ⵉⴳⴳⴰ ⵍⴱⴰⵏⴽ ⵏ ⵓⵕⵓⴱⴱⴰ ⵉ ⵡⴰⵍⵍⴰⵙ ⵏ ⵜⵓⵚⴽⴰ ⴷ ⵜⴳⵎⵉ ⴰⴳⵔⴰⵡ ⵏⵏⵙ ⴰⵎⴰⵜⴰⵢ ⴷⵉ ⵎⵕⵕⴰⴽⵛ (ⵍⵉⵣⴰⵏⵙⴱⵉⵔⴰⵙⵢⵓⵏ ⵉⴽⵓ)

ⵎⵎⴳⵔⴰⵡⵏ ⵉⴳⵏⵙⴰⵙ ⵏ 73 ⵏ ⵜⵎⵓⵔⵜ ⴷ ⵉⵏⴱⵣⴰⵔⵏ ⵉⵎⵔⵙⴰⵍⵏ ⴳ ⵍⴱⴰⵏⴽ ⵏ ⵓⵕⵓⴱⴱⴰ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⴷ ⵜⴳⵎⵉ, ⴳ ⵜⵉⵣⵉ ⵏ ⴳⵔ 10 ⴷ12 ⵎⴰⵢⵢⵓ ⴳ ⵏⵍⵍⴰ ⴷⵉ ⵎⵕⵕⴰⴽⵛ, ⵙ ⵓⵣⵎⵓⵣⵣⵓ ⵏ ⵜⵉⴳⴳⵉ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵔⵙⵍⵜ ⴰⴷ. ⴷ ⵉⵙⵙⵓⴽⵣ ⵍⴱⴰⵏⴽ ⴳ ⵓⵙⵉⵡⴹ ⵉⴼⵙⵔⵏ, ⵉⴹⵍⵍⵉ ⵏ ⵓⴽⵡⴰⵙ, ⵎⴰⵙ ⴷ ⴰⵜⵜⴰⵢⵏ ⵏ 1500 ⵏ ⵡⵓⴷⵎ ⵉⴷⴷⴰ ⴰⴷ ⴷ ⴳⴳⵣⵏ ⴳ ⵎⵕⵕⴰⴽⵛ ⵃⵎⴰ ⴷⵔⵓⵏ ⴳ ⵓⴳⵔⴰⵡ ⴰⵎⴰⵜⴰⵢ ⴰⵙⴳⵯⵙⴰⵏ, ⴷ ⵣⵎⵎⴰⵔⵏ ⵡⵏⵏⵉⴹⵏ ⴰⴷ ⴷⵔⵓⵏ ⴳ ⵜⵖⵉⵎⵉⵜⵉ ⵜⵓⴷⵔⴰⵜⵉⵏ. ⴷ ⵓⵢⵏⵏⴰ ⵉⴱⴷⵔ ⵏⵏⵉⴽ ⵓⵙⴰⴳⵎ, ⴱⵍⵍⵉ ⴰⵢⴷⴷⵖ ⵏ ⵜⵎⵙⴰⵔⵜ ⵜⴷⴷⴰ ⴰⴷ ⵜⴳ ⴰⴳⵔⴰⵡ ⴰⵎⵣⵡⴰⵔⵓ ⵏ ⵜⵉⵀⴰⵡⵜ ⵉ ⵍⴱⴰⵏⴽ ⵏ ⵓⵕⵓⴱⴱⴰ ⵏ ⵡⴰⵍⵍⴰⵙ ⵏ ⵓⵚⴽⵓ ⴷ ⵜⴳⵎⵉ ⵙⴳ ⵙⴰⵔⴰⵢⵉⴱⵓ 2019, ⴰⵛⴽⵓ ⵉⵙⴱⵣⵣⴻⵣ ⵓⴱⴰⵢⵢⵓⵕ ⵏ “ⴽⵓⴼⵉⴷ-19” ⴰⵙⵏⵎⴰⵍⴰ ⵏ ⵎⴰⵕⵕⴰ ⵉⵎⵓⵙⵙⵓⵜⵏ ⴳ ⵉⵙⴳⴳⵯⴰⵙⵏ ⵏ 2020 ⴷ 0221 ⵙ ⵜⵍⵖⴰ ⵏ ⵜⵓⴳⴳⵓⴳⵜ.

ⵍⴼⵓⵚⴼⴰⵟ ⴷ ⵜⵙⵓⴼⵖⵉⵏ ⵏⵏⵙ.. ⴰⵜⵉⴳ ⵏ ⵉⵙⵉⴼⴹⵏ ⴰⵜⵜⵓⵢⵏ ⴰⵔ ⵜⵉⴳⵉⵔⴰ ⵏ ⵎⴰⵕⵚ 2022 (ⵍⵓⴱⵉⵏⵢⵓⵏ)

ⵢⵓⵡⵉ ⴷ ⵓⵙⵉⵔⴰ ⵏ ⵓⵖⵣⴰⴷ ⵎⴰⵙ ⴰⵜⵜⵓⵢⵏ ⵉⵙⵉⴼⴹⵏ ⵏ ⵍⴼⵓⵙⴼⴰⵟ ⴷ ⵜⵙⵓⴼⵖⵉⵏ ⵏⵏⵙ ⴰⵡⴹ ⵖⵔ 24,54 ⵎⵍⵢⴰⵕ ⴷⵔⵀⵎ ⴰⵔ ⵜⵉⴳⵉⵔⴰ ⵏ ⵎⴰⵕⵚ, ⵎⴳⴰⵍ 13.43 ⵎⵍⵢⴰⵕ ⴷⵔⵀⵎ ⴳ ⵣⵓⵏ ⴷ ⵜⵉⵣⵉ ⴰⴷ ⴰⵙⴳⴳⵯⴰⵙ ⵉⵣⵔⵉⵏ. ⴷ ⵉⵙⵙⵓⴽⵣ ⵓⵙⵉⵔⴰ, ⴳ ⵜⵥⵕⴳⵜ ⵏⵏⵙ ⵏ ⵡⴰⵢⵢⵓⵔ, ⵜⴰⵏⴳⴳⴰⵔⵓⵜ ⵉⵥⵍⵉⵏ ⵙ ⵜⵎⴰⵜⴰⵔⵉⵏ ⵏ ⵉⵙⵏⴼⵍⵏ ⵏ ⴱⵕⵕⴰ, ⵎⴰⵙ ⴷ ⵜⵓⵜⵜⵓⵢⵜ ⴰⴷ ⵍⴰ ⵉⵜⵜⴰⵖⵓⵍ ⵖⵔ ⵜⴳⵎⵉ ⵏ ⵜⵎⵣⵏⵣⵓⵜⵉⵏ ⵏ ⵉⵎⴰⵣⵉⵔⵏ ⵉⴳⴰⵎⴰⵏⵏ ⴷ ⵉⴽⵉⵎⴰⵡⵉⵢⵏ (+7,75 ⵎⵍⵢⴰⵕ ⴷⵔⵀⵎ) ⵢⴰⵖⵓⵍⵏ ⵖⵔ ⵜⵓⵜⵜⵓⵢⵜ ⵏ ⵏ ⵓⵏⴰⵖⵉⵣ ⵏ ⵡⴰⵜⵉⴳ ⵍⵍⵉ ⵢⵓⴳⴰⵏ (7.319 ⴷⵔⵀⵎ/ ⵟⵟⵓⵏ ⵜⵉⴳⵉⵔⴰ ⵏ ⵎⴰⵕⵚ 2022 ⵎⴳⴰⵍ 3.116 ⵏ ⴷⵔⵀⵎ /ⵟⵟⵓⵏ ⵖⴰⵙ ⴷⴳ ⵜⵉⴳⵉⵔⴰ ⵏ ⵎⴰⵕⵚ2021). ⵙ ⵓⵎⵙⴰⴷⵖ ⴷ ⵎⴰⵢⴰⵏⵏ, ⵉⵔⵏⴰ ⵓⵙⴰⴳⵎ, ⵉⵏⵏⴰ ⵜⵉⵎⵣⵏⵣⵓⵜⵉⵏ ⵏ ⵢⵉⴳⵔ ⵏ ⵜⵢⵔⵣⴰ ⴷ ⵜⵎⴳⵓⵔⵉ ⵏ ⵡⵓⵜⵛⵉ ⵓⵡⴹⵏⵜ 24.37 ⵎⵍⵢⴰⵕ ⴷⵔⵀⵎ ⵖⵓⵔ ⵜⵉⴳⵉⵔⴰ ⵏ ⵎⴰⵕⵚ ⵉⵣⵔⵉⵏ, ⵎⴳⴰⵍ 21.20 ⵎⵍⵢⴰⵕ ⴷⵔⵀⵎ ⴳ ⵣⵓⵏ ⴷ ⵜⵉⵣⵉ ⴰⴷ ⵏ ⵓⵙⴳⴳⵯⴰⵙ ⵉⵄⴷⴰⵏ ⵙ ⵎⵉⵏ ⵉⵜⵜⴳⵏ ⵜⴰⵎⵔⵏⵉⵡⵜ ⵏ 14.9 ⵜⵉⴳⵎⵉⴹⵉ.

ⵉⵊⴳⵉⵍ  ⵏ  ⵓⴳⴳⴰⵎⵎⵉ ⴰⵙⵖⵏⵣⵉ ⵙ 42.9 ⵜⵉⴳⵎⵉⴹⵉ ⴰⵔ ⵜⵉⴳⵉⵔⴰ ⵏ ⵎⴰⵕⵚ 2022 (ⵍⴱⴰⵢⴰⵏ)

ⵢⵓⵡⵉ ⴷ ⵓⵙⵉⵔⴰ ⵏ ⵓⵖⴷⴰⵣ ⵎⴰⵙ ⵉⵣⵎⵎⴻⵎ ⵓⴳⴳⴰⵎⵎⵉ ⵏ ⵓⵙⵖⵏⵣⵉ ⵉⵊⴳⵉⵍ ⵙ 42.9 ⵜⵉⴳⵎⵉⴹⵉ ⴰⵔ ⵜⵉⴳⵉⵔⴰ ⵏ ⵎⴰⵕⵚ ⵉⵣⵔⵉⵏ ⵙ ⵓⵣⵏⵏⵎⵣⵍ ⴰⴽⴷ ⵜⵉⵣⵉ ⴰⵎ ⵜⴰ ⴰⵙⴳⴳⵯⴰⵙ ⵏ 2021 ⵉⴱⴷⴷ ⵖⵔ ⵓⵏⵇⵙⵉ ⵏ 65.57 ⵎⵍⵢⴰⵕ ⴷⵔⵀⵎ. ⴷ ⵉⵙⵙⵓⴽⵣ ⵓⵙⵉⵔⴰ, ⴳ ⵜⵥⵕⵉⴳⵜ ⵏⵏⵙ ⵜⴰⵏⴳⴳⴰⵔⵓⵜ ⵅⴼ ⵜⵎⴰⵜⴰⵔⵉⵏ ⵏ ⵡⴰⵢⵢⵓⵔ ⵏ ⵜⵙⴱⴱⴰⴱⵜ ⵏ ⴱⵕⵕⴰ ⵉⵇⵇⵏ ⵖⵔ ⵡⴰⵢⵢⵓⵔ ⵏ ⵎⴰⵕⵚ, ⵎⴰⵙ ⵉⵙⵉⴼⴹⵏ ⵓⵡⴹⵏ ⵖⵔ 165.55 ⵎⵍⵢⴰⵕ ⵏⴷⵔⵀⵎ ⴳ ⴽⵕⴰⴹ ⵡⴰⵢⵢⵓⵔⵏ ⵉⵎⵣⵡⵓⵔⴰ ⵏ ⵓⵙⴳⴳⵯⴰⵙ ⴰⴷ ⴳ ⵏⵍⵍⴰ ⵎⴳⴰⵍ 123.42 ⵎⵍⵢⴰⵕ ⴷⵔⵀⵎ ⴳ ⵜⵉⴳⵉⵔⴰ ⵏ ⵡⴰⵢⵢⵓⵔ ⵏ ⵎⴰⵕⵚ ⵉⵣⵔⵉⵏ ⵎⴳⴰⵍ 77.52 ⵎⵍⵢⴰⵕ ⴷⵔⵀⵎ ⴳ ⵓⵙⴳⴳⵯⴰⵙ ⵏ 2021.

