ⵜⵍⴰ ⵜⵎⴰⵍⵍⴰⵢⵜ ⵜⴰⴷⵍⵙⴰⵏⵜ ⵖⵓⵔ ⵉⵄⵔⵔⵉⵎⵏ ⵢⴰⵏ ⵡⵓⴷⵓⵔ ⴰⵅⴰⵜⴰⵔ ⴳ ⵓⵕⵥⵥⵓⵎ ⵏ ⵓⵡⵔⵉⴽ ⵜⵄⵓⵔⵔⵎⴰ ⴷ ⵓⵙⴱⵓⵖⵍⵓ ⵏ ⵜⵓⵙⵙⵏⵉⵡⵉⵏ ⴷ ⵉⵔⵉⵎⵏ ⵏⵏⵙⵏ ⴰⴷⴷⴰⵢ ⴷⴰ ⵜⵜⵓⵎⵓⵏ ⴳ ⵉⵏⵎⵓⵇⵇⴰⵔⵏ ⴷ ⵉⵎⵓⵙⵙⵓⵜⵏ ⵏ ⵉⵄⵔⵔⵉⵎⵏ ⵏⵖ ⴰⴽⴷ ⵜⵉⵄⵓⵔⵔⵎⴰ ⵏ ⵉⵡⵏⴰⴽ ⵉⵎⴷⴷⵓⴽⴽⴰⵍ ⴷ ⵉⵍⵎⴰⵍⴰⵏ ⵙⵡⴰ ⴳ ⵊⴰⵊ ⵏ ⵍⵎⵖⵔⵉⴱ ⵏⵖ ⴱⵕⵕⴰ ⵏⵏⵙ. ⵎⴰⵏ ⴰⵢⴰ ⵙ ⵓⵙⵖⵉⵡⵙ ⴷ ⵓⵙⵙⴹⵔⵓ ⵏ ⴽⵉⴳⴰⵏ ⵏ ⵉⵖⴰⵡⴰⵙⵏ ⴳ ⵓⵙⴳⴳⵯⴰⵙ ⴰⵎⵎⴰⵙ ⵏ ⵍⵎⵖⵔⵉⴱ ⵏⵖ ⴱⵕⵕⴰ ⵏⵏⵙ ⵉ ⵉⵄⵔⵔⵉⵎⵏ ⵉⵎⵖⵔⵉⴱⵉⵢⵏ, ⴷ ⵉ ⵉⴽⴰⴱⴰⵕⵏ ⵏ ⵉⵄⵔⵔⵉⵎⵏ ⵏ ⴱⵕⵕⴰ. ⴰⵡⵜⵜⴰⵙ ⵏ ⵎⴰⵏ ⴰⵢⴰ ⵉⴳⴰ :
- ⵎⵚⴽⵉⵡⵜ ⵏ ⵉⵣⴷⴰⵢⵏ ⵏ ⵜⵉⴷⴷⵓⴽⵍⴰ ⴷ ⵜⴰⵢⵎⴰⵜ ⴳⵔ ⵉⵄⵔⵔⵉⵎⵏ ⵏ ⵍⵎⵖⵔⵉⴱ ⴷ ⵉⵇⵇⵔⵉⵏⵏ ⵏⵏⵙⵏ ⴳ ⵜⵎⵉⵣⴰⵔ ⵜⵉⵎⴷⴷⵓⴽⴽⴰⵍ.
- ⵜⵉⴳⴳⵉ ⵏ ⵉⵎⵡⴰⵊⴱⵏ ⵏ ⵓⵍⵎⵉⵍⴰ ⴳⵔ ⵉⵄⵔⵔⵉⵎⵏ ⵉⵎⵖⵔⵉⴱⵉⵢⵏ,
- ⵜⴰⵡⵙⴰ ⵏ ⵉⵄⵔⵔⵉⵎⵏ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵙⵎⵓⵜⵜⴳⵏ ⵢⴰⵜ ⵜⴰⵏⵏⴰⵢⵜ ⵏ ⵜⵉⴷⵜ ⵜⵓⵙⵔⵉⴷⵜ ⵅⴼ ⵓⵎⴰⴹⴰⵍ ⵏ ⴱⵕⵕⴰ.
- ⴰⵜⴽⵓⵔ ⵏ ⵜⵉⵣⵉ ⵢⵓⵔⴰⵏ ⵏ ⵉⵄⵔⵔⵉⵎⵏ ⵙ ⵉⵖⴰⵡⴰⵙⵏ ⵏ ⵜⴷⵍⵙⴰ ⴷ ⵜⴳⵎⵉ ⵉⵖⵥⴰⵏⵏ.
