ⵜⴰⵙⵏⴰⵜⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ: ⴰⵎⵃⵉⵣⵡⴰⵔ ⵏ ⵜⵡⵏⴳⵉⵎⵉⵏ ⵏ ⵉⵙⵏⴼⴰⵕⵏ ⵏ ⵉⵄⵔⵔⵉⵎⵏ ⴳ ⵜⵙⴳⴰ ⵏ ⵅⵔⵉⴱⴳⴰ (ⵍⵓⴱⵉⵏⵢⵓⵏ)

ⴳ ⵓⵙⴰⵜⵉ ⵏ ⵜⵉⴳⴳⵉ ⵏ ⵉⵖⴰⵡⴰⵙⵏ “ ⴰⵙⵖⵓⴷⵓ ⵏ ⵜⵖⵔⴰⴷ ⴷ ⵓⵙⵉⴷⴼ ⴰⴷⵎⵙⴰⵏ ⵉ ⵉⵄⵔⵔⵉⵎⵏ” ⵉⵥⵍⵉⵏ ⵙ ⵜⴼⵔⴽⵜ ⵜⴰⵎⵣⵡⴰⵔⵓⵜ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴰⴼⴳⴰⵏⵜ, ⴰⵔ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵡⴰⵏⵏⴰⵍ ⵏ ⵜⴳⵎⵉ ⵏ ⵜⵎⵙⵙⵏⵜⵉⵜ ⵜⴰⵎⵥⵥⵢⴰⵏⵜ ⴰⵎⵃⵉⵣⵡⴰⵔ ⵏ ⵜⵡⵏⴳⵉⵎⵉⵏ ⵉ ⵉⵄⵔⵔⵉⵎⵏ ⴳ ⵜⵙⴳⴰ ⵏ ⵅⵔⵉⴱⴰ, ⵡⵉⵙⵙ ⵖⵔ ⵍⵍⴰⵏ ⵉⵙⵡⵉⵏⴳⵎⵏ ⵉⵎⴰⵢⵏⵓⵜⵏ ⴳ ⵢⵉⴳⵔ ⵏ ⵜⵉⴳⴳⵉ ⵏ ⵜⵎⵙⵙⵏⵜⵉⵜ, ⴷ ⵉⵔⴰⵏ ⴰⴷ ⵙⵙⴱⵖⵔⵏ ⵙⴳ ⵜⴹⴼⵓⵕⵉ ⵏ ⵣⵣⴰⵜ ⴷ ⴷⴼⴼⵔ, ⴷ ⵖⵉⵏ ⴰⴷ ⴰⵎⵥⵏ ⴰⵙⵙⵕⵥⴼ ⵅⴼ ⵏ ⵡⴰⴷ ⵙⵡⴷⵡⵍⵏ ⵜⵉⵡⵏⴳⵉⵎⵉⵏ ⵏⵏⵙⵏ ⵖⵔ ⵜⵉⵍⴰⵡⵜ ⵙ ⵓⵙⵖⵍ ⵏ 60 ⴳ ⵜⴳⵎⵉⴹⵉ ⵙⴳ ⵡⴰⴳⴳⴰ ⴰⵎⵙⵎⵓⵏ ⵏ ⵉⵙⵏⴼⴰⵔⵏ ⵏⵏⵙⵏⵏ. ⴰⵡⵜⵜⴰⵙ ⵏ ⵜⵙⵏⵜⴰⵢⵜ ⴰⴷ, ⵍⵍⵉ ⵢⴰⵎⵓⵏ ⴳ ⵓⵙⵜⵉ ⵏ ⵡⴰⴳⵓⵎ “ ⴰⵏⵏⴰⵍ ⵜⴰⵖⵓⴷⵉ ⵏ ⵜⵡⵓⵔⵉⵡⵉⵏ ⵏ ⵉⵄⵔⵔⵉⵎⵏ” ⴳ ⵜⵙⴳⴰ ⵏ ⵅⵔⵉⴱⴳⴰ, ⵖⵔ ⵓⵙⴱⵖⵙ ⵏ ⵓⵙⵢⴰⴼⴰ ⴰⵎⵙⵙⵏⵜⴰⵢ ⴷ ⵢⵉⵎⴰⵏ ⵏ ⵜⵖⵓⴷⵉ ⵏ ⵜⵡⵓⵔⵉⵡⵉⵏ ⵖⵔ ⵉⵄⵔⵉⵎⵏ ⵙⴳ ⵢⴰⵜ ⵜⵙⴳⴰ ⵢⴰⴹⵏ ⴷ ⵓⵕⵥⵥⵓⵎ ⵏ ⵜⵙⵓⵜⴰ ⵜⴰⵎⴰⵢⵏⵓⵜ ⵙⴳ ⵜⵙⵏⵜⴰⵢⵉⵏ ⵜⵉⵎⵙⵏⴼⵍⴰⵍ, ⵢⴰⵎⵓⵏ ⵍⵓⵎⵏ ⴷⴳ, ⵓⵙⴰⵜⵉ ⵏ ⵓⵙⵙⵉⵜⴳ ⴷ ⵜⴳⵎⵉ ⵏ ⵓⵙⴷⴷⵉ ⵏ ⵜⵉⵏⴷⵉ ⵜⴰⴷⵖⴰⵔⴰⵏⵜ.

ⵜⴰⵙⵓⵜⵍⵜ ⵜⵉⵙⵙ 22 ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵙⵙⵉⵏⵉⵎⴰ ⴷⵉ ⵅⵔⵉⴱⴳⴰ: ⴰⵎⵙⵙⵓⴼⵖ ⵏ ⵙⵙⵉⵏⵉⵎⴰ ⵀⴰⵢⵍⵉ ⴷⵊⵉⵔⵎⴰ ⴷ ⴰⵏⵙⵙⵉⵅⴼ ⵏ ⵜⵙⵇⵇⴰⵎⵓⵜ ⵏ ⵜⵏⴼⵔⵓⵜ ⴳ ⵜⵙⵎⵖⵓⵔⵜ ⵏ ⵓⵙⴰⵔⵓ ⴰⵣⴳⵔⴰⵔ (ⵍⵉⴱⵉⵏⵢⵓⵏ)

ⵜⵏⵏⴰ ⵜⵎⵔⵙⵍⵜ ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵙⵙⵉⵏⵉⵎⴰ ⵏ ⵉⴼⵔⵉⵇⵉⵢⴰ ⴳ ⵅⵔⵉⴱⴳⴰ ⵎⴰⵙ ⵉⴳⴰ ⵓⵎⵙⵙⵓⵖⴼ ⵏ ⵙⵙⵉⵏⵉⵎⴰ ⴰⵜⵓⴱⴱⵉⵢ, ⵀⴰⵢⵍⵉ ⴷⵊⵉⵔⵉⵎⴰ ⴰⵏⵙⵙⵉⵅⴼ ⵏ ⵜⵙⵇⵇⴰⵎⵓⵜ ⵏ ⵜⵏⴼⵔⵓⵜ ⴳ ⵜⵙⵎⵖⵓⵔⵜ ⵏ ⵓⵙⴰⵔⵓ ⵏ ⵡⵙⵍⵍⴰⵙ ⴰⵣⴳⵔⴰⵔ ⴳ ⵜⵙⵓⵜⵍⵜ ⵜⵉⵙⵙ ⴰⴳⵏⴰⵔ ⴷ ⵙⵉⵏ ⵏ ⵓⵏⵎⵓⴳⴳⴰⵔ ⵉⴷⴷⴰⵏ ⴰⴷ ⵓⵜⵜⵙⵏⵎⴰⵍⴰ ⵏⴳⵔ 28 ⵎⴰⵢⵢⵓ ⴷ 04 ⵢⵓⵏⵢⵓ 2022. ⴷ ⵜⵙⵙⵓⴽⵣ ⵜⵎⵔⵙⵍⵜ ⴳ ⵓⵙⵡⵉⴹ ⴰⴷ ⵏⵏⵉⴽ, ⵎⴰⵙ ⴷ ⵜⴰⵙⵇⵇⴰⵎⵓⵜ ⵏ ⵜⵏⴼⵔⵓⵜ ⵏ ⵜⵙⵎⵖⵓⵔⵜ ⵏ ⵓⵙⴰⵔⵓ ⴰⴷ ⵓⵍⵍⵉⵙ ⴰⵣⴳⵔⴰⵔ, ⵢⴰⵎⵓ ⴳ ⵉⴳⵎⴰⵎⵏ ⵏⵏⵙ ⵓⵍⵜ ⵙⵙⵉⵏⵉⵎⴰ ⵜⴰⵔⵓⵡⴰⵏⴷⵉⵢⵜ, ⴽⴰⵏⵜⴰⵔⴰ ⴰⵎⴰ ⴽⴰⵀⵉⴳⵓⵔⵉ, ⴷ ⵓⵏⴼⵔⴰⵏ ⴰⵎⵖⵔⵉⴱⵉ ⵃⵎⵎⴰⴷⵉ ⴽⵉⵔⵓⵎ, ⴷ ⵓⵏⴼⵔⴰⵏ ⵏ ⵙⵙⵉⵏⵉⵎⴰ ⴰⵙⵉⵏⵉⴳⴰⵍⵉ ⴽⴰⵙⵉ ⵎⴰⵢⴳⵉ ⴷ ⵓⵙⵙⵉⵏⵎⴰ ⴰⵎⵉⵚⵕⵉ , ⵅⴰⵍⵉⴷ ⵍⵃⵊⵕ.

ⵍⵎⵖⵔⵉⴱ ⴹⴰⵕⵜ ⵏ ⵓⵙⴽⴽⴰ ⵏ ⵓⴽⵕⴰⵙ ⵉⴷⴷⴰ ⴷ ⵢⵉⵍⵉ ⴰⴳⵔⴰⵡ ⴰⵎⴰⵡⵙⴰⵙ ⵏ ⵜⴰⴹⴰ ⵜⴰⴳⵔⴰⵖⵍⴰⵏⵜ ⵎⴰⴳⵍ ⴷⴰⵄⵉⵛ (ⵍⴱⴰⵢⴰⵏ)

ⵉⵙⴷⴷⵍ ⵍⵎⵖⵔⵉⴱ ⴰⵙⵙ ⵏ 11 ⵎⴰⵢⵢⵓ ⴳ ⵏⵍⵍⴰ, ⴰⴳⵔⴰⵡ ⴰⵎⴰⵡⵙⴰⵙ ⵏ ⵜⴰⴹⴰ ⵜⴰⴳⵔⴰⵖⵍⴰⵏⵜ ⵎⴳⴰⵍ ⴷⴰⵄⵉⵛ, ⵙ ⵜⵖⵓⵔⵉ ⵜⴰⵎⴷⵔⴰⵡⵜ ⵏ ⵓⵎⴰⵡⵙⴰⵙ ⵏⵉⵙⴽⴽⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⵏⴰⵚⵕ ⴱⵓⵕⵉⵟⴰ, ⴷ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⵎⴰⵔⵉⴽⴰⵏ, ⴰⵏⵟⵓⵏⵢⵓ ⴱⵉⵍⵉⴽⵏⴽⵏ. ⵢⵓⵡⵉ ⴷ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵉⵙⴽⴽⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴱⵍⵍⵉ ⴰⴳⵔⴰⵡ ⵏⵏⵉ ⵖⴰ ⵉⵜⵜⵓⴳⵏ ⴷⵉ ⵎⵕⵕⴰⴽⵛ, ⵉⴳⴰ ⵜⵉⴼⵔⴽⵜ ⵏⵏⵉⴹⵏ ⵙⴳ ⵓⵙⵎⴰⴷ ⵏ ⵓⵍⵜⴰⵖ ⴷ ⵓⵣⴷⴰⵢ ⴰⴳⵔⴰⵖⵍⴰⵏ ⴳ ⵓⵙⴱⴷⴷⵉ ⵏ “ⴷⴰⵄⵉⵛ”, ⵙ ⵓⵖⴹⴰⴼ ⵅⴼ ⵜⵎⵏⵥⴰⵡⵜ ⵏ ⵉⴼⵔⵉⵇⵉⵢⴰ, ⴷ ⵓⴱⵓⵖⵍⵓ ⵏ ⵓⵙⴷⵉⴷⴷⵢ ⴰⴱⵔⵙⵉⵡⴷ ⴳ ⵓⵏⵇⵇⴰⵔ ⵏ ⵡⴰⵎⵎⴰⵙ ⴷ ⵜⵎⵏⴰⴹⵉⵏ ⵏⵏⵉⴹⵏ. ⴳ ⵓⴳⵔⴰⵡ ⴰⴷ ⵏⵏⵉⴽ, ⴼⵙⵔⵏ ⵉⵎⴰⵡⵙⴰⵙⵏ ⵏ ⵜⴰⴹⴰ ⵜⵉⵙⵏⴰⵜⴰⵢⵉⵏ ⵔⴰⴷ ⵉⵜⵜⵓⴳⵏ, ⴳ ⵎⵉⵏ ⵉⵇⵇⵏ ⵖⵔ ⵜⵓⴳⴳⴰⵙ ⵏ ⵓⵙⵓⴳⵔ ⵏ ⵓⵕⵚⵚⵓ ⴳ ⵜⵎⵏⴰⴹⵉⵏ ⵏⵏⴰ ⵉⵜⵜⵡⴰⵟⵚⵏ ⵢⴰⴷ ⵙ ⵜⵓⴽⴽⴰⵢ ⵏ ⴷⴰⵄⵉⵛ, ⴳ ⵢⵉⴳⵔ ⵏ ⵓⵎⵢⴰⵡⴰⴹ ⴰⵙⵜⵕⴰⵜⵉⵊⵉ ⴳ ⵓⵎⵏⴰⵍⴰ ⵏ ⵓⵙⵅⴷⵓⴷ ⵖⵔ ⵜⵡⵓⵛⵛⵏⵜ ⵍⵍⵉ ⵉⵜⵜⴳ ⵓⵙⵏⵎⴰⵍⴰ ⴰⴷ ⴰⴱⵔⵙⵉⵡⴷ ⴷ ⵉⵎⴹⴼⴰⵕⵏ ⵏⵏⵙ, ⴷ ⵓⵙⴱⴷⴷⵉ ⵏ ⵉⵎⵏⵏⴰⵖⵏ ⵉⴱⵔⵉⵙⵡⴷⵏ ⵉⵎⵣⵣⵉⵜⵏ.

ⵍⴼⵓⵚⴼⴰⵟ ⴷ ⵜⵙⵓⴼⵖⵉⵏ ⵏⵏⵙ .. ⴰⵜⵉⴳ ⵏ ⵉⵚⵉⴼⴹⵏ ⴷ ⴰⵢⵓⴳⴰⵏ  ⴰⵔ ⵜⵉⵢⵉⵔⴰ ⵏ ⵎⴰⵕⵚ 2022 (ⵍⵓⴱⴰⵢⴰⵏ)

ⵢⵓⵡⵉ ⴷ ⵓⵙⵉⵔⴰ ⵏ ⵓⵖⵣⴰⴷ ⵎⴰⵙ ⴷ ⵉⵙⵉⴼⴹⵏ ⵏ ⵍⴼⵓⵙⴼⴰⵟ ⴷ ⵜⵙⵓⴼⵖⵉⵏ ⵏⵏⵙ ⴷ ⵉⵢⴳⴰⵏ ⵖⵔ 24,54 ⵎⵍⵢⴰⵕ ⵏ ⴷⵔⵀⵎ ⴰⵔ ⵜⵉⴳⵉⵔⴰ ⵏ ⵎⴰⵕⵚ, ⵎⴳⴰⵍ 13.43 ⵎⵍⵢⴰⵕ ⵏ ⴷⵔⵀⵎ ⴳ ⵣⵓⵏ ⴷ ⵜⵉⵣⵉ ⴰⴷ ⴰⵙⴳⴳⵯⴰⵙ ⵉⵣⵔⵉⵏ. ⴷ ⵉⵙⵙⵓⴽⵣ ⵓⵙⵉⵔⴰ, ⴳ ⵜⵥⵕⴳⵜ ⵏⵏⵙ ⵏ ⵡⴰⵢⵢⵓⵔ, ⵜⴰⵏⴳⴳⴰⵔⵓⵜ ⵉⵥⵍⵉⵏ ⵙ ⵜⵎⴰⵜⴰⵔⵉⵏ ⵏ ⵉⵙⵏⴼⵍⵏ ⵏ ⴱⵕⵕⴰ, ⵎⴰⵙ ⴷ ⵜⵓⵜⵜⵓⵢⵜ ⴰⴷ ⵍⴰ ⵜⴻⵜⵜⴰⵖⵓⵍ ⵖⵔ ⵜⴳⵎⵉ ⵏ ⵜⵎⵣⵏⵣⵓⵜⵉⵏ ⵏ ⵉⵎⴰⵣⵉⵔⵏ ⵉⴳⴰⵎⴰⵏⵏ ⴷ ⵉⴽⵉⵎⴰⵡⵉⵢⵏ (+7,75 ⵎⵍⵢⴰⵕ ⵏ ⴷⵔⵀⵎ) ⵢⴰⵖⵓⵍⵏ ⵖⵔ ⵜⵓⵜⵜⵓⵢⵜ ⵏ ⵢⵉⴹⵉⵚ ⵏ ⵡⴰⵜⵉⴳ ⵍⵍⵉ ⵉⵢⵓⴳⴰⵏ (7.319 ⴷⵔⵀⵎ/ ⵟⵟⵓⵏ ⵜⵉⴳⵉⵔⴰ ⵏ ⵎⴰⵕⵚ 2022 ⵎⴳⴰⵍ 3.116 ⵏ ⴷⵔⵀⵎ /ⵟⵟⵓⵏ ⵖⴰⵙ ⴷⴳ ⵜⵉⴳⵉⵔⴰ ⵏ ⵎⴰⵕⵚ2021). ⵙ ⵜⵓⴳⴷⵓⵜ ⴷ ⵎⴰⵢⴰⵏⵏ, ⵉⵔⵏⴰ ⵓⵙⴰⴳⵯⵎ, ⵉⵏⵏⴰ ⵜⵉⵎⵏⵣⵓⵣⵜⵉⵏ ⵏ ⵢⵉⴳⵔ ⵏ ⵜⵢⵔⵣⴰ ⴷ ⵜⵎⵓⴳⵔⵉ ⵏ ⵡⵓⵜⵛⵉ ⵜⵓⵡⴹ 24.37 ⵎⵍⵢⴰⵕ ⵏ ⴷⵔⵀⵎ ⵖⵓⵔ ⵜⵉⴳⵉⵔⴰ ⵏ ⵎⴰⵕⵚ ⵉⵣⵔⵉⵏ, ⵎⴳⴰⵍ 21.20 ⵎⵍⵢⴰⵕ ⵏ ⴷⵔⵀⵎ ⴳ ⵣⵓⵏ ⴷ ⵜⵉⵣⵉ ⴰⴷ ⵏ ⵓⵙⴳⴳⵯⴰⵙ ⵉⵄⴷⴰⵏ ⵙ ⵓⵢⵏⵏⴰ ⵉⵜⵜⴳⵏ ⵜⴰⵎⵔⵏⵉⵡⵜ ⵏ 14.9 ⵜⵉⴳⵎⵉⴹⵉ.