ⴰⵖⴰⵡⴰⵙ ⴰⵎⵖⵔⴱⵉ ⵏ ⵓⵏⴱⴰⴹ ⴰⵢⵉⵎⴰⵏ  ⵖⴰⵙ ⵏⵜⵜⴰ ⴰⵢⴷ  ⵉⴳⴰⵏ  ⵜⴰⵙⵉⵍⴰ ⵏ ⵓⵙⴷⵓⵙ ⵏ ⵓⴼⵔⴰ ⴷ ⵜⴳⵎⵉ ⴳ ⵜⵏⵣⵔⵓⴼⵜ (ⵍⵉⴱⵉⵕⴰⵙⵢⵓⵏ)

ⵉⵙⵙⵍⴽⵏ ⵓⵎⵓⵣⴰⵢ ⵏ ⵛⵛⵉⵍⵉ ⴳ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵜⴰⴳⵔⴰⵖⵍⴰⵏⵜ ⵏ “ⴰⴼⵔⵉⴽⴰ ⵍⴰⵜⵉⵏⴰ”, ⴰⵏⵟⵓⵏⵢⵓ ⵢⵍⴱⵉ ⴰⴳⵉⵍⴰⵔ, ⵎⴰⵙ ⴷ ⴰⵖⴰⵡⴰⵙ ⴰⵎⵖⵔⴱⵉ ⵏ ⵓⵏⴱⴰⴹ ⴰⵢⵉⵎⴰⵏ ⴳ ⵜⵏⵣⵔⵓⴼⵜ  ⵖⴰⵙ ⵏⵜⵜⴰ ⴰⵢⴷ ⵉⴳⴰⵏ ⵜⴰⵙⵉⵍⴰ ⵏ ⵓⵙⴷⵓⵙ ⵏ ⵓⴼⵔⴰ ⴷ ⵜⴳⵎⵉ ⴳ ⵜⵎⵏⴰⴹⵜ. ⴷ ⵉⵏⵏⴰ ⵓⵎⵓⵣⴰⵢ ⵏ ⵛⵛⵉⵍⵉ ⴳ ⵉⴷⵉⵙ ⵏ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵏⴰⵎⵓⵏ ⴰⵎⴰⴹⵍⴰⵏ  ⵡⵉⵙⵙ 15 ⴳ ⵍⵎⵉⴽⵙⵉⴽ, ⴱⵍⵍⵉ “ ⵜⵉⵍⴰⵡⵜ ⵜⴰⵙⵔⵜⴰⵏⵜ ⴷ ⵜⵎⴰⵙⵙⴰⵏⵜ ⴰⵙⵙⴰ ⵉⵙⵙⵍⴽⵏ ⵎⴰⵙ ⴷ ⴰⵖⴰⵡⴰⵙ  ⵏ ⵓⵏⴱⴰⴹ ⴰⵢⵉⵎⴰⵏ ⵍⵍⵉ ⵜⴼⴽⴰ ⵕⵕⴱⴰⵟ  ⵉⴳⴰ ⴰⵙⴰⵜⵉ ⴰⴷⵙⵍⴰⵏ ⵓⵔ ⵉⵍⵉⵏ ⴰⵏⴰⵡ ⴷ ⵢⵓⴷⴰ ⴰⴷ ⵢⵉⵍⵉ ⵓⴼⵙⵙⴰⵢ ⴰⵏⴳⴳⴰⵔⵓ ⵉ ⵓⵎⵏⵣⴰⵖ ⵉⵜⵜⵡⴰⴳⵏ ⵅⴼ ⵜⵏⵣⵔⵓⴼⵜ, ⴷ ⵓⵙⵓⴳⵔ ⵏ ⵜⴳⵎⵉ ⴷ ⵓⵙⴱⵓⵖⵍⵓ ⵏ ⵉⵎⵣⴷⴰⵖⵏ ⵏⵏⵙ”. ⴷ ⵉⵏⵏⴰ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵜⵙⴷⴷⵔⴼ ⵜⴰⵎⵀⵍⵜ ⵏ ⵜⴳⵎⵉ ⴳ ⵜⵙⴳⴳⵯⵉⵏ ⵏ ⵉⴼⴼⵓⵙ ⵏⵏⵙ, ⴷ ⵜⵙⵙⵓⴷⴰ ⵖⵉⵍⴰⴷ ⴳ ⵓⵙⴱⴷⴷⵉ ⵏ  ⵓⵖⴰⵡⴰⵙ ⵏⵏⵙ ⵏ ⵓⵏⴱⴰⴹ ⴰⵢⵉⵎⴰⵏ ⴷⴳ ⵜⵉⵍⴰⵡⵜ, ⵙ ⵢⵉⵡⴹ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⴱⵍⴰ ⵏ ⵉⵙⴰⵡⵔⵏ ⵉⴽⵙⵡⴰⵜⵏ ⴳ ⵜⵎⴷⵉⵏⵉⵏ  ⵣⵓⵏ ⴷ ⴷⴷⴰⵅⵍⴰ ⴷ ⵍⵄⵢⵓⵏ.

ⵜⵎⵎⴳⵔⴰⵡ ⵜⵙⵇⵇⴰⵎⵓⵜ ⵉⵛⵛⴰⵔⵏ ⵜⴰⵎⵖⵉⵔⵉⴱⵜ- ⵜⴰⵚⴱⵍⵢⵓⵏⵉⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵀⵍⵜ ⵏ ⵡⵓⴱⵓⵢ ⵏ ⵉⵡⵜⵜⴰ ⵏ 2022 (ⵍⵉⴽⵓⵏⵓⵎⵉⵙⵜ)

ⵜⴳⴰ ⵜⵙⵇⵇⴰⵎⵓⵜ ⵉⵛⵛⴰⵔⵏ ⵜⴰⵎⵖⵔⴱⵉⵜ – ⵜⴰⵚⴱⵍⵢⵓⵏⵉⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵀⵍⵜ ⵏ ⵡⵓⴱⵓⵢ ⵏ ⵉⵡⵜⵜⴰ, ⴰⵙⵙⵏⵏⴰⵟ ⵏ ⵓⴽⵡⴰⵙ ⴳ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵜⵏⵙⵙⵉⵅⴼⵜ ⵜⴰⵎⴷⵔⴰⵡⵜ ⵏ ⵎⴰⵙⵙ ⵅⴰⵍⵉⴷ ⵥⵥⵕⵡⴰⵍⵉ, ⵍⵡⴰⵍⵉ ⴰⵏⵎⵀⴰⵍ ⵏ ⵓⵣⵡⴰⴳ ⴷ ⵜⵎⵓⵜⵔⵜ ⵏ ⵉⵡⵜⵜⴰ, ⴷ ⵎⴰⵙⵙⴰ ⵉⵥⴰⴱⵉⵍ ⴳⵢⵓⴽⵢⵓⵜⵛⵉⵢⴰ ⴰⵕⴰⵏⴳⵡⵉⵏ, ⵜⴰⵎⴰⵔⵉⵜ ⵏ ⵓⵎⴰⵔⵉ ⵏ ⵓⵡⴰⵏⴽ ⴳ ⵜⵎⴰⵡⴰⵙⵜ ⵜⴰⴳⵯⵏⵙⴰⵏⵜ. ⴷ ⵉⵏⵏⴰ ⵓⵍⵖⵓ ⴰⵎⴷⵔⴰⵡ ⵉⴼⴼⵖⵏ ⴳ ⵓⴳⵔⴰⵡ ⵏ ⵜⵙⵇⵇⴰⵎⵓⵜ ⵉⵛⵛⴰⵔⵏ, ⵎⴰⵙ ⴷ ⴰⴳⵔⴰⵡ ⴰⴷ ⵢⵓⵙ ⴷ ⴳ ⵓⵙⴰⵜⵉ ⵏ ⵜⵉⴳⴳⵉ ⵏ ⵜⴽⴰⵕⴹⴰ ⵏ ⵜⵖⴰⵔⴰⵙⵜ ⵍⵍⵉ ⵉⵙⵔⵙ ⴳ ⵓⵔⵣⴰⴼ ⵏⵏⴰ ⵉⴳⴰ ⵎⴰⵙⵙ ⴱⵉⴷⵔⵓ ⵙⴰⵏⵛⵉⵣ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵚⴱⵍⵢⵓⵏⵉⵜ, ⵖⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵉⴱⵔⵉⵔ 2022. ⵉⵔⵏⵉ ⵓⵙⴰⴳⵎ ⵉⵏⵏⴰ ⵎⴰⵙ ⴷ ⵉⵎⴷⴰⴽⴰⵕⵏ ⴱⴷⴷⴰⵏ ⵅⴼ  ⵉⵙⵏⵎⴰⵍⴰⵢⵏ ⵉⵎⵙⴽⵉⵔⵏ ⵍⵍⵉ ⵙⵔⵙⵏ ⵙ ⵙⵉⵏ, ⵣⵓⵏ ⴷ ⵜⵉⵍⵍⵉ ⵓⵜⵜⵓⵙⵖⵣⵏ ⴳ 2019 ⵜⵜⴰⴼ ⴰⴷ ⵙⵙⵓⴳⵓⵔⵏ ⵜⵉⴳⴳⵉ ⵏ ⵜⵎⵀⵍⵜ ⵏ ⵡⵓⴱⵓⵢ ⵏ ⵉⵡⵜⵜⴰ 2022 ⴳ ⵡⴰⴷⴷⴰⴷ ⵉⵖⵓⴷⴰⵏ.

