ⵏⴽⵙⵏ ⵉⵄⵔⵔⵉⵎⵏ ⵙ ⵓⵎⴰⵜⴰ ⵙⵍⴰⵡⴰⵏ ⵉⴷ ⴱⴰⴱ ⵏ ⵜⵓⴳⴳⴰ ⴷⵉⴳⵙⵏ ⴳ ⵜⵉⵣⵉ ⴰⴷ ⴽⵉⴳⴰⵏ ⵏ ⵜⴰⵙⵙⴰⵙⵉⵏ ⴳ ⵎⴰⴷ ⵉⵥⵍⵉⵏ ⴳ ⵓⵙⵉⴷⴼ ⴳ ⵓⴳⴰⴷⴰⵣ ⵏ ⵜⵡⵓⵔⵉ.
ⴳ ⵓⵎⵏⵉⴷ ⴰⴷ, ⵜⴳⴰ ⵜⴰⵏⵏⴰⵖⵜ ⴰⴽⴷ ⵜⴰⵔⵡⵓⵔⵉ ⴳⵔ ⵜⴳⵔⵓⵎⵎⴰ ⵏ ⵉⵄⵔⵔⵉⵎⵏ ⵢⴰⵜ ⵙⴳ ⵜⵎⵔⵙⴰⵍ ⵏ ⵓⵖⴰⵡⴰⵙ ⵓⵏⴱⵉⴹ 2021-2026. ⵜⴰⵏⴰⵥⵔⵜ ⵏⵏⴰ ⵉⵍⵍⴰⵏ ⴰⵙⵙⴰ ⵉⴳⴰⵜ ⵓⵙⵡⵓⵔⵉ ⵏ ⵉⵄⵔⵔⵉⵎⵏ ⴷ ⵢⴰⵏ ⵓⵎⵡⴰⵊⴱ ⵏ ⵜⵉⴷⵜ ⵉ ⵓⴱⵓⵖⵍⵓ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ, ⴰⵛⴽⵓ ⵉⴳⴰ ⵓⵎⴳⴳⴰⵔⵓ ⴰⴷ ⵢⴰⵜ ⵜⴰⵏⵏⴰⵍⵜ ⵏ ⵜⵉⴷⵜ ⵉ ⵓⵙⴳⵎⵉ ⴰⴷⵎⵙⴰⵏ ⴷ ⵓⵏⴰⵎⵓⵔ ⵏ ⵜⴳⵍⴷⵉⵢⵜ.
ⵜⵜⵓⵙⵎⴷⵢⴰⵏⵜ ⴽⵉⴳⴰⵏ ⵏ ⵜⵎⴳⴳⵉⵜⵉⵏ ⵏⵏⴰ ⵉⵜⵜⵓⵙⵙⴽⴰⵔⵏ ⵃⵎⴰ ⴰⴷ ⵙⴷⵓⵙⵏⵜ ⴰⵙⵏⴼⵍ ⴰⴷⵎⵙⴰⵏ ⵉ ⵜⵉⴳⴳⵉ ⵏ ⵉⵣⵎⴰⵣ ⵏ ⵜⵡⵓⵔⵉ ⵉ ⵎⴰⵕⵕⴰ, ⴳ ⵎⴰⵏ ⴰⵢⴰ :
ⵜⵉⵎⴳⴳⵉⵜⵉⵏ ⵜⵓⵏⴱⵉⴹⵉⵏ ⵉⵜⵜⵓⵙⵙⴽⴰⵔⵏ ⵉ ⵜⵉⴳⴳⵉ ⵏ ⵉⵣⵎⴰⵣ ⵏ ⵜⵡⵓⵔⵉ
- ⵜⵉⴳⴳⵉ ⵏ ⵎⴰⴷ ⵓⵔ ⵢⴰⴳⴳⵓⵣⵏ ⵅⴼ 250000 ⵏ ⵓⵎⵡⴰⵊⴱ ⵓⵙⵔⵉⴷ ⵏ ⵜⵡⵓⵔⵉ ⵙⴳ ⵓⵖⴰⵡⴰⵙ ⵏ ⵜⵡⵓⵔⵉⵡⵉⵏ ⵜⵉⵎⴰⵜⴰⵢⵉⵏ ⵜⵉⵎⵥⵥⴰⵏⵉⵏ ⴷ ⵜⵅⴰⵜⴰⵔⵉⵏ.