ⵜⵓⵚⴽⴰ.. ⴰⵚⴽⵓ ⵏ 259.167 ⵏ ⵜⵣⴷⵓⵖⵜ ⴳ ⵓⵙⴳⴳⵯⴰⵙ ⵏ 2021 (ⵍⵉⴱⵉⵕⴰⵙⵢⵓⵏ)

ⵜⵓⵡⵉ ⴷ ⵜⵎⵀⵍⴰ ⵏ ⵓⵙⴱⴰⵢⵏⵓ ⴷ ⵜⵥⵕⴼⵜ ⵏ ⴱⵕⵕⴰ ⴱⵍⵍⵉ ⵓⵟⵟⵓⵏ ⵜⵣⴷⵓⵖⵉⵏ ⵍⵍⵉ ⵉⵜⵜⵓⵚⴽⴰⵏ ⴷⴳ ⵓⵙⴳⴳⵯⴰⵙ ⵉⵣⵔⵉⵏ ⵢⵓⵡⴹ 259.167 ⵏ ⵢⴰⵜ, ⴷ ⵜⵙⵙⵓⴽⵣ ⵜⵎⵀⵍⴰ ⵏ ⵓⵙⴱⴰⵢⵏⵓ ⴷ ⵜⵥⵕⴼⵜ ⵏ ⴱⵕⵕⴰ, ⴳ ⵜⵎⵙⵙⴽⵜⵉⵜ ⵏⵏⵙ ⵅⴼ ⵜⵎⵙⵓⵜⵍⵜ ⵏ ⵜⵏⵓⵟⵟⴰⴼ ⵜⵉⵎⵣⵡⵓⵔⴰ ⵏ ⵓⵙⴳⴳⵯⴰⵙ ⵏ 2021, ⵎⴰⵙ ⴷ ⵜⵉⴳⵣⵣⵓⵎⵉⵏ ⴰⴷ ⵣⵎⵎⴻⵎⵏⵜ ⵜⴰⵜⵜⵓⵢⵜ ⵙ ⵢⴰⵏ ⵓⵙⵖⵍ ⴳ ⵜⴳⵎⵉⴹⵉ, ⵙ ⵓⵣⵏⵏⵎⵣⴰⵍ ⴰⴽⴷ ⵓⵙⴳⴳⵯⴰⵙ ⵏ 2020. ⴷⴳ ⵜⵓⴳⴷⵓⵜ ⵏ ⵎⴰⵢⴰ, ⵉⵔⵏⴰ ⵓⵙⴰⴳⵎ, ⴰⵙⵏⴼⴰⵔ ⴳ ⵉⵙⴰⵡⵔⵏ ⵏ ⵓⵚⴽⵓ ⵉⵍⴰ ⴽⵔⴰ ⵏ ⵓⴱⵕⵕⵎ ⵙ ⵓⵙⵖⵍ ⵏ 2,4 % ⵉⴱⴷⴷ ⴳ 234.701 ⵏ ⵢⴰⵜ, ⴳ ⵓⵙⵙⵥⵕⴼ, ⵓⵡⴹⵏ ⵉⵕⵟⵟⴰⵍⵏ ⵏ ⵜⵓⵚⴽⴰ ⵜⴰⵎⵔⵏⵉⵡⵜ ⵙ 6.8 ⵎⵍⵢⴰⵕ ⵏ ⴷⵔⵀⵎ ⵏⵉⵖ ⵜⵉⵔⵏⵉ ⵏ 2.4 ⴳ ⵜⴳⵎⵉⴹⵉ ⴰⵙⴳⴳⵯⴰⵙ ⵏ 2021, ⵎⵉⵏ ⵉⵜⵜⴳⵏ ⴷⵔⵓⵖ ⴷ ⴰⵙⵡⵉⵔ ⵉⵜⵜⵓⵣⵎⵎⴰⵎⵏ ⴰⵙⴳⴳⵯⴰⵙ ⵣⵣⴰⵜ. ⵢⵓⵎⵥ ⵓⴱⵓⵖⵍⵓ ⴰⴷ ⵜⵓⵜⵜⵓⵢⵜ ⵙ ⵓⵙⵖⴰⵍ ⵏ 4.7 % ⵙⴳ ⵉⵕⵟⵟⴰⵍⵏ ⵉⵥⵍⵉⵏ ⵉ ⵓⵣⴷⵓⵖ, ⴷ ⵡⵓⴳⵓⵣ ⵙ ⴷⵔⵓⵖ ⴷ 7,9% ⵏ ⵓⵙⵙⵥⵕⴼ ⵉⵥⵍⵉⵏ ⵉ ⵡⵓⵊⵓⵢ ⵓⵚⴽⵉⵡ.

ⴰⴳⴰⴷⴰⵣ ⴰⴷⵔⵉⵎⴰⵏ:  ⵉⴱⴷⴷⵉ ⵏ ⵓⴳⴳⴰⵎⵎⵉ ⵏ ⵓⵏⴳⵉ ⵏ ⵍⴱⴰⵏⴽ ⴷⴳ 84,9 ⵎⵍⵢⴰⵕ ⵏ ⴷⵔⵀⵎ (ⵍⵉⴱⵉⵕⴰⵙⵢⵓⵏ)

ⵢⵓⵡⵉ ⴷ ⵡⴰⵎⵎⴰⵙ ⵏ ⵉⵔⵣⵣⵓⵜⵏ ⵏ ⵍⴱⴰⵏⴽ “ⴱⵉ ⵙⵉ ⵉⵢ ⴽⴰⴱⵉⵟⴰⵍ ⴳⵍⵓⴱⴰⵍ ⵔⵙⵉⵔⵜⵛ” ⵎⴰⵙ ⴰⴳⴳⴰⵎⵎⵉ ⵏ ⵓⵏⴳⵉ ⴰⴱⴰⵏⴽⵉⵢ ⵉⴱⴰⵔⵡ ⵙ ⵓⵙⵖⵍ ⵏ 4,43 % ⴳ ⵜⵉⵣⵉ ⵉⵍⵍⴰⵏ ⴳⵔ 28 ⵉⴱⵔⵉⵔ ⵉⵣⵔⵉⵏ ⴰⵔ 4 ⵎⴰⵢⵢⵓ ⴳ ⵏⵍⵍ, ⵉⴱⴷⴷ ⵖⵔ 84,9 ⵎⵍⵢⴰⵕ ⵏ ⴷⵔⵀⵎ ⴳ ⵓⵎⵊⴰⵀⴷⵉ ⵏ ⵉⵎⴰⵍⴰⵙⵙ. ⴷ ⵉⵙⵙⵓⴽⵣ ⵡⴰⵎⵎⴰⵙ ⴳ ⵜⵎⵙⵙⴽⵜⵉⵜ ⵏⵏⵙ ⵜⴰⵏⴳⴳⴰⵔⵓⵜ (Fixed Income Weekly) ⴱⵍⵍⵉ “ⴰⴱⵓⵖⵍⵓ ⴰⴷ ⵢⵓⵙ ⴷ ⴳ ⵡⴰⴽⵓⴷ ⵍⵍⵉ ⴳ ⴰⵜⵜⵓⵢⵏⵜ ⵉⵙⵉⵣⵡⵔⵏ ⵏ ⵍⴱⴰⵏⴽ ⴰⵎⵖⵔⵉⴱⵉ ⴷⵉ ⵙⴰ ⵏ ⵡⵓⵙⵙⴰⵏ  ⵙ 9,66 ⵎⵍⵢⴰⵕ ⵏ ⴷⵔⵀⵎ, ⵜⵜⴰⴼ ⴰⴷ ⵉⴱⴷⴷ ⴳ 48,95 ⵎⵍⵢⴰⵕ ⵏ ⴷⵔⵀⵎ”. ⵉⵔⵏⵉ ⵓⵙⴰⴳⵎⵏ, ⵎⴰⵙ ⴷ ⵉⵙⵙⴰⵔⵓⵜⵏ ⵏ ⵓⴱⴰⵢⵏⵓ ⵉⵣⵎⵎⴻⵎⵏ ⵙ ⵉⵅⴼ ⵏⵏⵙ, ⴽⵔⴰ ⵏ ⵜⵓⵜⵜⵓⵢⵜ ⵉⴷⵔⵓⵙⵏ, ⴰⵎ ⵎⵉⵏ ⵢⵓⵎⴰⵏ ⴷⴳ ⵓⵡⵜⵜⵓ ⴰⵏⴷⴷⴰ ⵏ ⵡⴰⵜⵉⴳ ⵉⵜⵜⵓⴽⵍⴰⵍⵏ ⴰⴽⵓⵢⴰⵙⵙ ⵏⵏⵉ ⵢⵓⴹⵏ 603 ⵎⵍⵢⴰⵔ ⵏ ⴷⵔⵀⵎ ⴳ 29 ⵉⴱⵔⵉⵔ, ⵙ ⵜⵓⴳⴷⵓⵜ ⵏ 12,9 ⵎⵍⵢⴰⵕ ⵏ ⴷⵔⵀⵎ ⴳ ⵉⵎⵍⴰⵙⵙ ⵉⵄⴷⴰⵏ. ⴷ ⵜⵓⴼⴰ ⵏⵏ ⵜⵎⵙⵙⴽⵜⵉⵜ ⵎⴰⵙ ⴷ ⴰⵙⵖⵍ ⴰⵎⵊⴰⵀⴷⵉ ⵉⵜⵜⵓⴷⵎⴰⵏ ⵉⵇⵇⵉⵎⴰ ⴳ ⵡⵓⵟⵟⵓⵏ 1,5 %, ⵎⴰⵛⴰ ⵉⵣⵎⵎⴻⵎ ⵡⴰⵜⵉⴳ ⵏ MONIA ⵎⵓⵏⵉⵢⴰ ⴰⴱⵕⵕⵎ ⵉⴷⵔⵓⵙⵏ ⵖⵔ 1,465% ⵙ ⵜⵓⴳⴷⵓⵜ 1,468% ⴷⴳ ⵓⵙⴳⴳⵯⴰⵙ ⴰⵎ ⵜⵉⵣⵉ ⴰⴷ ⵏⵏⵉ ⵉⵣⵔⵉⵏ.

ⴰⵕⵥⵥⵓⵎ ⵏ ⵡⵓⵔⵜⵉ ⵏ ⵎⵓⵍⴰⵢ ⵍⵃⴰⵙⴰⵏ ⴷⵉ ⵎⵕⵕⴰⴽⵛ ( ⵍⵉⵣⵏⵙⴱⵉⵔⴰⵙⵢⵓⵏ ⵉⴽⵓ)

ⵜⵜⵓⵙⴷⵓⵙ ⵜⵓⵚⴽⴰ ⵜⴰⵏⴰⴷⴷⴰⵡⵜ ⵉⵥⵍⵉⵏ ⵉ ⵡⵓⵔⴰⵔ ⴷ ⵓⵙⵙⴰⵔⴰ ⴳ ⵎⵕⵕⴰⴽⵛ, ⵜⵉⵣⵡⵓⵔⵉ ⵏ ⵡⴰⵙⵙⵏⵏⴰⵟ ⴷⴳ ⵓⵙⵓⵏ ⵏ ⵛⵛⵜⵡⵉ, ⵙ ⵓⵕⵥⵥⵓⵎ ⵏ ⵓⴳⵣⵣⵓⵎ ⴰⵎⵣⵡⴰⵔⵓ ⵏ ⵡⵓⵔⵜⵉ ⵏ ⵎⵓⵍⴰⵢ ⵍⵃⴰⵙⴰⵏ, ⵉⴳⴰⵏ ⵢⴰⵜ ⵜⵓⵚⴽⵉⵡⵜ ⵜⴰⵏⴷⴷⴰⵡⵜ ⵢⵓⴷⴼⵏ ⴷⵉ ⵓⵙⵏⴼⴰⵔ,”ⵎⵕⵕⴰⴽⵛ.. ⵜⴰⵖⵔⵎⴰ ⵉⵜⵜⵓⵙⵎⴰⵢⵏⵓⵏ”. ⵜⵎⵙⴰⵔ ⵜⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵙⴰⵢⵔⴰⵔ ⴰⴷ, ⵍⵍⵉ ⵉⴽⵛⵎⵏ  ⴳ ⵓⵙⴰⵜⵉ ⵏ ⵓⵙⴼⵓⴳⵍⵓ ⵙ ⵜⵎⴽⵜⵉⵜ ⵜⵉⵙⵙ ⵜⵥⴰ ⵎⵔⴰⵡⵜ ⵏ ⵜⵍⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⴻⵎⵎⵉⵙ ⵏ ⵓⴳⵍⵍⵉⴷ ⴰⴳⵍⴷⵓⵏ ⵍⵃⴰⵙⴰⵏ, ⵙ ⵓⴷⵔⴰⵡ ⵉⵥⵍⵉⵏ, ⵏ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵎⵕⵕⴰⴽⵛ-ⴰⵙⴼⵉ ⴰⵏⴱⴷⴰⴷ ⵏ ⵜⵎⵏⴰⴱⴹⵜ ⵏ ⵎⵕⵕⴰⴽⵛ ⴽⴰⵔⵉⵎ ⵇⵙⵉ ⵍⵃⵍⵓ, ⴷ ⵓⵏⵙⵙⵉⵅⴼ ⵏ ⵓⵙⵇⵇⴰⵎⵓ ⴰⵏⵎⵏⴰⴹ ⵙⴰⵎⵉⵔ ⴽⵓⴷⵔⴰ, ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⴰⵎⵓ ⴰⴳⵔⴰⵡⴰⵏ ⵏ ⵎⵕⵕⴰⴽⵛ ⴼⴰⵟⵉⵎⴰ ⵣⵣⵀⵔⴰ ⵍⵎⵏⵚⵓⵕⵉ, ⴷ ⵡⵓⴷⵎⴰⵡⵏ ⵢⴰⴹⵏⵉⵏ. ⵉⵜⵜⵓⴳⴰ ⵓⵙⴰⵢⵔⴰⵔ ⴰⴷ  ⴰⵡⵏⴹⴰⵏ ⴰⵣⴳⵣⴰ, ⵍⵍⵉ ⵉⴳⴰⵏ “ⵜⵓⵔⵉⵏ ⵏ ⵜⵖⵔⵎⵜ”, ⵅⴼ ⵜⴰⵍⵍⵓⵎⵜ ⵏ 17 ⵀⵉⴽⵜⴰⵕ, ⵙ ⵡⴰⵜⵉⴳ ⵏ 53.9 ⵎⵍⵢⵓⵏ ⴷⵔⵀⵎ.

ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ ⴰⵙⵔⵓⵙ  ⵏ “ⵜⴰⴹⴰ ⵏ ⵉⴼⵔⵉⵇⵉⵢⴰ ⵉⵕⵡⴰⵏ ⵉ ⵓⵎⵏⴰⵍ ⵏ ⵜⴰⵖⴰⵔⵜ” (ⵎⴰⵔⵓⴽ ⵍⵓⵊⵓⵖ)

ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⵙⵔⵓⵙ ⵏ ⵜⴰⴹⴰ ⵏ ⵉⴼⵔⵉⵇⵉⵢⴰ ⵉ ⵉⵕⵡⴰⵏ ⵉ ⵓⵎⵏⴰⵍ ⵏ ⵜⴰⵖⴰⵔⵜ” ⴷ ⵡⵓⴹⵓⴼ ⵏ ⵉⵙⵓⴳⴰⵎⵏ ⵏ ⵡⴰⵎⴰⵏ ⴷ ⵉⵜⵉⴽⵏⵓⵍⵓⵊⵉⵢⵏ ⴷ ⵢⵓⵙⴰⵏ, ⵉⵜⵜⵓⵙⵎⴰⴳⵍⵏ ⵉ ⵜⵉⴳⴳⵉ ⵏ ⵉⵕⵡⴰⵏ ⵜⵛⵏⵓ ⴷⴳ ⵓⵖⵣⴷⵉⵙ ⴰⴷ. ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ, ⴳ ⵜⵉⵏⴰⵡⵜ ⵏⵏⵙ ⵍⵍⵉ ⵉⴳⴰ ⴰⵙⵙⵏⵏⴰⵟ ⵏ ⵓⵢⵏⴰⵙ ⵉ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵉⵜⵜⵓⴳⵏ ⴳ ⴰⴱⵉⴷⵊⴰⵏⵅⴼ ⵜⴰⵖⴰⵔⵜ ⴷ ⵉⵙⵡⵓⴷⴷⵓⵜⵏ ⵉⵙⵓⵍⴰⵏⵏ ⵏ ⵡⴰⴽⴰⵍⵏ, “ ⵙ ⵜⵙⵏⵜⴰⵢⵜ ⵏ ⴰⴱⵉⴷⵊⴰⵏ, ⵍⵍⵉ ⵎⵓ ⵖⵍⵉⵏⵜ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵏⵏⵙ, ⵏⵙⵙⵓⵜⵔ ⴰⴷ ⵉⴳ ⵜⴰⵙⵓⵔⵉⴼⵜ ⵏ ⵓⵙⵎⵓⵙⵙⵓ ⴰⵙⵓⵍⴰⵏ ⴰⵎⴳⴳⵉ, ⵃⵎⴰ ⴰⴷ ⵏⴰⴼ ⴰⴷ ⵏⵙⴷⵡⵍ ⵜⵓⵇⵇⵏⵉⵡⵉⵏ ⵜⵉⵙⵔⵜⴰⵏⵉⵏ  ⵖⵔ ⵜⵎⴳⵉⵜⵉⵏ ⵜⵉⴽⵎⴰⵎⵉⵏ”. ⴷⴼⴼⵔ ⵎⴰ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵜⴰⵣⵎⵔⵜ ⵜⵓⵏⵥⵉⵥⵜ” ⵅⴼ ⵓⵙⴱⴷⴷⵉ ⵏ ⵓⵙⵏⴳⵓ ⴰⴷ ⴰⵎⴷⵔⴰⵡ, ⵙ ⵓⵎⵔⵉⴳ ⵏ ⵓⵙⵡⵓⵔⵉ ⵉⵏⵎⵣⴷⴰⵢ ⴷ ⵓⵎⵢⴰⵡⴰⵙ”, ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⵎⴰⵙ ⴷ ⴰⴳⵔⴰⵡ ⵙⴳ ⵓⵙⵡⵉⵔ ⵢⴰⵜⵜⵓⵢⵏ  ⵢⵓⴷⴼ ⴷⵉ ⵡⴰⵟⵟⴰⵚ ⵏ ⵜⵙⵏⴰⵜⵢⵉⵏ ⵜⵉⵙⴳⴰⵡⴰⵏⵉⵏ ⵉⴱⵏⵏⴷⵏ, ⵉⵎⵙⴰⵙⴰⵏ ⴷ ⵜⵉⵍⴰⵡⵜ ⵏ ⵉⴼⵔⵉⵇⵉⵢⴰ, ⵏⵏⵉ ⵖⴰ ⵢⴰⵡⵙⵏ ⵎⴰⵕⵕⴰ ⴳ ⵓⵙⴷⵓⵢ ⵏ ⵜⵣⵎⵎⴰⵔⵜ ⵏ ⵉⴼⵔⵉⵇⵉⵢⴰ ⵅⴼ ⵓⵎⵙⴰⵙⴰ ⴰⴽⴷ ⵜⴰⵖⴰⵔⵜ.

