⵉⴹⵕⴰ, ⴷ ⵜⵏⴼⵔⵓⵜ ⵏ ⵡⵓⵛⵛⵉ, ⵡⴰ ⴷ ⴰⵎⵙⴰⵔⴰⵙ ⵎⵉ ⵜⵔⵏⴰ ⵜⵉⵅⵅⵉⵜⵔⵜ ⵏⵏⵙ ⵙⴳ ⵜⵏⵓⵟⵟⴰⴼ ⵏ ⵓⵎⵏⵖⵉ ⵖⴼ ⵓⴽⵕⴰⵏⵢⴰ”. ⵜⵔⵏⴰ ⵜⵎⵔⵙⵍⵜ ⵜⴰⵥⵕⴼⴰⵏⵜ ⵉⵙ ⵉⵡⴰⵜⵙ ⵓⵎⵔⵡⴰⵙ ⴰ ⵉⵙⵓⵜⴰⵢ ⵉⵎⵔⵙⴰⵍⵏ, ⴷ ⵓⵙⵖⵓⴷⵓ ⵏ ⵜⵎⵀⴰⵍ ⵜⵉⵙⵉⴷⴼⴰⵏⵉⵏ ⵏ ⵉⵙⵓⴳⴰⵎ ⵉⴳⴰⵎⴰⵏⵏ, ⴷ ⵡⴰⵏⵏⴰⵍ ⵏ ⴽⵔⴰ ⵏ ⵢⵉⴳⵔⴰⵏ ⵉ ⵜⵏⴽⵔⴰ ⵏ ⵜⴷⵎⵙⴰ ⵜⴰⵏⵉⵍⴰⵏⵜ ⵉⵖⵉⵢⵏ ⴰⴷ ⵜⴱⴷⴷ ⵎⴳⴰⵍ ⵉⵙⵏⴼⵍⵏ ⵏ ⵓⵏⵣⵡⴰⵢ ⴳ ⵜⵎⵏⴰⴹⵉⵏ ⵉⵜⵜⵓⵡⴰⵜⵙⵏ.

ⴰⵎⵓⵍⵍⵉ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⵉⵙⵙⵓⴼⵖ ⴷ ⴰⵙⵖⵏⵓ ⵏ ⵓⵙⵎⵎⵜⵔ ⵏ ⵓⵙⵍⴳⵏ ⵉⴳⴷⴷⵍⵏ ⴰⴳⴳⵯⴰⵍ ⵏ ⵜⵓⵎⵥⵉⵢⵉⵏ (ⴱⴰⵢⴰⵏ ⵍⵢⴰⵡⵎ)

ⵉⵙⵙⵓⴼⵖ ⴷ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⴳ ⵓⵙⵇⵇⵉⵎ ⵏ ⵉⵎⴰⵔⴰⵏ ⴰⵙⵎⵎⵜⵔ ⵏ ⵓⵙⵍⴳⵏ ⵉⵜⵜⵉⵏⵉⵏ ⵙ ⵓⵚⴼⴰⴹ ⵏ ⵉⵎⵏⵏⵉⵜⵏ 20 ⴷ 21 ⴷ 22 ⵏ ⵓⵙⵍⴳⵏ ⵓⵟⵟⵓⵏ 70.03 ⵏ ⵓⵙⵍⴳⵏ ⵏ ⵜⴰⵡⵊⴰ, ⵙ ⵓⵡⵜⵜⴰⵙ ⵏ ⵓⵙⴱⴷⴷⵉ ⵏ ⵢⵉⵡⵍ ⵏ ⵜⵓⵎⵥⵉⵢⵉⵏ, ⴰⵢⴰ ⵙ ⵓⵙⴹⵕⵚ ⵖⴼ ⵓⵙⵡⵜⵜⵓ ⵏ ⵓⵡⵜⴰⵢ ⵏ ⵢⵉⵡⵍ ⴳ 18 ⵏ ⵓⵙⴳⴳⵯⴰⵙ ⵉⵎⴷⴰⵏ ⴷ ⵡⵓⴽⵓⵙ ⵏ ⵉⵎⵏⵏⵉⵜⵏ ⵍⵍⵉ ⴳ ⵍⵍⴰⵏ ⵡⵓⵙⵍⵉⴷⵏ. ⵉⵡⴰⵜⵙ ⵓⵙⵎⵎⵜⵔ ⴰ ⵍⵍⵉ ⵙ ⴷ ⵉⴼⴼⵖ ⵓⵎⴰⵔⵉ ⵔⴰⵛⵉⴷ ⵃⵎⵎⵓⵜⵉ ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰⵏ ⵙ ⵜⴹⵓⵍⵍⵉ ⵏ ⵓⵙⵔⵓⵙ ⵏ ⵓⵡⵜⵜⵓ ⵉ ⵜⵓⵎⴰⵏⵜ ⵏ ⵢⵉⵡⵍ ⵏ ⵜⴰⵣⵣⴰⵏⵉⵏ, ⵉⴷⴷⵖ ⵜⵍⴰ ⵜⵉⵏⵓⵟⵟⴰⴼ ⵜⵓⵣⴷⵉⵔⵉⵏ ⵖⴼ ⵜⴰⵣⵣⴰⵏⵉⵏ ⴷ ⵜⴰⵡⵊⵉⵡⵉⵏ ⵏⵏⵙⵏ ⴷ ⵡⴰⵎⵓⵏ, ⴳ ⵓⵙⴽⵙⵡ ⵙ ⵓⵢⵍⵍⵉ ⵎⵉ ⵜⴻⵜⵜⵙⵔⴰⴳ ⵏ ⵢⵉⴹⵉⵚⵏ ⵉⵡⵏⴳⵉⵎⵏ ⴷ ⵉⴷⵓⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⵖⴼ ⵜⴰⵣⵣⴰⵏⵉⵏ ⵜⵓⵏⴳⵉⵙⵉⵏ ⵏ ⵡⴰⵏⴰⵡ ⴰ ⵏ ⵍⵉⵜⵉⵀⴰⵍ ⴳ ⵓⵎⴰⵍⵓ ⵏ ⵓⵙⴱⵉⴱⴱ ⵏⵏⵙⵏⵜ ⵜⴰⵎⴰⵙⴰⵢⵜ ⵏ ⵓⵙⵡⵓⴷⴷⵓ ⵏ ⵜⵡⵊⴰ ⴳ ⵡⴰⵎⵎⴰⵙ ⵏ ⵜⵎⵥⵉⵜ ⵏⵏⵙⵏⵜ.

ⵍⵎⵖⵔⵉⴱ ⵉⵇⵇⴰⵔ ⵙ ⴰⵎⵙⴰⵙⴰ ⴰⴼⵔⵉⵇⵉⵢ ⵎⴳⴰⵍ ⵉⵎⵎⵙⴽⴰⵍⵏ ⵏ ⵓⵏⵣⵡⴰⵢ (ⵍⴰⵃⴷⴰⵜ ⵍⵎⵖⵔⵉⴱⵉⵢⴰ)

ⵉⵙⵎⴰⵢⵏⵓ ⵍⵎⵖⵔⵉⴱ ⴰⵙⵍⵉⴷ ⴰⵙⵙⴰⵏⵟ ⴳ ⵎⴰⵍⴰⴱⵓ ⴳ ⵖⵉⵏⵢⴰ ⵉⴽⵡⴰⵟⵓⵕ, ⴰⵙⴷⴷⵉⴷ ⵖⴼ ⵜⴹⵓⵍⵍⵉⵜ ⵏ ⵓⵙⴽⵓ ⵏ ⵓⵎⵙⴰⵙⴰ ⴰⴼⵔⵉⵇⵉⵢ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵉⵎⵎⵙⴽⴰⵍⵏ ⵏ ⵓⵏⵣⵡⴰⵢ, ⴷ ⵜⵎⵍⴰⵍⵜ ⵏ ⵜⵙⵇⵇⵉⵎⵉⵏ ⵙ ⴽⵕⴰⴹⵜ ⴳ ⵓⵙⴷⵓⵙ ⵏ ⵜⵓⴱⴷⴷⴰ ⴷ ⵓⵙⵏⴰⵎⵉ ⴰⴳⵏⵙⵓ ⵏ ⵓⵎⵏⵥⴰⵡ. ⵉⵙⴱⵏⵏⴷ ⵓⴳⵏⵙⴰⵙ ⴰⵎⵖⵍⴰⵍ ⵏ ⵜⴳⵍⴷⵉⵜ ⵖⵓⵔ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷ ⵜⵙⵇⵇⵉⵎⵜ ⵜⴰⴷⵎⵙⴰⵏⵜ ⵏ ⵉⴼⵔⵉⵇⵢⴰ ⵉⴹⴼⴰⵕⵏ ⵉ ⵜⵎⵜⵜⴰ ⵉⵎⵓⵏⵏ, ⵎⵓⵃⵎⵎⴰⴷ ⵄⵔⵓⵛⵉ, ⵍⵍⵉ ⵉⵙⴰⵡⴰⵍⵏ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⴽⴽⵓⵥⵜ ⵏ ⵜⵙⵇⵇⵉⵎⵜⵏ ⵜⴰⵥⵓⵕⴰⵏⵜ ⵉⵥⵍⵉⵏ ⵖⴼ ⵜⵎⵣⵣⵉⵜ ⴷ ⵉⵎⵣⵡⴰⴳⵏ ⴷ ⵎⴷⴷⵏ ⵉⵔⴳⴳⵯⵍⵏ ⴰⴳⵏⵙⵓ ⵉⵍⵍⴰⵏ ⴳ ⵎⴰⵍⴰⴱⵓ, ⵉⵙⴱⴷⴰⴷⵏ ⵍⵍⵉ ⵉⵔⵏⵏⵓⵏ ⴷ ⵢⵉⴹⵉⵚⵏ ⵉⵎⵜⵜⴰⵏⵏ ⵏ ⵓⵎⵎⵙⴽⴰⵍ ⵏ ⵓⵏⵣⵡⴰⵢ ⴳ ⵓⵎⵏⵥⴰⵡ ⵍⵍⵉ ⵉⴳⴰⵏ ⴰⴱⵓⵖⵍⵓ ⴰⴷⵉⵎⵓⵉⴳⵔⴰⴼⵉ ⴰⵅⴰⵜⴰⵔ ⴷ ⵡⴰⴷⴷⴰⴷ ⴰⴷⵎⵙⴰⵏ ⵉⴽⵓⴽⴹⵏ ⴷ ⵢⵉⴱⴰ ⵏ ⵜⵣⵎⵎⴰⵔ ⵜⵉⵜⵉⴽⵏⵓⵍⵓⵊⵉⵢⵉⵏ ⴷ ⵢⵓⵙⴰⵏ.

ⵜⴰⵏⴱⴰⴹⵜ ⵜⵙⴷⴷⵉⴷ ⴰⵙⵙⵓⴷⵓ ⵏ ⵡⴰⵏⵏⴰⵍ ⵏⵏⵙ ⵉ ⵉⵎⵏⴷⵉ ⵡⴰⵅⵅⴰ ⵢⴰⵊⴳⵓⵍⵏ ⵡⴰⵜⵉⴳ ⴳ ⵉⴳⴰⴷⴰⵣⵏ ⵉⴳⵔⴰⵖⵍⴰⵏⵏ (ⵍⵄⴰⵍⴰⵎ)

ⵜⴳⴳⵯⴷ ⵢⴰⵜ ⵜⴳⵔⵓⵎⵎⴰ ⵏ ⵉⵏⵎⵓⵔⴰⵏ ⴳ ⵡⴰⵢⵢⵓⵔⵏ ⴰ ⵉⵎⴳⴳⵓⵔⴰ ⴰⴷ ⵜⵉⵍⵉ ⵜⴰⵙⵙⴰⵙⵜ ⵏ ⵓⵙⵙⴰⴷⵓⵔ ⵏ ⵓⴳⴰⴷⴰⵣ ⴰⴳⵯⵏⵙⴰⵏ ⵙ ⵉⵎⵏⴷⵉ, ⵓⵍⴰ ⵜⵓⴳⴳⵯⴷⴰ ⵙⴳ ⵢⵉⵊⴳⵉⵍ ⵏ ⵡⴰⵜⵉⴳⴳⵏ ⵏⵏⵙ, ⴳ ⵡⴰⴽⵓⴷ ⵏ ⵢⵉⵊⴳⵉⵍ ⵍⵍⵉ ⵉⵍⵍⴰⵏ ⴳ ⵓⵎⵍⴰⴹⴰⵍ ⵙ ⵜⵎⵏⵜⵉⵍⵜ ⵏ ⵉⵎⵏⵖⵉ ⴰⵔⵓⵙⵉ ⵓⴽⵔⴰⵏⵉ. ⵃⵎⴰ ⴰⴷ ⵜⵜⵢⵉⴽⴽⵉⵙⵏⵜ ⵜⴰⵡⴷⵉⵡⵉⵏ ⴰ ⵉⵙⵙⵍⴽⵏ ⵓⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵉⵎⵢⴰⵙⵙⴰⵜⵏ ⴰⴽⴷ ⵓⴱⵕⵍⴰⵎⴰⵏ, ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵢⵉⵙⵎ ⵏ ⵜⵏⴱⴰⴹⵜ, ⵎⵚⵟⴰⴼⴰ ⴱⴰⵢⵜⵜⴰⵙ, ⵜⵉⴳⵉⵔⴰ ⴰ ⴳ ⵕⵕⴱⴰⵟ ⵉⵙ ⵜⵍⴰ ⵜⴳⵍⴷⵉⵜ ⵎⵏⵏⴰⵡ ⵏ ⵜⵔⵓⴱⴱⴰ ⵏ ⵉⵎⴰⵙⵙⵏ ⵏ ⵓⵙⵎⴰⵢⵏⵓ ⵏ ⵜⵙⵔⴰⴼⵜ ⵜⴰⵏⴰⵎⵓⵔⵜ ⵏ ⵉⵎⵏⴷⵉ ⴷ ⵓⵙⵓⴷⵙ ⵏⵏⵙ ⴳ ⵎⴰⵕⵕⴰ ⵜⵉⴼⵔⴽⵉⵡⵉⵏ, ⴳ ⵓⵣⵎⵣ ⵏ ⵢⵉⵊⴳⵉⵍⵏ ⵍⵍⵉ ⵉⵍⵍⴰⵏ ⴳ ⵡⴰⵜⵉⴳⴳⵏ ⵏ ⵜⵎⵜⵜⴰⵡⵉⵏ ⴰ ⴳ ⵉⴳⴰⴷⴰⵣⵏ ⵉⵎⴰⴹⵍⴰⵏⵏ, ⵎⴰⵏ ⴰⵢⴰ ⴳ ⵓⵙⴰⵜⴰⵍ ⵏ ⵜⵎⵙⵓⵜⵍⵜ ⵉⴼⵔⵙⵏ ⵏ ⵉⵎⵏⵖⵉ ⴰⵔⵓⵙⵉ ⵓⴽⵕⴰⵏⵉ.