ⵜⴳⴳⵣ ⵜⴰⵔⵡⵓⵔⵉ ⴳ ⵉⵎⵉⵔ ⴰⵎⵣⵡⴰⵔⵓ ⵏ ⵓⵙⴳⴳⵯⴰⵙ ⵏ 2022 (ⵓⵊⵓⵔⴷⵡⵉ ⵍⵓⵎⴰⵕⵓⴽ)

ⵜⵓⴼⴰ ⵏⵏ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵓⵙⵖⵉⵡⵙ ⵜⴰⵎⴰⵜⵜⴰⵢⵜ ⵎⴰⵙ ⵉⴳⴳⵣ ⵡⵓⵟⵟⵓⵏ ⵏ ⵜⴰⵔⵡⵓⵔⵉ ⵙ 0.4 ⵏ ⵜⵏⵇⵇⵉⴹⵜ ⵏⴳⵔ ⵉⵎⵉⵔ ⴰⵎⵣⵡⴰⵔⵓ ⵏ 2021 ⴰⵎ ⵉⵎⵉⵔ ⴰⴷ ⵏ 2022, ⵉⵎⵎⴰⵜⵜⵉ ⵙⴳ 12.,5% ⵖⵔ 12,1%. ⴷ ⵜⵏⵏⴰ ⵜⵙⵎⵉⵔⵉⵜ, ⴳ ⵜⵎⵙⵙⴽⵜⵉⵜ ⵏⵏⵙ ⵜⴰⵏⵖⵎⴰⵙⵜ ⵉⴳⴳⵔⴰⵏ ⵅⴼ ⵓⵙⵓⵔⵙ ⵏ ⵓⴳⴰⴷⴰⵣ ⵏ ⵜⵡⵓⵔⵉ ⴳ ⵉⵎⵉⵔ ⴰⵎⵣⵡⴰⵔⵓ ⵏ ⵓⵙⴳⴳⵯⴰⵙⵏ 2022, ⴱⵍⵍⵉ ⴰⴱⵕⵕⵎ ⴰⴷ ⵉⵣⵎⵎⴻⵎ ⵅⴼ ⵓⵙⵡⵉⵔ ⵏ ⵎⴰⵕⵕⴰ ⵜⵉⵎⵏⴰⴹⵉⵏ ⵜⵉⴼⴰⵔⴰⵏⵉⵏ ⴷ ⵜⵖⵔⵎⴰⵏⵉⵏ, ⵉⴷⴷⵖ ⵉⴳⴳⵣ ⵙ ⴷⵔⵓⵖ ⴷ 5.3% ⵖⵔ 5,1% ⴷ ⵙⴳ 17,1% ⵖⵔ 16,3%. ⴷ ⵜⴼⵔⵔⵣ ⵜⵎⵙⵙⴽⵜⵉⵜ ⴰⵍⵜⵓ ⵎⴰⵙ ⴷ ⵓⵟⵟⵓⵏ ⵏ ⵉⴷ ⵡⴰⵔⵡⵓⵔⵉ ⵉⴳⴳⵣ ⵙ 68,000 ⵏ ⵢⴰⵏ ⵏⴳⵔ ⵉⵎⵉⵔ ⴰⵎⵣⵡⴰⵔⵓ ⵏ ⵓⵙⴳⴳⵯⴰⵙ ⵏ 2022, ⵎⵉⵏⵣⵉ ⵉⵎⵎⵓⵜⵉ ⵣⵉ 1.534.000 ⵖⵔ 1.466.000 ⵏ ⵡⴰⵔⵡⵓⵔⵉ, ⵙ ⵡⵓⴳⵓⵣ ⵏ 52.000 ⴳ ⵜⵎⵏⴰⴹⵉⵏ ⵜⵉⵖⵔⵎⴰⵏⵉⵏ  ⴷ 16.000 ⴳ ⵜⵎⵏⴰⴹⵉⵏ ⵜⵉⴼⴰⵔⴰⵏⵉⵏ.

ⴰⵕⵥⵥⵓⵎ ⵏ ⵜⵙⵇⵇⵎⵓⵜ ⵜⴰⴱⵍⵊⵉⴽⵉⵢⵜ ⵉ ⵡⴰⵏⵏⴰⵍ ⵏ ⵓⵖⴰⵡⴰⵙ ⴰⵎⵖⵔⴱⵉ ⵏ ⵓⵏⴱⴰⴹ ⴰⵢⵉⵎⴰⵏ ⴳ ⵜⵏⵣⵔⵓⴼⵜ (ⵎⴰⵕⵓⴽ ⵍⵓⵊⵓⵕ)

ⵜⴳⴰ ⵢⴰⵜ ⵜⴳⵔⵓⵎⵎⴰ ⵏ ⵡⵓⴷⵎⴰⵡⵏ ⵉⴱⵍⵊⵉⴽⵉⵢⵏ ⵉⵎⵏⴰⵡⴰⵢⵏ, ⴳ ⴱⵔⵓⴽⵙⵉⵍ ⵉⴳⴰⵏ ⵜⴰⵎⴰⵥⵓⵏⵜ ⵏ ⵓⵕⵓⴱⴱⴰ, ⵜⴰⵙⵏⵜⴰⵢⵜ ⵏ ⵓⵕⵥⵥⵓⵎ ⵏ ⵢⴰⵜ ⵜⴱⴰⴷⵓⵜ ⵉ ⵡⴰⵏⵏⴰⵍ ⵏ ⵓⵖⴰⵡⴰⵙ ⴰⵎⵖⵔⴱⵉ ⵏ ⵓⵏⴱⴰⴹ ⴰⵢⵉⵎⴰⵏ ⴳ ⵜⵏⵣⵔⵓⴼⵜ. ⵉⵜⵜⵓⴳ ⵓⵙⵎⵏⵉⴷ ⵏ “ⵜⴰⵙⵇⵇⵉⵎⵜ ⵜⴰⴱⵍⵊⵉⴽⵉⵢⵜ ⵉ ⵡⴰⵏⵏⴰⵍ ⵏ ⵓⵏⴱⴰⴹ ⴰⵢⵉⵎⴰⵏⴳ ⵜⵎⵏⴰⴹⵜ ⵏ ⵜⵏⵣⵔⵓⴼⵜ”, ⵉ ⵜⵏⵖⵎⴰⵙⵜ ⵏ ⴱⵍⵊⵉⴽⴰ, ⵜⴰⵡⵕⵓⴱⴱⵉⵢⵜ ⵜⴰⴳⵔⴰⵖⵍⴰⵏⵜ, ⵉⴹⵍⵍⵉ ⵏ ⵓⴽⵡⴰⵙ ⴳ “ⴰⵙⴳⵔⴰⵡ ⵏ ⵜⵏⵖⵎⴰⵙⵜ ⴳ ⴱⵔⵓⴽⵙⵉⵍ -ⵓⵕⵓⴱⴱⴰ”,  ⵙ ⵢⵉⵍⵉ ⵏ ⵜⴷⵖⵔⵜ ⵏ ⵡⵓⴷⵎⴰⵡⵏ ⵉⵙⵔⵜⴰⵏⵏ, ⵉⴱⵕⵍⴰⵎⴰⵏⵉⵢⵏ, ⵉⵎⵓⵣⴰⵢⵏ, ⵉⴳⴰⴷⵉⵎⵉⵢⵏ, ⵉⵎⴰⵣⵣⴰⵍⵏ ⵉⴷⴰⵎⵙⴰⵏⵏ ⴷ ⵉⵙⵔⵜⴰⵏⵏ, ⵜⵎⵙⴽⴰⵔⵉⵏ ⵜⵉⵎⵙⵎⵓⵏⵉⵏ ⵢⴰⵎⵓⵏ ⴳ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴷ ⵉⴷⵉⴱⵍⵓⵎⴰⵙⵉⵢⵏ. ⵙ ⵎⵉⵏ ⵅⴼ ⴷ ⵓⵡⵉⵏ ⵉⴷ ⴱⴰⴱ ⵏ ⵜⵙⵏⴰⵜⵢⵜ, ⵜⴰⵏⴳⴳⴰⵔⵓⵜ ⴰⴷ ⴷⴰ ⵜⵜⵎⴰⵖ ⵅⴼ ⵡⴰⵏⵏⴰⵍ ⵏ ⵓⵙⴷⴷⵉ ⴰⵎⵜⵜⵉ ⵉⵡⵜⵜⴰⵙⵏ ⴰⵙⵏⵓⴱⴱⵛ ⴳ ⵓⴼⵙⵙⴰⵢ ⴰⵙⵔⵜⴰⵏ ⵏ ⵓⵎⵏⵖⴰⵣ ⵅⴼ ⵜⵏⵣⵔⵓⴼⵜ ⴳ ⵜⵎⵏⴰⴹⵜ “ ⵜⴰⵙⵜⵕⴰⵜⵉⵊⵉⵢⵜ” ⵉ ⴱⵍⵊⵉⴽⴰ ⴷ ⵓⵕⵓⴱⴱⴰ, ⴰⴽⴷ ⵜⴽⴰⵢⵍⴰⵍⵜ ⵉⴳⴰⵏ ⵜⴰⴱⵔⴰⵜ ⵏ ⵓⴼⵔⴰ.

ⵜⴰⴳⵯⵏⵙⴰⵏⵜ, ⵜⴻⵜⵜⴰⵡⵙ ⵜⵓⴳⴳⴰⵙ ⵏ ⵓⵣⵎⵎⴻⵎ ⵏ ⵉⵎⵓⴽⵏⴰⵏ ⵏ ⵜⵏⵉⴹⵉ ⴳ ⵡⴰⵔⵔⴰ ⵏ ⴰⵏⴰⵎⵓⵔ(ⴱⵍⵉⵜⵜⵉⵃⴰⴷ ⵍⵉⵛⵜⵉⵕⴰⴽⵉ)

ⵜⴻⵜⵜⵔ ⵜⵎⴰⵡⴰⵙⵜ ⵏ ⵓⴳⵯⵏⵙ ⵙⴳ ⵍⵡⵓⵍⴰⵜ ⵏ ⵜⵎⵏⴰⴹⵉⵏ ⴷ ⵉⵏⴱⴱⴰⴹⵏ ⵏ ⵜⵎⵏⴱⴰⴹ ⴷ ⵜⵙⴳⴳⵯⵉⵏ ⵏ ⵜⴳⵍⴷⵉⵜ ⴰⴷ ⴳⵏ ⵜⵉⵣⵎⵎⴰⵔ ⵉⵍⴰⵇⵏ ⴳ ⵢⵉⵡⵙ ⵏ ⵜⵎⴰⵡⴰⵙⵜ ⵏ ⵜⵎⴰⵔⵔⴰⵢⵜ ⴷ ⵜⵎⴳⵓⵔⵉ ⵜⵉⵏⵉⴹⵉ ⴷ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵜⵎⵢⴰⵡⴰⵙⵜ ⵜⵜⴰⴼ ⴰⴷ ⵉⵎⵙⴰⵙⴰ ⴷ ⵜⵎⵀⵍⵉⵏ ⵏ ⵓⵣⵎⵎⴻⵎ ⵏ ⵉⵎⵓⴽⵏⴰⵏ ⵏ ⵜⵏⵉⴹⵉ ⴳ ⵡⴰⵔⵔⴰ ⴰⵏⴰⵎⵓⵔ ⵏ ⵜⵎⴳⵓⵔⵉ ⵜⵉⵏⵉⴹⵉⵜ ⴰⴼⴰⴷ ⴰⴷ ⵉⵖⵉⵢⵏ ⴰⴷ ⵙⵙⴱⵖⵔⵏ ⵙⴳ ⵓⵏⴳⵔⴰⵡ ⵏ ⵜⵖⴰⵎⵓⵙⵜ. ⴷ ⵉⵙⵡⴰⵍⴰ ⵓⵎⴰⵡⵙⴰⵙ ⵏ ⵓⴳⵏⵙ ⵜⵉⵏⵎⵎⴰⵍⵉⵏ ⵜⵉⵎⴰⵢⵏⵓⵜⵉⵏ ⵖⵔ ⵛⵉⴳⴰⵏ ⵏ ⵉⴳⵏⵙⴰⵙ ⵏ ⵜⵎⵙⵙⵓⴳⴰⵔ ⵜⵉⵏⵎⵏⴰⴹⵉⵏ ⵅⴼ ⵜⴰⵖⵣⵉ ⵏ ⵜⴳⵔⴰⴽⴰⵍⵜ ⵏ ⵍⵎⵖⵔⵉⴱ ⵉ ⵢⵉⵡⵙ ⵏ ⵓⵙⴰⵡⵔ ⵏ ⵡⴰⵔⵔⴰ ⴰⵏⴰⵎⵓⵔ ⵏ ⵜⵎⴳⵓⵔⵉ ⵜⵉⵏⵉⴹⵉ  ⴷ ⵓⵙⴼⵍⵙ ⴰⵏⴱⵣⴰⵣ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ ⴳ ⵢⵉⴳⵔ ⵏ ⵜⵏⵉⴹⵉ , ⵜⵙⵙⵉⴽⵣ ⵎⴰⵙ ⴷ ⴳ ⵜⴹⴼⵓⵕⵉ ⵏ ⵜⵎⵢⴰⵇⵇⴰⵏⵉⵏ ⵉⵜⵜⵓⴳⵏ ⵣⵣⴰⵜ ⵓⵙⴽⵙⵡ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵉⴱⵔⵉⵔ 2021, ⵜⵙⵙⵓⴼⵖ ⵜⵏⴱⴰⴹⵜ ⵢⵉⵜⵙⵏ ⵉⴹⵕⵉⵚⵏ ⵓⵙⵏⵉⵙⵏ ⵣⵓⵏ ⴷ ⴰⵣⵔⴼ 50.17 ⴷ ⵓⵎⵕⵚⵓⵎ 2.21.1020 ⵉⴼⴼⵖⵏ ⴳ 4 ⵉⵏⵏⴰⵢⵔ 2022 ⵏ ⵜⵙⵏⵓⵙⵉ ⵏ ⵓⵣⵔⴼ ⵓⵟⵟⵓⵏ 98.15 ⴷ ⵓⵣⵔⴼ 99.15, ⵍⵍⵉ ⵉⵇⵇⵏ ⵖⵔ ⵉⵎⵓⴽⵏⴰⵏ ⵏ ⵜⵏⵉⴹⵉ ⵓⵔ ⵢⴰⵎⵓⵏ ⴳ ⵓⵏⴳⵔⴰⵡ ⵏ ⵓⴼⵕⵕⵓ ⴰⵣⵣⵓⵍⴰⵏ ⵉⵎⵓⵏⵏ ⴷ ⵓⵏⴳⵔⴰⵡ ⵓⵎⵙⵙⵏⵜⵉ ⴰⵢⵉⵎⴰⵏ ⴷⵓⵔ ⵉⵟⵟⵉⴼⵏ ⵜⴰⵙⵉⵟⵟⵏⵜ.