ⵜⴰⵣⵔⴼⵜ .. ⴰⵎⵙⴰⴳⴰⵍ ⴰⵎⴰⵜⴰⵢ ⵖⵔ ⵜⵙⵏⴱⴹⴰⵢⵜ ⵏ ⵜⵕⵓⵥⵉ ⵢⵓⵍⵖ ⵜⴰⵟⵍⵢⴰⵏⵉⵜ ⵜ ⵜⵉⵔⵎⵉⵜ ⵏ ⵍⵎⵖⵔⵉⴱ (ⵎⴰⵔⵓⴽ ⵍⵓⵊⵓⵖ)

ⵢⵓⵍⵖ ⵓⵎⵙⴰⴳⴰⵍ ⴰⵎⴰⵜⴰⵢ ⵏ ⵜⵙⵏⴱⴹⴰⵢⵜ ⵏ ⵜⵥⵓⵕⵉ ⵜⴰⵟⵍⴰⵢⵏⵉⵜ, ⵊⵢⵓⴼⴰⵏⵉ ⵙⴰⵍⴼⵉ, ⴰⵙⵙⵏⵏⴰⵟ ⵏ ⵓⵢⵏⴰⵙ ⴷⴳ ⵕⵓⵎⴰ, ⵜⵉⵔⵎⵉⵜ ⵏ ⵍⵎⵖⵔⵉⴱ ⴷⵉ ⵢⵉⴳⵔ ⵏ ⵜⵙⵉⵎⴰⵏⵜ ⵏ ⵜⵏⴱⴹⴰⵢⵜ, ⵙⵍⴰⵡⴰ ⴰⴽⴽⵯ ⵜⵉⵍⴰⵍⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⴷ ⵜⵡⵓⵔⵉⵡⵉⵏ ⵖⵔⵙ ⵉⵇⵇⵏ. ⵉⵏⵏⴰ ⵙⴰⵍⴼⵉ, ⴷⴼⴼⵔ ⵉⵎⴷⵉⵡⴰⵍⵏ ⵏⵏⵉ ⵉⴳⴰ ⴰⴽⴷ ⵓⵎⵙⴳⴷⴰⵍ ⴰⵎⴰⵜⴰⵢ ⵏ ⵓⴳⵍⵍⵉⴷ ⴳ ⵜⵙⵏⴱⴹⴰⵢⵜ ⵏ ⵜⵕⵓⵥⵉ, ⴰⵏⵙⵙⵉⵅⴼ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ, ⵍⵃⵙⵏ ⴷⴷⴰⴽⵉ, ⵍⵍⵉ ⵉⵔⵣⵣⴼⵏ ⵖⵔ ⵟⵟⴰⵍⵢⴰⵏ ⵙ ⵜⵡⵓⵔⵉ, ⴱⵍⵍⵉ “ⵍⵎⵖⵔⵉⴱ ⵉⵙⴽⵔ ⵉⵙⵏⴼⵍⵏ ⵉⵅⴰⵜⴰⵔⵏ ⴳ ⵢⵉⴳⵔ ⵏ ⵓⵙⵖⵓⴷⵓ ⵏ ⵜⵎⴰⴷⴷⴰⵙⵜ ⵏ ⵜⵣⵔⴼⵜ ⴳ ⵉⵙⴳⴳⵯⴰⵙⵏ ⴰⴷ ⵉⵏⴳⴳⵓⵔ, ⵍⵓⵎⵏ ⴳ ⵓⵖⴰⵡⴰⵙ ⵏ ⵓⵙⵉⵍⵖ ⵏ ⵉⵏⴱⴹⴰⵢⵏ “. ⴷ ⴱⴷⴷⴰⵏ ⵉⵎⴷⵉⵡⴰⵍⵏ,  ⵍⵍⵉ ⵉⵜⵜⵓⴳⵏ ⵙ ⵜⴷⵔⴰⵡⵜ ⵏ ⵓⵎⵙⵇⴰⴷ ⵏ ⵜⴳⵍⴷⵉⵜ ⴳ ⵕⵓⵎⴰ, ⵢⵓⵙⴼ ⴱⵍⵍⴰ, ⵅⴼ ⵉⵙⵓⴳⴳⵎⵏ ⵏ ⵓⵎⵢⴰⵡⴰⵙ ⵏⴳⵔ ⵙⵏⴰⵜ ⵜⵎⵓⵔⴰⵢⵉⵏ  ⵜⵉⵎⴰⵜⴰⵢⵉⵏ ⵏ ⵙⵏⴰⵜ ⵜⵎⵉⵣⴰⵔ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴱⴽⴽⴰⴹ ⴰⵎⵙⵓⴷⵙ ⴷ ⵡⵓⵣⴳⵉⵔ ⵏ ⵉⵡⵜⵜⴰ ⵏ ⵜⵖⵡⵡⴰⵖⵜ.

ⴰⵙⵍⵎⴷ ⵓⵙⵍⵉⴳ .. ⴰⵖⵏⵏⴰⵏ ⴷ ⵉⵣⵓⵛⵛⵍⵏ ⵏ ⵢⵓⵍⵢⵓⵣ (ⵍⴰⵃⴷⴰⵜ ⵍⵎⵖⵔⵉⴱⵉⵢⴰ)

ⵜⵓⵥⵎⴰ ⵜⴼⵉⴷⵉⵕⴰⵍⵉⵜ ⵜⴰⵏⴰⵎⵓⵔⵜ ⵏ ⵜⵎⵙⵎⵓⵏⵉⵏ ⵏ ⵉⴷ ⴱⴰⴱ ⴷ ⴰⵢⵜ ⵏ ⵉⵏⵍⵎⴰⴷⵏ ⴳ ⵍⵎⵖⵔⵉⴱ, ⵜⴰⵖⵜⴰⵙⵜ ⵏ ⵓⵙⵓⵜⵔ ⵏ ⵉⵣⵓⵛⵛⵍⵏ ⵏ ⵡⴰⵢⵢⵓⵔ ⵢⵓⵍⵢⵓⵣ, ⵡⴰⵅⵅⴰ ⵢⵓⴷⵙ ⵡⴰⴽⵓⴷ ⵏ ⵉⵙⵡⵉⵔⵏ ⵉⵏⵎⴰⵍⵏ ⴰⴷ ⵙⵎⴷⵏ  ⴰⵖⴰⵡⴰⵙ ⴰⵏⵎⵍⴰⵏ. ⴷ ⵜⵙⵡⵜⵜⴰ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⵜⴰⴼⵍⵡⵉⵜ ⵏ ⵉⴽⴰⵢⴰⴷⵏ, ⵎⵉⵏⵣⵉ ⵉⵥⴹⴰⵕ ⴰⴷ ⵜⵙⵎⴷ ⵖⵔ ⵜⵉⴳⵉⵔⴰ ⵏ ⵏ ⵡⴰⵢⵢⵓⵔ ⵏ ⵢⵓⵍⵢⵓⵣ, ⴰⵢⵏⵏⴰ ⵉⵙⵓⵜⵜⵉⵏ ⵜⵉⵎⵛⵓⵛⵛⴰⴹ ⵏ ⵓⴼⵔⵔⵓ ⵏ ⵡⴰⵢⵢⵓⵔ ⵏ ⵢⵓⵍⵢⵓⵣ, ⵙ ⵎⵉⵏ ⵜⴽⴽⴰ ⵜⵎⴰⵡⴰⵙⵜ ⵜⵏⵏⴰⵜ ⴳ ⵜⵉⵣⵉ ⵏ ⵓⵎⴰⵡⵙⴰⵙ ⵓⵣⵡⵉⵔ. ⴰⵢⴰ ⵏ ⵓⵥⵎⴰ ⵢⵓⵙ ⴷ ⵎⴰⵛⴰⵏ ⵉⵔⵔⵓⵎⴰ ⵡⴰⴷⴷⴰⴷ ⵏ ⵢⵉⵎⴰⵏ ⵏ ⵉⴷ ⴱⴰⴱ ⴰⵢⵜ ⵏ ⵉⵏⵍⵎⴰⴷⵏ, ⴷⴼⴼⵔ ⵎⴰ ⴷ ⴰⵙⵏ ⵏⵏⴰⵏⵜ ⵜⵎⵔⵙⴰⵍ ⵜⵓⵙⵍⵉⴳⵉⵏ ⵉⵇⵇⴰⵏ ⴷ ⴰⴷ ⴼⵔⵓⵏ ⴰⵢⵢⵓⵔ ⵏ ⵢⵓⵍⵢⵓⵣ ⵅⴼ ⵜⴰⵔⵡⴰ ⵏⵏⵙ. ⵉⵣⵣⵔⵓⵔⵜ ⵃⵎⴰⴷ ⵍⵄⴰⴱⴷⵉ, ⴰⴳⵎⴰⵎ ⵏ ⵓⴽⴰⴱⴰⵕ ⵏ ⵓⴼⴰⵔⴰ ⴷ ⵓⵏⵎⴰⵍⴰⵢⴳ ⵓⵙⵇⵇⴰⵎⵓ ⵏ ⵉⵎⵣⵣⴰⵏⵏ, ⴳ ⵓⵙⵇⵙⵉ ⵏⵏⵙ ⵉⴼⴽⴰ ⵉ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵔⵡⴰⵔⵓ ⴷ ⵜⵓⵏⵏⵓⵏⵜ, ⵛⴰⴽⵉⴱ ⴱⵏ ⵎⵓⵙⴰ, ⵜⴰⵎⵙⵍⴰⵢⵜ ⵏ ⵓⴱⵣⵣⴻⵣ ⵏ ⵓⴼⵔⵔⵓ ⵏ ⵡⴰⵢⵢⵓⵔ ⵢⵓⵍⵢⵓⵣ; ⵉⵙⵏⵓⵎⵍ  ⵜⵉⵎⴳⴳⵉⵜ ⴰⴷ ⵙ “ⵓⵙⵏⵏⴰⵔⴰⴼ”.

ⵉⴼⴼⵢ ⵍⴱⴰⵏⴽ ⵏ ⵍⵎⵖⵔⵉⴱ ⵓⴳⴳⴰⵔ ⵏ 21 ⵎⵍⵢⴰⵕ ⴷⵔⵀⵎ ⵉ ⵡⴰⵏⵏⴰⵍ ⵏ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵜⵎⵊⴰⵀⴷⵉⵢⵉⵏ (ⵍⴰⵃⴷⴰⵜ ⵍⵎⵖⵔⵉⴱⵉⵢⴰ)

ⵉⴼⴼⵢ ⵍⴱⴰⵏⴽ ⵏ ⵍⵖⵔⵉⴱ, ⴳ ⵜⵉⵣⵉ ⵏⴳⵔ 28 ⵉⴱⵔⵉⵔ ⴷ ⴷ 4 ⵎⴰⵢⵢⵓ 2022, ⴰⵜⵉⴳ ⵏ 91,5 ⵎⵍⵢⴰⵕ ⴷⵔⵀⵎ, ⴷⵉⴳⵙ 49 ⵎⵍⵢⴰⵕ ⴷⵔⵀⵎ ⴷ ⵉⵣⵡⵉⵔⵏ ⵏ 7 ⵏ ⵡⵓⵙⵙⴰⵏ ⵙ ⵎⵉⵏ ⴷ ⵢⵓⵙⵏ ⴷⴳ ⵓⵙⵓⵜⵔ ⵏ ⵉⵙⴼⵙⵔⵏ, ⴷ 21,2 ⵎⵍⵢⴰⵕ ⴷⵔⵀⵎ ⴷ ⵜⵎⵀⵍⵉⵏ ⵏ ⵡⴰⵍⵍⴰⵙ ⵏ ⵜⵎⵙⵓⵖⵜ, ⴷ 21,3 ⵎⵍⵢⴰⵕ ⴷⵔⵀⵎ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵡⴰⵏⵏⴰⵍ ⵏ ⵓⵙⵙⵥⵕⴼ ⵏ ⵜⵎⵙⵙⵏⵜⵉⵜⵉⵏ ⴱⴰⵀⵔⴰ ⵎⵥⵥⵢⵏⵉⵏ ⴷ ⵜⵎⵊⴰⵀⴷⵉⵢⵉⵏ. ⴷ ⵜⵎⴷⴰ ⵜⵉⵣⵉ ⴰⴷ ⴰⵍⵜⵓ ⵅⴼ ⵓⴼⵓⵍⴽⵉ ⵏ ⵓⵙⵖⵍ ⵏ ⵓⵖⵣⴰⴷ ⵏ ⴷⵔⵀⵎ ⵙ ⵓⵙⵖⵍ ⵏ 0.18 ⴳ ⵜⴳⵎⵉⴹⵉ ⵙ ⵜⵓⴳⴷⵓⵜ ⵏ ⵍⵓⵕⵓ, ⵉⴳⴳⵣ ⵙ 0.33 ⴳ ⵜⴳⵎⵉⴹ  ⵙ ⵜⵓⴳⴷⵓⵜ ⴷ ⴷⴷⵓⵍⴰⵕ ⴰⵎⵉⵔⴽⴰⵏⵉ, ⵙ ⵓⵢⵏⵏⴰ ⵙⵙⵓⴽⵣⵏⵜ ⵜⵎⴰⵜⴰⵔⵉⵏ ⵏ ⵉⵎⴰⵍⴰⵙⵙ ⵏ ⵍⴱⴰⵏⴽ ⴰⴱⵔⵉⴱⵉ. ⵎⴰⵢⴰ ⵏ ⵜⵉⵣⵉ ⵜⴻⵜⵜⵡⴰⵙⵙⵏ ⵙ ⵡⴰⵔ ⵜⵉⴳⴳⵉ ⵏ ⴽⵔⴰ ⵏ ⵜⵎⵀⵍⵜ ⵏ ⵓⵖⵏⵏⴻⵏ ⴳ ⵓⴳⴰⴷⴰⵣ ⵏ ⵓⵖⴷⴰⵣ , ⴷ ⵙ ⵉⴱⴷⴷⵉ ⵏ ⵓⵙⴰⵍⴰ ⴰⵖⴹⴼⴰⵏ ⵓⵏⵚⵉⴱ ⴷⴳ 329ⵏ2 ⵎⵍⵢⴰⵕ ⴷⵔⵀⵎ ⵙ ⵜⵎⵔⵏⵉⵡⵜ ⵏ ⵓⵙⵖⴰⵍ ⵙ 0,1 ⴳ ⵜⴳⵎⵉⴹⵉ ⵙⴳ ⵉⵎⴰⵍⴰⵙⵙ ⵖⵔ ⵡⴰⵢⴹ, ⴷ ⵙ ⵜⵓⵜⵜⵓⵢⵜ ⵏ ⵓⵙⵖⴰⵍ 8,3 ⴳ ⵜⴳⵎⵉⴹⵉ ⵅⴼ ⵜⵙⴰⵍⴰ ⵏ ⵓⵙⴳⴳⵯⴰⵙ.

ⴰⵙⵏⵎⴰⵍ ⵏ ⵜⵎⵍⴰⵍⵉⵏ ⵏ ⵓⵙⴼⵔⴽ ⴷ ⵓⵙⵡⴳⴳⴹ ⵙ ⵓⵙⴼⵓⴳⵍⵓ ⵙ ⵉⵎⴰⵍⴰⵙⵙ ⴰⵏⴰⵎⵓⵔ ⵏ ⵜⴷⵓⵙⵉ ⵜⴰⵏⵎⵍⴰⵏⵜ (ⵍⵢⴰⵡⵎ ⵍⵖⵔⵉⴱⵉ)

ⴰⵔ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵙ ⵓⵙⴼⵓⴳⵍⵓ ⵙ ⵉⵎⴰⵍⴰⵙⵙ ⴰⵏⴰⵎⵓⵔ ⵏ ⵜⴷⵓⵙⵉ ⵜⴰⵏⵎⵍⴰⵏⵜ, ⵜⵉⵍⴰⵍ ⵏ ⵓⵙⴼⵔⴽ ⴷ ⵓⵙⵡⴳⴳⴹ ⵙⴰⴷⵓ ⵏ ⵜⵎⴰⵜⴰⵔⵜ “ ⵎⴰⵕⵕⴰ ⵏⵏⵖ ⵉ ⵓⵙⴷⵓⵙ ⵏ ⵜⴷⵓⵙⵉ ⵜⴰⵏⵎⵍⴰⵏⵜ”, ⵉⴳⵏⵔ 9 ⴷ 14 ⵎⴰⵢⵢⵓ ⴳ ⵎⵉ ⵏⵍⵍⴰ, ⴷ ⵜⵙⵙⴽⵜⵉ  ⵜⵎⴰⵡⴰⵙⵜ, ⴳ ⵓⵙⵉⵡⴹ ⵏⵏⵙ, ⴱⵍⵍⵉ ⴰⵎⵓⵙⵙⵓ ⴰⴷ ⵉⵜⵜⵓⴳ ⵉ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⴳ ⵎⴰⵕⵕⴰ ⵉⵙⴰⴽⴰⵜⵏ ⵏ ⵓⵙⵍⵎⴷ ⴷ ⵉⴷ ⴱⴰⴱ ⴷ ⵉⴷ ⵎⴰⵜⵙⵏ ⵏ ⵉⵏⵍⵎⴰⴷⵏ, ⴷ ⴰⴽⴷ ⵉⵎⵙⵜⴳⴳⴰⵔⵏ ⵉⵎⵙⵙⵓⴳⵓⵔⵏ  ⴷ ⵉⵙⴳⵎⴰⵏⵏ ⴳ ⵎⴰⵕⵕⴰ ⵜⵉⵎⵔⵙⴰⵍ ⵏ ⵓⵙⵍⵎⴷ, ⴰⵍⵜⵓ ⵜⵉⵎⵔⵙⴰⵍ ⵏ ⵜⵄⵔⵔⵎⴰ. ⴷ ⵉⵙⵙⵓⴽⵣ  ⵎⴰⵙ ⴰⵙⵏⵎⴰⵍⴰ ⵏ ⵉⵎⴰⵍⴰⵙⵙ ⴰⴷ ⴰⵏⴰⵎⵓⵔ, ⵢⵓⵙⴷ ⴳ ⵓⵙⴰⵜⵉ ⵏ ⵓⵙⵎⵀⵍ ⴰⵙⵜⵕⴰⵜⵉⵊⵉ ⴰⵏⴰⵎⵓⵔ ⵏ ⵜⴷⵓⵙⵉ ⵜⴰⵏⵎⵍⴰⵏⵜⴷ ⵜⵙⴷⴰⵡⴰⵏⵜ ⴷ ⵓⵙⴷⵓⵙ ⵏ ⵜⴷⵓⵙⵉ ⵏ ⵉⵄⵔⵔⵉⵎⵏ. ⵙ ⵜⵉⴳⴳⵉ ⵏ ⵜⴷⵔⴰⵡⵜ ⴰⴽⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⴷ ⵜⵎⴰⵡⴰⵙⵜ ⵏ ⵓⴳⵯⵏⵙ; ⴷ ⴰⴽⴷ ⵜⵎⴰⵡⴰⵙⵜ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴷ ⵜⵎⴰⵡⴰⵙⵜ ⵏ ⵉⵙⴱⴷⴷⴰⴷⵏ ⴷ ⵉⵙⴽⴽⵉⵏ ⵏ ⵍⵉⵙⵍⴰⵎ ⴷ ⵜⵎⴰⵡⴰⵙⵜ ⵓⵎⵢⴰⵡⴰⵙ ⴷ ⵓⵙⴰⴷⴼ  ⴰⵏⴰⵎⵓⵏ ⴷ ⵜⴰⵡⵊⴰ.