ⴰⵙⵇⵇⵉⵎ ⵏ ⵉⵎⵓⵔⴰ ⵉⵙⵖⵣⵏ ⴰⵙⵖⵏⵓ ⵏ ⵓⵙⵍⴳⵏ ⵉⵥⵍⵉⵏ ⵙ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ ⴷ ⵓⵙⵏⴰⵎ ⵏ ⵢⵉⴳⵔ ⵏ ⵜⵔⵉⵙⵉⵏⵜⵉ (ⵍⵄⴰⵍⴰⵎ)

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵇⵇⵉⵎⵜ ⵜⴰⴳⴷⵓⴷⴰⵏⵜ ⴰⵙⵍⵉⴷ, ⵙ ⵓⵎⵙⴰⵙⴰ, ⴰⵙⵖⵏⵓ ⵏ ⵓⵙⵍⴳⵏ ⵓⵟⵟⵓⵏ 40.19 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⵓⵟⵟⵏ 13.09 ⵉⵥⵍⵉⵏ ⵙ ⵜⵥⴹⴰⵕⵉⵏ  ⵉⵜⵜⵓⵙⵎⴰⵢⵏⵓⵏ ⴷ ⵓⵙⵍⴳⵏ ⵓⵟⵟⵓⵏ 48.15 ⵉⵥⵍⵉⵏ ⵙ ⵓⵙⵏⴰⵎ ⵏ ⵜⵔⵉⵙⵉⵏⵜⵉ ⴷ ⵜⵉⴳⴳⵉ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵙⵏⴰⵎ ⵏ ⵜⵔⵉⵙⵉⵏⵜⵉ. ⵉⵡⴰⵜⵙ ⵓⵙⵖⵏⵓ ⴰ ⵏ ⵓⵙⵍⴳⵏ ⵍⵍⵉ ⵜⵙⵙⵏⴽⴷ ⵜⵎⴰⵡⴰⵙⵜ ⵏ ⵓⵎⵎⴰⵜⵜⵉ ⴰⵏⵥⴹⴰⵕ ⴷ ⵜⴳⵎⵉ ⵜⴰⵙⵓⵍⴰⵏⵜ, ⴰⵙⵖⵓⴷⵓ ⵏ ⵓⵏⵣⵡⵉ ⵏ ⵜⵡⵓⵔⵡⵉⵏ, ⴰⵙⴷⵓⵙ ⵏ ⵜⵎⴰⴼⴰⵡ, ⴰⵙⵀⵡⵏ ⵏ ⵡⴰⴷⴰⴼ ⵏ ⵉⵏⵖⵎⵉⵙⵏ ⵉⵥⵍⵉⵏ ⵙ ⵉⵙⵓⵍⴰⴼ ⵏ ⵓⵙⵙⴰⵔⵓ, ⴰⴽⴷ ⵓⵙⴼⵔⴰⵔ ⵏ ⵜⵎⴳⴳⵉⵢⵉⵏ ⵏ ⵜⵓⵔⴰⴳⵜ, ⴷ ⵓⵙⴷⵓⵙ ⵏ ⵜⵍⴷⴰⵢⵜ ⵏ ⵢⵉⴳⵔ ⵏ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ ⵉ ⵓⵙⵙⴰⵔⵓ ⵓⵙⵍⵉⴳ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵓⵍⴰ ⴰⵃⵟⵟⵓ ⵏ ⵓⵎⵙⴰⵙⵜⵍ ⴰⴷⵎⵙⴰⵏ ⴰⵏⴰⵎⵓⵏ ⵏ ⵉⵎⴳⴳⴰⵢⵏ ⵉⴳⴷⵓⴷⴰⵏⵏ ⴳ ⵢⵉⴳⵔ ⵏ ⵜⵔⵉⵙⵉⵏⵜⵉ, ⴷ ⵓⵙⴷⵓⵙ ⵏ ⵓⵙⵉⴷⴼ ⴰⵎⴳⵓⵔⴰⵏ ⴷ ⵓⴱⵣⴰⵔ ⴳ ⵓⵙⴱⵏⵏⴷ ⵏ ⵓⵥⵟⵟⴰ ⴰⵎⵙⵙⵏⵜⴰⵢ ⴰⵎⴳⵓⵔⴰⵏ ⴳ ⵢⵉⴳⵔ ⵏ ⵜⵉⴽⵏⵓⵍⵓⵊⵉⵜ ⵏ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ.

ⴳ ⵓⵙⴰⵜⵉ ⵏ ⵉⵎⵖⵔⴰⵏ ⵏ ⵜⵙⵉⵏⴰⵏⵜ .. ⴰⵙⵇⵇⵉⵎ ⵏ ⵉⵎⵓⵔⴰ ⵉⵙⵖⵣⵏ ⴰⵙⵖⵏⵓ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵙⵏⵎⴰⵍⴰ ⴰⵣⵔⴼⴰⵏ (ⴱⴰⵢⴰⵏ ⵍⵢⴰⵡⵎ)

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⴰⵙⵍⵉⴷ ⵏ ⴰⵢⵏⴰⵙ ⵙ ⵓⵎⵙⴰⵙⴰ, ⴰⵙⵖⵏⵓ ⵏ ⵓⵙⵍⴳⵏ ⵓⵟⵟⵓⵏ 38.15 ⵉⵥⵍⵉⵏ ⵙ ⵓⵙⵏⵎⴰⵍⴰ ⴰⵣⵔⴼⴰⵏ ⴳ ⵓⵙⴰⵜⵉ ⵏ ⵜⵖⵔⵉ ⵏ ⵜⵙⵉⵏⴰⵏⵜ. ⵉⵏⵏⴰ ⵓⵎⴰⵡⵙⴰⵙ ⵏ ⵜⵣⵔⴼⵜ, ⵄⴱⴷⵍⵍⴰⵟⵉⴼ ⵡⴰⵀⴱⵉ, ⴳ ⵜⴳⵓⵔⵉ ⵏ ⵓⵙⵏⴽⴷ ⵏ ⵓⵙⵖⵏⵓ, ⵉⵙ ⴷ ⵉⴷⴷⴰ ⵓⵎⴳⴳⴰⵔⵓ ⴰ ⴳ ⵓⵙⴰⵜⴰⵍ ⵏ ⵓⵙⵎⵀⵍ ⵏ ⵜⵙⵜⵔⴰⵜⵉⵊⵉⵜ ⵏ ⵜⵎⴰⵡⴰⵙⵜ ⵏ ⵜⵣⵔⴼⵜ ⴳ ⵢⵉⴳⵔ ⵏ ⵓⵙⴳⴳⴷ ⵏ ⵓⵏⴳⵔⴰⵡ ⵏ ⵜⵣⵔⴼⵜ ⵍⵍⵉ ⵉⵙⴽⵓⵜⵜⴰⵏ ⵖⴼ ⵎⵏⵏⴰⵡ ⵏ ⵉⵙⵓⴳⴰⵎ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⴳ ⵉⵍⵍⴰ ⵣⵡⴰⵔ ⴰⵙⴼⴽⴽⴰ ⵏ ⵜⵉⵔⴰⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ. ⵉⵣⵎⵎⴻⵎ ⵡⴰⵀⴱⵉ ⵉⵙ ⵉⵜⵜⵓⴳⴰ ⵓⵣⵣⵔⴰⵢ ⴰⵣⵔⴼⴰⵏ ⴳ ⵓⵎⵙⴰⵙⴰ ⴰⴽⴷ ⵜⵎⵢⴰⴷⴰⵙⵜ ⵜⴰⵎⴷⵔⴰⵡⵜ ⵜⴰⴱⴰⵔⴰⵡⵜ ⴰⵎⵓⵏ ⴷⵉⴳⵙ ⵎⴰⵕⵕⴰ ⵉⵎⴳⴳⴰⵢⵏ ⵉⴷⵙⵍⴰⵏⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ ⵃⵎⴰ ⴰⴷ ⵢⵉⵍⵉ ⵓⵙⵖⵏⵓ ⵉⵎⴷⴰⵏ ⵉⵙⵙⵓⵜⵉⵏ ⵜⴰⵡⵓⵔⵉ ⵏ ⵜⵙⵏⴱⴰⴹⵉⵏ ⴳ ⵜⴳⵍⴷⵉⵜ ⴰⵔ ⵉⵙⵏⵓⵎ ⴰⵎⵢⴰⵙⵙⴰ ⴳⵔ ⵎⴰⵕⵕⴰ ⵉⴼⵔⴷⵉⵙⵏ ⵉⵍⵍⴰⵏ ⵖⴼ ⵢⵉⴳⵔ ⵏ ⵜⵣⵔⴼⵜ, ⵍⵍⵉ ⵉⵜⵜⵓⴳⵏⵙⴻⵙⵏ ⴳ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ ⴷ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵜⵏⵙⵙⵉⵅⴼⵜ ⵏ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⴷ ⵉⵎⴰⵙⴰⵢⵏ ⵉⵣⵔⴼⴰⵏⵏ ⴷ ⵉⵙⵏⴱⴹⴰⵢⵏ ⴷ ⵉⵎⵉⵙⵙ ⵏ ⵜⵙⵎⵉⵔⵉⵜ ⵏ ⵓⵣⵎⵎⴻⵎ.

ⵜⵉⵎⵔⵙⵍⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⴼⵔⴰⴳ ⵏ ⵜⵡⴰⵏⵏⴹⵜ ⵙ ⵜⵏⵙⵙⵉⵅⴼⵜ ⵏ ⵍⴰⵍ ⵏ ⵡⴰⴷⴷⵓⵔ ⴰⴳⵍⴷⴰⵏ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⴻⵜⵜⴰⴽⵎ ⵜⴰⵡⵓⵔⵉ ⵜⴰⴼⵔⵉⵇⵉⵜ ⴳ ⵉⵄⵔⵔⵉⵎⵏ ⵏⵏⵙ (ⵙⵙⵃⵔⴰ ⵜⴰⵎⵖⵔⵉⴱⵉⵢⵜ) ⵏ

ⵜⵙⴷⴷⵉⴷ ⵜⵎⴰⵔⴰⵜ ⵜⴰⵎⴰⵜⴰⵢⵜ ⵏ ⵜⵎⵔⵙⵍⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⴼⵔⴰⴳ ⵏ ⵜⵡⵏⵏⴰⴹⵜ, ⵏⵣⵀⴰ ⵄⴰⵍⴰⵡⵉ, ⴰⵙⵙⵏⴰⴹ ⵏ ⵓⵢⵏⴰⵙ, ⴳ ⵙⵉⴷⵉ ⴱⵓⵇⵏⴰⴷⵍ ⴳ ⵙⵍⴰ, ⵉⵙ ⴷⴰ ⵜⴻⵜⵜⴰⵔⵎ ⵜⵎⵔⵙⵍⵜ ” ⴰⴽⴰⵎ ⵏ ⵜⵡⵓⵔⵉ ⵜⴰⴼⵔⵉⵇⵉⵜ ⵉ ⵉⴳⴰⵔⴰⵡⵏ” ⴳ ⵉⵄⵔⵔⵉⵎⵏ ⵏⵏⵙ. ⵜⵏⵏⴰ ⵍⵄⴰⵍⴰⵡⵉ ⵍⵍⵉ ⵉⴽⴽⴰⵏ ⴷⴰ ⵜⵙⴰⵡⴰⵍ ⴳ ⵓⵕⵥⵥⵓⵎ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ “Blue Talk” ⵍⵍⵉ ⵜⵙⵏⵎⴰⵍⴰ ⵜⵎⵔⵙⵍⵜ ⵙ ⵓⵎⵢⴰⵡⴰⵙ ⴰⴽⴷ ⵜⵎⵙⵇⴰⴷⵜ ⵏ ⴱⵕⵟⵇⵇⵉⵣ ⴳ ⵍⵎⵖⵔⵉⴱ ” ⴷⴰ ⵏⵜⵜⴰⵔⵎ ⴰⵙⵙ ⴰ ⴰⴷ ⵏⴰⴽⵎ ⵜⴰⵡⵓⵔⵉ ⵜⴰⴼⵔⵉⵇⵉⵜ ⵏ ⵉⴳⴰⵔⴰⵡⵏ ⵙ ⵓⵙⵡⵓⵔⵉ ⵏ ⵢⴰⵜ ⵙⴳ ⵜⵣⵎⵎⴰⵔ ⵏⵏⵙ ⵍⵍⵉ ⵉⴳⴰⵏ ⵉⵄⵔⵔⵉⵎⵏ ⵏⵏⵙ. ⵜⵙⴷⴷⵉⴷ ⵉⵙ “ⵜⴳⴰ ⵉⴼⵔⵉⵇⵢⴰ ⴰⵎⵏ ⵜⵙⵙⵏⵎ, ⴰⵎⵏⵥⴰⵡ ⴰⵄⵔⵔⵉⵎ ⴱⴰⵀⵔⴰ» ; ⵜⵙⵙⵎⵜⵔ  ⵉⵙ ⵜⵙⵍⵍⵡⴰ ⵜⵎⵔⵙⵍⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⴼⵔⴰⴳ ⵏ ⵜⵡⵏⵏⴰⴹⵜ ⵜⴰⵔⴰⵜⵙⴰ ⴰⴽⴷ ⵉⵄⵔⵔⵉⵎⵏ ⵏ ⵉⴼⵔⵉⵇⵢⴰ ⴷ ⵉ ⵏⵜⵜⴰ”, ⵜⴰⵔⴰⵜⵙⴰ ⵏ ⵜⵄⵓⵔⵔⵎⴰ ⵜⴰⴼⵔⵉⵇⵉⵜ ⵉ ⵓⵏⵣⵡⵉ ⵍⵍⵉ ⵉⵜⵜⵓⵙⵓⴳⵓⵔⵏ ⵙⴳ ⵡⴰⵎⵎⴰⵙ ⵃⴰⵙⴰⵏ ⵡⵉⵙⵙ ⵙⵉⵏ ⴰⴳⵔⴰⵖⵍⴰⵏ ⵏ ⵓⵙⵎⵓⵜⵜⴳ ⵙ ⵓⵙⵎⵔⵙ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⴰⵙⵉⵍⴽⵉ ⴷ ⵡⴰⵔⴰⵙⵉⵍⴽⵉ ⴷ ⵜⵎⵓⵟⵟⵓⵏⵜ.