ⴰⵙⵏⴽⴷ ⵏ ⵜⵡⵓⵔⵉⵡⵉⵏ ⵏ ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⵟⵟⵏ  ⵏ ⵙⵉ ⵉⵙⴳⴳⵯⴰⵙⵏ 2019 ⴷ 2020 ⵣⵣⴰⵜ ⵍⴱⵕⵍⴰⵎⴰⵏ (ⴱⴰⵢⴰⵏ ⵍⵢⴰⵡⵎ)

ⵔⴰⴷ ⵉⵙⵖⵉⵎ ⵍⴱⵕⵍⴰⵎⵏ ⵙ ⵉⵙⵇⵇⵉⵎⵏ ⵏⵏⵙ ⵙ ⵙⵉⵏ, ⴰⵙⵙ ⵏ ⵓⴽⵕⴰⵙ ⴷ ⵉⴷⴷⴰⵏ, ⵜⵉⵖⵉⵎⵜ ⵜⴰⴳⴷⵓⴷⴰⵏⵜ ⵉⵎⵎⴷⵔⴰⵡⵏ ⵜⴻⵜⵜⵓⵥⵍⴰⵢ ⵉ ⵓⵙⵏⴽⴷ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴼⵍⵍⴰ ⵏ ⵓⵙⵉⵟⵟⵏⵏ ⴰⵙⴼⵙⵔ ⵅⴼ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴳ ⵓⵙⴳⴳⵯⴰⵙ ⵏ 2019 ⴷ 2020. ⴷ ⵉⵏⵏⴰ ⵓⴱⴰⵔⵉⵃ ⵉⵛⵛⴰⵔⵏ ⴰⵙⵇⵇⵉⵎ ⵏ ⵉⵏⵎⵓⵔⴰ ⴷ ⵉⵎⵛⵛⵉⵡⵕⵏ ⵎⴰⵙ ⵜⵉⵖⵉⵎⵜ ⴰⴷ, ⵍⵍⵉ ⵉⵎⵓⵏⵏ ⴰⵎ ⵎⵉⵏ ⵉⵍⵍⴰⵏ ⴷⴳ ⵓⵏⴱⴰⴹ ⵉⵎⵏⵏⵉ 148 ⵙⴳ ⴷⴷⵓⵙⵜⵓⵔ ⴷ ⵉⵙⴱⴷⴰⴷⵏ ⵉⵏⴳⵔⴰⵡⵏ ⴰⴳⵯⵏⵙⴰⵏ ⵏ ⵉⵙⵇⵇⵉⵎⵏ ⵙ ⵙⵉⵏ ⵖⵔ ⵉⵇⵇⵏ, ⵔⴰⴷ ⵉⴳⴳ ⴳ ⵜⵙⵔⴰⴳⵜ ⵜⵉⵙⵙ 11 ⵏ ⵜⵉⴼⴰⵡⵜ ⴳ ⵜⴷⴰⵍⴰ ⵜⴰⵅⴰⵜⴰⵔⵜ ⵏ ⵜⵉⵖⵉⵎⵉⵜⵉⵏ ⴳ ⵓⵙⵇⵇⵉⵎ ⵏ ⵉⵏⵎⵓⵔⴰ, ⵙ ⵓⵡⵇⵇⵔ ⵏ ⵜⵎⴳⴳⵉⵜⵉⵏ ⵏ ⵡⴰⵔⴰⵢ ⵉⵥⵍⵉⵏ ⵖⵔ ⵉⵎⵜⵜⵉⵡⵏ ⵏ ⵓⵙⵇⵇⵉⵎ ⴳ ⵓⵙⴽⴽⵉⵏ ⴰⴷ. ⴷ ⵉⵏⵏⴰ ⵓⴱⴰⵔⵉⵃ ⴰⴷ ⵙ ⵜⵉⴳⴳⵉ ⵏ ⵜⵖⵜⴰⵙⵜ ⵏ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴳ ⵜⵎⴳⴳⵉⵜⵉⵏ ⵏ ⵡⴰⵔⴰⵢⵏ ⴰⵎⴰⵢⵏⵓⵜⵏ ⵙ ⵓⴱⵣⵣⴻⵣ ⵏ ⵓⵙⵎⴰⵍ ⵏ ⵓⵎⵎⵣⵔⴰⵢ ⵏ ⵜⴳⵣⵣⴰⵢⵜ ⴳ ⵓⴽⵛⵛⵓⵏ ⵖⵔ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⴷ ⵜⵓⵙⵍⵉⴳⵉⵏ, ⵎⴰⵙ ⴷ ⵉⵍⵍⴰ ⵅⴼ ⵎⴰⵕⵕⴰ ⵉⴱⵕⵍⴰⵏⵉⵢⵏ ⴷ ⵉⵛⵛⵉⵡⵕⵏ ⴰⴷ ⵎⵍⵏ ⴰⵎⵣⵣⵔⴰⵢ ⴰⴷ.

ⵜⴰⴷⵎⵙⴰ ⵜⵎⵖⵔⴱⵉⵜ, ⵍⴰ ⵜⵙⵎⵓⵎⵎⵢ ⵙ ⵜⵓⵊⴳⵍⵜ ⵏ ⵜⴰⵔⵡⵉⵔⵉ ⴷ ⵓⴳⴳⴰⵎⵎⵉ ⵏ ⵜⵙⴱⴱⴰⴱⵜ ⵢⵓⵙⵙⴰⵏ (ⵍⴱⴰⵢⴰⵏ)

ⵜⵏⵏⴰ ⵜⵥⵕⵉⴳⵜ ⵏ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵓⵙⵖⵉⵡⵙ ⵎⴰⵙ ⵢⵓⵜⵜⵓⵢ ⵓⴳⴳⴰⵎⵎⵉ ⵏ ⵜⵙⴱⴱⴰⴱⵜ ⵙ 42.9 % ⵖⵔ 65.57 ⵎⵍⵢⴰⵕ ⴷⵔⵀⵎ, ⴷ ⵜⵎⵔⵏⵉⵡⵜ ⵏ ⵉⵙⴰⴷⴰⴼⵏ  ⵙ 34.1 % ⵖⵔ 165.55 ⵎⵍⵢⴰⵕ ⴷⵔⵀⵎ, ⴷ ⵉⵙⵉⴼⴹⵏ  ⵙ 29% ⵖⵔ 99.98 ⵎⵍⵢⴰⵕ ⴷⵔⵀⵎ. ⴷ ⵜⵏⵏⴰ ⴰⵡⴷ ⵜⵥⵕⵉⴳⵜ ⴰⴷ ⵎⴰⵙ ⵜⴰⴷⵎⵙⴰ ⵏ ⵍⵎⵖⵔⵉⴱ ⵜⵡⴹⴹⵕ 58.000 ⵏ ⵓⴼⵙⵏⴰ ⵏ ⵜⵡⵓⵔⵉ ⵏⴳⵔ ⵉⵎⵉⵔ ⴰⵎⵣⵡⵔⵓ ⵏ ⵓⵙⴳⴳⵯⵙ ⵏ 2021 ⴷ ⴰⵎ ⵜⵉⵣⵉ ⴰⴷ ⵏⵏⵉⴽ ⴳ 2022. ⴷ ⵉⵣⵎⵎⴻⵎ ⵡⵓⵟⵟⵓⵏ ⵏ ⵜⵖⴰⵎⵓⵙⵜ ⵉⵥⵔⴰⵏ ⵏ ⵙ24 ⵏ ⵜⵏⵇⵇⵉⴹⵜ ⵉⴱⴷⴷ ⵖⵓⵔ 60.4 % ⵎⴳⴰⵍ 62.8 ⴰⵔ ⵉⵙⵖⵥⴰⵏ ⵍⵎⵖⵔⵉⴱ ⵙ ⵜⴳⵎⵉⴹⵉ ⵢⵓⵜⵉⵏ 50 % ⵙⴳ ⵓⵙⵎⴰⵔ ⵏ ⵜⵔⵏⴰ ⵅⴼ ⵏⵏⵉⴼⵟ  ⴷ ⵉⴷⴷⵖ ⵓⵔ ⵉⴳⵉ ⴰⵡⵏⴽ ⵉⵙⵢⴰⴼⵓⵏ ⵏⵏⵉⴼⵟ ⴰⵢⵏⵏⴰⵖ ⴰⵙ ⴳⴰⵏⵜ ⵉⵙⴰⴷⵉⴼⵏ ⵏ ⵓⵎⵙⵙⵉⵖ ⵜⵉⴳⵎⵉⴹⵉ ⵉⵅⴰⵜⵔⵏ ⵙⴳ ⵉⵙⴰⴷⵓⴼⵏ, ⴷ ⴰⵔ ⵜⴰⵇⵍⴰⵢ ⵜⴳⵎⵉⴹⵉ ⵏⵏⴰ ⵙ ⵓⵢⵏⵏⴰ ⵙ ⵢⵓⵍⵉ ⵡⴰⵜⵉⴳ ⵏ ⵏⵏⴼⵟ ⴰⵎ ⵓⵢⵏⵏⴰ ⵉⴳⴰ ⵡⴰⴷⴷⴰⴷ ⴳ ⵓⵎⴰⴹⴰⵍ ⵖⵉⵍⴰⴷ. ⵎⴰⵛⴰⵏ ⵍⵎⵖⵔⵉⴱ ⴷ ⵜⴰⵎⵓⵔⵜ ⴷ ⵉⵙⵙⴽⵛⴰⵎⵏ ⵉⵎⵜⵜⵉⵡⵏ ⵏ ⵡⵓⵜⵛⵉ, ⵙⵍⴰⵡⵏ ⴰⴽⴽ ⵉⵔⴷⵏ, ⴰⵢⵏⴰⵖ ⴰⵙ ⵢⴰⵜⵜⵓⵢ ⵡⴰⵜⵉⴳ  ⵏ ⵢⵉⵔⴷⵏ, ⵙ ⵜⵓⵜⵜⵓⵢⵜ ⵏ ⵡⴰⵜⵉⴳ ⵏ ⵟⵟⵓⵏ ⵏ ⵓⵙⵏⴳⴰⵔ ⴷ ⵓⵚⴽⴽⴰⵕ, ⴷ ⴰⵢⵏⵏ ⴰⴷ ⵉⵔⵏⵉⵏ ⴳ ⵜⴼⴰⵜⵓⵔⵜ ⵏ ⵉⵙⴽⵛⴰⵎⵏ ⵏ ⵉⵎⵜⵜⴰⵡⵉⵏ ⵏ ⵡⵓⵜⵛⵉ ⵙ ⵜⴳⵎⵉⴹⵉ ⵏ 24.3 %.