ⵄⴱⴱⴰⴷⵉ ⵉⵙⵙⵓⵜⵔ ⴰⵣⵡⴰⴳ ⵖⵔ ⵜⵜⵉⴽⵏⵓⵍⵓⵊⵉⵜ ⵜⴰⵜⵔⴰⵔⵜ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⵉ “ⵜⵔⵓⵢⵉ” ⵏ ⵢⵉⵏⴰⵡ ⵏ ⵜⵡⵓⵛⵏⵜ ⴷ ⵓⴽⵙⴰⵏ (ⵚⵚⵃⵕⴰ ⵜⴰⵎⵖⵔⵉⴱⵉⵜ)

ⵉⵙⴷⴷⵉⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵙⵇⵇⴰⵏⵜ ⵍⵎⵓⵃⵎⵎⴰⴷⵉⵢⴰ ⵏ ⵉⵎⴰⵙⵙⴰⵏ ⴳ ⵍⵎⵖⵔⵉⴱ, ⵃⵎⴰⴷ ⵄⴱⴱⴰⴷⵉ ⴰⵙⵙ ⵏ ⵓⵙⵉⵎⵡⴰⵙ, ⴳ ⵇⵍⵄⴰⵜ ⵙⵙⵔⴰⵖⵏⴰ, ⵎⴰⵙ ⴷ ⵉⵇⵇⴰⵏ ⵓⵣⵡⴰⴳ ⵖⵔ ⵜⵜⵉⴽⵏⵓⵍⵓⵊⵉⵢⵜ ⵜⴰⵜⵔⴰⵔⵜ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⵃⵎⴰ ⴰⴷ “ ⵜⵜⵓⵙⵔⴰⵢ” ⵜⵡⵓⵛⵏⵜ ⴷ ⵓⴽⵙⴰⵏ ⴰⴳⵯⵏⵙ ⵏ ⵡⴰⵎⵓⵏ. ⴷ ⵉⵏⵏⴰ ⵍⵄⴱⴱⴰⴷⵉ, ⵍⵍⵉ ⵉⵙⵎⵓⵙⵙⴰⵏ ⵜⵉⵏⴰⵡⵜ, ⴳ ⵜⵙⴷⴰⵡⵉⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⵎⵙⴰ ⴷ ⵜⵏⴰⵎⵓⵏⵜ ⴳ ⵇⵍⵄⴰⵜ ⵙⵙⵔⴰⵖⵏⴰ, ⵙⴰⴷⵓ ⵏ ⵓⵣⵡⵍ “ⴰⵙⵔⵔⵓⵢ ⵏ ⵢⵉⵏⴰⵡ ⴰⵡⵓⵛⵛⵏ ⴷ ⵓⴽⵙⴰⵏ”, ⵀⴰⵏ ⵜⴰⵡⵓⵛⵏⵜ ⵜⴳⴰ ⵜⵓⵎⴰⵏⵜ ⵉⵎⵎⴽⵔⵙⵏ, ⴳ ⵜⵜⵎⵎⵣⴰⵔⴰⵢⵏ ⵛⵉⴳⴰⵏ ⵏ ⵉⴼⵔⴷⵉⵙⵏ ⵉⵇⵇⵏ ⵖⵔ ⵓⵙⴳⴷⴰⵏ ⴰⵏⴰⵎⵓⵏ ⴷ ⵓⵎⵢⴰⵡⴰⴹ ⴷ ⵓⵊⵢⵓ-ⵙⵜⵕⴰⵜⵉⵊⵉ, ⵎⴰⵢⴰ ⵏⵏ ⴰⴷ ⴷ ⵉⵜⵜⴰⵡⵉⵏ ⵜⵉⵏⴰⵥⴰⵕⵉⵏ ⵉⴷⵔⴰⵏ ⵙ ⵓⵔ ⵏⵥⴹⴰⵕ ⴰⴷ ⵜⵏⵜ ⵏⴰⵍ ⵙ ⵡⴰⵍⵍⴰⵍⵏ ⵉⵇⵇⴱⵓⵔⵏ, ⵎⴰⵛ ⵙ ⵡⴰⵍⵍⴰⵍⵏ ⵉⵜⵔⴰⵔⵏ, ⵍⵍⵉ ⵉⴳⴰⵏ ⵡⵉⵏ ⵓⵎⵢⴰⵡⴰⴹ ⴰⵎⵓⵟⵟⴰⵏ ⴷ ⵜⵉⵇⵏⵉⵢⵉⵏ ⵜⵉⵜⵔⴰⵔⵉⵏ ⴳ ⵓⵙⵏⵖⵎⵙ ⴷ ⵓⵎⵢⴰⵡⴰⴹ”, ⵉ ⵓⵙⴱⴷⴷⵉ ⵏ ⵡⴰⵏⴰⵡ ⴰⴷ ⵏ ⵢⵉⵏⴰⵡⵉⵏ.

ⴰⵙⴰⵢ ⴷ ⵍⵍⵓⵊⵉⵙⵜⵉⴽ .. ⴰⵔⵎⴰⴽⵙ  ⵜⵙⴱⴰⵔⴰⵡ ⵜⴰⴷⵔⴰⵡⵜ ⵏⵏⵙ ⴷⵉ ⵍⵎⵖⵔⵉⴱ (ⵍⵉⴽⵓⵏⵓⵎⵉⵙⵜ)

ⵜⵏⵏⴰ ⴰⵎⵔⵎⴰⴽⵙ, ⵜⴰⵏⴼⴰⴽⵢⵜ ⵜⴰⵎⵣⵡⴰⵔⵓⵜ ⴳ ⵓⵎⴰⴹⴰⵍ ⵏ ⵜⵏⵓⴼⴰ ⵏ ⵡⴰⵙⴰⵢ ⴷ ⵉⴼⵙⵙⴰⵢⵏ ⵉⵍⵓⵊⵉⵙⵜⵉⴽⵉⵢⵏ ⵉⵖⵣⵓⵔⴰⵏ,  ⴰⵙⵙⵏⵏⴰⵟ ⵏ ⵓⵢⵏⴰⵙ, ⵎⴰⵙ ⵜⵕⵥⵎ ⴰⵢⵢⴰⵡⵏ  ⵏⵏⵙ ⵉⵎⴰⵢⵏⵓⵜⵏⴳ ⵜⵎⴷⵉⵏⵜ ⵏ ⵍⵄⵢⵓⵏ ⴰⴼⴰⴷ ⵜⵙⴷⵓⵙ ⵜⵉⵎⵀⴰⵍⵉⵏ ⵏⵏⵙ ⴳ ⵍⵎⵖⵔⵉⴱ. ⵉⵙⵙⵓⴽⵣ ⵓⵙⵉⵡⴹ  ⵏ ⵍⴰⵔⵎⴰⴽⵙ ⵎⴰⵙ ⵜⴰⵙⵓⵔⵉⴼⵜ ⴰⴷ ⵜⵓⵙ ⴷ ⴷⴳ ⵓⵙⴰⵜⵉ ⵏ ⵉⵙⴼⵉⵔⵙⵏ ⵏ ⴰⵔⵎⴰⴽⵙ ⵉⵡⵜⵜⵙⵏ ⵜⴰⵎⵔⵏⵉⵡⵜ ⴳ ⵡⴰⵢⵢⴰⵡⵏ ⵏⵏⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⵜⴰⴼ ⴰⴷ ⵜⵔⴰⵔ ⵉ ⵓⵙⵓⵜⵔ ⴰⵎⵔⵏⵉⵡ ⵏ ⵉⵎⵡⵓⵔⵉⵢⵏ ⵏⵏⵙ ⵙⴳ ⵜⵎⵙⵙⵓⵔⵉⵏ ⴷ ⵉⵏⵙⵎⵓⵔⵏ, ⴷ ⵓⵙⵎⵏⵉⴷ ⵏ ⵉⴼⵙⵙⴰⵢⵏ ⵉⵙⴷⴷⵔⴼⵓⵏ ⴰⵙⵙⵍⴽⵎ ⵙ ⵜⵙⵎⴽⵜⴰ ⵉⴼⵍⵙⵏ. ⵉⵔⵏⵉ ⵓⵙⴰⴳⵎ ⴰⴷ ⵉⵏⵏⴰ “ ⴰⵢⵢⴰⵡ ⴰⵎⵢⵏⵓ ⵉⵥⵍⵉ  ⵙ ⵡⴰⵏⵙⴰ ⵏⵏⵙ ⴰⵙⵜⵕⴰⵜⵉⵊⵉ ⴳ ⵜⵎⴷⵉⵏⵜ ⵏ ⵍⵄⵢⵓⵏ, ⵎⵉⵏⵣⵉ ⵔⴰⴷ ⵉⵙⵙⴼⵙⵉⵙ ⴰⴷ ⵍⴽⵎⵏ ⵉⵎⵡⵓⵔⵉⵢⵏ ⵏ ⴰⵔⵎⴰⴽⵙ ⴳ ⵜⵙⴳⴳⵉⵏ ⵏ ⵉⴼⴼⵓⵙ ⵏ ⵍⵎⵖⵔⵉⴱ ⵖⵔ ⵜⵓⴳⴳⵜ ⵏ ⵜⵏⵓⴼⴰ ⵜⵉⵍⵓⵊⵉⵙⵜⵉⴽⵉⵢⵉⵏ  ⴷ ⵜⵏⵓⴼⴰ ⵏ ⵓⵙⵙⵍⴽⵎ”.

ⵜⵉⵙⵔⵉ ⵏ ⵉⵙⵓⴳⵔⵏ ⵏ ⵡⴰⴳⵓⵎ ⵍⵎⵖⵔⵉⴱ – ⵍⴱⵕⴰⵣⵉⵍ (ⵓⵊⵓⵔⴷⵡⵉ ⵍⵎⵓⴰⵔⵓⴽ)

ⵡⴰⵍⴰⵏ ⵎⴰⵕⵕⴰ ⵉⵥⵕⵉⵜⵏ ⵖⵔ ⵕⵕⴱⴰⵟ ⵍⵍⵉ ⵉⵙⵏⴱⴳⵉⵏ ⴰⴽⴰⴱⴰⵕ ⵓⵏⵚⵉⴱ ⴰⵅⴰⵜⴰⵔ ⵏ ⵍⴱⵕⴰⵣⵉⵍ. ⴷ ⵉⵏⵓⵔⵣ ⵓⴽⴰⴱⴰⵕ ⵍⵍⵉ ⵉⵏⵙⵙⵉⵅⴼ ⵓⵎⴰⵡⵙⴰⵙ ⵏ ⵜⵢⵔⵣⴰ ⵎⴰⵔⴽⵓⵙ ⵎⵓⵏⵉⵜⵙ ⵖⵔ ⵓⵙⴷⵓⵙ ⵏ ⵓⵎⵢⴰⵡⴰ ⵉⵍⵍⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ. ⴷ ⵉⵅⵚⵚⴰ  ⴰⴷ ⵏⵉⵏⵉ ⵎⴰⵙ ⵉⵎⴰⵙⴰⵢⵏ ⵉⴱⵕⴰⵣⵉⵍⵉⵢⵏ ⴷⵎⴰⵏ ⵓⴳⴳⴰⵔ ⵏ ⵉⵔⵣⴰⴼⵏ ⵖⵔ ⵜⴳⵍⴷⵉⵜ. ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵙⴱⴱⴰⴱⵜ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ  ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵓⵢⴷⴰ ⴰⵎⵓⴷⵔⴰⵏ ⴰⴱⵔⴰⵣⵉⵍⵉⵢ, ⵊⴰⵏ ⵎⴰⵔⵙⵉⵍ ⴼⵉⵔⵏⴰⵏⴷⵉⵣ, ⴷⴳ ⵎⴰⵏ ⴰⵢⴰ ⴱⵍⵍⵉ ⵍⵎⵖⵔⵉⴱ ⴷ ⴰⵎⴷⵔⴰⵡ “ ⴰⵙⵜⵕⴰⵜⵉⵊⵉ” ⵏ ⵍⴱⵕⴰⵣⵉⵍ, ⵍⵍⵉ ⵉⴽⴽⴰⵜⵏ ⵅⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴱⴰⵀⵔⴰ, ⵙⵍⴰⵡⴰⵏ ⴰⴽⴽⵯ ⴰⵎⵢⴰⵡⴰⵙ ⵏ ⵜⵢⵔⵣⴰ, ⴰⴽⴷ ⵜⴳⵍⴷⵉⵜ. ⴷ ⵢⴰⵖⵓⵍ ⵍⵎⵖⵔⵉⴱ ⵉⴳⴰ ⵢⴰⵏ ⵙⴳ ⵉⵎⴷⵔⴰⵡⵏ ⵉⴷⵎⵙⴰⵏⵏ ⵉⴷⵙⵍⴰⵏ ⵏ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⴰⴷ ⵉⴳⴳⵔⴰⵏ. ⴰⵛⴽⵓ ⵢⵓⵡⴹ ⵡⴰⵜⵉⴳ ⵏ ⵓⴽⵙⴰⵢ ⵏ ⵜⵙⴱⴱⴰⴱⵜ ⵏⴳⵔ ⵙⵏⴰⵜ ⵜⵎⵉⵣⴰⵔ ⴰⴷ 466.3 ⵎⵍⵢⵓⵏ ⵏ ⴷⵓⵍⴰⵕ ⴳ ⵉⵡⵙⵙ ⴽⴽⵓⵥ ⴰⵎⵣⵡⴰⵔⵓ ⵏ ⵓⵙⴳⴳⵯⴰⵙ ⵏ 2022.

ⵓⴳⴳⴰⵔ ⵏ 24.600 ⵏ ⵜⵎⵙⵙⵓⵔⵜ ⵜⵓⵣⵎⵎⴰⵎ ⴳ ⵡⵉⵙⵙ ⴽⴽⵓⵥ ⴰⵎⵣⵡⴰⵔⵓ ⵏ ⵓⵙⴳⴳⵯⴰⵙ ⵏ 2022 ( ⵓⵊⵓⵔ ⴷⵡⵉ ⵍⵓⵎⴰⵔⵓⴽ)

ⵉⵜⵜⴳ ⵓⵙⵉⵔⴰ ⴰⵎⵖⵔⵉⴱⵉ ⵏ ⵜⵎⵉⵍⵉⵜ ⵏ ⵜⵎⵓⴳⵔⵉ ⴷ ⵜⵙⴱⴱⴰⴱⵜ ⵓⵎⵓⵖ ⵏ ⵜⵏⵓⵟⵟⴰⴼⵜ ⵏ ⵜⵉⴳⴳⵉ ⵏ ⵜⵎⵙⵙⵓⵔⵉⵏ ⵏ ⵡⵉⵙⵙ ⴽⴽⵓⵥ ⴰⵎⵣⵡⴰⵔⵓ ⵏ ⵓⵙⴳⴳⵯⴰⵙ. ⴷ ⵉⴱⵔⵔⵃ ⵓⵙⵉⵔⴰ ⵎⴰⵙ ⵜⵜⵓⵣⵎⵎⴰⵎ 24.660 ⵏ ⵜⵎⵙⵙⵓⵔⵜ ⴷⵉⴳⵙ 17.444 ⵏ ⵜⵎⵙⵙⵓⵔⵜ ⵓⵏⵓⵎⴽⵏ ⴷ 7.216 ⵉⴳⴰⵏ ⵜⴰⵏⵉⵎⴰⵏⵜ. ⴷ ⴽⵛⵎⵏ ⵡⵓⵟⵟⵓⵏ ⴰⴷ ⴳ ⵓⵙⴰⵜⵉ ⵏ ⵡⵓⴳⵓⵣ ⵉⵜⵜⵓⵣⵎⵎⴻⵎⵏ ⵙ ⵜⵓⴳⴷⵓⵜ ⴷ ⴰⵎ ⵜⵉⵣⵉ ⴰⴷ ⴰⵙⴳⴳⵯⴰⵙ ⵓⵣⵡⵉⵔ. ⵉⵖⵎⵙⵏ ⵛⵉⴳⴰⵏ ⵏ ⵉⵣⵎⵎⵉⵎⵏ ⵉⵎⴰⵢⵏⵓⵜⵏ ⴽⵕⴰⴹ ⵢⵉⴳⵔⴰⵏ ⵏ ⵉⵎⵓⵙⵙⴰ: ⵜⴰⵙⴱⴱⴰⴱⵜ, ⵜⵓⵚⴽⵉⵡⵜ, ⴷ ⵜⵉⵍⴰⵍ ⵏ ⵜⵓⵚⴽⵉⵡⵜ ⴷ ⵜⵏⵓⴼⴰ.