ⵜⴰⴷⴷⴰⵔⵜ ⵏ ⵍⵃⴰⴷⵉⵜ ⵍⵃⴰⵙⴰⵏⵉⵢⴰ ⵜⵕⵥⵎ ⵉ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵉⵙⴰⵡⴰⵍⵏ ⵖⴼ ⵓⵙⵏⵜⵍ “ⵍⵉⵙⵍⴰⵏ ⴰⴼⵔⵉⵇⵉ ⵏⵖ ⵉⴼⵔⵉⵇⵢⴰ ⵜⴰⵎⵓⵏⵙⵍⵎⵜ” (ⵙⵙⵃⵕⴰ ⵜⴰⵎⵖⵔⵉⴱⵉⵢⵜ)

ⵜⵏⵏⵓⵕⵥⵎ ⵉⴹⵍⵍⵉ ⴰⵙⵉⵏⴰⵙ ⴳ ⵕⵕⴱⴰⵟ, ⵜⵡⵓⵔⵉ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵜⵉⵙⵙ ⴽⴽⵓⵥ ⵍⵍⵉ ⵜⵙⵏⵎⴰⵍⴰ ⵜⴰⴷⴷⴰⵔⵜ ⵏ ⵍⵃⴰⴷⵉⵜ ⵍⵃⴰⵙⴰⵏⵉⵢⴰ, ⵖⴼ ⵓⵙⵏⵜⵍ ⵏ “ⵍⵉⵙⵍⴰⵎ ⴰⴼⵔⵉⵇⵉ ⵏⵖ ⵉⴼⵔⵉⵇⵢⴰ ⵜⴰⵎⵓⵏⵙⵍⵎⵜ”. ⵜⵡⴰⵜⵙ ⵜⵉⵏⴰⵡⵜ ⴰ ⵜⴰⴳⵔⴰⵖⵍⴰⵏⵜ ⵉⵜⵜⵓⵙⵏⵎⴰⵍⴰⵏ ⵖⴼ ⵙⵉⵏ ⵡⵓⵙⵙⴰⵏ ⴰⵣⵔⴰⵡ ⵏ ⵉⵙⵓⵔⵙⵏ ⵏ ⵍⵉⵙⵍⴰⵎ ⴷ ⵉⵏⵙⵍⵎⵏ ⴳ ⵉⴼⵔⵉⵇⵢⴰ, ⴷ ⵓⵙⴼⵔⵓⵔⵉ ⵏ ⵉⵡⴰⵍⵉⵡⵏ ⵏ ⵉⴱⵔⵙⴳⴳⵯⴰⴷⵏ ⴷ ⵢⵉⵏⴰⵡⵏ ⵏⵏⵙⵏ, ⵉ ⵜⵓⴱⴷⴷⴰ ⵖⴼ ⵜⵓⵎⴰⵢⵉⵏ ⵏⵏⵙⵏ ⴷ ⵜⵔⵙⴰⵍ ⵏⵏⵙⵏ, ⴷ ⵜⵓⵔⵎⵉⵜ ⵏ ⵜⵡⴰⴼⵉⵜ ⵏ ⵉⵔⴱⴷⴰⵏ ⵏ ⵓⵍⵎⴰⵡⴰⵢ ⵏⵏⵙⵏ. ⴳ ⵜⴳⵓⵔⵉ ⵙ ⵓⵙⵓⵍⴼ ⴰ, ⵉⵙⴱⵏⵏⵣ ⵓⵏⵎⵀⴰⵍ ⵏ ⵜⵎⵔⵙⵍⵜ ⵜⴰⴷⴷⴰⵔⵜ ⵏ ⵍⵃⴰⴷⵉⵜ ⵍⵃⴰⵙⴰⵏⵢⴰ, ⴰⵃⵎⴰⴷ ⵍⵅⵎⵍⵉⵛⵉ, ⵜⵉⵅⵅⵉⵜⵔⵜ ⵏ ⵜⵉⵏⴰⵡⵜ ⴰ ⵜⴰⴳⵔⴰⵖⵍⴰⵏⵜ ⵍⵍⵉ ⵉⴳⴰⵏ ⵜⴰⴱⵍⵖⵜ ⴷⴳ ⵜⴱⵍⴰⵖ ⵏ ⵓⵙⴽⵓ ⴷ ⵓⵙⴰⴼⵓ ⵏ ⵓⴽⵛⵛⵓⵎ ⵙ ⵓⵔⵎⵎⵓⵙ ⵏ ⵍⵉⵙⵍⴰⵏ ⵉⴷⵜⵜⴰⵏ, ⵙ ⵍⴰⵡⴰⵏ ⴰⴽⴽⵯ ⴳ ⵓⵎⵏⵥⴰⵡ ⴰⴼⵔⵉⵇⵉ, ⴳ ⵜⵓⴳⴳⵓⴳⵜ ⵖⴼ ⵡⴰⵟⵟⴰⵏ ⵜⵎⵟⵟⴰⵕⴼⵓⵜ, ⵉⴳⵔ ⵜⵉⵖⵔⵉ ⵙ ⵓⵙⵙⵓⴼⵖ ⵏ ⵜⵎⵙⵉⵔⵉⵏ ⵙⴳ ⵉⵔⵣⵣⵓⵜⵏ ⵍⵍⵉ ⵉⵜⵜⵓⵏⴽⴷⵏ ⴳ ⵓⵏⵎⵓⵇⵇⴰⵔ.

ⴰⵙⵎⵓⵜⵜⴳ ⵏ ⵜⵖⴰⵔⴰⵙⵜ ⵏ ⵜⵡⵓⵔⵉ ⵏ ⵓⵙⴱⴷⴷⵉ ⵏ ⵜⵓⵎⴰⵢⵜ ⵏ ⵓⵙⵡⵓⵔⵉ ⵏ ⵡⴰⵣⵣⴰⵏⵏ (ⵍⵢⴰⵡⵎ ⵍⵎⵖⵔⵉⴱⵉ)

ⵜⵏⵏⴰ ⵜⵎⴰⵡⵙⴰⵙⵜ ⵏ ⵓⵎⵢⴰⵡⴰⵙ ⵏ ⵓⵙⵉⴷⴼ ⴰⵏⴰⵎⵓⵏ ⴷ ⵜⵡⴰⵛⵓⵏⵜ, ⵄⴰⵡⴰⵟⵉⴼ ⵃⵉⵢⴰⵔ, ⴰⵙⵍⵉⴷ ⴰⵢⵏⴰⵙ ⵉⵙ ⴷⴰ ⵜⵙⵎⵓⵜⵜⵓⴳ ⵜⵎⴰⵡⴰⵙⵜ ⵉ ⵜⴱⵔⵉⴷⵜ ⵏ ⵜⵡⵓⵔⵉ ⵉⴳⴰⵏ ⵜⵉⵏ 2015-2022 ⵜⵉⵍⵉ ⴰⵏⴳⵔⴰⵡ ⴰⵙⵏⵙⵍⴽⵉⵎ ⴰⵙⵉⴷⴼⴰⵏ ⵉⵜⵜⴰⴼⴰⵏ ⵎⴰⵕⵕⴰ ⴰⵣⵣⴰⵏⵏ ⵉⵍⵍⴰⵏ ⴳ ⵡⴰⴷⴷⴰⴷ ⵏ ⵜⵡⵓⵔⵉ, ⴰⵢⴰ ⵙ ⵓⵡⵜⵜⴰⵙ ⵏ ⵓⵙⴱⴷⴷⵉ ⵏ ⵜⵓⵎⴰⵏⵜ ⴰ ⵜⵙⴼⴰⵡ ⵜⵎⴰⵡⵙⴰⵙⵜ, ⴳ ⵜⵎⵔⴰⵔⵓⵜ ⵏⵏⵙ ⵖⴼ ⵓⵙⵇⵙⵉ ⴰⵎⵉⵡⴰⵏ ⵖⴼ ” ⵓⵙⵡⵜⵜⵓ ⵏ ⵜⵎⵓⴽⵔⵉⵙⵜ ⵏ ⵓⵙⵡⵓⵔⵉ ⵏ ⵉⵔⴱⴰⵏ ⵓⵎⵥⵉⵢⵏ, ⵉⵙⵙⵏⴽⴷ ⵜ ⵓⴽⴰⴱⴰⵕ ⴰⵏⴰⵎⵓⵔ ⵏ ⵉⵍⴻⵍⵍⵉⵢⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙ ⵜⵍⵍⴰ 54 ⵏ ⵜⵏⵇⵇⵉⴹⵜ ⵉⵥⵍⵉⵏ ⵙ ⵉⵎⵉⵙⵙ ⵏ ⵓⴳⴳⵉⵡⵙ ⵏ ⵜⵡⵓⵔⵓ ⵉ ⵓⵙⴱⴷⴷⵉ ⵏ ⵜⵓⵎⴰⵏⵜ ⵏ ⵓⵙⵡⵓⵔⵉ ⵏ ⵡⴰⵣⵣⴰⵏⵏ, ⴷ ⵜⵉⵍⵉ ⵏ 17 ⵏ ⵡⴰⵎⵎⴰⵙ ⵉ ⵉⵎⴰⵙⵙⵏ ⵉⵏⴰⴽⴰⵍⵏ ⵉⵙⵉⴷⴼⴰⵏⵏ ⵍⵍⵉ ⵔⴰⴷ ⵉⵜⵜⵓⵙⵎⴰⵜⴰⵏ ⴰⵙⴳⴳⵯⴰⵙ ⴰ ⵃⵎⴰ ⴰⴷ ⴰⵡⴹⵏ 82 ⵏ ⵡⴰⵎⵎⴰⵙ ⵜⵙⴱⵏⵏⴷ ⵉⵙ ⴷⴰ ⵜⴹⴰⵚ ⵜⵓⵎⴰⵏⵜ ⴰ ⵙ ⵓⵥⵍⴰⵢ ⵉⵔⴱⴰⵏ ⵏ ⵓⴼⴰⵔⴰ ⵙ 81%, 71 ⴳ ⵜⴰⴳⵎⵉⴹⵉ ⴷⵉⴳⵙⵏ ⴷ ⵉⵡⵜⵎⴰⵏ.