ⴰⵄⴰⵢⴷ ⵖⵔ ⵓⵙⵡⵓⵔⵉ ⵙ ⵡⴰⴽⵓⴷ ⵏ (GMT+1) ⴳ ⵜⵙⵔⴰⴳⵜ ⵜⵉⵙⵙ ⵙⵏⴰⵜ ⵏ ⵜⵉⴼⴰⵡⵜ ⵙⴳ ⵡⴰⵙⵙ ⵓⵙⴰⵎⴰⵙ 8 ⵎⴰⵢⵢⵓ (ⵍⵢⴰⵡⵎ ⵍⵎⵖⵔⵉⴱⵉ)

ⴳ ⵓⵍⵖⵓ ⵏ ⵜⵎⴰⵡⴰⵙⵜ ⵏ ⵓⵎⵎⵓⵜⵢ ⴰⵎⵓⵟⵟⵓⵏ ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⵓⵔⵜ ⵜⵏⵏⴰ ⵎⴰⵙ ⵉⴷⴷⴰ ⴰⴷ ⵢⵉⵍⵉ ⵓⵄⴰⵢⴷ ⵖⵔ ⴰⵙⵡⵓⵔⵉ ⵙ ⵡⴰⴽⵓⴷ ⵏ (GMT+1), ⵙ ⵎⵔⵏⵉⵡⵜ ⵏ 60 ⵏ ⵜⵓⵙⴷⵉⴷⵜ ⵉ ⵜⵙⵔⴰⴳⵜ ⵜⴰⵣⵔⴼⴰⵏⵜ ⵏ ⵜⴳⵍⴷⵉⵜ ⵖⵓⵔ ⵢⵉⵡⴹ ⵏ ⵜⵙⵔⴰⴳⵜ ⵜⵉⵙⵙ ⵙⵏⴰⵜ ⵏ ⵜⵉⴼⴰⵡⵜ ⵏ ⵡⴰⵙⵙ ⵏ ⵓⵙⴰⵎⴰⵙ 8 ⵎⴰⵢⵢⵓ  2022. ⴷ ⵜⵙⵙⵓⴽⵣ ⵜⵎⴰⵡⴰⵙⵜ, ⴳ ⵓⵙⵉⵡⴹ ⵏⵏⵙ ⴰⵙⵙⵏⵏⴰⵟ ⵏ ⵓⴽⵡⴰⵙ, ⴱⵍⵍⵉ ⴰⴷⵡⴰⵍ ⵖⵔ ⵓⵙⵡⵓⵔⵉ ⵙ ⵡⴰⴽⵓⴷ ⴰⴷ ⵢⵓⵙ ⴷ ⵏⵏⵉⴽ ⵙ ⵎⵉⵏ ⴷ ⵉⴷⴷⴰⵏ ⴳ ⵉⵙⴱⴷⴰⴷⵏ ⵏ ⵜⵎⵜⵜⴰ ⵜⵉⵙⵙ ⵙⵏⴰⵜ ⵙⴳ ⵓⵎⵕⵚⵓⵎ ⵓⵟⵟⵓⵏ 2.18.855 ⵉⴼⴼⵖⵏ ⴳ 16 ⵚⴰⴼⴰⵕ 1440 (26ⴽⵜⵓⴱⵕ2018) ⵉⵇⵇⵏ ⴰⴽⴷ ⵜⵙⵔⴰⴳⵜ ⵜⴰⵣⵔⴼⴰⵏⵜ ⵏ ⵜⴳⵍⴷⵉⵜ.

ⵉⵍⴰ ⵍⵎⵖⵔⵉⴱ ⴰⵏⵙⴰ ⵉⵥⵍⵉⵏ ⴳ ⵜⵏⴳⵣⵉⵜ ⵏ ⵜⵏⴼⵔⵓⵜ ⵜⴰⵎⴰⴹⵍⴰⵏⵜ (ⵍⵢⴰⵡⵎ ⵍⵎⵖⵔⵉⴱⵉ)

ⵉⵏⵏⴰ ⵓⵎⵙⵇⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵟⵟⴰⵍⵢⴰⵏ, ⵢⵓⵙⴼ ⴱⵍⵍⴰ, ⵎⴰⵙ ⴷ ⵜⵉⴳⴳⵉ ⵏ ⵓⴳⵔⴰⵡ ⵏ ⵓⵎⵓⵍⵍⵉ ⵏ ⵓⵙⴱⴷⴷ ⵏ “ⴷⴰⵄⵉⵛ” ⴳ ⵍⵎⵖⵔⵉⴱ, ⵍⴰ ⵉⵎⵎⴰⵍ “ⴰⵏⵙⴰ ⵉⵖⵓⴷⴰⵏ ⵍⵍⵉ ⵜⵍⴰ ⵜⴳⵍⴷⵉⵜ ⴳ ⵜⵏⴳⵣⵉⵜ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵎⴰⴹⵍⴰⵏⵜ”. ⵉⵙⵙⵉⴽⵣ ⵓⴷⵉⴱⵍⵓⵎⴰⵙⵉ ⴰⵎⵖⵔⴱⵉ ⴳ ⵡⴰⵡⴰⵍ ⵏⵏⵙⵏ ⵉⴼⴽⴰ ⵉ ⵜⴽⵓⵢⴰⵙⵙⵜ “ⵉⵍ ⵊⵓⵕⵏⴰⵍⵉ” ⵜⴰⵟⵍⵢⴰⵏⵉⵜ, ⵉⴼⵙⵔⵏ ⵉⴹⵏⵏⴰⵟ, ⵎⴰⵙ ⴷ ⵜⴰⵎⵙⴰⵔⵜ ⴰⴷ ⵜⴰⵎⵢⴰⵙⵜ, ⵏⵏⴰ ⴳ ⵔⴰⴷ ⴷⵔⵓⵏ ⵡⵓⴳⴳⴰⵔ ⵏ 92 ⵏ ⵜⵎⵓⵔⵜ, ⵉⴷⴷⴰ ⴰⴷ ⵉⵙⵙⵉⵖ ⵜⵉⴼⴰⵡⵜ ⵅⴼ ⵡⴰⵏⵙⴰ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⴰⵎⴰⴹⵍⴰⵏ, ⴰⵛⴽⵓ ⵉⴳⴰ “ⴰⵎⵙⴽⵔ ⵏ ⵓⴼⵔⴰ ⴷ ⵜⵏⴼⵔⵓⵜ, ⵍⵓⵎⵏ ⴳ ⵉⴼⵔⵉⵇⵉⵢⴰ, ⴰⵛⴽⵓ ⴰⵔ ⵜⵜⵣⵢⴰⴷⵏ ⵉⴷⵖⴰⵔⵏ ⵏ ⵜⵡⵓⵛⵛⵏⵜ, ⴷ ⵓⴱⴽⴽⴰⴹ ⴰⵎⴷⴷⴰⵙ ⴷ ⵜⵏⴳⵉⵔⵜ”. ⴷ ⵉⵏⵏⴰ ⵎⴰⵙⵙ ⴱⵍⵍⴰ ⵎⴰⵙ ⴷ ⵍⵎⵖⵔⵉⴱ, ⵍⵍⵉ ⵉⵍⴰⵏ ⵜⴰⵎⵓⵣⴰⵢⵜ ⵜⴰⴽⵙⵡⴰⵜ ⴳ ⵢⵉⴳⵔ ⴰⴷ, ⵍⴰ ⵉⵜⵜⴳ ⵜⵉⵣⵎⵎⴰⵔ ⵜⵜⴰⴼ ⴰⴷ ⵢⵉⵍⵉ ⵓⴼⵔⴰ ⴰⵎⴰⴹⴰⵍⵏ ⵙ ⵜⴱⵔⵉⴷⵜ ⵜⴰⵎⵢⴰⵏⴰⵡⵜ ⵏ ⵡⵓⴷⵎⴰⵡⵏ, ⵙⵍⴰⵡⴰⵏ ⴰⴽⴽⵯ ⵙ ⵓⵙⴱⴷⴷⵉ ⵏ ⵓⴱⵔⵙⵉⵡⴷ, ⴷ ⵓⵙⴱⴷⴷⵉ ⵏ ⵜⵡⵓⵛⵛⵏⵜ ⴷ ⵓⵙⴷⵓⵙ ⵏ ⵓⴼⵔⴰⵏ ⴰⵙⵔⴷⴰⵙ.

ⴰⵢⵜ ⵟⵟⴰⵍⴱ: ⴰⵙⴳⴰⵏⴼⵓ ⴰⵎⴰⵢⵏⵓ “ ⴱⵏ ⵙⵉⵏⴰ” ⵢⵓⵙ ⴷ ⴰⴷ ⵉⵙⴷⵓⵙ ⴰⵙⴼⵙⴰⵔ ⴰⴷⵓⵙⴰⵏ ⵅⴼ ⵙⵉⵏ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⵎⵏⵥⴰⵡ (ⵍⵓⵎⴰⵜⵜⴰⵏ)

ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵓⴼⵔⴰⴳ ⴰⵏⴰⵎⵓⵏ, ⵅⴰⵍⵉⴷ ⴰⵢⵜ ⵟⵟⴰⵍⴱ, ⴳ ⵜⵙⴳⴰ ⵏ ⵓⵕⵥⵥⵓⵎ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵜⵉⵡⵓⵔⵉⵡⵉⵏ ⵏ ⵓⵚⴽⵓ ⵏ ⵓⵙⴳⵏⴰⴼ ⴰⵎⴰⵢⵏⵓ “ⴱⵏ ⵙⵉⵏⴰ”, ⵎⵙ ⵜⴰⵎⴰⵜⴰⵔⵜ ⴰⴷ ⵜⴰⵎⴰⵢⵏⵓⵜ ⵜⵓⵙ ⴷ ⴰⴷ ⵜⵙⴷⵓⵙ ⴰⵙⴼⵙⵔ ⴰⴷⵓⵙⴰⵏ ⵅⴼ ⵓⵙⵡⵉⵔ ⵏ ⵡⴰⴽⴰⵍ ⴰⵏⴰⵎⵓⵔ, ⴷ ⴰⴽⴷ ⵓⵎⵏⵥⴰⵡ. ⴷ ⵉⴱⴷⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙⵏⵏⴰⵟ ⵏ ⵓⴽⵡⴰⵙ ⴳ ⵕⵕⴱⴰⵟ, ⵅⴼ ⵓⵕⵥⵥⵓⵎ ⵏ ⵜⵓⵡⵔⵉⵡⵉⵏ ⵏ ⵓⵚⴽⵓ ⵏ ⵓⵙⴳⵏⴰⴼ ⴰⵎⴰⵢⵏⵓ “ⴱⵏ ⵙⵉⵏⴰ”, ⵍⵍⵉ ⵉⴳⴰⵏ ⵢⴰⵏ ⵓⵙⵏⴼⴰⵔ ⵉⵍⴰⵏ ⵜⵉⵏⴷⵉ ⵏ ⵉⵎⴰⵍ ⵏⵏⵉ ⵖⴰ ⵉⵙⴷⵓⵙⵏ ⴰⵙⴼⵙⵔ ⴰⴷⵓⵙⴰⵏ ⴳ ⵜⴳⵍⴷⵉⵜ ⵜⵥⵉⴹⵕⵜ ⴳ ⵉⵜⵜⴰⵡⵉ ⵎⵉⵏ ⵢⵓⵊⴳⵍⵏ ⵉⴼⴹ ⵏ ⵡⵓⵙⵓ. ⴷ ⵉⵏⵏⴰ ⵎⴰⵙ ⴰⵢⵜ ⵟⵟⴰⵍⴱ, ⴳ ⵜⴳⵓⵔⵉ ⵉ ⵜⵏⵖⵎⴰⵙⵜ, ⴱⵍⵍⵉ ⴰⵙⴳⵏⴰⴼ ⴰⴷ ⴰⵎⴰⵢⵏⵓ, ⵍⵍⵉ ⵖⴰ ⵢⵉⵍⵉⵏ ⴷ ⴰⵣⴳⵔⴰⵔ ⵎⴰⵕⵕⴰ ⴷⵉ ⵓⵎⵏⵥⴰⵡ ⵏ ⵉⴼⵔⵉⵇⵉⵢⴰ ⵙ ⵜⴰⵖⵣⵉ ⵏ 150 ⵎⵉⵜⵔⵓ, ⵢⵉⵍⵉ ⵜⵎⴰⵍⴰⵢⵜ ⵏ ⵡⴰⴽⴰⵍ ⴷ 33 ⵏ ⵜⵎⴰⵍⴰⵢⵜ (ⴷ ⵙⵏⴰⵜ ⵜⵎⴰⵍⴰⵢⵉⵏ ⵜⵉⵏⴰⴷⴷⴰⵢⵉⵏ).