ⵜⴰⵎⵙⴽⵜⵉⵜ ⵏ ⵓⵎⵛⴰⵛⴽⴰ ⵏⴳⵔ ⵜⵎⴰⵡⴰⴰⵙⵜ ⵏ ⵉⵄⵔⵔⵉⵎⵏ ⴷ ⵜⵎⵙⵍⵜ (ⵎⴰⵙⵜⵕⴽⴰⵔⴷ) ⴷ ⵓⵕⵟⵜⴰⵍ ⵉⵏⴼⵍⴰⵃ ⴳ ⵍⵎⵖⵔⵉⴱ ⵉ ⵡⵏⵏⴰⵍ ⵏ ⵜⵣⵎⵎⴰⵔ ⵏ ⵉⵄⵔⵔⵉⵎⵏ (ⵍⵉⴱⵉⵕⴰⵙⵢⵓⵏ ⵉⴽⵓ)

ⵉⵜⵜⵓⴳ, ⴰⵙⵙⵏⵏⴰⵟ ⵏ ⵓⵢⵏⴰⵙ ⴳ ⵕⵕⴱⴰⵟ ⵓⵙⴳⵎⴹ ⵅⴼ ⵜⵎⵙⵙⴽⵜⵉⵜ ⵏ ⵓⵎⵛⴰⵛⴽⴰ ⵏⴳⵔ ⵜⵎⴰⵡⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴷ ⵜⵎⵔⵙⵍⵜ (ⵎⴰⵙⵜⵕⴽⴰⵔⴷ) ⴷ ⵜⴳⵔⵓⵎⵎⴰ ⵏ ⵓⵕⵟⵟⴰⵍ ⴰⵏⴼⵍⴰⵃ ⴳ ⵍⵎⵖⵔⵉⴱ, ⵜⵜⴰⴼ ⴰⴷ ⴰⵡⵙⵏ ⵉⵙⵏⴼⴰⵔⵏ ⵏ ⵜⵎⴰⵡⴰⵙⵜ ⵉⵜⵜⵡⴰⴳⵏ ⵉ ⵉⵄⵔⵔⵉⵎⵏ. ⴷ ⵉⵙⴳⵎⴹ ⵜⵎⵙⵙⴽⵜⵉⵜ ⵏ ⵓⵎⵛⴰⵛⴽⴰ ⴰⴷ ⵓⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⴷ ⵉⵏⵙⵙⵉⵅⴼ ⵏ (ⵎⴰⵙⵜⵕⴽⴰⵔⴷ) ⴳ ⵜⵎⵏⴰⴹⵜ ⵏ ⵡⴰⵎⵎⴰⵙ ⵏ ⵓⵏⵇⵇⴰⵔⴷ ⵉⵥⵥⵍⵎⴷ ⵏ ⵉⴼⵔⵉⵇⵉⵢⴰ, ⵅⴰⵍⵉⴷ ⵍⵊⴱⴰⵍⵉ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵉⴳⴰⵏ ⴰⴳⵎⴰⵎ ⵏ ⵓⵙⵇⵇⴰⵎⵓ ⵏ ⵜⴳⵔⵓⵎⵎⴰ ⵏ ⵓⵕⵟⵟⴰⵍ ⴰⵏⴼⵍⴰⵃ ⵏ ⵍⵎⵖⵔⵉⴱ, ⵄⴱⴷⵍⵓⵎⵏⵄⵉⵎ ⴷⵉⵏⵢⴰ. ⴰⵢⴷⴷⵖ ⵏ ⵜⵎⵙⵙⴽⵜⵉⵜ ⵜⴻⵜⵜⵓⴳ ⴰⴼⴰⴷ ⴰⴷ ⵜⵙⵎⵏⴷ ⵜⵉⵏⵓⴼⴰ ⵉ ⵉⵄⵔⵔⵉⵎⵏ ⵉⵎⵖⵔⵉⴱⵉⵢⵏ ⵙⴳ (ⵎⴰⵙⵜⵕⴽⴰⵔⴷ), ⵍⵍⵉ ⵔⴰⴷ ⵉⵙⴱⵓⵖⵍⵓ ⵜⵉⵣⵎⵎⴰⵔ ⵏ ⵉⵄⵔⵔⵉⵎⵏ ⴳ ⵢⵉⴳⵔ ⵏ ⵜⵜⵉⴽⵏⵓⵍⵓⵊⵉⵜ ⴷ ⵓⵙⵏⴼⵍⵓⵍ, ⴷ ⵓⵎⵓⵟⵟⵓⵏ ⵙ ⵓⵙⵎⵏⵉⴷ ⵏ ⵜⴹⴼⵓⵕⵉ ⵏ ⵡⴰⵏⵏⴰⵍ ⵏ ⵉⵙⵏⴼⴰⵔⵏ ⵏⵏⴰ ⵔⴰⴷ ⵜⵙⴽⵔ ⵜⴳⵔⵓⵎⵎⴰ ⵏ ⵓⵕⵟⵟⴰⵍ ⴰⵏⴼⵍⴰⵃ ⴰⵎⵖⵔⵉⴱⵉ.

ⴰⵙⵍⵎⴷ ⴰⵏⴰⴼⵍⵍⴰ: ⵜⴰⵖⵓⵔⵉ ⵖⵔ ⴰⵙⵍⴰⴳ (ⵍⵉⴽⵓⵏⵓⵎⵉⵙⵜ)

ⵉⴳⵔ ⵓⵏⵎⴰⵍⵍⵓ ⴰⵎⵖⵔⵉⴱⵉ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⵙⵙⵏⴰⵏ ⴰⵖⵓⵔⵉ ⵖⵔ ⵓⵙⵍⴰⴳ ⴰⵏⴰⵎⵓⵔ ⴰⵙⵙ ⵏ ⵓⴽⵡⴰⵙ 12 ⵎⴰⵢⵢⵓ ⵉ ⵓⵙⵎⵓⵎⵎⵉ ⵅⴼ “ⵓⴱⵏⵏⵣ” ⵏⵏⵉ ⵜⴻⵜⵜⴳⴳ ⵜⵎⴰⵡⵙⵜ ⵉⵍⵍⴰⵏ ⵅⴼ ⵜⵓⵜⵜⵔⵉⵡⵉⵏ ⵏ ⵉⵙⵍⵎⴰⴷⵏ ⵉⵙⴷⴰⵡⴰⵏⵏ. ⴷ ⵔⴰⴷ ⵉⵙⵏⵎⴰⵍⴰ ⵢⴰⵏ ⵉⴱⴷⴷⵉ ⵏ ⵓⵙⵎⵓⵎⵎⵉ ⴳ ⵡⴰⵙⵙ ⴰⴷ ⵏⵏⵉⴽ ⵣⵣⴰⵜ ⵏ ⵡⴰⵏⵙⴰ ⵏ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ. ⴷ ⵉⴳⴰ ⵓⵏⵎⴰⵍⵍⵓ ⵙ ⵜⵍⵖⴰ ⵉⵥⵍⵉ ⵅⴼ ⵓⵙⴱⴷⴷ ⵏ ⵉⵙⴰⵍⵉⵏ ⵏ ⵉⵙⵍⵎⴰⴷⵏ ⵉⵙⴷⴰⵡⴰⵏⵏ, ⴷ ⵜⵎⵔⵏⵉⵡⵜ ⴳ ⵜⵖⵔⴰⴷ, ⴷ ⵜⵉⴽⴽⵉ ⵉ ⵉⵙⵍⵎⴰⴷⵏ ⵉⵎⵔⵣⵓⵜⵏ ⴰⵙⵡⵉⵔ “ⵢⵓⵖⴷⵏ ⴷ ⵓⵏⵣⴰⵍ”

ⴰⵙⴳⵎⴹ ⵏ ⵜⵎⵙⵙⴽⵜⵉⵜ ⵏ ⵓⵎⵛⴰⵛⴽⴰ ⴳ ⵡⴰⵏⵏⴰⵍ ⵏ ⵍⴱⵓⵏⵓⴽ ⴳ ⵢⵉⴳⵔⴰⵏ ⵥⵕⴼⴰⵏⵏ ⵉⵣⴳⵣⴰⵜⵏ ⴷ ⵓⵙⵡⵓⴷⴷⵓ ⵏ ⵉⵎⵉⵣⵉⵜⵏ ⵉⵥⵕⴼⴰⵏⵏ ⵉⵇⵇⵏ ⵖⵔ ⵓⵙⵏⴼⵍ ⴰⵏⵣⵡⵉ ⴷ ⵓⵡⵏⴹⴰⵏ (ⵍⵓⵎⴰⵜⴰⵏ)

ⵉⵙⴽⵔ ⵓⴱⴰⵏⴽ ⵏ ⵓⵕⵓⴱⴱⴰ ⵉ ⵡⴰⵍⵍⴰⵙ ⵏ ⵓⵚⴽⵓ ⴷ ⵜⴳⵎⵉ ⴷ ⵓⴱⴰⵏⴽ ⵏ ⵍⵎⵖⵔⵉⴱ ⴷ ⵜⵔⵓⵎⵎⴰ ⵜⴰⵣⵣⵓⵍⴰⵏⵜ ⵏ ⵉⴱⴰⵏⴽⵏ ⵏ ⵍⵎⵖⵔⵉⴱ, ⴰⵙⴷⵓⵙ ⵏ ⵜⵎⴷⵔⴰⵡⵜ ⵏⵏⵙⵏ ⵉ ⵡⴰⵏⵏⴰⵍ ⵏ ⵓⵙⵡⵓⴷⴷⵓ ⵏ ⵉⵎⵉⵣⵉⵜⵏ ⵏ ⵉⵏⵣⵡⵉⵜⵏ ⴷ ⵜⵡⵏⵏⴰⴹⵜ ⴷ ⵜⵥⵕⴼⵜ ⵜⴰⵣⴳⵣⴰⵡⵜ ⴳ ⵍⵎⵖⵔⵉⴱ. ⴷ ⵉⵙⵙⴽⵜⵉ ⵓⵙⵉⵡⴹ ⵏ ⵓⴱⴰⵏⴽ ⴰⵎⵖⵔⵉⴱⵉ ⵏ ⵓⵕⵓⴱⴱⴰ ⵉ ⵡⴰⵍⵍⴰⵙ ⵏ ⵓⵚⴽⵓ ⴷ ⵜⴳⵎⵉ, ⵎⴰⵙ ⵉⵜⵜⵡⴰⴳ ⴳ ⵓⵙⴰⵜⴰⵍ ⴰⴷ ⵓⵙⴳⵎⴹ ⵏ ⵜⵎⵙⵙⴽⵜⵉⵜ ⵏ ⵓⵎⵛⴰⵛⴽⴰ ⵏⴳⵔ ⴽⵕⴰⵜ ⵜⵎⵔⵙⴰⵍ ⵉⴹⵍⵍⵉ ⵏ ⵓⵢⵏⴰⵙ ⴳ ⵕⵕⴱⴰⵟ ⴷ ⵢⵓⵡⵉⵏ ⵅⴼ ⵡⴰⵏⵏⴰⵍ ⵏ ⵉⴱⴰⵏⴽⵏ ⵃⵎⴰ ⴰⴷ ⵜⵜⵓⴳⵏ ⵉⵏⴱⴰⴹⵏ ⵓⵖⵍⵉⴼⵏ ⵍⵍⵉ ⴷ ⵉⵙⵙⵓⴼⵖ ⵓⴱⴰⵏⴽ ⵏ ⵍⵎⵖⵔⵉⴱ ⴳ ⵎⴰⵕⵚ 2021 ⵉⵇⵇⵏ ⵖⵔ ⵙ ⵡⴰⵍⵍⴰⵍ ⵏ ⵓⵙⵡⵓⴷⴷⵓ ⵏ ⵉⵎⵉⵣⵉⵜⵏ ⵉⵥⵕⴼⴰⵏⵏ ⵉⵣⴷⵉⵏ ⵙ ⵓⵙⵏⴼⵍ ⵏ ⵓⵏⵣⵡⵉ ⴷ ⵓⵡⵏⴹⴰⵏ. ⵉⵔⵏⴰ ⵓⵙⴰⴳⵎ ⵉⵏⵏⴰ ⵎⴰⵙ ⴰⵎⵛⴰⵛⴽⴰ ⴰⴷ ⵉⵡⵜⵙ ⴰⵙⴷⵓⵙ ⵏ ⵏ ⵜⵥⵉⴹⴰⵕ ⵏ ⵢⵉⴳⵔ ⵏ ⵜⵥⵕⴼⵜ ⴰⵎⵖⵔⵉⴱⵉ ⴰⴼⴰⴷ ⴰⴷ ⵜⵜⵓⵙⵡⵓⴷⴷⵓⵏ ⵉⵎⵉⵣⵉⵜⵏ ⵉⵥⵕⴼⴰⵏⵏ ⵉⵇⵇⵏ ⵖⵔ ⵉⵙⵏⴼⵍⵏ ⵏ ⵉⵏⵣⵡⵉ ⴷ ⵜⵡⵏⵏⴰⴹⵜ ⴷ ⵉⵙⵎⵔ ⵉⴱⴰⵏⴽⵏ ⵅⴼ ⵓⵙⵙⴳⵎ ⵏ ⵜⵎⵢⴰⵇⵇⴰⵏⵉⵏ ⵜⵉⵎⴰⵢⵏⵓⵜⵉⵏ ⵉ ⵓⵙⵉⴳⵔ ⵏ ⵓⵙⵙⵥⵕⴼ ⴰⵙⵓⵍⴰⵏ.

ⵍⵎⵖⵔⵉⴱ/ⴽⵉⴱⵉⴽ.. ⵜⴰⵎⵙⵙⵓⴳⵔⵜ ⵜⴰⵎⴷⵔⴰⵡⵜ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ (ⵍⵓⵎⴰⵜⴰⵏ)

ⵉⴳⴰ ⵓⵙⴷⵓⵙ ⵏ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⵏⴳⵔ ⵍⵎⵖⵔⵉⴱ ⴷ ⴽⵉⴱⵉⴽ ⴰⴳⵓⵎ ⵏ ⵓⵏⵎⵓⵇⵇⴰⵔ ⵉⵜⵜⵓⴳⵏ, ⵜⵉⴳⵉⵔⴰ ⴰⴷ ⴳ ⵎⵓⵏⵔⵢⴰⵍ, ⵏⴳⵔ ⵓⵇⵓⵏⵙⵓⵍ ⴰⵎⴰⵜⴰⵢ ⵏ ⵜⴳⵍⴷⵉⵜ ⴳ ⵎⵓⵏⵔⵢⴰⵍ, ⵎⵓⵃⵎⵎⴰⴷ ⵉⴼⵔⵉⵇⵉⵢⵏ, ⴷ ⵓⵎⴰⵡⵙⴰⵙ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⴼⵔⴰⵏⴽⵓⴼⵓⵏⵉⵢⵜ ⵏ ⴽⵉⴱⵉ, ⵏⴰⴷⵉⵏ ⵊⵉⵔⵓⵍⵜ. ⴷ ⵜⵙⴰⵡⵍ ⵊⵉⵔⵓⵍⵜ, ⴳ ⵉⵎⴷⵉⵡⵍⴰⵏ ⴰⴷ, ⵅⴼ ⵜⵓⵎⵎⵔⵜ ⵏⵏⵙ ⵙ ⵓⵎⴰⵔⴰⵔⴰ ⵏ ⵉⵙⵎⵓⵇⵇⵍⵏⵅⴼ ⵓⵙⵓⵔⵙ ⵏ ⵜⵎⵢⴰⵇⵇⴰⵏⵉⵏ ⵉⵍⵍⴰⵏ ⵏⴳⵔ ⵜⴳⵍⴷⵉⵜ ⴷ ⴽⵉⴱⵉⴽ ⴰⴽⴷ ⵓⴷⵉⴱⵍⵓⵎⴰⵙⵉ ⴰⵎⵖⵔⵉⴱⵉ, ⴷ ⵓⵔⵣⵣⵓ ⵏ ⵉⵖⴰⵔⴰⵙⵏ ⵏ ⵓⵙⴱⵓⵖⵍⵓ ⵏⵏⵙⵏⵜ ⵙ ⵎⵉⵏ ⵢⵓⴼⵏ. ⵉⵙⵙⴽⵜⵢ ⵓⵙⵉⵡⴹ ⵏ ⵜⵇⵓⵏⵙⵓⵍⵉⵢⵜ ⵜⴰⵎⴰⵢⴰⵜ ⵏ ⵍⵎⵖⵔⵉⴱ ⴳ ⵎⵓⵔⵢⴰⵍ ⵎⴰⵙ ⴷ ⵜⴰⵎⴰⵡⵙⴰⵙⵜ ⵜⵙⴷⴷⵉⴷ ⴱⵍⵍⵉ ⵜⴰⵏⴱⴰⴹⵜ ⵏ ⵜⵙⴳⴰ ⵜⴰⴽⴰⵏⴰⴷⵉⵢⵜ ⵜⵓⵡⵉ ⵜⵜ ⴳ ⵜⵉⵏⴷⵉ ⵉⵥⵍⵉⵏ ⵏ ⵜⵎⵢⴰⵇⵇⴰⵏⵉⵏ ⵍⵍⵉ ⵜⵜ ⵉⵙⵎⵓⵏⵏ ⴷ ⵍⵎⵖⵔⵉⴱ, ⵜⵙⵙⴽⵜⵉ ⵙ ⵓⵕⵥⵥⵓⵎ ⵏ ⵓⵙⵉⵔⴰ ⵏ ⴽⵉⴱⵉⴽ ⴷ ⵉⵜⵜⵓⵙⵎⵍ ⵓⴳⵏⵙⴰⵙ ⴰⵎⵓⵙⵙⵏⴰⵏ ⴳ ⵕⵕⴱⴰⵟ. ⴷ ⵜⵙⵡⴰⵍ  ⵊⵉⵔⵓⵍⵜ ⵅⴼ ⵜⵔⵣⴼⵜ ⵏ ⵓⴽⴰⴱⴰⵕ ⵏ ⵜⵙⴱⴱⴰⴱⵜ ⵙⴳ ⴽⵉⴱⵉⴽ ⵖⵔ ⵍⵎⵖⵔⵉⴱ ⵍⵍⵉ ⵉⵣⵎⵎⵔⵏ ⴰⴷ ⵜⴰⵙ ⵃⵎⴰ ⴰⴷ ⵢⴰⵣⵏ ⵉⴳⵔⴰⵏ ⵉⵎⴰⵢⵏⵓⵜⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ, ⴳ ⵜⵏⵉⵍⴰ ⵢⴰⴹⵏ, ⵉⵏⵏⴰ ⵉⴼⵔⵉⵇⵉⵢⵏ, ⵙ ⵎⵉⵏ ⴷ ⵢⵓⵙⵏ ⴳ ⵓⵙⵉⵡⴹ, ⴱⵍⵍⵉ ⵍⵎⵖⵔⵉⴱ ⴷ ⴽⴰⵏⴰⴷⴰ ⵔⴰⴷ ⵙⴼⵓⴳⵍⵓⵏ ⴰⵙⴳⴳⵯⴰⵙ ⴰⴷ ⵙ ⵜⵎⴽⵜⵉⵜ ⵜⵉⵙⵙ ⵚⴹⵉⵎⵔⴰⵡⵜ ⵏ ⵜⵉⴳⴳⵉ ⵏ ⵜⵎⵢⴰⵇⵇⴰⵏⵉⵏ ⵜⵉⴷⵓⴱⵍⵓⵎⵉⵙⵉⵢⵉⵏ ⵊⴰⵔⴰⵙⵏⵜ, ⴷ ⵉⵏⵏⴰ ⵎⴰⵙ ⴷ ⴰⵙⵓⵍⴼ ⴰⴷ ⵉⴳⴰ ⴰⵣⵎⵣⵣⵓ ⵏ ⵓⴼⵙⴰⵔ ⵏ ⵜⵎⵢⴰⵇⵇⴰⵏⵉⵏ ⵜⴰⵙⵉⵏⵔⴰⵏⵜ ⵉⵜⵜⵓⴼⴽ ⴰⵙ ⵡⵓⴷⵎ ⴰⵎⴰⵢⵏⵓ.