ⴰⵥⵓⵍⴰⵢ : ⴰⵎⵓⵔⵙ ⴰⵎⴰⴹⵍⴰⵏ ⵏ    “Start-up Nation   ” ⴷ  ⴷ ⴰⵙⴰⴳⵎ  ⵏ ⵡⵓⵎⵍⴰⵏ (ⵍⵓⵎⴰⵜⵜⴰⵏ)

ⵉⵙⵙⵍⴽⵏ ⵓⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⵓⵏⴹⵕⵉ ⴰⵥⵓⵍⴰⵢ, ⴰⵙⵍⵉⴷ ⴳ ⵜⴰⴷⴷⴰⵔⵜ ⵜⵓⵎⵍⵉⵍⵜ, ⴳ ⵓⵎⵙⴰⴳⴰⵔ ⵏ ⵓⵙⴳⵔⴰⵡ ” ⵍⵎⵖⵔⵉⴱ-ⵉⵙⵔⴰⵢⵉⵍ : ⵎⵢⴰⵡⴰⴹⵏ ⵖⴼ ⵓⵙⵏⵓⵍⴼⵓ ⵏ(Morocco-israel : Connect to Innovate) , ⴰⵎⵓⵔⵙ ⴰⵎⴰⴹⵍⴰⵏ ⵏ” Start-up Nation”  ⴰⵙⴰⴳⵎ ⵏ ⵡⵓⵎⵍⴰⵏ ⵉ ⵍⵎⵖⵔⵉⴱ. ⵉⵙⵙⵎⵜⵔ ⴰⵥⵓⵍⴰⵢ ⴳ ⵜⴽⵛⵛⵓⵎⵜ ⵏⵏⵙ ⵙ ⵓⵙⵓⵍⴼ ⵏ ⵓⵕⵥⵥⵓⵎ ⵏ ⵓⵙⴰⴳⵔⴰⵡ, ⵍⵍⵉ ⵉⵔⴰⵏ ⴰⴷ ⵢⵉⵍⵉ ⴰⵔ 25 ⵎⴰⵢⵢⵓ ⵡⴰⵏⵉⵜⵉⴽ, ⵉⵙ ⵉⴳⴰ ⵍⵃⴰⵍ ⴰⵣⵓⵔⵜ ⵏ ⵜⵡⵓⵔⵉⵡⵉⵏ ⵓⵔ ⵉⵍⵉⵏ ⴰⵏⴰⵡ ⵜⵖⵜⵙ ⵉⵙⵔⴰⵢⵉⵍ ⴰⴷ ⵜ ⵜⵙⵎⵎⵜⵔ ⵉ ⵍⵎⵖⵔⵉⴱ, ⵉⵔⵏⵓ ⵉⴳⴰ ⴷⴰⵜ ⴽⵓⵍⵛⵉ ⴰⵍⴰⵖⵎⵓ ⴰⴱⵉⴷⴰⴳⵓⵊⵉ ⵢⴰⴽⴽⴰⵏ ⴰⵎⵎⴰⵥ ⵏ ⵜⵉⵅⵅⵉⵜⵔⵜ ⵏ ⵓⵙⵏⵓⵍⴼⵓ ⴳ ⵜⴷⵉⵏⴰⵎⵉⵜ ⵏ ⵜⴳⵎⵉ. ⵉⵙⵉⵟⵟⵏ ” ⴰⵎⵓⵔⵙ ⵏ ⵓⵣⵓⵔⵜ ⵏ ⵉⵙⵔⴰⵢⵉⵍ ⴳ ⵢⵉⴳⵔ ⵏ ⵜⵉⴽⵏⵓⵍⵓⵊⵉⵜ ⴷ ⵓⵙⵏⵓⵍⴼⵓ ⵉⵙ ⴰⵏⵖ ⵉⴳⴰ ⴱⵓ ⵓⵏⴰⵎⴽ ⵎⴽ ⴷ ⵙⴳⵙ ⵏⵉⵡⵉ ⵜⵉⵎⵙⵉⵔⵉⵏ ⵍⵍⵉ ⴰⵏⵖ ⵉⵜⵜⴰⵡⵙⵏ ⴰⴷ ⵏⵉⵍⵉ ⵙ ⵜⵓⵎⵎⵏⴷⴰ ⴳ ⵓⵎⴰⴹⴰⵍ ⴰ ⵍⵍⵉ ⵉⵜⵜⵍⵎⴰⵡⴰⵢⵏ ⴷ ⵉⵎⵎⵙⴽⴰⵍⵏ ⴳⴳⵓⵜⵏⵉⵏ ⴷⴰⵜ ⵓⵙⴽⵙⵓ ⵏⵏⵖ.”

ⵚⴰⴹⵉⵇⵉ : ⵉⵍⴰ ⵓⵔⵣⵣⵓ ⴰⵎⴰⵙⵙⴰⵏ ⵜⴰⵎⵍⴰⵍⵜ ⵜⴰⴽⵙⵡⴰⵜ ⴳ ⵓⵙⵡⵓⴷⴷⵓ ⴰⵙⵓⵍⴰⵏ ⵏ ⵢⵉⴳⵔ ⵏ ⵜⴳⵯⵎⵔⵜ ⵜⴰⵢⵍⴰⵏⵜ (ⵍⵓⵎⴰⵜⵜⴰⵏ)

ⵉⵙⵙⵍⴽⵏ ⵓⵎⴰⵡⵙⴰⵙ ⵏ ⵜⴽⵔⵣⴰ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵎⴰⵡⴰⵏ ⴷ ⵜⴰⴳⴰⵏⵉⵏ ⵎⴰⵙⵙ ⵎⵉⵃⵎⵎⴰⴷ ⵚⴰⴹⵉⵇⵉ, ⴰⵙⵍⵉⴷ ⴰⵢⵏⴰⵙ ⴳ ⵙⵉⴷⵉ ⴱⵓⵇⵏⴰⴷⵍ, ⵉⵙ ⵉⵍⴰ ⵓⵔⵣⵣⵓ ⴰⵎⴰⵙⵙⴰⵏ ⵜⴰⵎⵍⴰⵍⵜ ⵜⴰⴽⵙⵡⴰⵜ ⴳ ⵓⵙⵡⵓⴷⴷⵓ ⴰⵙⵓⵍⴰⵏ ⴷ ⵓⵙⴱⵓⵖⵍⵓ ⵏ ⵢⵉⴳⵔ ⵏ ⵜⴳⵯⵎⴰⵔⵜ ⵜⴰⵢⵍⴰⵏⵜ. ⵉⵙⴱⵏⵏⴷ ⵚⴰⴹⵉⵇⵉ ⴳ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ “ⵜⴰⵎⵙⴰⵡⴰⵍⵜ ⵜⴰⵏⵉⵍⴰⵏⵜ” ⵜⵙⵏⵎⴰⵍⴰ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⴼⵔⴰⴳ ⵏ ⵜⵡⵏⵏⴰⴹⵜ ⵙ ⵓⵎⵢⴰⵡⴰⵙ ⴰⴽⴷ ⵜⵎⵙⵇⴰⴷⵜ ⵏ ⴱⵕⵟⵇⵇⵉⵣ ⴳ ⵍⵎⵖⵔⵉⴱ, ⵉⵙ “ⵉⵙⵙⴰⵔⵓ ⵍⵎⵖⵔⵉⴱ ⵙ ⴽⵉⴳⴰⵏ ⴳ ⵓⵙⴷⵓⵙ ⵏ ⵓⵔⵣⵣⵓ ⴰⵎⴰⵙⵙⴰⵏ, ⵙ ⵡⴰⵏⵏⴰⵍ ⵏ ⵓⵙⵉⵏⴰⴳ ⴰⵏⴰⵎⵓⵔ ⵉ ⵓⵔⵣⵣⵉ ⴳ ⵜⴳⵯⵎⵔⵜ ⵜⴰⵢⵍⴰⵏⵜ (INRH) ⵉ ⵓⵙⴱⵓⵖⵍⵓ ⵏ ⵜⵔⴰⵜⵙⴰ ⵏⵏⵙ ⵖⴼ ⵜⴰⵖⵣⵉ ⵏ ⵓⴼⵜⴰⵙ ⴳ ⵡⴰⵎⵎⴰⵙⵏ ⵏ ⵓⵔⵣⵣⵓ ⵍⵍⵉ ⵉⵙⴽⵓⵜⵜⴰⵏ ⵖⴼ ⵓⵔⵣⵣⵓ ⴷ ⵓⵙⵏⵓⵍⴼⵓ ⵉ ⵓⵙⴼⵍⵙ ⵏ ⵜⵉⴹⴰⴼ ⵏ ⵎⴰⵡⵡⴰⵙⵏ ⵉⵢⵍⴰⵏⵏ, ⴷ ⵉⵙⵓⴳⴰⵎ ⵏ ⵉⵙⵍⵎⴰⵏ ⴷ ⵓⵙⴳⵎⵉ ⵏ ⵉⵎⵓⴷⴷⵓⵔⵏ ⵏ ⵡⴰⵎⴰⵏ.

ⴰⴱⵔⵔⵃ ⵙ ⵓⵙⵏⵓⵍⴼⵓ ⵏ ⵜⴰⴳⴳⴰⵣⵜ “ⵍⵇⵓⴷⵙ” ⵉ ⵡⴰⵏⵏⴰⵍ ⵏ ⵓⵎⵢⴰⵡⴰⴹ ⴷ ⵜⵖⵎⵙⴰ (ⵍⵉⵜⵜⵉⵃⴰⴷ ⵍⵉⵛⵜⵉⵔⴰⴽⵉ)

ⵉⵜⵜⵓⴳⴰ, ⴰⵙⵍⵉⴷ ⴰⵙⵙⴰⵏⵟ, ⴳ ⵓⵙⵖⵉⵎ ⵏ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵓⵥⵕⴼ ⵍⵇⵓⴷⵙ, ⵓⴱⵔⵔⵃ ⵏ ⵜⵉⴳⴳⵉ ⵏ ⵜⴰⴳⴳⴰⵣⵜ “ⵍⵇⵓⴷⵙ” ⵉ ⵡⴰⵏⵏⴰⵍ ⵏ ⵜⴷⵔⴼⵉⵜ ⵏ ⵓⵎⵢⴰⵡⴰⴹ ⴷ ⵜⵖⵎⵙⴰ ⵉⵥⵍⵉⵏ ⵙ ⵜⵖⴰⵡⵙⵉⵡⵉⵏ ⵏ ⵍⵇⵓⴷⵙ ⴷ ⴼⴰⵍⴰⵚⵟⵉⵏ. ⴰⵔ ⵜⵜⵓⵥⵍⴰⵢ ⵜⴰⴳⴳⴰⵣⵜ ⵏ ⵍⵇⵓⴷⵙ ⵙ ⵖⵓⵔ ⵓⵙⴰⴳⵔⴰⵡ ⵕⵕⴱⴰⵟ ⵉ ⵓⵙⵏⵉⵖⵙ ⴷ ⵓⴹⴼⴰⵕ ⴷ ⵓⵙⵜⴰⵍ ⵉⴹⴼⴰⵕⵏ ⵉ ⵜⵙⵏⵓⵔⴰⵢⵜ, ⵢⵉⵍⵉ ⵓⵙⵖⵉⵎ ⵏⵏⵙ ⴳ ⵍⵇⵓⴷⵙ ⴰⵛⵛⵔⵉⴼ, ⴰⵢⴰ ⵉ ⵜⵏⴰⵍⵉⵜ ⵏ ⵜⴷⵔⴼⵉⵜ ⵏ ⵓⵎⵢⴰⵡⴰⴹ ⴷ ⵜⵖⵎⵙⴰ ⴳ ⵍⵇⵓⴷⵙ. ⵉⴷⴷⴰ ⴷ ⵓⴱⵔⵔⵃ ⴷⴷⵖ ⵉ ⵜⴰⴳⴳⴰⵣⵜ ⴰ ⴳ ⵓⵙⴰⵜⴰⵍ ⵏ ⵓⴼⵔⴰⴳ ⵉ ⵉⵏⵖⵎⴰⵙⵏ ⴷ ⵉⵎⵙⵡⵓⵔⵉⵜⵏ ⴳ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⵙ ⵎⴰⵕⵕⴰ ⵉⵥⵍⴰⵢⵏ ⵏⵏⵙⵏ, ⵓⵍⴰ ⵎⴰ ⴷ ⵉⴹⴼⴰⵕⵏ ⴰⵢⴰⵏⵏ ⵙⴳ ⵓⵙⵃⴷⵓⴷⵉ ⵏ ⵉⵎⴰⵙⵙⵏ ⵏ ⵓⴼⵔⴰⴳ ⴷ ⵉⵙⵓⴳⴰⵎ ⵏ ⵉⵏⵖⵎⵉⵙⵏ, ⵓⵍⴰ ⴳ ⵓⵙⴰⵜⴰⵍ ⵏ ⵥⵍⴰⵢⵏ ⵏ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵜⴰⵥⵕⴼⴰⵏⵜ ⵍⵇⵓⴷⵙ ⴰⵛⵛⵔⵉⴼ, ⵉⴹⴼⴰⵕⵏ ⵉ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵉⴳⴰⵏ ⵜⵉⵎⵔⵙⵍⵜ ⵜⴰⵏⴰⵎⵓⵏⵜ ⵉⵅⴷⴷⵎⵏ ⵖⴼ ⵓⴼⵔⴰⴳ ⵏ ⵍⵇⵓⴷⵙ ⴰⵛⵛⵔⵉⴼ ⴷ ⵓⵃⵟⵟⵓ ⵏ ⵡⴰⵢⴷⴰ ⵏⵏⵙ ⴰⵖⵔⵎⴰⵏ ⴷ ⵜⵎⴷⵉⵏⵜ ⵉⵎⴰⵏⵏ ⵉ ⵉⵎⴹⴼⴰⵕⵏ ⵏ ⵉⵙⴳⴷⵏ ⵏ ⵉⴳⵏⵡⴰⵏ ⵙ ⴽⵕⴰⴹ.