- ⴰⵎⵢⴰⵔ ⵏ ⵉⵄⵔⵔⵉⵎⵏ ⵉⵎⵖⵔⴰⴱⵉⵢⵏ ⵉⵙⵢ ⵏ ⵜⵎⴰⵙⴰⵢⵜ.
- ⴰⵙⵙⵏⴽⴷ ⵙ ⵜⴼⵔⴰⵙⵉⵏ ⵜⵉⴷⵍⵙⴰⵏⵉⵏ ⴷ ⵜⵖⵔⵎⴰⵏⵜ.
- ⴰⵙⵙⵏⴽⴷ ⴷ ⵓⵏⵏⵓⵕⵥⵎ ⵅⴼ ⵜⵖⵔⵎⵉⵡⵉⵏ ⵏ ⵉⵡⵓⵏⴽⵏ ⵏⵏⴰ ⵎⵉ ⴷ ⵏⵛⵛⴰⵔ ⵜⵉⵣⴷⴰⵢⵉⵏ ⵏ ⵓⵎⵔⴰⵔⴰ ⴳ ⵢⵉⴳⵔ ⵏ ⵜⵄⵓⵔⵔⵎⴰ.
- ⴰⴼⵙⴰⵔ ⵏ ⵜⵏⴷⵉⵜⵉⵏ ⵏ ⵓⵎⵙⵓⵔⵓⴼ ⴷ ⵉⵔⵉ ⵏ ⵡⴰⵢⵢⴰⴹ.
ⴷⴰ ⵉⵜⵜⵉⵍⵉ ⴳ ⵢⴰⵜ ⵜⵉⵣⵉ ⵓⵔ ⴷ ⵢⴰⵔⴳⵓⵏ ⵅⴼ ⵎⵔⴰⵡ ⵏ ⵡⵓⵙⵙⴰⵏ (ⴰⴽⴷ ⵓⴼⵔⵔⵓ ⵏ ⵉⵖⴰⵣⵏ) ⵎⴰⵏ ⴰⵢⴰ ⵙ ⵜⵓⵍⵍⵓⵖⵜ ⵏ ⵇⵇⴰⵃ ⵜⵎⵢⴰⵇⵇⴰⵏⵉⵏ ⵏ ⵜⵓⵛⵛⵓⵔⵜ ⵏⵏⴰ ⵉⵣⴷⵉⵏ ⵜⴰⵎⴰⵡⴰⵙⵜ ⵏ ⵜⵄⵓⵔⵎⴰ ⴷ ⵜⵓⵏⵏⵓⵏⵜ ⵙ ⵉⵡⵓⵏⴰⴽ ⵉⵎⴷⴷⵓⴽⴽⴰⵍ ⵜⵉⵙⵎⵓⵏⵉⵏ ⵙ ⵜⵎⴰⵎⴽⵜ ⴰⴷ :
- ⵜⵉⵍⴰⵍ ⵏ ⵓⵙⵏⴱⴷⵓ : ⴳⴰⵏ ⵉⵎⴰⵣⵉⵔⵏ ⵉⵎⴰⴹⵍⴰⵏⵏ ⵏⵏⴰ ⴳ ⵜⵜⵓⵎⵓⵏ ⵉⴽⴰⴱⴰⵕⵏ ⵉⵎⵖⵔⴰⴱⵉⵢⵏ (ⵉⵛⵉⵔⵔⴰⵏ ⴷ ⵉⵄⵔⵔⵉⵎⵏ) ⴳ ⵜⵙⴳⴰ ⵏ ⵉⴽⴰⴱⴰⵕⵏ ⵏ ⵉⵡⵓⵏⴰⴽ ⵏⵏⵉⴹⵏ ⴰⴼⴰⴷ ⴰⴷ ⵙⵙⴱⵖⵔⵏ ⵙⴳ ⵜⵉⵍⴰⵍ ⵏ ⵓⵙⵏⴱⴷⵓ ⵏⵏⴰ ⴷⴰ ⵉⵜⵜⵓⵙⵏⵎⴰⵍⴰⵏ ⴳ ⴰⵎⵎⴰⵙⵏ ⵏ ⵉⵡⵓⵏⴰⴽ ⵏ ⵓⵙⵏⴱⴷⵓ ⵏⵏⴰ ⵉⴹⴼⴰⵕⵏ ⵉ ⵉⵎⵉⴷⴷⵣⴰⵏ ⵉⴱⵕⵕⴰⵏⵉⵢⵏ ⵏⵏⴰ ⵎⵉⴷ ⵜⵜⵎⵔⴰⵔⴰⵏ ⴳ ⵢⵉⴳⵔ ⴰⴷ ⵍⵍⵉ ⴷⴰ ⵉⵙⴳⵓⵎⵏ ⵅⴼ ⵓⵙⵏⵜⵍ ⵏⵖ ⴽⵔⴰ ⵏ ⵓⵙⴳⵓⵎ ⵣⵓⵏⴷ ⵜⵉⵍⴰⵍ ⵜⵉⵎⴰⵙⵙⴰⵏⵉⵏ, ⵜⵉⵏⴰⵎⵓⵏⵉⵏ ⴷ ⵜⵉⵏ ⵜⵡⵏⵏⴰⴹⵜ.