ⵉⵙⴰⴷⴰⴼⵏ ⵏ ⵜⵔⵏⴰ ⵏⴳⴳⵣⵏ ⵖⵔ 28 ⵎⵍⵢⴰⵕ ⴷⵔⵀⵎ (ⵍⵉⵜⵉⵃⴰⴷ ⵍⵉⵛⵜⵉⵔⴰⴽⵉ)

ⵜⵓⵊⴳⵍ ⵜⴼⴰⵜⵓⵔⵜ ⵏ ⵜⵔⵏⴰ ⵏ ⵍⵎⵖⵔⵉⴱ, ⴳ ⵉⵎⵉⵔ ⴰⵎⵣⵡⴰⵔⵓ ⵏ ⵓⵙⴳⴳⵯⴰⵙ ⴰⴷ, ⵙ ⵜⵎⵔⵏⵡⵉⵜ ⵏ 13 ⵎⵍⵢⴰⵕ ⴷⵔⵀⵎ ⴷⴼⴼⵔ ⵎⴰ ⵜⵣⴳⵔ ⵜⵉⴳⵉⵔⴰ ⵏ ⵎⴰⵕⵚ ⴰⵎⴳⴳⴰⵔⵓ 28 ⵎⵍⵢⴰⵔ ⴷⵔⵀⵎ ⴳ ⵡⴰⵏⵙⴰ ⵏ 15 ⵎⵍⵢⴰⵕ ⴳ ⴰⵎ ⵓⵙⴰⴽⵓⴷ ⵏ ⵓⵙⴳⴳⵯⴰⵙ ⵉⵣⵔⵉⵏ, ⵙ ⵎⴰⵢⴰⵏ ⵜⵙⵣⵎⵎⴻⵎ ⴰⵙⵖⵍ ⵏ 41 % ⴷ ⵓⵡⵉⵏⴷ ⵉⵙⴼⴽⴰ ⵏ ⵓⵙⵉⵔⴰ ⵏ ⵓⵣⵖⴰⴷ ⵏ ⵜⵎⵙⵓⵖⵉⵏ ⵏ ⵍⵎⵖⵔⵉⴱ ⵏ ⵍⴳⴰⵣⵡⴰⵍ ⴷ ⵍⴼⵢⵓⵍ ⵏⴳⵣⵏⵜ ⵙ 87.3 % ⴰⵛⴽⵓ ⵜⵎⵎⵓⵜⵜⵉ ⵙⴳ 7 ⵎⵍⵢⴰⵕ ⴷⵔⵀⵎ ⴳ ⵎⴰⵕⵚ 2021 ⵖⵔ 13.3 ⵎⵍⵢⴰⵕ ⴷⵔⵀⵎ ⴳ ⵎⴰⵔⵚ 2022. ⵎⵛⵉⵏⵏⴰ ⵢⵓⵊⴳⵍ ⵡⴰⵜⵉⴳ ⵏ ⵉⵙⴰⴷⴰⴼⵏ ⵏ ⵍⵎⵖⵔⵉⴱ ⵙⴳ ⵍⴳⴰⵣ ⵏ ⵍⴱⵉⵟⵕⵓⵍ ⴷ ⵡⴰⵏⴰⵡⵏ ⵢⴰⴹⵏ ⵏ ⵓⵙⵙⵉⵖ ⵙ 86.7 % ⵢⴰⵡⴹ ⵖⵔ 4.6 ⵎⵍⵢⴰⵕ ⴷⵔⵀⵎ ⴳ ⵓⴷⵖⴰⵔ ⵏ 1.9 ⵎⵍⵢⴰⵕ ⴷⵔⵀⵎ ⵏⴳⵔ ⵙⵏⴰⵜ ⵜⵉⵣⵣⴰ. ⴳ ⵜⵏⵉⵍⴰ ⴰⴷ ⵙⵎⴰⴳⵍⵏ ⵉⵣⴰⵜⵉⵎⵏ ⴷ ⵉⵎⵙⵙⵉⵖⵏ ⵉⵎⵎⵔⵡⴰⵙⵏ  ⵓⴳⴳⴰⵔ ⵏ 6 ⵎⵍⵢⴰⵕ ⴷⵔⵀⵎ ⴳ ⵓⴷⵖⴰⵔ ⵏ 2.3 ⵎⵍⵢⴰⵕ ⴷⵔⵀⵎ ⵣⵣⴰⵜ ⵓⵙⴳⴳⵯⴰⵙ.

ⵍⵎⵖⵔⵉⴱ ⴰⴽⴷ ⵙⵙⴰⵄⵓⴷⵉⴰ ⵙⴳⵎⴹⵏ ⵜⴰⵎⵙⵙⴽⵜⵉⵜ ⵏ ⵓⵎⵛⴰⵛⴽⴰ ⴳ ⵢⵉⴳⵔ ⵏ ⵜⵔⵏⴰ ⵉⵜⵜⵓⵙⵎⴰⵢⵏⵓⵏ ⴷ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵉ ⵉⵙⵎⵔⵙⵏ ⵉⵎⴰⴷⵓⵙⵏ ⵏ ⵜⵔⵏⴰ ⵜⴰⵖⵢⴰⵢⵜ ( ⵚⵚⵃⵕⴰ ⵍⵎⵖⵔⵉⴱⵉⵢⴰ)

ⵉⵙⴳⵎⴹ ⵍⵎⵖⵔⵉⴱ ⴷ ⵙⵙⴰⵄⵓⴷⵉⵢⴰ, ⵉⴹⵍⵍⵉ ⵏ ⵓⵢⵏⴰⵙ ⴳ ⵕⵕⵢⴰⴹ, ⵜⴰⵎⵙⵙⴽⵜⵉⵜ ⵏ ⵓⵎⵛⴰⵛⴽⴰ ⴳ ⵢⵉⴳⵔ ⵏ ⵜⵔⵏⴰ ⵉⵜⵜⵓⵙⵎⴰⵢⵏⵓⵏ, ⴷ ⵜⵎⵢⴰⵇⵇⴰⵏⵜ ⵜⴰⵙⴰⵜⵉⵜ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵉⵙⵎⵔⵙⵏ ⵉⴷⵓⵙⴰⵏⵏ ⵏ ⵜⵔⵏⴰ ⵜⴰⵖⵢⴰⵢⵜ. ⵙⴳⵎⴹⵏ ⵜⴰⵎⴰⵢⴰⵇⵇⴰⵏⵜ ⵜⵎⴰⵡⵙⴰⵙⵜ ⵏ ⵓⵎⵎⴰⵜⵜⵉ ⵏ ⵜⵔⵏⴰ ⴷ ⵜⴳⵎⵉ ⵜⴰⵙⵓⵍⴰⵏⵜ ⵍⴰⵢⵍⴰ ⴱⵏⵄⵍⵉ ⴷ ⵓⵎⴰⵡⵙⴰⵙ ⵏ ⵜⵔⵏⴰ ⴰⵙⴰⵄⵓⴷⵉ ⴰⴳⵍⵍⵉⴷ ⵄⴱⴷ ⵍⵄⵣⵉⵣ ⴱⵏ ⵙⴰⵍⵎⴰⵏ ⴰⵍ ⵏⵀⵢⴰⵏ, ⴳ ⵜⴼⵓⴳⵍⴰ ⵉⴷⵔⴰ ⵓⵎⵙⵇⴰⴷ ⵏ ⵍⵎⵖⵔⵉⴱ ⵖⵔ ⵕⵕⵢⴰⴹ ⵎⵚⵜⴰⴼⴰ ⵍⵎⵏⵚⵓⵕⵉ ⴷ ⵜⵓⴳⴳⵜ ⵏ ⵏ ⵉⵎⵙⵜⴳⴳⴰⵔⵏ ⴳ ⵜⵎⴰⵡⴰⵙⵜ ⵏ ⵜⵔⵏⴰ ⵜⴰⵙⴰⵄⵓⴷⵉⵜ, ⴷ ⴰⴷ ⵏⵙⵙⴽⵜⵉ ⵎⴰⵙ ⴰⵎⵢⴰⵡⴰⵙ ⵏⴳⵔ ⵙⵏⴰⵜ ⵜⵎⵉⵣⴰⵔ ⴰⴷ, ⴳ ⵢⵉⴳⵔ ⵏ ⵉⵎⵙⵔⵙⵏ ⵉⵎⴰⴷⵓⵙⵏ ⵏ ⵜⵔⵏⴰ ⵜⴰⵖⵢⴰⵢⵜ, ⴷ ⵜⵔⵏⴰ ⵉⵜⵜⵓⵙⵎⴰⵢⵏⵓⵏ, ⵉⵍⴰ ⴰⵡⵜⵜⴰⵙ ⵏ ⵜⵉⴽⴽⵉ ⵏ ⵉⵙⵖⴰⵡⵙⴰⵜⵏ ⵏⵏⵙⵏⵜ ⵉ ⵓⵙⴱⵓⵖⵍⵓ ⵏ ⵓⵙⵓⴳⴰⵎⵏ ⵉⵎⴰⵢⵏⵓⵜⵏ ⵏ ⵜⵔⵏⴰ, ⴷ ⵉⵙⴷⴷⵉⴷ ⵉⴱⴷⴷⵉ ⵏⵏⵙⵏ ⵅⴼ ⵜⵉⵏⴷⵉ ⵏ ⵜⵏⴼⵔⵓⵜ ⵏ ⵜⵉⴽⴽⵉ ⵏ ⵜⵔⵏⴰ ⵉⴽⵔⴰ ⵉⴳⴰⵜ ⵢⴰⵏ ⴷⴳⵙⵏ, ⵎⵛⵉⵏⵏⴰ ⵉⵙⵏⴰⵍ ⴰⵏⴰⵔⵓⵣ ⵏ ⵜⵎⵉⵣⴰⵔ ⴰⴷ ⵖⵔ ⵓⵙⴱⵓⵖⵍⵓ ⵏ ⵉⵙⵎⵔⵙⵏ ⵏ ⵓⵖⵔⵉⵎⵏ  ⴷ ⵉⵎⴰⴷⵓⵙⵏ ⵏ ⵜⵔⵏⴰ ⵜⴰⵖⵢⴰⵢⵜ ⵙ ⵜⵍⵖⴰ ⵉⵍⴰⵏ ⵜⴰⵏⴼⵔⵓⵜ ⴷ ⵜⴰⴼⵍⵙⵜ ⴷⴷ ⵓⵃⵟⵟⵓ ⵏ ⵜⵡⵏⵏⴰⴹⵜ.

ⴰⵏⵖⵎⵉⵙ ⵉⵥⵍⵉⵏ: ⴰⵎⵣⴰⵣ ⵏ ⵜⵔⵖⵉ ⵉⵍⵍⴰⵏ ⵏⴳⵔ 35 ⴷ 42 ⵏ ⵜⵙⴽⵯⴼⴰⵍⵜ ⴰⵔ ⴰⵙⴽⴽⴰ ⴷⴳ ⵡⴰⵟⵟⴰⵚ ⵏ ⵜⵎⵏⴰⴹⵉⵏ ⵏ ⵜⴳⵍⴷⵉⵜ (ⵚⵚⵃⵔⴰ ⵍⵎⵖⵔⵉⴱⵉⵢⴰ)

ⵜⵓⵡⵉ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⴷⵉ ⴰⵏⵣⵡⵉ ⵎⴰⵙ ⵉⵖⵉ ⴰⴷ ⵉⵥⵉⵕⵏⵜ ⵛⵉⴳⴰⵏ ⵏ ⵜⵎⵏⴱⴰⴹⵉⵏ ⴷ ⵜⵙⴳⴳⵉⵏ ⵏ ⵜⴳⵍⴷⵉⵜ ⴰⵎⵣⴰⵣ ⵏ ⵉⵔⵖⴰⵏ ⵉⵍⵍⴰⵏ ⵏⴳⵔ 35 ⴷ 42 ⵏ ⵜⵙⴽⵯⴼⴰⵍⵜ, ⵙⴳ ⵡⴰⵙⵙⵏⵏⴰⵟ ⵏ ⵓⵢⵏⴰⵙ ⴰⵔ ⴰⴽⵕⴰⵙ ⴷ ⵉⴷⴷⴰⵏ. ⴷ ⵜⵙⵙⵓⴽⵣ ⵜⵎⵀⵍⴰ, ⴳ ⵜⵥⵕⵉⴳⵜ ⵉⵥⵍⵉⵏ ⴳ ⵓⵙⵡⵉⵔ ⵏ ⵜⵉⴹⴰⴼⵜ ⵜⴰⵍⵉⵜⵛⵉⵏⵜ, ⵉⵙ ⵉⵥⴹⴰⵕ ⴰⴷ ⵜⵣⵎⵎⴻⵎ ⵜⵉⵣⵉ ⵏⴳⵔ ⵡⴰⵙⵙ ⵏ ⵓⵢⵏⴰⵙ ⴷ ⵓⴽⵕⴰⵙ, ⵜⵉⵙⴽⵯⴼⴰⵍ ⵏ ⵜⵔⵖⵉ ⵉⵍⵍⴰⵏ ⴳⵔ 38 ⴷ 42 ⵏ ⵜⵙⴽⵯⴼⴰⵍⵜ ⴳ ⵜⵙⴳⴳⵉⵏ ⵏ ⵜⵔⵓⴷⴰⵏⵜ, ⴰⴳⴰⴷⵉⵔ ⵉⴷⴰⵡⵜⴰⵏⴰⵏ, ⵉⵏⵣⴳⴰⵏ -ⴰⵢⵜ ⵎⵍⵍⵓⵍ, ⴳⵍⵎⵉⵎ, ⵟⴰⵏⵟⴰⵏ, ⵙⵙⵎⴰⵕⴰ, ⵟⴰⵜⴰ, ⵜⵉⵣⵏⵉⵜ, ⵛⵜⵓⴽⴰ ⴰⵢⵜ ⴱⴰⵀⴰ, ⴰⵙⴰ ⵥⵥⴰⴳ, ⵙⵉⴷⵉ ⵉⴼⵏⵉ, ⴷ ⴽⵛⵎⵏⵜ ⵜⵙⴳⴳⵉⵏ ⵏ ⵍⵄⵢⵓⵏ, ⵟⵕⴼⴰⵢⴰ, ⵡⴰⴷ ⴷⴷⴰⵀⴰⴱ ⴷ ⴰⵡⵙⵔⴷ. ⴳ ⵜⵉⵣⵉ ⴰⴷ ⵏⵏⵉⴽ ⵉⵥⴹⴰⵕ ⴰⴷ ⵜⵣⵎⵎⴻⵎ ⵜⵙⴽⵯⴼⴰⵍ ⵏ ⵜⵔⵖⵉ ⵏⴳⵔ 37 ⴷ 40 ⵏ ⵜⵙⴽⵯⴼⵍⵜ ⴳ ⵜⵙⴳⴳⵯⵉⵏ ⵏ ⵎⵕⵕⴰⴽⵛ, ⵍⴼⵇⵇⵉⵀ ⴱⵏ ⵙⴰⵍⵃ, ⴱⵏⵉ ⵎⵍⵍⴰⵍ, ⵙⵉⴷⵉ ⴱⵏⵏⵓⵕ, ⵚⵟⵟⴰⵟ, ⵕⵕⵃⴰⵎⵏⴰ, ⵇⵍⵄⴰⵜ ⵙⵙⵔⴰⵖⵏⴰ, ⵛⵉⵛⴰⵡⴰ, ⵍⵢⵓⵙⵓⴼⵉⵢⵢⴰ, ⵙⵉⴷⵉ ⵙⵍⵉⵎⴰⵏ, ⵙⵉⴷⵉ ⵇⴰⵙⵎ, ⴷ ⵓⴳⵏⵙ ⵏ ⵜⵙⴳⴳⵉⵏ ⵏ ⴰⵙⴼⵉ ⴷ ⵚⵚⵡⵉⵕⴰ.