ⵜⴰⵙⵙⴰⵙⵜ ⵏ ⵡⴰⵎⴰⵏ ⴳ ⵍⵎⵖⵔⵉⴱ.. ⴰⵎⵓⵔ ⴰⵙⴳⵯⵙⴰⵏ ⵏ ⵢⴰⵏ ⴱⵏⴰⴷⵎ ⵉⴳⴳⵣ ⴷ ⵙⴳ 2500 ⵎⵉⵜⵔ ⴽⵓⴱ  ⵙ 650  ⵎⵉⵜⵔ ⴽⵓⴱ (ⵍⵉⵜⵜⵉⵃⴰⴷ ⵍⵉⵛⵜⵉⵔⴰⴽⵉ)

ⵙⵎⴰⴳⵍⵏ ⵎⵏⵏⴰⵡ ⵏ ⵉⵎⵔⵣⴰ ⴷ ⵉⵎⵓⵣⴰⵢⵏ ⴳ ⵢⵉⴳⵔ ⵏ ⵡⴰⵎⴰⵏ ⴳ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⵉⵜⵜⵓⵙⵏⵎⴰⵍⴰⵏ ⵜⵉⴳⵉⵔⴰ ⴰ ⵙⴳ ⵜⵏⵓⵟⵟⴰⴼ ⵏ ⵜⴰⴷⵔⵙⵉ ⵏ ⵡⴰⵎⴰⵏ ⴷ ⵓⵏⵎⵔⵉ ⴰⵣⵎⵣⴰⵏ ⵏ ⵡⴰⵎⴰⵏ ⵙ ⵜⵎⵏⵜⵉⵍⵜ ⵏ ⵓⵎⵢⴰⵡⴰⵙ ⵏ ⵢⵉⴹⵉⵚⵏ ⵏ ⵜⴳⵎⵉ ⵜⴰⴷⵉⵎⵓⴳⵔⴰⴼⵉⵜ ⴷ ⵓⵙⴱⴰⵔⴰⵡ ⵏ ⵓⵖⵔⵉⵎ ⴷ ⵡⴰⵔⴰⵓⵙⴷⵙ ⵏ ⵓⵏⵥⴰⵕ. ⵜⵙⵙⴰⴼⵖ ⴷ ⵜⵉⵏⴰⵡⵜ ⵍⵍⵉ ⵉⵙⵏⵎⴰⵍⴰ ⵓⵙⵉⵏⴰⴳ ⵏ ⵜⴼⵏⵉⵡⵜ ⵏ ⵓⵙⵔⵓⵙ ⴷ ⵓⵙⵡⵓⴷⴷⵓ, ⵙ ⵓⵎⵢⴰⵡⴰⵙ ⴰⴽⴷ ⵡⴰⵎⵎⴰⵙ ⵏ ⵜⵣⵔⴰⵡⵉⵏ ⴷ ⵉⵔⵣⵣⵓⵜⵏ (Re Sources ) ⵉⵙⵔⴳ  ⵓⵎⵢⴰⵡⴰⵙ ⵏ ⵢⵉⴹⵉⵚⵏ ⴷ ⵉⴽⴽⴰⵏ ⴰⵙⵏⴼⵍ ⵏ ⵓⵏⵣⵡⵉ ⴷ ⵜⴳⵎⵉ ⵜⴰⴷⵉⵎⵓⴳⵔⴰⴼⵉⵜ ⴳ ⵡⵓⵖⵓⵍ ⵏ ⵓⵙⵖⵍ ⵏ ⵉⵙⵓⴳⴰⵎ ⵉⴳⴰⵎⴰⵏⵏ ⵙⴳ ⵡⴰⵎⴰⵏ ⵙ ⵖⵓ ⵓⵎⴹⴰⵏ ⵏ ⵉⵎⵣⴷⴰⵖ ⵙⵖ 2500 ⵎⵉⵜⵔ ⴽⵓⴱ ⵉ ⵢⴰⵏ ⴳ ⵓⵙⴳⴳⵯⴰⵙ ⴼⵔ 1960 ⴳ ⵜⴼⵔⴽⵜ ⴰ.

ⵜⵓⵏⵙ : ⴰⵙⵜⴰⵢ ⵏ ⵍⵎⵖⵔⵉⴱ ⴷ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⵎⵖⴰⵔⴱⵉⵜ ⵏ ⵉⵎⵙⵜⴰⵏⵏ ⵉⵄⵔⵔⵉⵎⵏ (ⵍⵢⴰⵡⵎ ⵍⵎⵖⵔⵉⴱⵉ)

ⵉⵜⵜⵓⴳⴰ ⴳ ⵍⵃⴰⵎⴰⵎⴰⵜ ⴳ ⵜⵓⵏⵙ ⵓⵙⵜⴰⵢ ⵏ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⵎⵖⴰⵔⴱⵉⵜ ⵉ ⵉⵎⵙⵜⴰⵏⵏ ⵉⵄⵔⵔⵉⵎⵏ. ⵉⵜⵜⵓⴳⴰ ⵓⵙⵜⴰⵢ ⵏ ⵍⵎⵖⵔⵉⴱ ⴷ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⵎⵖⴰⵔⴱⵉⵜ ⴳ ⵓⵏⵎⵖⵓⵔ ⴰⵎⵙⵜⴰ ⴱⵏⵛⵛⵉⵅ ⵎⵓⵃⵎⵎⴰⴷ ⵍⵃⴱⵉⴱ, ⴳ ⵓⴳⵔⴰⵡ ⴳ ⵓⴳⵔⴰⵡ ⴰⵎⵣⵡⴰⵔⵓ ⵏ ⵜⵙⵇⵇⵉⵎⵜ ⵍⵍⵉ ⵉⵍⵍⴰⵏ ⴳⵔ 12 ⴷ 22 ⵎⴰⵢⵢⵓ ⴷⴷⵖ ⴳ ⵓⵙⴰⵜⵉ ⵏ ⵜⵉⵏⴰⵡⵜ ⵜⴰⵎⵖⵔⴰⴱⵉⵜ ⵖⴼ ” ⵜⵏⴼⵔⵉⵜ ⴷ ⵜⵎⵢⴰⵇⵇⴰⵏⵉⵏ ⵉⴳⵔⴰⵖⵍⴰⵏⵏ” ⴳ ⵉⴷⵔⵓⵏ ⵉⵎⵓⴻⴰⵢⵏ ⵉⵎⵥⵍⴰⵢⵏ ⵙⴳ ⵜⵎⵏⴰⴹⵜ ⵜⴰⵎⵖⴰⵔⴱⵉⵜ. ⵉⵙⵙⵍⴽⵏ ⴱⵏ ⵛⵛⵉⵅ ⵉⵙ ⵜⴻⵜⵜⵓⴳⴰ ⵜⵎⵀⵍⵜ ⵏ ⵓⵙⵎⴰⵢⵏⵓ ⵏ ⵓⵙⵉⵔⴰ ⵏ ⵜⴰⵎⵓⵏⵜ ⵜⴰⵎⵖⴰⵔⴱⵉⵜ ⵙ ⵜⵉⵀⴰⵡⵜ ⵏ ⵡⵓⴳⴳⴰⵏ ⵏ 180 ⵏ ⵓⵎⵙⵜⴰⵏ ⴷ ⵜⵎⵙⵜⴰⵏⵜ ⵙⴳ ⵜⵎⵏⴰⴹⵉⵏ ⵎⵢⴰⵏⴰⵡⵏⵉⵏ ⵜⵉⵎⵖⴰⵔⴱⵉⵢⵉⵏ.

ⴰⵙⵙⴰⵔⵓ / ⵜⵉⴳⵎⵉ : ⵉⵥⵖⵕⴰⵏ ⵏ ⵜⵏⵎⴳⵍⴰ ⴳ ⵜⴷⵎⵙⴰ ⵜⴰⵎⵖⵔⵉⴱⵉⵢⵜ (ⵍⵓⴱⵉⵏⵢⵓⵏ)

ⵉⴼⴰⵡ ⵉⵙ ⵉⴳⴰ ⵍⵎⵖⵔⵉⴱ ⵙⴳ ⵜⵎⵉⵣⴰⵔ ⴼ ⵉⵍⵍⴰ ⵓⵙⵡⵉⵔ ⴰⵎⴰⵜⵜⴰⵢ ⵏ ⵓⵙⵙⴰⵔⵓ. ⵉⵎⵉⵍ ⵜⵙⵙⴰⵔⵓ ⵜⴳⵍⴷⵉⵜ 32.3 % ⵏ ⵓⴼⴰⵔⵙ ⵏⵏⵙ ⴰⴷⵖⵔⴰⵏ ⴰⵖⵣⵓⵔⴰⵏ ⴽⵓⴷⵏⵏⴰ ⵓⵔ ⵉⵣⵔⵔⵉ ⵓⵏⴰⵎⵎⴰⵙ ⴰⵎⴰⴹⵍⴰⵏ 25%. ⴳ ⵜⵎⴳⵍⴰ, ⵓⵔ ⴷⴰ ⵉⵙⵍⵍⵡⵓ ⵖⴰⵙ ⵜⵉⴳⵎⵉ ⵜⴰⵎⴰⵏⵓⵣⵜ ⴳ ⵓⵙⵎⵣⴰⵣⴰⵍ ⴰⴽⴷ ⵓⵡⴰⵏⴽⵏ ⵍⵍⵉ ⵉⵙⴰⵔⵓⵏ ⴰⵎⵎ ⵓⵣⴰⵍ ⴰ. ⵙ ⵎⴰⵏ ⴰⵢⴰ ⵔⴰⴷ ⵉⴳ ⴰⵣⵓⵛⵛⵍ ⵓⵔⵎⴰⵙ ⵏ ⵜⵎⵏⵜⵉⵍⵉⵏ ⵏ ⵡⵓⵣⴷⵓⵔ ⴰ ⵍⵍⵉ ⵉⵙⵓⵍ ⵉⵙⵙⵓⴷⴰ ⴷⴰⵜ ⵡⴰⵍⵏ ⵏⵏⵖ. ⵎⴽ ⴷⴰ ⵉⵙⵙⴰⵔⵓ ⵓⵡⴰⵏⴽ ⵉⵣⴰⵍⵏ ⵉⵥⵏⵟⴰⵕⵏ, ⵓⵔ ⵉⵍⵓ ⵢⵉⴳⵔ ⵓⵙⵍⵉⴳ ⵜⵉⵄⵥⵣⵉⵜ ⴰⵎⵎ ⵜⵉⵏⵏⵙ, ⵉⵎⵉⵍ ⵓⵔ ⵉⵜⵜⴰⵙⵉ ⵜⵉⵙⵏⵜⴰⵢⵉⵏ ⵉⴽⴼⴰⵏ. ⵉⵎⴹⴰⵏⵏ ⵙⵙⴰⵡⴰⵍⵏⵜ ⵖⴼ ⵉⵅⴼ ⵏⵏⵙⵏ, ⵉⵎⵉⵍ ⵉⵟⵟⴼ ⵓⵡⴰⵏⴽ 65 ⴳ ⵜⴰⴳⵎⵉⴹⵉ % ⵏ ⵓⵖⵣⵓⵔⴰⵏ ⵏ ⵓⵙⵙⴰⵔⵓ ⵉⵜⵜⴳⴳⵏ ⵓⴳⴳⴰⵔ ⵏ ⵙⵉⵏ ⵉⵎⴽⵕⴰⴹ ⵙ ⵓⴱⵣⴰⵔ ⵏ 16% ⴳ ⵜⴳⵎⵉ.

ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ ⴳ ⵜⵉⵏⵖⵉⵔ.. ⵜⴰⵡⵓⵔⵉ ⵉⵣⴷⵉⵏ ⵉ ⵓⵙⴽⵓ ⵏ ⵜⵣⵎⵎⴰⵔ ⵏ ⵜⵎⵢⴰⵡⴰⵙⵉⵏ (ⵍⵓⴱⵉⵏⵢⵓⵏ)

ⴷⴰ ⵜⴳⴳⴰ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ, ⴳ ⵜⵙⴳⴰ ⵏ ⵜⵉⵏⵖⵉⵔ, ⵜⵉⴳⴳⵜ ⵏ ⵜⵡⵓⵔⵉⵡⵉⵏ ⴷ ⵉⵙⵡⵓⴷⴷⵓⵜⵏ ⵍⵍⵉ ⵉⵙⵙⵉⵜⵉⵎⵏ ⴰⵙⴷⵓⵙ ⵏ ⵜⵣⵎⵎⴰⵔ ⵜⵉⵥⵕⴼⴰⵏⵉⵏ ⴷ ⵓⵙⵍⵍⵡⵓ ⵏ ⵜⵙⵓⵍⴰⵏⵜ ⵉ ⵜⵎⵣⴰⵡⴰⵙⵉⵏ. ⵡⴰⵜⵙⵏⵜ ⵜⵣⵎⵎⴰⵔ ⵍⵍⵉ ⵜⴻⵜⵜⴳⴳ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ, ⴳ ⵢⵉⴳⵔ ⴰ, ⴰⵏⵏⴰⵍ ⵏ ⵜⵓⵙⴽⵉⵡⵉⵏ ⵏ ⵉⵎⴳⴳⴰⵢⵏ ⴷ ⵜⴷⵎⴰⵙⴰ ⵏ ⵜⵡⵉⵣⵉⵏ ⴷ ⵓⵙⴷⵓⵙ ⵏ ⵜⵉⵍⴰⵍ ⵏⵏⵙⵏⵜ ⴷ ⵓⵙⴱⵓⵖⵍⵓ ⵏⵏⵙⵏⵜⵏ ⵍⵓⵎⴰⵕ ⴳ ⵓⴹⴼⴰⵕ ⵏ ⴰⵥⵕⴼⴰⵏ ⴷ ⵓⵜⵉⵇⵏⵉ. ⵉⵥⵍⵉ ⵡⴰⵏⵏⴰⵍ ⴰⵜⵉⵇⵉ ⵉⵜⵜⵓⴼⴽⴰⵏ ⵉ ⵜⵎⵢⴰⵡⴰⵙⵉⵏ, ⵙ ⵓⵥⵍⴰⵢⵏ ⵉⵎⴰⵙⵙⵏ ⵏ ⵓⴼⴰⵔⵙ ⵏ ⵉⵢⴰⴼⵓⵜⵏ ⵏ ⵜⵎⵢⴰⵡⴰⵙⵉⵏ ⵃⵎⴰ ⴰⴷ ⵙⵙⵉⵍⵉⵏⵜ ⴳ ⵜⵣⵎⵎⴰⵔ ⵏⵏⵙⵏⵜ ⴷ ⵓⵙⴱⵓⵖⵍⵓ ⵏ ⵜⵉⴳⴳⵉ ⵏⵏⵙⵏⵜ.