ⵉⵡⵛⴰ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ ⴷⴳ ⵕⵕⴱⴰⵟ ⴰⵙⵏⵜⵉ ⵏ ⵜⵉⴳⴳⵉ ⵏ ⵓⵙⴳⵏⴰⴼ ⴰⵎⴰⵢⵏⵓ “ⴱⵏ ⵙⵉⵏⴰ” (ⵚⵚⵃⵕⴰ ⵜⴰⵎⵖⵔⴱⵉⵜ)

ⵉⴱⴷⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⴷⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙⵏⵏⴰⵟ ⵏ ⵓⴽⵡⴰⵙ ⴳ ⵕⵕⴱⴰⵟ ⵅⴼ ⵜⵉⴽⴽⵉ ⵏ ⵓⵏⵙⵜⵉ ⵏ ⵜⵡⵓⵔⵉ ⵏ ⵜⵉⴳⴳⵉ ⵏ ⵓⵙⴳⵏⴰⴼ ⴰⵎⴰⵢⵏⵓ” ⴱⵏ ⵙⵉⵏⴰ”, ⵉⴳⴰⵏ ⵢⴰⵏ ⵓⵙⵏⴼⴰⵔ ⴰⵏⵉⵎⴰⵍ ⴷ ⵉⴷⴷⴰⵏ ⴰⴷ ⵉⵙⴷⵓⵙ ⴰⵙⴼⵙⵔ ⴰⴷⵓⵙⴰⵏ ⴳ ⵜⴳⵍⴷⵉⵜ ⵙ ⵜⵥⵥⵉⴹⵕⵜ ⴳ ⵉⵜⵜⴰⵡⵉ ⵓⴳⴳⴰⵔ ⵏ ⵢⵉⴼⴹ ⵏ ⵡⵓⵙⵓ. ⵢⵓⴷⴼ ⵓⵙⵏⴼⴰⵔ ⴰⴷ ⵉⵍⴰⵏ ⴰⵣⴰⵔⵓ ⴰⵏⴰⵎⵓⵏ ⵉⴷⵓⵙⵏ ⵏⵏⴰ ⵉⵙⵙⵓⵜⵓⵔⵏ ⴰⵙⵎⵓⵙⵙⵓ ⵏ ⵉⵙⵙⴰⵔⵓⵜⵏ ⵉⵥⵕⴼⴰⵏⵏ ⵢⵓⵜⵉⵏ 6 ⵎⵍⵢⴰⵕ ⴷⵔⵀⵎ, ⴳ ⵓⵙⴰⵜⵉ ⵏ ⵜⴰⵏⵏⴰⵢⵜ ⵜⴰⵖⵣⵓⵔⴰⵏⵜ ⵉ ⵓⵙⴷⵓⵙ ⵏ ⵜⵓⵚⴽⴰ ⵜⴰⴷⵓⵙⴰⵏⵜ ⵜⴰⵎⴽⵓⴷⴰⵏⵜ ⵏ ⵜⴳⵍⴷⵉⵜ, ⴰⵔ ⵉⵎⵎⴰⵍ ⵓⵏⵀⵍⵍⴰ ⵉⵥⵍⵉⵏ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵢⵉⴳⵔ ⵏ ⵜⴷⵓⵙⵉ, ⵙ ⵓⵙⴱⵓⵖⵍⵓ ⵏ ⵜⵓⵚⴽⴰ ⵜⴰⵏⴷⴷⴰⵡⵜ ⵜⴰⵎⵙⵙⵓⵊⵉⵜ ⵙ ⵓⵥⵍⴰⵢⵏ, ⴷ ⵓⵙⴷⵓⵙ ⵏ ⵜⵏⵓⴼⴰ ⵜⵉⴷⵙⵍⴰⵏⵉⵏ ⵏ ⵜⴷⵓⵙⵉ ⴷ ⵓⵙⵏⵎⵉⵍⵉ ⵏⵏⵙⵏⵜ ⵖⵔ ⵉⵏⵎⵓⵔⵉⵢⵏ. ⴷ ⵉⴳⴰ ⵓⵙⵙⴹⵔⵓ ⵏ ⵓⵙⵏⴼⴰⵔ ⴰⴷ ⵉⵏⵉⴳⵉ ⵅⴼ ⵜⵉⵍⴰⵍⵜ ⵜⵏⴰⵎⵎⵙⵜ ⵍⵍⵉ ⵢⴰⴽⴽⴰ ⴱⴰⴱ ⵏ  ⵡⴰⴷⴷⵓⵔ ⵉ ⵓⴷⵙⵓⵙ ⵏ ⵜⵣⵎⵎⴰⵔ ⵏ ⵉⵙⵓⴳⴰⵎⵏ ⵉⵏⴰⴼⴳⴰⵏⵏ ⴳ ⵢⵉⴳⵔ ⴰⴷ ⴰⵏⵎⴰⵙⵙⵓ, ⴷ ⵉⴳⴰ ⵓⴳⵍⵍⵉⴷ ⵅⴼ ⵓⵙⵓⴳⵔ ⵏ ⵓⵙⵉⵍⵖ ⵏⵏⵙ ⵉⵍⴰ ⵜⴰⵙⵎⴽⵜⴰ, ⵉⵎⵙⴰⵙⴰⵏ ⴷ ⵓⴱⵓⵖⵍⵓ ⴰⵎⴰⵙⵙⵏⴰⵏ ⴷ ⵓⵜⵉⴽⵏⵓⵍⵓⵊⵉ ⵉⵜⵜⵓⵣⵎⵎⴰⵎⵏ ⴳ ⵢⵉⴳⵔ ⵏ ⵉⵙⵓⵊⵊⵉⵏ ⴷ ⵡⴰⵔⴰⵢ ⴷ ⵜⵏⵓⴱⴹⴰ ⵜⴰⴷⵓⵙⵏⴰⵜ ⵙ ⵓⵢⵏⵏⴰ ⵉⵎⵙⴰⵙⴰⵏ ⴷ ⵉⴼⵔⴷⵉⵙⵏ ⵉⴳⵔⴰⵖⵍⴰⵏⵏ.

ⵜⴰⵎⵀⵍⵜ ⵏ ⵡⵓⴱⵓⵢ ⵏ ⵉⵡⵜⵜⴰ “ⵎⴰⵕⵃⴰⴱⴰ 2022” ⵜⴷⴷⴰ ⴰⴷ ⵜⵜⵓⵥⵍⴰⵢ ⵙⴳ ⵡⴰⵏⴰⵡⵏ ⵏⵏⵙ ⴷⴼⴼⵔ ⵙⵉⵏ ⵉⵙⴳⴳⵯⴰⵙⵏ ⵏ ⵉⴱⴷⴷⵉ ⵙ ⵜⵎⵏⵜⵉⵍⵜ ⵏ ⵜⴰⵙⵙⴰⵙ ⵏ ⵓⴱⴰⵢⵓⵕ”ⴽⵓⴼⵉⴷ-19 (ⵚⵚⵃⵕⴰ ⵜⴰⵎⵖⵔⴱⵉⵜ)

ⵜⵙⵙⵍⴽⵏ ⵜⵏⵎⵀⴰⵍⵜ ⵏ ⵓⵎⵢⴰⵡⴰⴹ ⴳ ⵜⵎⵔⵙⵍⵜ ⵏ ⵎⵓⵃⵎⴰⴷ ⵡⵉⵙⵙ ⵙⵎⵎⵓⵙ ⵉ ⵓⵎⵢⴰⵡⴰⵙ, ⵙⴰⵏⴰ ⴷⵔⵉⴷⵉⵅ, ⵉⴹⵏⵏⴰⵟ ⵏ ⵓⴽⵡⴰⵙ, ⵎⴰⵙ ⵜⴰⵎⵀⵍⵜ ⵏ ⵡⵓⴱⵉⵢ ⵏ ⵉⵡⵜⵜⴰ “ ⵎⴰⵕⵃⴰⴱⴰ 2022” ⵏⵏⴰ ⵔⴰⴷ ⵉⵙⵉⵍⵉⵏ ⵜⴰⵡⵓⵔⵉ ⵏⵏⵙ ⴰⵏⴱⴷⵓ ⴰⴷ ⵙⴳ ⵉⵙⴰⴳⵏ ⵏ ⵚⴱⵍⵢⵓⵏ, ⵜⴷⴷⴰ ⴰⴷ ⵜⵜⵓⵥⵍⴰⵢ ⵙⴳ ⵡⴰⵏⴰⵡⵏ ⵏⵏⵙ, ⴹⴰⵕⵜ ⵓⵢⵏⵏⴰ ⵜⴱⴷⴷⴰ ⵙⵉⵏ ⵉⵙⴳⴳⵯⴰⵙⵏ ⵙ ⵜⴰⵙⵙⴰⵙⵜ ⵜⴰⴷⵓⵙⴰⵏⵜ ⴷ ⵜⵓⵡⵉ “ⴽⵓⴼⵉⴷ-19”. ⴷ ⵜⵙⵙⵓⴽⵣ ⵎⴰⵙⵙⴰ ⴷⵔⵉⴷⵉⵅ, ⴳ ⵜⵙⴳⴰ ⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⵜⴰⵎⵖⵔⴱⵉⵜ – ⵜⴰⵚⴱⵍⵢⵓⵏⵉⵜ ⵉⵜⵜⵓⵙⵎⴰⴳⵍ ⵙ ⵜⵎⵀⵍⵜ ⵏ ⵡⵓⴱⵓⵢ ⵏ ⵉⵡⵜⵜⴰ ⵉⵜⵜⵓⴳⵏ ⴰⵙⵙⴰ ⴳ ⵕⵕⴱⴰⵟ ⴱⵍⵍⵉ “ ⵎⴰⵕⵕⴰ ⵡⵉⵙⵙ ⵉⴷⵔⴰⵏ ⴳ ⵓⴳⵔⴰⵡ ⴰⴷ, ⴳ ⵜⵍⵍⴰ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⵉ ⵓⵎⵢⴰⵡⴰⵙ, ⵎⵓⵏⵏ ⵅⴼ ⵎⴰⵙ ⵜⴷⴷⴰ ⵜⵡⴰⵍⴰ ⵏ 2022 ⵙⴳ ⵜⵎⵀⵍⵜ ⵏ ( ⵎⴰⵕⵃⴰⴱⴰ) ⴰⴷ ⵜⵜⵓⵥⵍⴰⵢ ⵙⴳ ⵡⴰⵏⴰⵡ ⵏⵏⵙ ⴷⴼⴼⵔ ⵙⵉⵏ ⵉⵙⴳⴳⵯⴰⵙⵏ ⵏ ⵉⴱⴷⴷⵉ ⴷ ⵢⵓⵡⵉ ⵓⴱⴰⵢⵢⵓⵕ”.