ⵍⵎⴰⵖⵔⵉⴱ ⴰⵔ ⵉⴷⵔⵔⵓ ⴳ ⵓⴳⵔⴰⵡ ⵡⵉⵙⵙ ⴽⴽⵓⵥ ⵏ ⵡⴰⵍⵍⴰⵍ ⵏ ⵓⵣⴷⴰⵢ ⴰⵄⵕⴰⴱ ⵉ ⵓⵙⵡⵜⵜⵓ ⵏ ⵉⵎⵉⵣⵉⵜⵏ ⵏ ⵜⵡⴰⵖⵉⵜⵉⵏ (ⴱⴰⵢⴰⵏ ⵍⵢⴰⵡⵎ)

ⵙⵏⵏⵜⴰⵏⵜ ⵉⴹⵍⵍⵉ ⵏ ⵓⵢⵏⴰⵙ ⴳ ⵓⵙⵇⵇⵉⵎ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵙⴷⴰⵡⵉⵜ  ⵏ ⵉⵡⵓⵏⴰⴽ ⵉⵄⵔⴰⴱⵏ ⴳ ⵍⵇⴰⵀⵉⵔⴰ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵡⵉⵙⵙ ⴽⴽⵓⵥ ⵏ ⵡⴰⵍⵍⴰⵍ ⵏ ⵓⵣⴷⴰⵢ ⵉ ⵓⵙⵡⵜⵜⵓ ⵏ ⵉⵎⵉⵣⵉⵜⵏ ⵏ ⵜⵡⴰⵖⵉⵜⵉⵏ ⵙ ⵜⴷⴰⵔⴰⵡⵜ ⵏ ⵍⵎⵖⵔⵉⴱ. ⴷ ⵉⴳⴰ ⵍⵎⵖⵔⵉⴱ ⴳ ⵓⴳⵔⴰⵡ, ⴰⴽⴰⴱⴰⵕ ⵏ ⵉⵙⵙⵅⴼ ⵓⵎⵙⵇⴰⴷ ⵏ ⵜⴳⵍⴷⵉⵜ ⴳ ⵎⵉⵚⵕ ⴷ ⵓⵏⵙⵎⵉⴳⵍ ⵏⵏⵙ ⴰⵏⵏⴰⴱⴷⴰ ⵖⵔ ⵜⵙⴷⴰⵡⵉⵜ ⵏ ⵉⵡⵓⵏⴰⴽ ⵏ ⵡⴰⵄⵕⴰⴱⵏ ⴰⵃⵎⴰⴷ ⵜⵜⴰⵣⵉ, ⴳ ⵉⵍⵍⴰ ⵎⵓⵃⵎⵎⴰⴷ ⵃⵔⵉⴼⴰ ⴷ ⵉⴽⵕⴰⵎ ⵍⵙⴰⵜⵉ, ⵙⴳ ⵜⵎⵀⵍⴰ ⵏ ⵓⵙⵡⵓⴷⴷⵓ ⵏ ⵉⵎⵉⵣⵉⵜⵏ ⵉⴳⴰⵎⴰⵏⵏ ⴳ ⵜⵎⴰⵡⴰⵙⵜ ⵏ ⵓⴳⵯⵏⵙ, ⴷ ⵍⴽⵓⵍⵓⵏⵉⵍ ⵄⵣⵣⴷⵉⵏ ⵅⵡⵉⵍⵉ ⵙⴳ ⵜⵎⴰⵡⴰⵙⵜ ⵏ ⵓⵙⵎⴰⵔ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵎⴰⵡ ⴷ ⵜⵣⴷⵓⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⴷ ⴰⵙⵎⴰ ⵍⴱⵇⵇⴰⵍⵉ ⵙⴳ ⵜⵎⴰⵡⴰⵙⵜ ⵜⴰⵎⴰⵔⵉⵜ  ⵖⵔ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ. ⴰⵔ ⵉⵙⵎⴳⴷⴰⵍ ⵓⴳⵔⴰⵡ ⴰⴷ ⵅⴼ ⵜⴰⵖⵣⵉ ⵏ ⴽⵕⴰⴹ ⵡⵓⵙⵙⴰⵏ ⵜⵓⴳⴳⵜ ⵏ ⵉⵎⵏⵏⵉⵜⵏ ⵙⴳ ⴷⵉⴳⵙⵏ, ⵜⴰⴹⴼⵓⵔⵉ ⵏ ⵜⵉⴳⴳⵉ ⵏ ⵓⵏⴳⵔⴰⵡ ⴰⴷⵙⴰⵍⵏ ⵏ ⵡⴰⵍⵍⴰⵍ ⵏ ⵓⵣⴷⴰⵢ ⴰⵄⵕⴰⴱ ⵉ ⵓⵙⵡⵜⵜⵓ ⵏ ⵉⵎⵉⵣⵉⵜⵏ ⵏ ⵜⵡⴰⵖⵉⵜⵉⵏ;  ⴷ ⵓⵏⵇⵇⵉⵙ ⵅⴼ ⵜⴹⴼⵓⵕⵉ ⵏ ⵜⵉⴳⴳⵉ ⵏ ⵜⵙⵜⵔⴰⵜⵉⵊⵉⵢⵜ ⵜⴰⵄⵔⴰⴱⵜ ⵉ ⵓⵙⵡⵜⵜⵓⵏ ⵏ ⵜⵡⴰⵖⵉⵜⵉⵏ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏⵏⵙ, ⴷ ⵓⵙⵏⴼⴰⵔ ⵏ ⵜⵉⴳⴳⵉ ⵏ ⵓⵥⵟⵟⴰ ⴰⵄⵔⴰⴱ ⵉ ⵓⵎⴷⵉ ⴰⵎⵥⵏⵥⴰⵕ ⴰⵡⵏⴷⴰⵏ ⴷ ⴰⵙⵎⵉⴳⵍ ⴰⵎⵏⵣⵓ.

ⵙⵜⴷⵔⴰⵡⵜ ⵏ ⵍⵎⵖⵔⵉⴱ, ⴰⵏⵎⵓⴳⴳⴰⵔ ⵏ (ⴽⵓⴱ 15) ⴰⵔ ⵉⵕⵥⵎ ⵙ ⵓⴳⵔⴰⵡ ⵏ ⵉⴽⵙⵡⴰⵜⵏ ⵏ ⵉⵡⵓⵏⴰⴽ ⴷ ⵉⵏⵙⵙⵉⵅⴼⵏ ⵏ ⵜⵏⴰⴱⴹⵉⵏ (ⴱⴰⵢⴰⵏ ⵍⵢⴰⵡⵎ)

ⵜⵜⵓⵕⵥⴰⵎⵏⵜ ⵢⵉⴹⵍⵍⵉ ⴳ ⴰⴱⵉⴷⵊⴰⵏ, ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵙⵎⵎⵓⵙ ⵎⵔⴰⵡⵜ ⵏ ⵓⵏⵎⵓⴳⴳⴰⵔ  ⵏ ⵉⴷ ⴱⵓ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵙⴱⴷⴷⵉ ⵏ ⵓⵙⵏⵣⵔⵓⴼ  (ⴽⵓⴱ 15), ⵙⴰⴷⵓ ⵏ ⵜⵎⴰⵜⴰⵔⵜ “ⴰⴽⴰⵍ, ⵜⵓⴷⵔⵜ, ⵜⴰⵢⵙⵉ: ⵙⴳ ⵜⴷⵔⵙⵉ ⵖⵔ ⵓⴱⵓⵖⵍⵓ”, ⵙ ⵜⴷⵔⴰⵡⵜ ⵏ ⵓⴳⵏⵙⴻⵙ ⵏ ⵜⵓⴳⴳⵜ ⵏ ⵜⵎⵉⵣⴰⵔ ⴳ ⵉⵍⴰ ⵍⵎⵖⵔⵉⴱ. ⵉⵙⵙⵉⵅⴼ ⴰⵏⵙⵙⵉⵅⴼ ⵉⴼⵡⴰⵔⵉⵢ ⵍⵃⴰⵙⴰⵏ ⵡⴰⵜⴰⵔ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 15 ⵏ ⵓⵏⵎⵓⴳⴳⴰⵔ ⵏ (ⴽⵓⴱ 15), ⵉⵜⵜⵓⵙⵏⵎⴰⵍⴰⵏ ⵙⴳ 9 ⴰⵔ 20 ⵎⴰⵢⵢⵓ ⴳ ⵏⵍⵍⴰ ⵙⴳ ⵜⵎⴰⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵙⴱⴷⴷⵉ ⵏ ⵓⵙⵏⵣⵔⵓⴼ, ⴷ ⴷⵔⴰⵏ ⵉⵏⵙⵙⵉⵅⴼⵏ ⵏ ⵉⵡⵓⵏⴰⴽ ⴷ ⵜⵏⴱⴰⴹⵉⵏ ⴷ ⵉⵎⴰⵡⵙⴰⵙⵏ ⴷ ⵎⴰ ⵓⵔ ⵉⴷⵔⵓⵙⵏ ⵅⴼ 2000 ⵏ ⵓⵎⵉⵔⴰ ⵉⴳⵏⵙⴻⵙⵏ 197 ⵏ ⵜⵎⴰⵣⵉⵔⵜ ⴳ ⵜⵡⵓⵔⵉⵡⵉⵏ ⵏ ⵓⵏⵎⵓⴳⴳⴰⵔ ⴰⴷ ⵍⵍⵉ ⵉⵇⵇⵉⵎⵏ ⵙⵉⵏ ⵉⵎⴰⵍⴰⵙⵙⵏ. ⴷ ⵉⴳⴰ ⵍⵎⵖⵔⵉⴱ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵙⵎⵎⵓⵙ ⵎⵔⴰⵡⵜ ⵏ ⵓⵏⵎⵓⴳⴳⴰⵔ ⵏ ⵉⴷ ⴱⵓ ⵜⵓⵇⵇⵏⴰ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵙⴱⴷⴷⵉ ⵏ ⵓⵙⵏⵣⵔⵓⴼ  ⴷ ⵓⴽⴰⴱⴰⵕ ⵉⵙⵜⴰⵡⵀⵎⵎⴰⵏ ⵎⵉ ⵉⵣⵡⴰⵔ ⵓⵎⴰⵡⵙⴰⵙ ⵏ ⵜⵢⵔⵣⴰ ⴷ ⵜⴳⵎⵔⵜ ⵜⴰⵢⵉⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⵎⵓⵃⵎⴰⴷ ⵚⵉⴷⵇⵉ.

ⵜⵓⵏⵙ ⴷ ⵍⵎⵖⵔⵉⴱ.. ⵜⴰⵢⵙⵉ ⵜⴰⵖⵔⵎⴰⵏⵜ ⴳ ⵢⵉⴷⵉⵔ ⵏ ⵓⵚⴽⵓ ⵏ ⵜⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⵜⴰⵎⴷⵓⵙⵜ ⴷ ⵜⵎⴷⵢⴰⵜ (ⵍⵉⵜⵜⵉⵃⴰⴷ ⵍⵉⵛⵜⵉⵕⴰⴽⵉ)

ⵉⵙⴷⴷⵉⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵜⵓⵏⵙ, ⵃⴰⵙⴰⵏ ⵟⴰⵕⵉⵇ, ⵎⴰⵙ ⴷ ⵍⵎⵖⵔⵉⴱ ⴷ ⵜⵓⵏⵙ ⵜⵙⵎⵓⵏ ⵜⵏ ⵜⴰⵢⵙⵉ ⵜⴰⵖⵔⵎⴰⵏⵜ ⵜⴰⵣⴳⵔⴰⵔⵜ, ⵢⴰⴽⴽⴰⵏ ⵉ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵏⴳⵔⴰⵙⵏⵜ, ⴰⴱⴷⴰ, ⵜⴰⵣⵎⵔⵜ ⴷ ⵜⵥⵉⴹⵕⵜ ⵅⴼ ⵡⵓⴳⴳⴰⵔ ⵏ ⵓⴱⵓⵖⵍⵓ ⴳ ⵢⵉⴷⵉⵔ ⵏ ⵏ ⵓⵚⴽⵓ ⵏ ⵜⵎⵢⴰⵇⵇⴰⵏⵜ ⵜⴰⵎⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⵉⴷⵓⵙⵏ ⴷ ⵜⵎⴷⵢⴰⵜ. ⵉⵔⵏⴰ ⵓⵎⵙⵇⴰⴷ ⵉⵏⵏⴰ ⴳ ⵓⵙⵏⴱⴳⵉ ⵏⵏⴰ ⴰⵙ ⵉⴳⴰ ⵓⵖⴰⵡⴰⵙ ⵏ “ⵍⴰⵢⴰⵍⵉⵏⴰ ⵄⴰⵔⴰⴱⵉⵢⴰ”, ⵏⵏⵉ ⵜⵣⵓⵣⵣⵓⵔ ⵜⴱⴰⴷⵓⵜ ⵜⴰⵎⵣⵡⴰⵔⵓⵜ ⵜⴰⵜⵓⵏⵙⵉⵜ, ⵎⴰⵙ ⴷ ⵍⵎⵖⵔⵉⴱ ⴷ ⵜⵓⵏⵙ ⵜⵙⵎⵓⵏ ⵜⵏ, ⴰⵍⵜⵓ, ⵜⵓⴳⴰⵔⵜ ⵉⵎⵎⴷⵔⴰⵡⵏ ⴷ ⵜⴰⵎⵓⵏⵜ ⴷ ⵓⵎⵢⴰⵡⴰⵙ  ⴰⵎⵖⵔⵉⴱⵉ. ⵉⵙⴱⵏⵏⴷ  ⵎⴰⵙ ⵜⵉⵎⵢⴰⵇⵇⴰⵏⵉⵏ ⵏ ⵍⵎⵖⵔⵉⴱ ⴷ ⵜⵓⵏⵙ, ⵉⵍⴰⵏⵜ ⵉⴱⵖⵓⵔⵏ ⴷ ⵜⵎⴰⴳⵓⵜ, ⴷ ⴳⴰⵏⵜ ⵜⵉⵎⵢⴰⵇⵇⴰⵏⵉⵏ “ⵜⴰⵏⵎⵣⵓⵔⵜ ⵜⴰⵥⵉⵕⴰⵏⵜ”, ⴷ ⵙ ⵜⵓⵇⵇⵏⴰ ⵏ ⵓⵣⴷⴰⵢ ⴰⴷⵍⵙⴰⵏ ⴷ ⵓⵏⴰⵎⵓⵏ. ⴷ ⵖⴰⵙ ⵉⴳ ⵏⴷⵡⵍ ⵖⵔ ⵓⵎⵣⵔⵓⵢ ⴰⵜⵔⴰⵔ ⵏ ⴷⵖⵉ, ⵉⵙⴱⵏⵏⴷ ⵟⴰⵕⵉⵇ ⴱⵍⵍⵉ ⵜⵉⵎⵇⵢⴰⵇⵇⴰⵏⵉⵏ ⴰⴷ “ⴳⴳⵓⴷⵉⵏⵜ ⵙⴳ ⵜⵉⵣⵉ  ⵏ ⵜⵖⵏⵙⴰ ⵎⴳⴰⵍ ⴰⵎⵙⴷⵓⵔⵔⵉ, ⵎⵉⵏⵣⵉ ⵜⵓⵖⴰ ⵜⵉⵎⵢⴰⵇⵇⴰⵏⵉⵏ ⵊⴰⵔ ⵙⵉⵏ ⵉⵎⵓⵙⵙⵓⵜⵏ ⵉⵏⴰⵎⵓⵔⵏ ⴷ ⵏⴳⵔ ⵊⴰⵔ ⵙⵉⵏ ⵉⵡⵓⵏⴰⴽ ⵉⵙⵉⵎⴰⵏⵏ ⵉⴷⵓⵙⵏ”.

ⵜⴰⵎⴰⵡⴰⵙⵜ ⵏ ⵉⵙⴱⴷⴷⴰⴷⵏ ⴷ ⵉⵙⴽⴽⵉⵏ ⵏ ⵍⵉⵙⵍⴰⵎ ⵜⵕⵥⵥⵎ ⵉ ⵜⴱⴰⴷⵓⵜ ⵏ “ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵍⵃⴰⴷⵉⵜ ⵛⵛⴰⵔⵉⴼ” ⴳ ⵍⵍⴰⵏⵜ ⵡⵓⴳⴳⴰⵔ ⵏ 10 ⵏ ⵢⴼⴹⵏ  ⵍⵃⴰⴷⵉⵜ ⵏⵏⴰⴱⴰⵡⵉ (ⵍⵄⴰⵍⴰⵎ)

ⵙ ⵡⴰⵏⴰⴹ ⵏ ⵏ ⵉⴳⵍⴷⵓⵏ ⵏ ⵉⵏⴼⵍⴰⵙⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵜⵕⵥⵎ ⵜⵎⴰⵡⴰⵙⵜ ⵏ ⵉⵙⴱⴷⴷⴰⴷⵏ ⴷ ⵉⵙⴽⴽⵉⵏ ⵏ ⵍⵉⵙⵍⴰⵎ, ⵉⴹⵍⵍⵉ ⵏ ⵓⵢⵏⴰⵙ ⴳ ⵕⵕⴱⴰⵟⵜⴱⴰⴷⵓⵜ ⵏ “ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵍⵃⴰⴷⵉⵜ ⵛⵛⴰⵔⵉⴼ”, ⵍⵍⵉ ⴳ ⵜⵍⵍⴰ ⵡⵉⴳⴳⴰⵔ ⵏ 10 ⵏ ⵢⵉⴼⴹⵏ ⵏ ⵍⵃⴰⴷⵉⵜ ⵏⵏⴰ ⴱⴰⵡⵉ ⵛⵛⴰⵔⵉⴼ. ⴰⵡⵜⵜⴰⵙ ⵏ ⵜⴱⴰⴷⵓⵜ ⵜⴰⵎⵓⵟⵟⴰⵏⵜ, ⵍⵍⵉ ⵉⵍⴰⵏ ⴰⴷⴰⴼ ⵖⵔⵙ ⵙⴳ ⵡⴰⵏⵙⴰⵜⵏ ⴰⴷ ⵉⵍⵉⴽⵟⵕⵓⵏⵉⵢⵏ “hadithm6.com” ⴷ ”hadithm6.ma”, ⴷ ⴰⵍⵜⵓ ⴳ ⵜⵙⵏⵙⵉ ⵏ “ ⴱⵍⴰⵢⵚⵟⵓⵕ” ⴷ ⵎⴰ ⵏⵏ ⵓⵔ ⵢⴰⴳⴳⵓⴳⵏ ⴳ “ⴰⴱ ⵚⵟⵓⵕ” ⵃⵎⴰ ⴰⴷ ⵉⵣⵎⵎⴰⵔ ⵓⴳⴷⵓⴷ ⵎⴰⵕⵕⴰ ⴰⴷ ⵢⵉⵙⵉⵏ ⵍⵃⴰⴷⵉⵜ ⵏⵏⴰⴱⴰⵡⵉ ⵙ ⵜⵙⴽⵯⴼⴰⵍ ⵏⵏⵙ, ⵉⵙ ⵉⴳⴰ ⴰⵎⴰⴷⵓⵙ ⵏⵉⵖ ⴰⵎⵓⴷⵔⵓⵙ ⵏⵉⵖ ⴰⵙⵏⵜⵍ (ⵉⵙⴽⴰⵔⴽⵙⵏ). ⴷ ⵓⵣⵎⵓⵣⵣⵓ ⴰⴷ, ⵉⵏⵏⴰ ⵓⵎⴰⵡⵙⴰⵙ ⵏ ⵉⵙⴱⴷⴷⴰⴷⵏ ⴷ ⵉⵙⴽⴽⵉⵏⵏ ⵏ ⵍⵉⵙⵍⴰⵎ, ⴰⵃⵎⴰⴷ ⵜⴰⵡⴼⵉⵇ, ⵎⴰⵙ ⵉⴳⴰ ⵓⵕⵥⵥⵓⵎ ⵏ “ⵜⴱⴰⴷⵓⵔⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵍⵃⴰⴷⵉⵜ ⵛⴰⵔⵉⴼ”,  ⴷ ⵉⵛⵜ ⵏ ⵜⵎⵙⴰⵔⵜ ⵉⵇⵇⵏⵏ ⵖⵔ ⴰⵙⴳⴷ ⴷ ⵜⵓⵙⵙⵏⴰ ⴷ ⵓⵙⵙⵉⵡⴹ, ⴷ ⵙⵢⵉⵏⵏ, ⵉⵇⵇⵏ ⵙ ⵓⵥⵍⴰⵢ ⵖⴰⵔ ⵜⵓⵜⵜⵔⴰ ⵜⴰⴱⴰⵔⴰⵡⵜ ⵙⴳ ⵓⴳⴷⵓⴷ ⵜⵜⴰⴼ ⴰⴷ ⵍⵎⴷⵏ ⵉⵙⵉⵏⵏ ⴰⵢⵏⵏⴰ ⵙ ⴷ ⵉⵇⵇⴰⵏ ⵅⴼ ⵓⵙⵙⴳⴷ.