ⵜⴰⵜⵉⴽⵏⵓⵍⵓⵊⵉⵜ : ⵉⵖⵉⵢ ⵍⵎⵖⵔⵉⴱ ⴷ ⵉⵙⵔⴰⵢⵉⵏⵍ ⴰⴷ ⵙⴱⵓⵖⵍⵓⵏ ⵉⴼⵙⵙⴰⵢⵏ ⵉⵜⵜⵓⵙⵏⵓⵍⴼⴰⵏ ⵉ ⵙⵙⵍⴰⵎⵜ (ⵎⴰⵔⵓⴽ ⵍⵓⵊⵓⵔ)

ⵉⵙⵙⵍⴽⵏ ⵓⵏⵙⵙⵉⵅⴼ ⵏ ⵉⵙⵔⴰⵢⵉⵍ ⵉⵙⵃⴰⵇ ⵀⵉⵔⵜⵙⵓⴳ, ⵉⵙ ⵥⴹⴰⵕ ⵍⵎⵖⵔⵉⴱ ⴷ ⵉⵙⵔⴰⵢⵉⵍ ⴰⴷ ⵙⵡⵓⵔⵉⵏ ⵙⵉⵏ ⵖⴼ ⵓⵙⴱⵓⵖⵍⵓ ⵉⴼⵙⵙⴰⵢⵏ ⵉⵜⵜⵓⵙⵏⵓⵍⴼⴰⵏ ⵙ ⵓⵥⵍⴰⵢ ⴳ ⵢⵉⴳⵔ ⴰⵜⵉⴽⵏⵓⵍⵓⵊⵉ, ⵃⵎⴰ ⴰⴷ ⵜⵖⵓⴷⵓ ⵜⵖⴰⵔⴰ ⵏ ⵜⵙⴳⴳⵯⵉⵏ ⵏ ⵜⵓⴷⵔⵜ ⴷ ⵜⴱⵔⵉⴷⵉⵏ ⵏ ⵓⵎⵢⵉⴷⵉⵔ ⴷ ⵓⵙⴷⵓⵙ ⵏ ⵡⴰⵍⴰⵢ ⴷ ⵙⵙⵍⴰⵎⵜ ⴳ ⵓⵏⵇⵇⵔ ⴰⵏⴰⵎⵎⴰⵙ ⴷ ⵉⴼⵔⵉⴰⵢⵇⴰ. ⴳ ⵜⴽⵛⵛⵓⵎⵜ ⵉⵜⵜⵓⴽⵍⵙⵏ ⵜⴻⵜⵜⵓⵣⵓⵣⵣⵔ ⵙ ⵙⵓⵙⵍⴼ ⵏ ⵜⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵙⴰⴳⵔⴰⵡ : “ⵍⵎⵖⵔⵉⴱ-ⵉⵙⵔⴰⵢⵉⵍ : ⵎⵓⴰⵡⴰⴹ ⵖⴼ ⵓⵙⵏⵓⵍⴼⵓ”, ⵍⵍⵉ ⵉⵙⵙⵏⵜⴰⵏ ⵜⵉⵡⵓⵔⵉⵡⵉⵏ ⵏⵏⵙ ⴰⵙⵍⵉⴷ ⴰⵙⵙⴰⵏⵟ ⴳ ⵜⴰⴷⴷⴰⵔⵜ ⵜⵓⵎⵍⵉⵍⵜ, ⵉⵣⵔⵉⵔⵉⴳ ⵓⵏⵙⵙⵉⵅⴼ ⵏ ⵉⵙⵔⴰⵢⵉⵍ ⵖⴼ ⵉⵎⵢⴰⵙⵙⴰⵜⵏ ⵏ ⵓⵎⵢⴰⵡⴰⵙ ⵍⵍⵉ ⵉⵙⵎⵓⵏⵏ ⴳⵔ ⵙⵉⵏ ⵉⴳⴷⵓⴷⵏ ⴷ ⵍⵍⵉ ⵉⵣⵣⵜⵏ ⵙ ⵉⵣⵖⵔⴰⵏ ⴳ ⵓⵎⵣⵔⵓⵢ, ⵉⵙⵙⵍⴽⵏ ⴳ ⵡⴰⴽⵓⴷ ⴰⵏⵏ ⵏⵉⵜ ⵖⴼ ⵜⵎⵍⴰⵍⵜ ⵜⴽⵓⵎⴰⵏⵜ ⵖⵓⵔ ⵉⵙⵔⴰⵢⵉⵍⵉⵢⵏ ⴰⵢⵜ ⵓⵙⴰⵍⴰ ⴰⵎⵖⵔⵉⴱⵉ ⴳ ⵓⵙⴱⵓⵖⵍⵓ ⵏ ⵓⵡⴰⵏⴽ ⵏ ⵉⵙⵔⴰⵢⵉⵍ, ⴷ ⵜⴷⵔⴰⵡⵜ ⵏ ⵉⵎⵣⴷⴰⵖ ⵓⴷⴰⵢⵏ ⵉⵎⵖⵔⵉⴱⵉⵢⵏ ⴳ ⵜⴳⵍⴷⴰ ⵜⵎⴰⵖⵔⵉⴱⵉⵜ.

ⵕⵕⴱⴰⵟ : ⴰⴷⴷⴰⴷ ⴰⴷⵓⵙⴰⵏ ⵏ ⵓⴽⵏⵉⵡ “ⴰⵙⵉⵢⴰⵎⵉ” ⵉⵖⵓⴷⴰ ⴷⴼⴼⵉⵔ ⵎⴰ ⵉⵜⵜⵓⵙⴱⴹⴰ (ⵎⴰⵔⵉⴽ ⵍⵓⵊⵓⵔ)

ⵉⵙⵙⵍⴽⵏ ⵓⵙⵍⵎⴰⴷ ⴼⵓⴰⴷ ⵟⵟⵢⴱⵉ, ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵉⵖⴰⵡⴰⵍⵏ ⵉⵏⴼⵍⴰⵢⵏ ⴳ ⵓⵙⴳⵏⴰⴼ ⵏ ⵡⴰⵣⵣⴰⵏ ⴳ ⵕⵕⴱⴰⵟ, “ⵉⵖⵓⴷⴰ” ⵡⴰⴷⴷⴰⴷ ⴰⴷⵓⵙⴰⵏ ⵏ ⵓⴽⵏⵉⵡ ⴰⵙⵉⵢⴰⵎⵉ ⵢⵉⵡⴹⵏ ⴳ ⵓⵡⵜⴰⵢ ⵙⵉⵏ ⵉⵢⵢⵉⵔⵏ, ⵍⵍⵉ ⵎⵉ ⵜⵜⵓⴳⴰ ⵜⵀⵍⵜ ⵏ ⵓⴱⵟⵟⵓ ⴰⴽⵣⴰⵙ ⵉⵣⵔⵉⵏ. ⵉⵏⵏⴰ ⵓⵙⵍⵎⴰⴷ ⴼⵓⴰⵙ ⵟⵟⵢⴱⵉ ⴰⵙⵍⵎⴰⴷ ⵏ ⵓⴼⵍⴰⵢ ⵏ ⵡⴰⵣⵣⴰⵏⵏ ⵍⵍⵉ ⵉⵍⵍⴰⵏ ⵖⴼ ⵜⵎⵀⵍⵜ, ⵉⵙ ⵉⵖⵓⴷⴰ ⵡⴰⴷⴷⴰⴷ ⴰⴷⵓⵙⴰⵏ ⵏ ⵉⴽⵏⵉⵡⵏ ⵉⵙⵉⵢⴰⵎⵉⵢⵏ ⵍⵍⵉ ⵉⴽⴽⴰⵏ ⵎⵓⵏⵏ ⴳ ⵓⵙⵡⵉⵔ ⵏ ⵓⴷⵉⵙ ⴷ ⵜⴰⵙⴰ ⴷ ⵜⵙⴳⴰ ⵜⴰⵎⴰⵣⴷⴰⵔⵜ ⵏ ⵉⴷⵎⴰⵔⵏ” ⴷⴼⴼⵉⵔ ⵎⴰ ⵣⵔⵉⵏ ⴽⴽⵓⵥ ⵏ ⵡⵓⵙⵙⴰⵏ ⵖⴼ ⵜⵎⵀⵍⵜ ⵏ ⵓⴼⵍⴰⵢ, ⵉⵎⵉⵍ ⵉⵎⴷⴰ ⵓⴱⵔⵓⵜⵓⴽⵓⵍ ⵏ ⵓⵙⵙⵉⴷⵔ ⴷ ⵔⴰⴷ ⵜⵜⵓⴼⴽⵏ ⵉ ⵎⴰⵔⴰⵡⵏ ⵏⵏⵙⵏ ⴰⵙⴽⴽⴰ ⵏⵖ ⵏⵏⵓⴼ.”

ⵜⵓⵚⴽⵉⵡⵉⵏ : ⵓⵖⵓⵍ ⵏ ⵓⵙⴽⴰⵏ ⴷ ⵜⵓⵜⵜⵔⴰ ⴳ ⵜⴽⴽⵓⵥⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⴰ (ⵓⵊⵓⵔⴷⵡⵉ ⵍⵓⵎⴰⵔⵓ)

ⵉⵣⵎⵎⴻⵎ ⵡⵓⵖⵓⵍ ⴳ ⵜⵓⵜⵜⵔⴰ ⵏ ⵜⵓⵚⴽⵉⵡⵉⵏ ⴳ ⵜⴽⴽⵓⵥⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⴰ. ⵓⵎⴰⵏⴻⵏⵜ ⵜⵙⵙⵎⵜⴰⵔ ⵏ ⵜⴱⴰⴷⵓⵜ “ⵎⴱⵓⴱ” ⵏ ⵜⵓⵚⴽⵉⵡⵉⵏ ⴰⵏⴽⵓⵎⵎⵙ ⴳ ⵓⵙⴽⴰⵏ ⵙ ⵓⵙⵖⵍ ⵏ 3.95% ⴳ ⴽⵕⴰⴹ ⵡⴰⵢⵢⵓⵔ ⵉⵎⵣⵡⵓⵔⴰ ⵏ ⵓⵙⴳⴳⵯⴰⵙ. ⵜⴹⴼⵓⵕ ⵜⵓⵜⵜⵔⴰ ⵜⴰⵏⵉⵍⴰ ⴰ ⵏⵉⵜ, ⵜⵓⵖⵓⵍ ⵙ ⵓⵙⵖⵍ ⵏ 1.2%ⴳ ⵜⵉⴳⵉⵔⴰ ⵏ ⵎⴰⵕⵚ, ⴳ ⵓⵢⵏⵏⴰ ⵉⵏⵏⴰ ⵓⵏⵇⵇⵉⵙ ⵏ ⵜⴱⴰⴷⵓⵜ ⴰ ⵜⴰⵏⵉⵜⵉⵏ. ⴳⵔ ⵉⵙⵙⵎⵜⵔⵏ ⵍⵍⵉ ⵉⵜⵜⴼⵙⵉⵏ ⵜⴰⵎⵣⵎⵔⵜ ⵏ ⵜⴳⵎⵉ ⴳ ⵜⵎⴷⵉⵏⵉⵏ ⵜⵉⴷⵙⵍⴰⵏⵉⵏ. ⵙ ⵓⵢⴰ ⴰⵊⴳⵓⵍⵏ ⵡⴰⵜⵉⴳⴳⵏ ⵙ ⵉⵍⵉⴽⴽ ⴳ ⵜⵎⵎⵓⵥⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ 2022.

ⴰⵙⵉⵔⴰ ⵏ ⵓⴼⵓⵚⴼⴰⵟ ⵢⵓⴷⴼ ⵖⵔ ⴰⵙⴰⴳⵔⴰⵡ ⵏ ⵜⴷⵎⵙⴰ (ⵍⵉⵣⴰⵏⵙⴱⵉⵔⴰⵙⵢⵓⵏ ⵉⴽⵓ)

ⵜⴱⵔⵔⵃ ⵜⴳⵔⵓⵎⵎⴰ ⵏ ⵓⵙⵉⵔⴰ ⴰⵛⵛⵔⵉⴼ ⵏ ⵓⴼⵓⵚⴼⴰⵟ, ⵜⴰⵎⵣⵡⴰⵔⵜ ⴳ ⵢⵉⴳⵔ ⵏ ⵓⵙⴰⵛⵛ ⵏ ⵉⵎⵖⴰⵢⵏ ⴷ ⵓⵎⵙⵢⴰⴼⵓ ⴰⵎⴰⵣⵡⴰⵔⵓ ⴳ ⵓⵎⴰⴹⴰⵍ ⵏ ⵉⵎⴷⵖⵓⵙⵏ ⵉⴼⵓⵚⴼⴰⵟⵉⵢⵏ, ⵙ ⵓⴽⵛⵛⵓⵎ ⵏⵏⵙ ⵙ ⴰⵙⴰⴳⵔⴰⵡ ⴰⴷⵎⵙⴰⵏ ⴰⵎⴰⴹⵍⴰⵏ, ⵍⵍⵉ ⵉⴳⴰⵏ ⵜⴰⵎⴰⴷⴷⴰⵙⵜ ⵜⴰⵎⴳⵔⴰⵖⵍⴰⵏⵜ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵓⴳⵔⴰⵡ ⴷⴰⴼⵓⵙ ⴰⵙⴳⵯⵙⴰⵏ ⵉⵍⵍⴰⵏ ⵡⴰⵙⴰ ⴳ ⵙⵡⵉⵙⵕⴰ. ⵜⴱⴷⵔ ⵜⴳⵔⵓⵎⵎⴰ ⴰⴽⵛⵛⵓⵎ ⵏⵏⵙ ⵙ ⴰⵙⴰⴳⵔⴰⵡ ⵔⴰⴷ ⵉⴳⵣⵉ ⴰⴷⵖⴰⵔ ⵏⵏⵙ ⵏ ⵜⴱⴰⴷⵓⵜ ⵉⵏⵜⵎⵏ ⵏ ⵓⵎⵢⴰⵡⴰⵙ ⴳⵔ ⵢⵉⴳⵔⴰⵏ ⴰⴳⴷⵓⴷⴰⵏ ⴷ ⵡⵓⵙⵍⵉⴳ, ⵙ ⵓⵥⵍⴰⵢ ⵉⵙ ⵉⵙⵎⴰⵏ ⵓⵙⴰⴳⵔⴰⵡ ⴰⴷⵎⵙⴰⵏ ⴰⵎⴰⴹⵍⴰⵏ ⵓⴳⴳⴰⵔ ⵏ 2500 ⵏ ⵉⵎⵙⵙⵓⵔⵏ ⵉⵎⴰⴹⵍⴰⵏⵏ ⴷ ⵜⵏⴱⴰⴹⵉⵏ ⴷ ⵜⵎⵔⵙⴰⵍ ⵜⵉⴽⴰⴷⵉⵎⵉⵢⵉⵏ ⴷ ⵉⵎⵏⵓⴽⴰⵍ ⵉⵄⵔⵔⵉⵎⵏ ⴷ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⵓⵖⵔⵉⵎ ⵉ ⵓⵙⵎⴽⵍ ⵏ ⵜⵎⵏⵜⵉⵍⵉⵏ ⵜⵉⵎⴰⴹⵍⴰⵏⵉⵏ ⴷ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵉ ⵉⵏⴰⵥⴰⵕⵏ ⵍⵍⵉ ⴱⴰⵀⵔⴰ ⵉⵖⴰⵡⵍⵏ ⴳ ⵓⵎⴰⴹⴰⵍ.

ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳⵔ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵜⵉⵇⵏⵉ ⴷ ⵜⴼⵏⵉⵇⵉⵏ ⵏ ⵓⵔⵣⵣⵓ ⴽⵉⴱⵉⴽ ⵉ ⵓⵙⵉⵥⵕⴼ ⵏ ⵉⵙⵖⵏⵓⵜⵏ ⵉⵛⵛⴰⵔⵏ (ⵍⵉⵣⴰⵏⵙⴱⵉⵔⴰⵙⵢⵓⵏ ⵉⴽⵓ)

ⵜⴻⵜⵜⵓⵙⴳⵎⴹ ⵉⴹⵍⵍⵉ ⵏ ⵓⵙⵉⵏⴰⵙ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳⵔ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵜⵉⵇⵏⵉ ⴷ ⵜⴼⵏⵉⵇⵉⵏ ⵏ ⵓⵔⵣⵣⵓ ⴽⵉⴱⵉⴽ, ⴰⵢⴰ ⵃⵎⴰ ⴰⴷ ⵉⵏⵏⴰⵕⵥⵎ ⵓⵖⴰⵡⴰⵙ ⵏ ⵓⵙⵓⵥⵕⴼ ⵉⵛⵛⴰⵔⵏ ⵉ ⵉⵙⵖⵏⵓⵜⵏ ⵏ ⵓⵔⵣⵣⵓ ⴰⵎⴰⵙⵙⴰⵏ. ⵜⵥⵍⵉ ⵜⵎⵢⴰⵇⵇⴰⵏⵜ ⴰ ⵍⵍⵉ ⵜⵙⴳⵎⴹ ⵜⵏⵎⵀⴰⵍⵜ ⵏ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵔⵣⵣⵓ ⴰⵎⴰⵙⵙⴰⵏ ⴰⵜⵉⵇⵏⵉ ⵊⴰⵎⴰⵉⵍⴰ ⵍⵄⴰⵍⴰⵎⵉ, ⴷ ⵓⵅⴰⵜⴰⵔ ⵏ ⵉⵎⵓⵙⵏⴰⵡⵏ ⴳ ⴽⵉⴱⵉⴽ ⵔⵉⵎⵉ ⴽⵉⵔⵢⵓⵏ, ⵉⴳⵔⴰⵏ ⵏ ⵜⴷⵓⵙⵉ ⴷ ⵓⵙⵏⵓⵎⵉ ⴰⴽⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⵙⵡⵓⴷⴷⵓ ⵏ ⵡⴰⵎⴰⵏ. ⵜⴷⴷⴰ ⴷ ⵜⵎⵢⴰⵇⵇⴰⵏⵜ ⴷⴷⵖ ⴳ ⵓⵙⴰⵜⵉ ⵏ ⵜⵣⵎⵎⴰⵔ ⵉⵛⵛⴰⵔⵏ ⵉⵜⵜⵓⴳⴰⵏ ⵙ ⵜⵎⴰⵡⴰⵙⵜ ⵏ ⵓⵙⵙⵍⵎⴷ ⴰⵎⴰⵜⵜⴰⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⵓⵍⴼⵓ ⴷ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵔⵣⵣⵓ ⴰⵎⴰⵙⵙⴰⵏ ⴰⵜⵉⵇⵏⵉ ⵉ ⵓⵙⴷⵓⵙ ⵏ ⵉⵎⵢⴰⵙⵙⴰⵏⵜ ⵏ ⵓⵎⵢⴰⵡⴰⵙ ⴷ ⵓⵙⴰⵍⵉ ⵏ ⵓⵙⵙⵉⴷⴷ ⵏ ⵓⵔⵣⵣⵓ ⴰⵎⴰⵙⵙⴰⵏ ⴰⵏⴰⵎⵓⵔ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.

ⴰⵖⴰⵡⴰⵙ ⴰⵏⴰⵎⵓⵔ ⵏ ⵡⴰⵎⴰⵏ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ (ⵍⵉⴽⵓⵏⵓⵎⵉⵜ)

ⴳ ⵓⵍⵎⴰⵡⴰⵢ ⵏ ⵜⴰⵖⴰⵔⵜ ⴷ ⵓⵖⴰⵡⵍⵍ ⵏ ⵜⴰⴷⵔⵙⵉ ⵏ ⵡⴰⵎⴰⵏ, ⴷⴰ ⵙⵡⵓⵔⵉⵏⵜ ⵜⵎⵙⵙⵓⴳⵓⵔⵉⵏ ⵜⵓⵏⴱⵉⴹⵉⵏ ⵉⵎⵢⴰⵏⴰⵡⵏ ⴷⵖⵉ ⵖⴼ ⵓⵙⵔⵓⵙ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵡⴰⵎⴰⵏ. ⵔⴰⴷ ⵉⵜⵜⵓⵙⵏⴽⴷ ⵓⵖⴰⵡⴰⵙ ⴰ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ ⵉ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵡⴰⵎⴰⵏ. ⴰⵡⵜⵜⴰⵙ : ⵜⵜⵔⵛⵉⴷ ⵏ ⵓⵙⵎⵔⵙ ⵉⵙⵓⴳⴰⵏ ⵏ ⵡⴰⵎⴰⵏ. ⵜⵓⵎⴰ ⵜⴽⴰⵕⴹⴰ ⵏ ⵓⴱⵔⵉⴷ ⵏ ⵜⵎⴰⵡⴰⵙⵜ ⵏ ⵓⵎⴰⵡⴰ ⵏ ⵡⴰⵎⴰⵏ ⵜⵓⴳⴳⵜ ⵏ ⵜⵎⵙⴽⵉⵔⵉⵏ ⵜⵉⵎⵖⴰⵡⴰⵍⵉⵏ : ⵜⴰⵣⵣⴰⵣⵜ ⵏ ⵍⵡⴰⵜⵉⵔⴰ ⵏ ⵜⵜⵔⵛⵉⴷ ⵏ ⵡⴰⵎⴰⵏ, ⴰⵣⵣⴳⵉⵔ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵡⴰⴳⴰⵎ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵎⴰⵡⴰⵏ ⵏ ⵓⵙⴻⵙⵙⵓ, ⴰⵙⵉⵥⴷ ⵏ ⵡⴰⵎⴰⵏ ⵏ ⵢⵉⵍⴻⵍ, ⴰⵃⵟⵟⵓ ⵏ ⵡⴰⵎⴰⵏ ⵏ ⴷⴷⴰⵡ ⵡⴰⴽⴰⵍ, ⴰⵎⵏⵏⵓⵖ ⵎⴳⴰⵍ ⵓⵏⵙⵙⵉⵙ ⵏ ⵡⴰⵎⴰⵏ ⴷ ⵜⵓⴽⴽⵕⴹⴰ ⵏ ⵡⴰⵎⴰⵏ, ⴱⴱⵉⴳ ⵓⵙⵖⵏⵓ ⵏ ⵜⵎⵙⵙⵓⵔⵉⵏ ⵜⵉⵏⵎⵏⵏⴰⴹⵉⵏ ⵎⵉ ⴳⴳⵓⵜⵏⵜ ⵜⵡⵓⵔⵉⵡⵉⵏ. ⵉⵜⵜⵓⵙⵙⵎⵜⵔⵏ ⵉⵏ ⴷⴰ ⵉⵙⵙⵎⵓⵔ ⵍⵎⵖⵔⵉⵏ ⵎⵍⵢⴰⵕ ⵍⵉⵜⵔ ⴽⵓⴱ ⵏ ⵡⴰⵎⴰⵏ ⵉ ⵓⵙⴳⴳⵯⴰⵙ, ⵜⴰⵙⵎⴽⵜⴰ ⵢⵓⴳⵔⵏ ⵉⵙⵓⴳⴰⵏ ⵉⵍⵍⴰⵏ.

ⵉⵎⵉⴹⴰⵏⵏ ⵏ ⵉⴷ ⵍⴱⴰⵏⴽ : ⵍⴱⴰⵏⴽ ⵏ ⵍⵎⵖⵔⵉⴱ ⵉⵙⵙⵍⴳⴰⵏ ⵜⵉⵎⵙⴽⵉⵔⵉⵏ ⵏ ⵡⵓⵖⵓⵏ (ⵍⵉⴽⵓⵏⵓⵎⵉⵙⵜ

ⵉⴽⴽⴰ ⴽⵉⴳⴰⵏ ⵉⴳⴰ ⵡⵓⵖⵓⵏ ⵏ ⵓⵎⵉⴹⴰⵏ ⴰⴱⴰⵏⴽⵉ ⴰⵎⵓⴽⵔⵉⵙ ⵉ ⵉⵎⵙⴰⵖⵏ. ⴷⴰ ⵜⵜⵖⵉⵎⴰⵏ ⵉⵎⵉⴹⴰⵏⵏ ⵏⵏⴰⵕⵥⵎⵏ ⵡⴰⵅⵅⴰ ⵜⴻⵜⵜⵓⴳⴰ ⵜⵓⵜⵜⵔⴰ ⵏ ⵡⵓⵖⵓ ⵓⵏⵚⵉⴱ. ⴰⵢⴰ ⴷ ⴷ ⵉⵜⵜⴰⵔⵡ ⴰⵣⴰⵍ ⵢⴰⴹⵏ ⵉ ⵓⵎⵙⴰⵖ. ⴳ ⵓⵙⴰⵜⴰⵍ ⴰ, ⵉⵙⵙⵓⴼⵖ ⴷ ⵍⴱⴰⵏⴽ ⵏ ⵍⵎⵖⵔⵉⴱ ⵜⵉⴳⵉⵔⴰ ⴰ ⴰⵙⵡⴰⵍⴰ ⵉⵙⵔⴰⵙⵏ ⵜⴰⴼⵔⵉⵙⵜ ⵜⴰⵎⴰⴷⴷⵓⵜ ⵏ ⵜⵖⴰⵔⴰⵙⵜ ⵏ ⵡⵓⵖⵓⵏ. ⵜⴰⵙⵓⵍⵜⵍⵜ ⵉⵜⵜⵙⵎⴰⴷⵏ ⵉⵎⵏⵏⵉ 503 ⵏ ⵓⵙⵍⴳⵏ ⵏ ⵜⵙⴱⴱⴰⴱⵜ (ⴰⵙⵍⴳⵏ ⵓⵟⵟⵓⵏ 95-15) ⴷ ⵓⵙⵡⵓⵜⵜⵓ ⵏ ⵜⵎⵙⴽⵉⵔⵉⵏ ⵏ ⵡⵓⴱⵓⵏ ⵏ ⵉⵎⵉⴹⴰⵏⵏ ⵉⴱⴰⵏⴽⵉⵢⵏ ⴳ ⵓⵙⵡⵉⵔ ⵏ ⵉⵏⴰⴳⵔⴰⵡ ⴰⴱⴰⵏⴽⵉ ⵉⵎⴷⴰ. ⵉⵜⵜⵓⵙⵖⵣⵏ ⵓⵙⵡⴰⵍⴰ ⴰ ⴳ ⵜⴰⵙⵎⵓⵏⵉ ⵍⵍⵉ ⵉⵍⵍⴰⵏ ⴰⵙⵙ ⵏ ⵓⵢⵏⴰⵙ 16 ⵎⴰⵢⵢⵓ ⴳⵓⵔ ⵜⵙⵇⵇⵉⵎⵍⵜ ⵏ ⵜⵎⵔⵙⴰⵍ ⵏ ⵉⵎⵔⵡⴰⵙⵏ/ ⴰⵔ ⵜⵙⵎⴽⴰⵍ ⵜⵙⵓⵜⵍⵜ ⴰ ⵉⴼⵔⴰⵢⵏ ⵉⵥⵍⵉⵏ ⵙ ⵡⵓⵖⵓⵏ ⵏ ⵉⵎⵉⴹⴰⵏⵏ, ⵙ ⵜⵙⵏⵜⴰⵢⵜ ⵏ ⵉⵎⵙⵓⵖⵏ ⵏ ⵓⴱⴰⵏⴽ.