- ⵉⵏⵎⵓⵇⵇⴰⵔⵏ ⵉⵎⴰⴹⵍⴰⵏⵏ ⵏ ⵉⵄⵔⵔⵉⵎⵏ : ⴷ ⵉⵏⵎⵓⵇⵇⴰⵔⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵉ ⵉⴽⴰⴱⴰⵕⵏ ⵏ ⵉⵄⵔⵔⵉⵎⵏ ⵏ ⴽⵉⴳⴰⵏ ⵏ ⵉⵡⵏⴰⴽ ⵃⵎⴰ ⴰⴷ ⵢⵉⵍⵉ ⵢⴰⵏ ⵓⵎⵔⴰⵔⴰ ⴰⴷⵍⵙⴰⵏ ⴷ ⴰⴷ ⵣⵎⵔⵏ ⴰⴷ ⵉⵙⵉⵏⵏ ⵉⵏⴳⵔⴰⵜⵙⵏ ⵎⵔⴰⵔⴰⵏ ⴰⵡⴷ ⵜⵉⵡⵏⴳⵉⵎⵉⵏ ⴷ ⵉⵏⵖⵎⵉⵙⵏ ⵅⴼ ⵜⴷⵍⵙⵉⵡⵉⵏ ⵏⵏⵙⵏ ⵙⴳ ⵜⵉⵍⴰⵍ ⵜⵉⵙⴰⵏⵓⵏⵉⵏ ⴷ ⵜⵎⵙⵓⵔⴰⵔⵉⵏ ⵍⵍⵉ ⴷⴰ ⵉⵜⵜⵉⵍⵉⵏ ⴱⴰⵀⵔⴰ ⵅⴼ ⴽⵔⴰ ⵏ ⵓⵙⵏⵜⵍ ⵣⵓⵏⴷ ⴰⵎⵙⵓⵔⵉⴼ ⴷ ⵓⵎⵣⴰⵔⴰⵢ ⴳⵔ ⵉⴳⴷⵓⴷⵏ, ⴷ ⵓⴼⵙⵙⴰⵢ ⴰⵏⴳⵔⴰⵢ ⵏ ⵉⵎⵓⴽⵔⵉⵙⵏ.
- ⵜⵉⵏⵢⵓⴷⴷⵓⵜⵉⵏ ⵉⴷⵍⵙⴰⵏⵏ : ⵉⵎⵓⴷⴷⵓⵜⵏ ⴰⴷ ⵥⵍⵉⵏ ⵙ ⵓⵔⵣⴰⴼ ⵏ ⴽⵉⴳⴰⵏ ⵏ ⵉⵖⵔⵎⴰⵏ ⵉⴱⵕⵕⴰⵏⵉⵢⵏ ⵃⵎⴰ ⴰⴷ ⵉⵙⵉⵏⵏ ⵜⵉⴼⵔⵉⵙⵉⵏ ⵜⵉⴷⵍⵙⴰⵏⵉⵏ ⵏⵏⵙⵏ ⴷ ⵜⵖⵔⵎⵉⵡⵉⵏ ⴰⴷⴷⴰⵢ ⴷⴰ ⵜⵜⵔⵣⴰⴼⵜ ⵉⴷⵔⵉⵣⵏ ⵏ ⵓⵎⵣⵔⵓⵢ ⴷ ⵡⴰⵏⵙⵉⵡⵏ ⵏ ⵜⵎⴰⵍⵍⴰⵢⵜ ⴷ ⵓⵏⵎⵓⵇⵇⴰⵔ ⵏ ⵉⵄⵔⵔⵉⵎⵏ.
- ⵜⵉⵏⴷⵔⵜ ⵏ ⵜⵓⵙⵙⵏⴰ ⵏ ⵜⵎⵉⵣⴰⵔ ⵏ ⴱⵕⵕⴰ : ⴰⵏⴰⵡ ⴰⴷ ⵉⵍⵍⴰ ⵙⴳ ⵜⵉⵍⴰⵍ ⵏ ⵜⵓⴼⴰⵢⵜ ⵏ ⴽⵔⴰ ⵏ ⵓⴷⵖⴰⵔ ⵙ ⵉⵎⵥⵍⴰⵢⵏ ⵏⵏⵙ, ⵙ ⵓⵙⵙⴽⵛⵎ ⵏ ⵉⴽⴰⴱⴰⵕⵏ ⵏ ⵉⵄⵔⵔⵉⵎⵏ ⵏ ⴱⵕⵕⴰ ⴰⴽⴷ ⵉⵇⵇⵔⵉⵏⵏ ⵏⵏⵙⵏ ⴳ ⵉⵄⵔⵔⵉⵎⵏ ⵉⵎⵖⵔⵉⴱⵉⵢⵏ.