ⴱⵓⵕⵉⵟⴰ ⵉⵜⵜⴳ ⴰⵎⴷⵡⴰⵍ ⴰⴽⴷ ⵓⵎⴰⵡⵙⴰⵙ ⵏ ⵓⵎⵢⴰⵡⴰⵙ ⴰⴽⵓⵏⴳⵓⵍⵉ ( ⵔⵉⵙⴰⵍⴰⵜ ⵍⵓⵎⵎⴰ)

ⵉⴳⴳⴰ ⵓⵎⴰⵡⵙⴰⵙ ⵏ ⵉⵙⴽⴽⵉⵏ ⵏⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵏ ⵏ ⴱⵕⵕⴰ, ⵏⴰⵚⵕ ⴱⵉⵕⵉⵟⴰ ⵉⴹⵍⵍⵉ ⵏ ⵓⵢⵏⴰⵙ ⴳ ⵕⵕⴱⴰⵟ, ⵉⵎⴷⵉⵡⴰⵍⵏ ⴰⴽⴷ ⵓⵎⴰⵡⵙⴰⵙ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵏⴳⵔ ⵙⵉⵏ ⵢⵉⴳⵔⴰⵏ ⴰⴳⴷⵓⴷⴰⵏ ⴷ ⵡⵓⵙⵍⵉⴳ ⴳ ⵍⴽⵓⵏⴳⵓ, ⴷⵓⵏⵉⵙ ⴽⵔⵉⵙⵜⵍ ⵙⴰⵙⵓ ⵏⴳⵉⵙⵓ ⵓⵡⵉⵏ ⴷ ⵉⵎⴷⵉⵡⵍⵏ ⴰⴷ ⵅⴼ ⵜⵖⴰⵔⴰⵙⵉⵏ ⵏ ⵓⵙⴷⵓⵙ ⵏ ⵓⵎⵢⴰⵡⵙⵙ ⵏⴳⵔ ⵙⵏⴰⵜ ⵜⵉⵎⵣⴰⵔ, ⴷⴼⴼⵔ ⵓⴷⵔⴰⵡ ⵏ ⵏⵉⴳⵓⵙⵓ  ⴳ ⵓⵣⵉⵣⵣⵍ ⵏ ⵓⵙⵙⵉⵙⵏ (ⵓⵙⵙⴰⵏ ⵏ 5 ⴷ6 ⵎⴰⵢⵢⵓ ⴳ ⵏⵍⵍⴰ ⴳ ⵜⴰⴷⴷⴰⵔⵜ ⵜⴰⵎⵍⵍⴰⵜ) ⵉⵡⵜⵙⵏ ⴰⵙⵎⵏⵉⴷ ⵏ ⴰⵣⵎⵓⵣⵣⵓ ⴰⵙⴰⵔⵡⴰⵏ ⵍⵍⵉ ⵜⴰⴽⴽⴰ ⵍⴽⵓⵏⴳⵓ ⵉ ⵜⵎⵙⵙⵏⵜⵉⵜⵉⵏ ⵜⵉⵎⵖⴰⵔⴰⴱⵉⵢⵉⵏ, ⴷ ⵓⵖⵓⵔⵉ ⵖⵔ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ- ⵉⴼⴼⵓⵙ ⴳ ⵓⵙⵡⵉⵔ ⵏ ⵓⵎⵏⵥⴰⵡ. ⵎⵖⵉⵏⵏⴰ ⵉⵏⵓⵔⵣ ⵓⵣⵉⵣⵣⵍ ⵏ ⵓⵙⵙⵉⵙⵏ, ⴰⴷ ⴰⵙⵙⴱⵖⵙ ⵏⵏ ⵓⵙⵙⴰⵔⵓ ⵏ ⵉⵎⴷⵔⴰⵏ ⵉⵎⵣⵣⵉⵜⵏ ⴷ ⵜⵎⵙⵙⵏⵜⵉⵜⵉⵏ ⵜⵓⵙⵍⵉⴳⵉⵏ ⴳ ⵍⴽⵓⵏⴳⵓ, ⴷ ⵍⵍⵉ ⵉⵅⵙⵏ ⴰⴷ ⵚⴰⵃⴰⵏ ⵙⴳ ⵜⴷⵉⵏⴰⵎⵉⵢⵜ ⵏ ⵜⴳⵎⵉ ⵍⵍⵉ ⵉⵙⵙⵏ ⵍⵎⵖⵔⵉⴱ.

ⵍⴱⵕⵍⴰⵎⴰⵏ: ⵖⵔ ⵓⵙⴰⴳⴳⵯ ⴳ ⵓⵎⵡⴰⵜ ⵏ ⵉⵢⴰⴼⵓⵜⵏ ⵏ ⵜⵢⵔⵣⴰ ⴷ ⵜⵖⵍⵍⴰⴱⵉⵜ ⵏ ⵉⵎⴰⵣⴰⵏ (ⵔⵉⵙⴰⵍⴰⵜ ⵍⵓⵎⵎⴰ)

ⵙⵙⵓⵜⵔⵏ ⵉⴽⴰⴱⴰⵕⵏ ⵏ ⵜⵓⴳⵜ ⴷ ⵓⴽⴰⴱⴰⵕ ⴰⴷⵓⵙⵜⵓⵔⵉ ⴰⴷⵉⵎⵓⵕⴰⵟⵉ ⴰⵏⴰⵎⵓⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰⵏ, ⴰⴷ ⵜⵜⵓⴳ ⵜⵓⵡⵔⵉ ⵏ ⵓⵙⵉⴳⴳ ⵜⴰⵎⵓⵔⵏⵜ ⵅⴼ ⵉⵥⵟⵟⴰⵜⵏ ⵏ ⵓⴱⵟⵟⵓ ⴷ ⵓⵙⴳⴷⵣ ⵏ ⵜⵢⴰⴼⵓⵜⵉⵏ ⵏ ⵜⵢⵔⵣⴰ ⴳ ⵍⵎⵖⵔⵉⴱ. ⴷ ⵢⵓⵙ ⴷ ⵓⵖⵓⵔⵉ ⴰⴷ ⴽⵕⴰⴹ ⵡⴰⵢⵢⵓⵔⵏ ⴷⴼⴼⵔ ⵎⴰ ⵉⵙⵙⵓⴼⵖ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ ⵉ ⵉⵅⴼ ⵏⵏⵙ ⴳ ⵓⵙⴳⴷⵣ ⵏ ⵉⵢⴰⴼⵓⵜⵏ ⵏ ⵜⵢⵔⵣⴰ, ⵍⵍⵉ ⴳ ⵉⵙⴷⴷⵉⴷ ⴱⵍⵍⵉ ⵉⴳⵔ ⴰⴷ ⵓⵔ ⵉⵍⵍⵉ ⴳ ⵡⴰⵏⵙⴰ ⵍⵍⵉ ⴰⵙ ⵉⵍⴰⵇⵏ ⴰⴳⵏⵙ ⵏ ⵓⵙⴷⴷⵉ ⵏ ⵡⴰⵜⵉⴳ, ⵙ ⵓⵔⴰⵄⴰ ⵖⵔ ⵓⵙⴰⵔ ⴷ ⵎⴰⵏⵉ ⵉⵍⵍⴰ ⵓⵏⴽⵔⵎ ⵍⵍⵉ ⵍⵍⴰⵏ ⴽⵔⴰ ⵏ ⵉⴼⵔⴷⵉⵙⵏ ⵏⵏⵙ. ⴳ ⵎⴰⵏ ⴰⵢⴰ, ⵉⵙⵡⴰⵍⴰ ⵓⴽⴰⴱⴰⵕ ⵜⴰⵎⵢⴰⵣⴰⵏⵜ ⵜⴰⵎⴷⵔⴰⵡⵜ ⵉ ⵓⵏⵙⵙⵉⵅⴼ ⵏ ⵜⵙⵇⵇⴰⵎⵓⵜ ⵏ ⵢⵉⴳⵔⴰⵏ ⵏ ⵉⵢⴰⴼⵓⵜⵏ ⵉⵙⵙⵓⵜⵔ ⴷⵉⴳⵙ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵕⵏⵏ ⴰⴷ ⴰⵏⵙⵙⵉⵅ ⵏ ⵜⵙⵇⵇⴰⵎⵓⵜ ⴳ ⵓⵙⵡⵓⵔⵉ ⵅⴼ ⵓⵙⵏⵎⴰⵍⴰ ⵏ ⵜⵡⵓⵔⵉ ⵓⵙⵉⴳⴳ ⴰⴱⵕⵍⴰⵎⵏⵉⵢⵏ “ⵜⵜⴰⴼ ⴰⴷ ⴱⴷⴷⵏ ⵅⴼ ⵉⵥⵟⵟⴰⵜⵏ ⵏ ⵓⴱⵟⵟⵓ ⵏ ⵉⵢⴰⴼⵓⵜⵏ ⵏ ⵜⵢⵔⵣⴰ ⴳ ⵍⵎⵖⵔⵉⴱ”. ⴷ ⵜⵣⴷⵉⵏ ⵉⴼⵔⴷⵉⵙⵏ ⵏ ⵜⵓⴳⵜ ⴷ ⵓⴽⴰⴱⴰⵕ ⴰⴷⵓⵙⵜⵓⵔⵉ ⴰⴷⵉⵎⵓⵇⵕⴰⵟⵉ ⴰⵏⴰⵎⵓⵏ ⴰⵢⴰ ⵏ ⵜⵓⵜⵜⵔⴰ ⵙ “ⵓⵢⵏⵏⴰ ⵜⴷⴷⵔⵏ ⵉⵎⴽⵔⴰⵣⵏ ⵉⵎⵥⵥⵢⴰⵏⵏ ⴷ ⵉⵎⵊⴰⵀⴷⵉⵢⵏ ⵙⴳ ⵜⵏⵎⴰⵔ ⵏ ⵓⵣⵣⵏⵣ ⵏ ⵉⵢⴰⴼⵓⵜⵏ ⵏⵏⵙ, ⴷ ⵓⴽⵕⴰⵥ ⵏ ⵓⵎⵡⴰⵜ ⴷ ⵜⴳⴳⵉⴷⵉⵜ ⵏ ⵉⵎⴰⵣⴰⵏⵏ, ⴰⵢⵏⵏⴰ ⴷ ⵉⵜⵜⴰⵡⵉⵏ ⴳ ⵜⴳⵉⵔⴰ ⵖⵔ ⵜⵓⵊⴳⵍⵜ ⵏ ⵡⴰⵜⵉⴳⵏ ⵏ ⵓⵣⵣⵏⵣ ⵉ ⵓⵏⵙⵎⵓⵔ ⴰⵎⴳⴳⴰⵔⵓ”.

ⵍⴱⴰⵏⴽ ⵏ ⵍⵖⵔⵉⴱ ⴰⵔ ⵉⵙⵙⵓⴳⵓⵣ ⵜⴰⵙⵜⵕⴰⵜⵉⵊⵉⵢⵜ ⵏ ⵉⵙⴼⴽⴰ ⴷ ⵉⵙⵏⵎⴽⵜⴰ (ⵍⵎⴰⵙⴰ)

ⵉⵙⴷⴷⵉⴷ ⵍⴱⴰⵏⴽ ⵏ ⵍⵎⵖⵔⵉⴱ ⵎⴰⵙ ⴷ ⴰⵙⵎⵀⵍ ⵏ ⵜⵙⵜⵕⴰⵜⵉⵊⵉⵢⵜ ⵏ ⵉⵙⴼⴽⴰ ⴷ ⵉⵙⵏⵎⴽⵜⴰ ⴷⴷⴰⵏ ⴰⴷ ⵙⵙⴰⴳⴳⵯⵏ “ⵓⵎⵄⵉⵏⵏ ⴳ ⵜⵕⵡⵉ ⵏ ⵜⵡⵓⵔⵉ” ⴷ  ⵜⴷⵔⵙⵉ ⵏ ⵉⵎⵉⵣⵉⵜⵏ ⵙ ⵡⵓⵟⵟⵓⴼ ⴳ ⵜⵙⵎⴽⵜⴰ ⵏ ⵉⵙⴼⴽⴰ ⴷ ⵜⵣⵎⵔⵜ ⵏ ⵉⵏⴳⵔⴰⵡⵏ ⵏ ⵜⵙⵏⵎⴰⵍⴰⵢⵜ.  ⵉⴱⵏⵏⴷ ⵍⴱⴰⵏⴽ ⵏ ⵍⵎⵖⵔⵉⴱ, ⴳ ⵓⵏⵇⵇⵉⵙ ⵏⵏⵙ, ⵎⴰⵙ ⴷ ⵜⵉⴳⴳⵉ ⵏ ⵜⵙⵜⵕⴰⵜⵉⵊⵉⵢⵜ ⴰⴷ ⵢⵓⴷⴰ ⵉ ⵓⵙⵓⴳⵔ ⵏ ⵓⵏⴱⴰⴹ ⵉⵖⵓⴷⴰⵏ ⵉ ⵓⵙⵡⵓⴷⴷⵓ ⵏ ⵉⵙⵉⵣⵡⵉⵔⵏ ⴷ ⵉⵙⵙⴰⵔⵓⵜⵏ ⴳ ⵢⵉⴳⵔ ⵏ ⵉⵙⴼⴽⴰ. ⴷ ⵢⵓⵙ ⴷ ⴳ ⵓⵏⵇⵇⵉⵙ ⴱⵍⵍⵉ ⵜⴰⵙⵜⴰⵕⴰⵜⵉⵊⵉⵢⵜ ⵏ ⵉⵙⴼⴽⴰ ⴷ ⵉⵙⵏⵎⴽⵜⴰ , ⵏⵏⵉ ⵜⵓⵖⴰ ⴷ ⵜⴰⵢⴼⵓⵜ ⵏ ⵓⵎⵢⴰⵡⴰⵙ, ⵜⵙⵎⵓⵏ ⵓⵔ ⴷ ⵖⴰⵙ ⵜⵉⵎⵏⴰⴹⵉⵏ ⵜⵉⵎⴳⴳⵉⵜⵉⵏ ⵜⵉⴳⵏⵙⴰⵏⵉⵏ ⵜⵉⵏⴽⵛⴰⵎ ⴳ ⵜⵎⵀⵍⵜ ⵏ ⵓⵙⵡⵓⴷⴷⵓ ⵏⵉⵙⴼⴽⴰ, ⵎⴰⵛⴰ, ⴰⵍⵜⵓ ⵉⵎⴷⵔⴰⵡⵏ ⵉⴷⵙⵍⴰⵏ ⵏ ⵍⴱⴰⵏⴽ, ⵉⵍⴰⵏ ⵏⵉⵖ ⵓⵔ ⵉⵍⵉⵏ ⴰⵙⵍⴳⴰⵎⵓ ⵏ ⵜⵎⵔⵙⵍⵜ ⴰⴷ.

ⴽⵓⵙⵜⴰⵕⵉⴽⴰ ⵜⵥⵎⵍⴰⵍⵢ ⵖⵔ ⵓⵙⴷⵓⵙ ⵏ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴰⴽⴷ ⵍⵎⵖⵔⵉⴱ (ⵍⵄⴰⵍⴰⵎ)

ⵉⵙⵏⴱⴳⵉ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵜⴳⴷⵓⴷⴰ ⵏ ⴽⵓⵙⵜⴰⵔⵉⴽⴰ, ⵔⵓⴷⵔⵉⴳⵓ ⵜⵛⴰⴼⵉⵣ, ⴰⵙⵙ ⵏ ⵓⵙⴰⵎⴰⵙ ⴱⴰⵙⴰⵏ ⵅⵓⵙⵉ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵓⵛ, ⵏⵏⵉ ⵉⴳⵏⵙⴻⵙⵏ  ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚⴳ ⵜⴼⵓⴳⵍⴰ ⵏ ⵓⵙⴱⴷⴷⵉ ⵓⵏⵚⵉⴱ ⵏ ⵜⵛⴰⴼⵉⵣ. ⴷ  ⵢⵓⵡⵉ ⵓⵅⵏⵓⵛ, ⴳ ⵓⵙⵏⴱⴳⵉ ⴰⴷ ⵍⵍⵉ ⵉⴷⵔⴰ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⴽⵓⵙⵜⴰⵔⵉⴽⴰ ⴰⴽⴷ ⵜⵣⴷⵓⵖⵜ ⴳ ⴳⵡⴰⵜⵉⵎⴰⵍⴰ, ⵟⴰⵕⵉⵇ ⵍⵍⴰⵡⴰⵊⵔⵊⵉ, ⵖⵔ ⵓⵏⵙⵙⵉⵅⴼ ⴰⴽⵓⵙⵜⴰⵔⵉⴽⵉⵢ ⵉⵍⵜⵖⵏ ⴰⵣⵓⵍ ⴷ ⵉⵙⵙⵔⵖⵓⴷⵏ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵓⵙⴷⴷⵉⴷ ⵏⵏⵙ ⵢⵉⵍⵖ ⵏ ⴱⴰⴱ ⵏ ⵡⴰⴷⴷⵓⵔ ⵙ ⵓⵙⵀⵀⵡⵏ ⵉⵖⵓⴷⴰⵏ ⵉⵙⵜⴰⵢⵏ ⵏ ⵜⵏⵙⵙⵉⵅⵜ ⴳ ⵜⵎⴰⵣⵉⵔⵜ ⴷ ⵢⵓⵙⴰⵏ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ. ⵙⴳ ⵜⵏⵉⵍⴰ ⵏⵏⵙ, ⵉⵏⵏⴰ ⵜⵛⴰⴼⵉⵣ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵉⵙⵢⴰⴼⴰⵜⵏ ⵏ ⵓⵣⴽⵔⵉ ⴷ ⵓⵙⵙⵉⵜⴳ ⵍⵍⵉ ⵢⴰⴽⴽⴰ ⵓⴳⴷⵓⴷ ⴰⴽⵓⵙⵜⴰⵔⵉⴽⵉⵢ ⴰⵎⴷⴷⴰⴽⴽⵍ ⵉ ⴱⴰⴱ ⵏ ⵡⴰⴷⴷⵓⵔ,  ⴷ ⵉⵙⴷⴷⵉⴷ ⵎⴰⵙ ⴷ ⴽⵓⵙⵜⴰⵔⵉⴽⴰ ⵜⴽⴰⵢⵍⴰⵍ ⴰⵙⴷⵓⵙ ⵏ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴰⴽⴷ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔⴰⵏ ⵏ ⵜⵢⵔⵣⴰ ⴷ ⵜⵎⴰⵔⵔⴰⵢⵜ ⴷ ⵉⵙⵙⴰⵔⵓⵜⵏ.

ⵜⴰⵙⵏⵓⵔⴰⵢⵜ ⵏ ⵍⵎⵖⵔⵉⴱ ⴰⵎⵇⵇⵔⴰⵏ 10/05/2022