ⵉⵔⵉⵎⵏ ⵏ ⵓⴱⴰⴽⴰⵍⵓⵕⵢⴰ ⵔⴰⴷ ⵙⵙⵏⵜⵉⵜ ⴳ 20 ⵢⵓⵏⵢⵓ ⴷ ⵉⴷⴷⴰⵏ (ⵓⵊⵓⵔⴷⵡⵉ ⵍⵓⵎⴰⵔⵉⴽ)

ⵜⴱⵔⵔⵄ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴳ ⵜⴰⵙⵏⴰ ⵏⵏⵙ ⵜⴰⵎⴰⴷⴷⵓⴷⵜ ⵏ “ⴼⴰⵢⵙⴱⵓⴽ” ⵉⵙ ⵔⴰⴷ ⵉⵍⵉⵏ ⵢⵉⵔⵉⵎⵏ ⵏ ⵓⴱⴰⴽⴰⵍⵓⵕⵢⴰ ⴳ 20 ⴷ 21 ⴷ 22 ⵢⵓⵏⵢⵓ 2022 ⵉ ⵓⴳⵊⴷⵉ ⴰⵎⴰⵙⵙⴰⵏ ⴷ ⵓⵜⵉⵇⵏⵉ ⴷ ⵓⵣⵣⵓⵍⴰⵏ, ⴷ ⵡⵓⵙⵙⴰⵏ ⵏ 23 ⴷ24 ⵢⵓⵏⵢⵓ ⵉ ⵜⵣⵓⵏⵉ ⵏ ⵜⵙⴽⵍⴰ. ⵉⵎⴽⵉⵏⵏⴰ ⵔⴰⴷ ⵜⵉⵍⵉ ⵜⵙⵓⵍⵜⵍ ⵜⵓⵏⵣⵉⵍⵜ ⵏ ⵢⵉⵔⵉⵎⵏ ⵉⵏⵎⵏⴰⴹⵏ ⵉ ⵉⵏⵍⵎⴰⴷⵏ ⵉⵣⵎⵎⴻⵎⵏ ⴷ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ ⵓⴱⴰⴽⴰⵍⵓⵕⵢⴰ ⵓⵙⵙⴰⵏ ⵏ 15 ⴷ 16 ⵢⵓⵏⵢⵓ ⵉ ⵓⴳⵊⴷⵉ ⴰⵎⴰⵙⵙⴰⵏ ⴷ ⵓⵜⵉⵇⵏⵉ ⴷ ⵓⵣⵣⵓⵍⴰⵏ ⴷ ⵡⵓⵙⵙⴰⵏ ⵏ 17 ⴷ 18 ⵢⵓⵏⵢⵓ ⵉ ⵓⴳⵊⴷⵉ ⵏ ⵜⵙⴽⵍⴰ. ⵢⵉⵡⴹ ⵓⵎⴹⴰⵏ ⵏ ⵓⵏⵎⵓⵔⵙⵏ ⴰⵣⵣⵖⴰⵜ ; 269/031 ⵏ ⵓⵎⵏⴽⴰⴷ ⴷ ⵜⵎⵏⴽⴰⴷⵜ ⵉⵜⵜⴳⴳⴰⵏ 81.83%.

ⴱⴰⵔⴰⴽⴰ : 38% ⵏ ⵉⴱⵔⴷⴰⵏ ⵏ ⵍⵎⵖⵔⵉⴱ ⵓⵔ ⵖⵓⴷⴰⵏ (ⵍⵎⴰⵙⴰ)

ⵉⵏⵏⴰ ⵓⵎⴰⵡⵙⴰⵙ ⵏ ⵓⵎⴰⵡⴰ ⵏ ⵎⴰⵡⴰⵏ, ⵏⵉⵥⴰⵕ ⴱⴰⵔⴰⴽⴰ, ⵉⵙ ⴷ ⵖⴰⵙ 62% ⵏ ⵉⴱⵔⴷⴰⵏ ⵏ ⵍⵎⵖⵔⵉⴱ ⴰⵢ ⴷ ⵉⵍⵍⴰ ⵏ ⴳ ⵡⴰⴷⴷⴰⴷ ⴰⵎⵓⴼⴰⵢ. ⵉⵙⴼⴰⵡ ⴱⴰⵔⴰⴽⴰ ⵍⵍⵉ ⵉⵙⵡⴰⵍⵏ ⴳ ⵜⵖⵉⵍⵉⵜ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵍⵉⴷ ⴰⵙⵙⵏⴰⵟ ⵏ ⵓⵢⵏⴰⵙ, ⵉⵙ ⵜⵔⴰ ⵜⵏⴱⴰⴹⵜ ⴰⴷ ⵜⵙⴼⵏⵥ ⵉⵎⵣⴰⵔⴰⵢⵏ ⵉⵍⵍⴰⵏ ⴳ ⵉⴱⵔⴷⴰⵏ ⵃⵎⴰ ⴰⴷ ⵜⴰⵡⴹ 66% ⵏ ⵉⴱⵔⴷⴰⵏ ⵉⵍⵍⴰⵏ ⴳ ⵓⵙⵡⵉⵔ ⵉⵖⵓⴷⴰⵏ, ⵉⵙⴷⴷⵉⵏ ⴱⴰⵔⴰⴽⴰ ⵉⵙ ⴷ ⵜⴷⴷⴰ ⵜⵏⴱⴰⴹⵜ ⵙ ⵜⵎⵥⵍⴰ ⵏ ⵓⵙⵏⴼⵏⵥ ⵏ ⵉⵎⵣⴰⵔⴰⵢⵏ ⴷ ⵓⵙⵡⵓⵔⵉ ⵖⴼ ⵓⵙⴼⵍⵙ ⵏ ⵜⵙⵓⵍⴰⵏⵜ ⵏ ⵓⵎⴰⵙⴰ ⴰⵏⴰⴷⴷⴰⵢ, ⵉⵣⵎⵎⴻⵎ ⵉⵙ ⵜⵜⵓⵍⴰⵢ 46% ⵏ ⵜⵎⵙⴰⵙⵜⵍⵜ ⵏ ⵜⵎⴰⵡⴰⵙⵜ ⵏ ⵓⵙⵖⵓⴷⵓ ⵏ ⵉⴱⵔⴷⴰⵏ, ⵉⵜⵜⴳⴳⵏ 300 ⵎⵍⵢⴰⵕ ⵙⴰⵏⵜⵉⵎ.

ⵉⵎⴰⵙⴰⵢⵏ ⵏ ⵜⴷⵉⵡⴰⵏⵜ ⵎⵙⴰⴳⴰⵔⵏ ⴰⴽⴷ ⵉⵙⴱⴱⴰⴱⵏ ⵏ ⵉⵥⵕⴰⵏ ⵉⵖⵍⴰⵏ (ⵍⵎⴰⵙⴰ)

ⴳ ⵓⵙⴰⵜⵉ ⵏ ⵓⵙⵎⴷⵉ ⵏ ⵉⵎⵙⴰⴳⴰⵔⵏ ⵉⵏⵎⵢⴰⵡⴰⴹⵏ ⵏ ⵓⵙⵉⵙⵙⵏ ⵏ ⵉⵎⴰⵢⵏⵓⵜⵏ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵙⴱⴷⴷⵉ ⵎⴳⴰⵍ ⵜⴰⵔⴷⴰ ⵏ ⵓⴷⵔⵉⵎ ⵖ ⵓⵙⵉⵥⵕⴼ ⵏ ⵓⴱⵔⵙⵉⵡⴷ, ⵜⵏⵙⵎⴰⵍⴰ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⴷ ⵉⵔⴳⴰⵢⵏ ⴰⵔⵓⵙⵔⵉⴷⵏ, ⵙ ⵓⵎⵍⵢⴰⵡⴰⵙ ⴰⴽⴷ ⵜⵙⵇⵇⵉⵎⵜ ⵏ=ⵜⴰⵏⴰⵎⵓⵔⵜ ⵏ ⵉⵏⵖⵎⵉⵙⵏ ⵉⵥⵕⴼⴰⵏⵏ, ⵉⵎⵙⴰⴳⴰⵔⵏ ⵉⵏⵎⵢⴰⵡⴰⴹⵏ ⵉⵙⴳⴰⵡⴰⵏⵏ ⴰⴽⴷ ⵉⵙⴱⴱⴰⴱⵏ ⵏ ⵜⵡⵓⵔⵉⵡⵉⵏ ⵜⵉⵥⵓⵕⴰⵏⵉⵏ ⴷ ⵜⵓⵏⵣⵉⵍⵉⵏ ⴳ ⵜⴰⴷⴷⴰⵔⵜ ⵜⵓⵎⵍⵉⵍⵜⴷ ⵕⵕⴰⴱⵟ ⴷ ⵔⵔⴰⴽⵛ. ⵉⵎⴽⵉⵏⵏⴰ ⵜⵙⵙⴽⵔ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⴰⵎⵙⴰⴳⴰⵔ ⴰⵏⴰⵎⵓⵔ ⴰⴽⴷ ⵉⵙⴱⴱⴰⴱⵏ ⵏ ⵉⵥⵔⴰⵏ ⵉⵖⵍⴰⵏ ⴷ ⵉⵣⵓⵖⴰⵣ ⵉⵖⵍⴰⵏ ⵉⵖⵍⴰⵏ ⴳ ⵓⵙⵖⵉⵎ ⵏ ⵜⵎⵙⵙⵓⴳⵓⵔⵜ ⵜⴰⵏⴰⵎⵎⴰⵙⵜ ⵏ ⵜⴷⵉⵡⴰⵏⵜ ⴳ ⵕⵕⴱⴰⵟ, ⵙ ⵓⵡⵜⵜⴰⵙ ⵏ ⵓⵙⵙⵉⴷⴷ ⵖⵔ ⵜⵎⵔⵉⵙⵉⵏ ⵜⵉⵣⵔⴼⴰⵏⵉⵏ ⵏ ⵎⴷⴷⵏ ⵉⵍⵍⴰⵏ ⵙⴰⴷⵓ ⵓⵙⴰⵜⵉ ⴷ ⵜⵉⴹⴰⴼ ⵏ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⴳ ⵓⵙⴰⵜⵉ ⵏ ⵓⵙⵍⴳⵏ ⵉⵥⵍⵉⵏ ⵙ ⵉⵎⵏⵏⵓⵖ ⵏ ⵜⴰⵔⴷⴰ ⵏ ⵓⴷⵔⵉⵎ ⴷ ⵓⵙⵉⵥⵕⴼ ⵏ ⵓⴱⵔⵙⵉⵡⴷ ⴷ ⵓⵙⵡⵓⵜⵓ ⵏ ⵉⵎⵢⴰⵙⵙⴰⵜⵏ ⵍⵍⵉ ⵜⵏ ⵉⵣⴷⵉⵏ ⴰⴽⴷ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵎⵏⵖⵉⵙⵎⵏ ⵉⵥⵕⴼⴰⵏⵏ.

ⵜⵉⵙⵉⵔ ⵉ ⵉⵏⵍⵎⴰⴷⵏ : 2.5% ⵎⵍⵢⵓⵏ ⵏ ⵓⵎⵚⴰⵃⴰ (ⵍⴰⵃⴷⴰⵜ ⵍⵎⵖⵔⵉⴱⵉⵢⴰ)

ⵉⵚⴰⵃⴰ ⵙⴳ ⵓⵖⴰⵡⴰⵙ ⵏ ⵜⵉⵙⵉⵔ ⵙⵉⵏ ⵉⵎⵍⵢⵓⵏⵏ ⴷ 467 ⵏ ⵢⵉⴼⴹ ⴷ 123 ⵏ ⵓⵏⵍⵎⴰⴷ ⵉⵜⵜⵏⵜⴰⵎⴰⵏ ⵙ ⵎⵍⵢⵓⵏ ⴷ 546 ⵏ ⵢⵉⴼⴹ ⴷ 651 ⵏ ⵜⵡⴰⵛⵓⵏⵜ ⴳ ⵓⵙⴳⴳⵯⴰⵙ ⵏ 2020-2021, ⵉⵎⴽⵉⵏⵏⴰ ⵉⵍⵍⴰⵏ ⴳ ⵜⵣⵔⴰⵡⵜ ⵜⵙⵙⵓⴼⵖ ⵜⵎⵀⵍⴰ ⵏ ⵜⵎⵙⴰⵙⵜⵍⵜ, ⵉⴹⴼⴰⵕⵏ ⵉ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵙⴱⴰⵢⵏⵓ. ⵜⵏⵏⴰ ⵜⵣⵔⴰⵡⵜ ⵖⴼ ” ⵓⵙⵉⵜⵜⴳ ⵏ ⵢⵉⴹⵉⵚ ⴰⵏⴰⵎⵓⵏ ⵏ ⵓⵖⴰⵡⴰⵙ ⵜⵉⵙⵉⵔ ” ⵙ ⵜⵙⴳⴰ ⵜⴰⵙⵎⴽⵜⴰⵏⵜ, ⴳ 2009-2008, ⴰⵙⴳⴳⵯⴰⵙ ⵏ ⵓⵏⵜⴰⵢ ⵏ ⵓⵖⴰⵡⴰⵙ, ⵉⵚⴰⵃⴰ ⵙⴳⵙ 87.795 ⵏ ⵓⵏⵍⵎⴰⴷ ? ⵜⵔⵏⵓ ⵜⵣⵔⴰⵡⵜ ⴰ ⴳ ⵓⵙⴳⴳⵯⴰⵙ ⵏ 2018-2017 ⴰⵙⴳⴳⵯⴰⵙ ⴰⵎⴳⴳⴰⵔⵓ ⵏ ⵜⴼⵔⴽⵜ ⵜⴰⵎⵣⵡⴰⵔⵓⵜ ⵏ ⵓⵖⴰⵡⴰⵙ ⵙ ⵓⵙⵎⵔⵙ ⵏ ⵓⵙⵡⵓⵜⵜⵏ ⴰⵊⵢⵓⴳⵔⴰⴼⵉ, ⵢⵉⵡⴹ ⵓⵎⴹⴰⵏ ⵏ ⵉⵎⵚⴰⵃⴰⵜⵏ 709.038 ⵏ ⵓⵏⵍⵎⴰⴷ ⴷ ⵜⵏⵍⵎⴰⴷⵜ.

ⵎⴰⴱ 25 ⵎⴰⵢⵢⵓ 2022