ⵉⴳ ⴰⵍⵎⵖⵔⵉⴱ ⵙⴳ ⵜⵎⵉⵣⴰⵔ ⵍⵍⵉ ⵉⵎⵔⴰⵔⵏ ⴰⴽⴷ ⵜⴰⵙⵙⴰⵙⵜ ⵏ ⴽⵓⴼⵉⴷ-19 ⵙ ⵜⴰⵣⵣⵍⴰ (ⵍⵉⵜⵜⵉⵃⴰⴷ ⵍⵉⵛⵜⵉⵕⴰⴽⵉ)

ⵉⵏⵏⴰ ⵎⴰⵙⵙ ⵊⵉⵀⴰⴷ ⴰⵣⵖⵓⵔ ⵉⴳⴰⵏ ⴰⵏⵎⵀⴰⵍ ⵏ ⵓⵙⵡⵓⴷⴷⵓ ⵏ ⵉⴼⵔⵉⵇⵉⵢⴰ ⵏ ⵉⵥⵥⵍⵎⴹ ⴷ ⵓⵏⵇⵇⴰⵔ ⴰⵏⴰⵎⵎⴰⵙ  ⴷ ⴰⵙⵢⴰ ⵏ ⵡⴰⵎⵎⴰⵙ ⴳ ⵓⴼⵏⵉⵇ ⵏ ⵓⵥⵕⴼ ⴰⵎⴰⴹⵍⴰⵏ , ⴳ ⵉⵊⵊ ⵏ ⵓⵎⵙⴰⵡⴰⵍ ⵜⴼⵙⵔ ⵜⵙⵖⵏⵜ “ⵍⵓⴱⵡⴰⵏ” ⵜⴰⴼⵕⴰⵏⵚⵉⵚⵜ, ⴰⵙⵙⵏⵏⴰⵟ ⵏ ⵓⴽⵕⴰⵙ , ⵎⴰⵙ ⴷ ⵍⵎⵖⵔⵉⴱ ⵣⵉ ⵜⵎⵓⵔⴰ ⵍⵍⵉ ⵉⵎⵔⴰⵔⵏ ⵙ ⵜⴰⵣⵣⵍⴰ  ⵙ ⵓⵢⵏⵏⴰ ⵉⵍⴰⵇⵏ ⴰⴽⴷ ⵜⴰⵙⵙⴰⵜ ⵏ “ⴽⵓⴼⵉⴷ-19” ⴷ ⵉⵙⵙⵓⴽⵣ ⵎⴰⵙⵙ ⴰⵣⵖⵓⵔ ⴳ ⵓⵎⵙⴰⵡⴰⵍ ⴰⴷ ⵏⵏⵉ ⴳ ⵉⵙⴰⵡⵍ, ⴰⵍⵜⵓ ⵅⴼ ⵉⵙⵡⵓⴷⴷⵓⵜⵏ ⴳⴰⵏⵜ ⵙⵏⴰⵜ ⵜⵎⵉⵣⴰⵔ ⵏ ⵜⵎⵏⴰⴹⵜ ⴳ ⵜⵉⵣⵉ ⵏ ⵜⴰⵙⵙⴰⵙⵜ ⵜⴰⵡⴽⵕⴰⵏⵉⵢⵜ, ⵎⴰⵙ ⵜⵖⵜⵙ ⵜⴳⵍⴷⵉⵜ ⵛⵉⴳⴰⵏ ⵡⴰⵍⵍⴰⵍⵏ ⵏ ⵡⴰⵏⵏⴰⵍ ⴷ ⵓⴼⵔⴰⴳ ⴰⵏⴰⵎⵓⵏ ⵏⵏⴰ ⵉⵙⵡⵜⵜⵙⵏ ⴳ ⵓⵎⵣⵡⴰⵔ ⵜⵓⴳⴳⵜ ⵏ ⵉⵎⵣⴷⴰⵖⵏ ⵉⵍⵍⴰⵏ ⴳ ⵜⵡⵓⵔⵉⵡⵉⵏ ⵏ ⵢⵉⴳⵔ ⵓⵔⵜⵓⵚⴽⴰ.

ⵜⴰⵎⵜⵜⴰⵏⵜ ⵏ ⵓⵎⵙⵙⴰⵜⵔⵓ ⵏ ⵍⴱⵓⵍⵉⵙ ⴳ ⵉⵏⵣⴰⴳⴰⵏ (ⵍⵎⴰⵙⴰ)

ⵜⵙⵙⵏ “ ⵍⵎⴰⵙⴰ” ⵎⴰⵙ ⵢⴰⵏ ⵓⵎⵙⵙⴰⵔⵜⵓ ⵏ ⵍⴱⵓⵍⵉⵙ ⵏ ⵜⵏⴰⴼⵓⵜ ⵜⵏⴼⵍⵓⵙⵜ ⵏ ⵎⵕⵕⴰⴽⵛ ⵉⵍⵇⴼ ⵉⵎⴰⵏ ⵏⵏⵙ ⵉⵎⴳⴳⵓⵔⴰ ⴳ ⵓⵙⴳⵏⴰⴼ ⴰⵏⵎⵏⴰⴹ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ, ⵜⵉⵣⵡⵓⵔⵉ ⵏ ⵡⴰⵙⵙⵏⵏⴰⵟ ⵏ ⵓⴽⵕⴰⵙ, ⵉⵜⵜⵡⴰⵖⵏ ⵙ ⵜⵉⵜⵉ ⵏ ⵓⵊⵏⵡⵉ ⵜ ⵉⵙⵙⴰⵖⵏ ⴳ ⵓⵎⴳⴳⵕⴹ ⵏⵏⵙ ⴰⵙ ⵉⴳⴰⵏ ⵢⵏⴰ ⵡⴰⴳⴳⴰⵙ ⵉⴷⵔⴰⵏ ⵓⵔ ⵉⵍⵉⵏ ⴰⵙⴰⴼⴰⵔ ⵏ ⵉⵙⵓⵊⵊⵓⵢⵏ ⵉⵎⵣⵡⵓⵔⴰ. ⴷ ⵙ ⵎⵉⵏ ⵓⵡⵉⵏ ⵉⵙⵓⴳⴰⵎ ⵏ “ⵍⵎⴰⵙⴰ”, ⴰⵎⵙⵙⴰⵔⵜⵓ ⵓⵏⴳⵉⵙ ⵍⵍⵉ ⵖⵔ ⵜⵍⵍⴰ 26 ⵏ ⵓⵙⴳⴳⵯⴰⵙ ⴳ ⵡⵓⵜⴰⵢ ⵏⵏⵙ, ⴷ ⴰⵜⵔⴰⵔ ⴳ ⵓⵙⴽⴰ ⵏ ⵍⴱⵓⵍⵉⵙ, ⵉⵛⴽⵎ ⴰⴷ ⵉⴼⵓⴽⴽⵓ ⵢⴰⵏ ⵓⵎⵏⵏⵣⴰⵖ ⵉⵅⵛⵏⵏ ⵉⵍⵍⴰⵏ ⴳⵔ ⵙⵉⵏ ⵎⵉⴷⴷⵏ ⵉⵙⵎⵔⵙⵏ ⴰⵎⵔⵉⴳ ⴰⵎⵍⵍⴰⵍ, ⵎⴰⵛⴰⵏ ⵙ ⵢⴰⵜ ⵜⵉⴽⴽⵍⵉⵜ ⵜⵓⵙ ⴷ ⴷⵉⴳⵙ ⵜⵉⵜⵉ ⵉⴷⵓⵙⵏ ⵓⵔ ⵉⴷⵎⵉ ⵉⴹⵕ ⵖⵔ ⴰⴽⴰⵍ ⵉⵎⵔⵔⵖ ⴰⵎⵎⴰⵙ ⵏ ⵉⴷⴰⵎⵎⵏ ⵏⵏⵙ ⵣⵣⴰⵜ ⵏ ⵓⵏⴰⴱⴰⴽ ⵏ ⵉⵏⵉⴳⴰⵏ ⵜ ⵉⵥⵕⴰⵏ. ⴷ ⵙⴳ ⵉⵙⵓⴳⴰⵎ ⵏⵏⵉⴽ, ⵎⴰⵙ ⴷ ⴰⵎⵙⵙⴰⵔⵜⵓ ⵏ ⵍⴱⵓⵍⵉⵙ ⵉⴳⴳⵣ ⵖⵓⵔ ⵜⴰⵡⵊⴰ ⵏⵏⵙ ⵉⵍⵍⴰⵏ ⴳ ⵉⵏⵣⴳⴰⵏ ⴰⴼⴰⴷ ⴰⴷ ⵉⵣⵣⵔⵉ ⵜⴰⵏⵏⵓⵕⵥⵎⵜ ⵏⵏⵙ ⵉⴷⵔⵓⵙⵏ ⵙ ⵜⵎⵍⴷⴰ ⵏ ⵡⴰⵎⵎⵓⴷ ⵏ ⵉⵙⵡⵉ.

ⴷⴰⵜ ⴰⴷ ⵉⵍⵇⵇⴼ ⵉⵎⴰⵏ ⵏⵏⵙ ⴰⵢⵏⵏⴰ ⴰⴷ ⴷ ⵢⵓⵊⴰⵏ ⴰⴳⴳⴰⵙ ⵉⴷⵓⵙⵏ ⴳ ⵜⴰⵡⵊⴰ ⵏ ⵓⵏⴳⵉⵙ ⴷ ⵉⵎⵢⴰⵙⴰⵜⵏ ⵏⵏⵙ ⴷ ⵡⴰⴷⴷⵊⴰⵔⵏ ⵏⵏⵙ ⵙ ⵓⵢⵏⵏⴰ ⵙ ⵉⵜⵡⴰⵙⵙⵏ ⵓⵏⴳⵉⵙ ⵏ ⵡⴰⵏⵏⴰⵣ ⴷ ⵓⴼⵓⵍⴽⵉ. “ⵜⵓⵎⴰⵏⵜ” ⵍⵍⵃⵔⵉⴳ” ⵉⵎⴰⵏⵏⵓⵏⵏ ⵜⵓⵡⴹ ⵖⵔ ⵍⴱⵕⵍⴰⵎⴰⵏ (ⵍⵎⴰⵙⴰ)