- ⴰⵔⵥⵥⵓⵎ ⵏ ⵓⵖⴰⵡⴰⵙ ⵏ ⵓⵙⴷⵓⵙ ⵏ ⵉⵎⵃⵉⵣⵡⴰⵔⵏ ⵉⵎⴷⴰⵏⵏ ⵓⵙⵉⵥⵕⴼ ⵏ ⵓⵙⵖⵏⵓ ⵉⵎⵥⵥⵢⴰⵏ.
- ⵜⵉⴽⴽⵉ ⵏ ⵢⵉⵎⴰⵏ ⵉⵎⴰⵢⵏⵓⵜⵏ ⵉ ⵜⵙⵏⵜⴰⵢ ‘’ⵉⵏⵟⵉⵍⴰⵇⴰ’’ ⴷ ⵓⴹⴰⴽⴰⵍ ⵏ ⵜⴰⵙⵓⵍⵜ ⵏⵏⵙ.
- ⴰⵣⵣⴳⵉⵔ ⵏ ⵜⵜⵖⴰⵔⴰⵙⵜ ⵜⴰⴳⵍⴷⴰⵏⵜ ⵉ ⵓⵙⴷⵓⵢ ⴰⴷⵍⵙⴰⵏ ⴰⵏⴰⵎⵓⵔ ⵙ ⵜⵙⵖⵣⵏⵜ ⵅⴼ ⵓⴼⵏⵉⵇ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ.
- ⴰⴽⴰⵎ ⵏ ⵡⵓⴼⵓⵖ ⵏ ⵓⵏⴳⵔⴰⵡ ⵉⴽⵓⵍⵓⵊⵉⵢ ⴳⵔ ⵜⵎⵙⵙⵓⵔⵉⵏ ⵉⵜⵜⵓⴳⴰⵏ ⴷ ⵉⵙⵍⵍⵡⵉ.
- ⴰⵙⵙⵓⴷⵓ ⴳ ⵓⵣⵣⴳⵉⵔ ⴰⵙⵜⵔⴰⵜⵉⵊⵉⵢ ‘’ⵜⴰⵙⵓⵜ ⵜⴰⵣⴳⵣⴰⵡⵜ ‘’ⵍⵊⵉⵍ ⴰⵅⴹⴰⵕ’’ ⴰⴼⴰⴷ ⴰⴷ ⵜⵜⵓⴳ ⵢⴰⵜ ⵜⵙⴽⵉ ⵏ ⵜⵢⵔⵣⴰ ⵜⴰⵏⴰⵎⵎⴰⵙⵜ.
- ⴰⵙⴱⵓⵖⵍⵓ ⵏ ⵜⵎⴳⵓⵔⵉ ⵏ ⵜⵡⴰⵔⴳⵉⵜ ⵙⴳ ⵍⴽⴰⵕⴱⵓⵏ ⵏⵏⴰ ⵉⵣⵎⵔⵏ ⴰⴷ ⵉⵙⴷⵓⵙ ⵜⴰⵣⵎⵔⵜ ⵏⵏⵙ ⵏ ⵜⵖⵏⵏⴰⵏⵜ ⴳ ⵓⵎⴰⴹⴰⵍ.
ⴰⴼⴰⴷ ⴰⴷ ⵉⵡⵀⵏ ⵓⴷⴰⴼ ⵏ ⵉⵄⵔⵔⵉⵎⵏ ⵉⵎⵖⵔⴰⴱⵉⵢⵏ ⴳ ⵉⴷⵖⴰⵔⵏ ⵏ ⵜⵡⵓⵔⵉ, ⵇⴰⴷ ⴰⵡⵏ ⵏⴼⴽ ⴽⵉⴳⴰⵏ ⵏ ⵉⵙⵉⵜⵏ ⵉⵍⵉⴽⵜⵔⵓⵏⵉⵢⵏ ⵏⵏⴰ ⴳ ⵇⴰⴷ ⵜⵉⵖⵉⵢⵎ ⴰⴷ ⵜⵙⵎⵏⵉⴷⵎ ⴰⵙⴷⴰⵡ ⵏ ⵜⵓⵜⵔⴰ ⵏⵏⴰ ⵥⴰⵕⵓⵏ ⵉⵥⵍⵉⵏ :