- ⵜⵉⵏⵢⵓⴷⴷⵓⵜⵉⵏ ⵉⵛⵛⴰⵔⵏ : ⴰⵔ ⵜⵜⵎⵓⵏ ⴷ ⵉⵄⵔⵔⵉⵎⵏ ⵉⵎⵖⵔⴰⴱⵉⵢⵏ ⴳ ⵜⵏⵢⵓⴷⴷⵓⵜⵉⵏ ⴷⴷⵖⵉⵇⵇⵔⵉⵏⵏ ⵏⵏⵙⵏ ⵙⴳ ⴱⵕⵕⴰ ⴰⴼⴰⴷ ⴰⴷ ⵉⵙⵉⵏⵏ ⵜⴰⵎⴰⵣⵉⵔⵜ ⵏⵖ ⴷⴷ ⵉⴷⵖⴰⵔⵏ ⵏⵏⴰ ⵎⵉ ⴹⴼⴰⵕⵏ ⵇⵇⴰⵃ.
ⴰⵎⵓⴷⴷⵓ ⵙ ⴱⵕⵕⴰ
ⴰⵙⵏⴱⴳⵉ ⵏ ⵉⵄⵔⵔⵉⵎⵏ ⵉⴱⵕⵕⴰⵏⵉⵢⵏ ⴳ ⵍⵎⵖⵔⵉⴱ ⴷ ⵜⵏⵢⵓⴷⴷⵓⵜⵉⵏ ⵏ ⵊⴰⵊ.
- ⴰⵙⵏⴱⴳⵉ ⵓⵏⵚⵉⴱ : ⵎⴽⵉⵏⵏⴰ ⴷⴰ ⵜⵜⵓⵢⴰⵣⴰⵏⵏ ⵉⴽⴰⴱⴰⵕⵏ ⵏ ⵉⵄⵔⵔⵉⵎⵏ ⵙ ⴱⵕⵕⴰ ⴷⴰ ⵜⵜⵓⵙⵏⵓⴱⵊⵓⵏ ⵉⴽⴰⴱⴰⵕⵏ ⵏ ⵉⵡⵓⵏⴰⴽ ⵉⵎⴷⴷⵓⴽⴽⴰⵍ ⴳ ⵢⴰⵏ ⵡⴰⴽⵓⴷ ⵓⵔ ⵉⴳⴳⵉⵣⵏ ⵅⴼ 10 ⵏ ⵡⵓⵙⵙⴰⵏ (ⵙ ⵓⴼⵔⵔⵓ ⵏ ⵇⵇⴰⵃ ⵏ ⵓⵙⵏⵍⵖⴰ) ⴰⴼⴰⴷ ⴰⴷ ⵣⵎⵔⵏ ⵉⴽⴰⴱⴰⵕⵏ ⴰⴷ ⵉⵙⵉⵏⵏ ⴰⵢⵏⵏⴰ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ ⵏ ⵉⴷⴻⵉⵣⵏ ⵉⴷⵍⵙⴰⵏⵏ.
- ⴰⵙⵏⴱⴳⵉ ⵙ ⵜⴼⵔⵛⴰⴽⵜ : ⵉⴳⴰ ⴰⵙⵏⴱⴳⵉ ⵏ ⵉⴽⴰⴱⴰⵕⵏ ⵉⴱⵕⵕⴰⵏⵉⵢⵏ ⴱⵕⵕⴰ ⵏ ⵓⵙⴰⵜⵉ ⵏ ⵓⵎⵔⴰⵔⴰ ⵓⵏⵚⵉⴱ, ⴰⵢⴷⴷⵖ ⴷⴰ ⴰⵙⵏ ⵜⴰⴽⴽⴰ ⴽⵔⴰ ⵏ ⵉⵎⵡⴰⵊⴱⵏ ⵙ ⵜⵓⴳⴷⵓⵜ ⵏ ⵓⴱⵣⴰⵔ ⵙ ⵉⴷⵔⵉⵎⵏ ⴷ ⵢⵓⵙⴰⵏ : ⵜⴰⵣⴷⴷⵓⵖⵜ, ⵓⵜⵜⵛⵉ, ⵓⵜⵓⵢ, ⴰⵖⴰⵡⴰⵙ ⵏ ⵉⵔⵣⴰⴼⵏ.