ⵜⵙⵙⵓⵜⵔ ⵏⴰⴷⵉⵢⴰ ⵜⵜⵀⴰⵎⵉ, ⵉⵙⵡⵓⵔⵉⵏ ⴷ ⵜⵓⵎⴰⵔⵉⵜ ⵜⵉⵙⵙ ⵚⴹⵉⵚⵜ ⵏ ⵓⵏⵙⵙⵉⵅⴼ ⵏ ⴰⵙⵇⵇⵉⵎ ⵏ ⵉⵎⵓⵔⴰ, ⵛⴰⴽⵉⴱ ⴱⵏ ⵎⵓⵙⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⴳ ⵜⵉⵔⵣⵉ ⵅⴼ ⵉⵏⵖⵎⵉⵙⵏ ⵉⴷⵜⵜⴰⵏ ⵍⵍⵉ ⵢⵓⵊⵊⴰⵏ ⵉⵎⴰⵏⵏⵓⵏⵏ ⵉⵎⵖⵔⵉⴱⵉⵏ ⵉⵎⵥⵥⵢⴰⵏⵏ ⵢⴰⵎⵓⵏ ⴳ ⵜⴱⵔⵣⴰ ⵏ ⵜⴰⵣⵣⵍⴰ ⵜⴰⴼⴰⵔⴰⵏⵜ ⵜⴰⵏⵎⵍⴰⵏⵜ ⴳ ⵙⵚⵍⵓⴱⴰⴽⵉⵢⴰ ⴰⴷ ⵔⵡⵍⵏ. ⴷ ⵜⵏⵏⴰ ⵜⴱⴰⵕⵍⵎⴰⵏⵉⵢⵜ ⵜⵜⵀⴰⵎⵉ, ⵜⴰⴳⵎⴰⵎⵜ ⵏ ⵓⴽⴰⴱⴰⵕ ⵏ ⵓⴼⴰⵔⴰ ⴰⵏⵎⵍⴰⵢ ⵉⵍⵍⴰⵏ ⴳ ⵜⵓⵣⵍⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵣⵡⴰⴳ ⴰⵡⵔⵚⴷⴼ ⵏⵏⴰ ⴳⴰⵏ ⵉⵎⵥⵥⵢⴰⵏⵏ ⴷ ⵜⴰⵙⵓⵍⵉ ⵏ ⵓⵙⴷⴷⵉ ⵏ ⵜⵉⵜⵉ ⴳ ⵡⵓⴷⴷⵓⵔ ⵏ ⵜⵓⵏⵏⵓⵏⵜ ⵜⴰⵏⴰⵎⵓⵔⵜ ⴳ ⵉⵙⴼⵙⵔⵏ ⵜⴼⵓⴳⵍⵉⵡⵉⵏ ⵜⵉⴳⵔⴰⵖⵍⴰⵏⵉⵏ. ⴷ ⵜⵙⵙⴽⵜⵉ ⴳ ⵓⵙⵇⵇⵙⵉ ⴰⵎⵉⵔⴰⵢ ⵜⵡⵛⴰ ⵉ ⵓⵎⴰⵡⵙⴰⵙ ⴱⵏ ⵎⵓⵙⴰ ⴱⵍⵍⵉ “ⴰⵙⵎⵔⵙ ⵏ ⵜⴷⵔⴰⵡⵉⵏ ⵜⵓⵏⵏⵓⵏⵉⵏ ⵜⵉⴳⵔⴰⵖⵍⴰⵏⵉⵏ ⵙ ⵜⵏⵎⵉⵍⴰⵍⵜ ⵏ ⵓⵣⵡⴰⴳ ⵖⵔ ⵓⴱⵕⵕⴰ, ⵢⴰⵖⵓⵍ ⴷ ⴰⴱⵔⵉⴷ ⵉⵙⵙⵓⴼⴼⵖⵏ, ⴷ ⵎⵉⵏ ⵉⵡⵄⵔⵏ ⵢⴰⵖⵓⵍ ⵉⵜⵜⵡⴰⵙⵙⵏ ⴷ ⴰⵔ ⵉⵜⵜⵓⵙⴷⵓⵙ ⴽⵓ ⵜⵉⴽⴽⵍⵜ ⵉⵎⵎⵓⵔⵙⵏ, ⴷ ⵎⴰⵏ ⴰⵢⴰ ⵉⵜⵜⵢⵢⴰⵍⵙ ⵜⵉⴳⵉⵔⴰ ⵏ ⵡⴰⵢⵢⵓⵔ ⵉⵣⵔⵉⵏ ⵓⵎⵉ ⵜ ⵣⵓⵣⵣⵔⵏ ⵉⵙⵓⴳⴰⵎ ⵉⵖⵎⵙⴰⵏⵏ ⴷ ⵜⴳⵓⵔⵉⵡⵉⵏ ⵜⵓⵏⵚⵉⴱⵉⵏ ⵏ ⵓⵏⵖⵎⵉⵙ ⵏ ⵎⴰⵙ ⵓⵔ ⴷ ⴰⵖⵓⵍⵏ ⵚⴹⵉⵚ ⵏ ⵉⵎⵥⵥⵢⴰⵏⵏ ⵙⴳ ⵓⴳⴰⵍⵓⴼ ⴰⵎⴰⵏⵏⵓⵏ ⵉⴷⵔⴰⵏ ⴳ ⵜⴱⵔⵣⴰ ⵏ ⵜⴰⵣⵣⵍⴰ ⵜⴰⴼⴰⵔⴰⵏⵜ ⵜⴰⵏⵎⵍⴰⵏⵜ ⴳ ⵚⵍⵓⴱⴰⴽⵉⵢⴰ ⴷ ⵉⵙⴽⴼⴰ ⵉⵙⴷⵓⵙⵏ ⵜⵓⵔⴷⵓⵜ ⵏ ⵓⵣⵡⴰⴳ ⴰⵡⵔⵚⴰⴷⵓⴼ

ⴰⵅⵏⵓⵛ ⵉⵔⵣⵣⵓ ⵅⴼ 18 ⵎⵍⵢⴰⵕ ⴷⵔⵀⵎ.. ⵉⵎⵎⴳⵔⴰⵡ ⴰⴽⴷ 6 ⵏ ⵉⵎⴰⵡⵙⴰⵙⵏ ⵉ ⵓⵙⵎⵀⵍ ⵏ ⵓⵎⵙⴰⵡⴰⵍ ⴰⵏⴰⵎⵓⵏ (ⵍⴰⵃⴷⴰⵜ ⵍⵎⵖⵔⵉⴱⵉⵢⴰ)

ⵖⴰⵙ ⵙ ⵛⵡⴰⵢⵜ ⵏ ⵡⵓⵙⵙⴰⵏ ⵡⴰⵀⴰ ⴷⴼⴼⵔ ⵏ ⵓⵙⴳⵎⴹ ⵏ ⵓⵎⴰⵙⴰⵡⴰⵍ ⴰⵏⴰⵎⵓⵏ ⴰⴽⴷ ⵜⵎⵇⵇⵔⴰⵏⵉⵏ ⵏ ⵜⵉⵏⴰⵎⵎⴰⵙⵉⵏ ⵜⵉⵏⵎⵓⵍⵍⴰ, ⴰⵔ ⵉⵜⵜⵍⵍⵉ ⵄⴰⵣⵉⵣ ⴰⵅⵏⵓⵛ, ⵉⴳⴰⵏ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵖⵔ ⵓⵔⵣⵣⵓ  ⵅⴼ ⵉⵙⵓⴳⴰⵎ ⵏ ⵓⵙⵎⵀⵍ ⵏ ⵓⵎⵙⴰⵙⴰ ⵏⵏⴰ ⵔⴰⴷ ⵉⵙⵎⴳⵍⵏ 18 ⵎⵍⵢⴰⵕ ⴷⵔⵀⵎ. ⴷ ⵉⵎⵎⴳⵔⴰⵡ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴽⴷ ⵡⵉⵙ ⵉⵍⵍⴰⵏ ⵅⴼ ⵢⵉⴳⵔⴰⵏ ⵉⵜⵜⵓⵄⵏⴰⵏ ⵙ ⵓⵙⵎⵀⵍ ⵏ ⵜⵢⴰⵇⵇⴰⵉⵏⵉ ⵍⵍⵉ ⵙ ⵜⵡⴰⵇⵇⵏ ⵜⵏⴱⴰⴹⵜ ⴰⴽⴷ ⵜⵏⴰⵎⵓⵍⵍⴰ,ⵙ ⵎⵉⵏ ⴷ ⵢⵓⵙⵏ ⴷⴳ ⵓⵙⵉⵡⴹ ⴰⵖⵎⵙⴰⵏ ⵉⴼⴼⵖⵏ ⵙⴳ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ. ⴷ ⵓⵡⵉⵏ ⴷ ⵉⵙⴼⴽⴰ ⵉⵍⵍⴰⵏ ⴳ ⵓⵙⵉⵡⴹ ⴰⴷ ⵎⴰⵙ ⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⴳⴰ ⵢⴰⵏ ⵓⴳⵔⴰⵡ ⵏ ⵓⵣⴷⴰⵢ ⵜⵉⵣⵡⵓⵔⵉ ⵏ ⵡⴰⵙⵙⵏⵏⴰⵟ ⴳ ⵉⵍⵍⴰ ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ, ⴰⵎⴰⵡⵙⴰⵙ ⵏ ⵜⵢⵔⵣⴰ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴰⵎⴰⵡⵙⴰⵙ ⵏ ⵓⵙⴰⴷⴰⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵓⵜⵉⵏ ⵜⵉⵎⵥⵥⵢⴰⵏⵉⵏ, ⴷ ⵜⵡⵓⵔⵉ ⴷ ⵜⵣⵎⵎⴰⵔ, ⴷ ⵓⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ, ⴷ ⵓⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ, ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ ⴷ ⵜⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⵓⵔⵜ. ⴳ ⵓⵙⵉⵡⴹ ⴰⴷ, ⵢⵓⵡⵉ ⴷ ⴱⵍⵍⵉ ⴰⴳⵔⴰⵡ ⴰⴷ ⵍⵍⵉ ⵉⴹⴼⵕ ⵓⵙⴳⵎⴹ ⵏ ⵓⵎⴳⴳⵏⵜ ⵏ ⵓⵎⵙⴰⵙⴰ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵏ 30 ⵉⴱⵔⵉⵔ 2022, ⴷ ⵅⴼ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵉⵡⵜⵜⵙⵏ ⵉⴱⴷⴷⵉ ⵅⴼ ⵡⵓⴼⵓⵖⵏ ⵅⴼ ⵎⵙⴰⵙⴰⵏ ⴷ ⵉⵎⴷⴷⵔⴰⵡⵏ ⵏⴳⵔ ⵜⵎⴰⵡⴰⵙⵉⵏ ⵉⵎⵏⴰⵡⴰⵢⵏ ⴷ ⵜⵏⵓⴼⴰ ⵙⵉⵙ ⵉⵜⵜⵓⵄⵏⴰⵏ, ⵢⵓⵙⵏ ⵉ ⵓⵎⴷⴰⴽⴰⵕ ⴰⵏⴱⵣⴰⵣ ⵏ ⵓⵙⵔⵔⵓⵙ ⵏ ⵎⴰⵕⵕⴰ ⵉⵎⵉⵙⵙⵏ ⴷ ⵓⴹⴼⴼⵓⵕ ⴷ ⵉⵇⵇⴰⵏ ⵉ ⵓⵙⵎⵔⵙⵍ ⵏ ⵓⵎⵙⴰⵡⴰⵍ ⴰⵏⴰⵎⵓⵏ.

ⵜⴰⵎⴰⴷⴷⴰⵙⵜ ⵜⴰⵎⵉⴽⵙⵉⴽⵉⵢⵜ: ⵜⴰⵙⵔⴷⵙⴰ ⵏ ⵉⵎⵥⵥⵢⴰⵏⵏ ⴳ ⵜⵎⵔⵙⵉⵡⵉⵏ ⵏ ⵜⵉⵏⴷⵓⴼ ⴷ “ⵜⴰⵡⵓⵔⵉ ⵜⴰⴱⵔⵙⵉⵡⴷⵜ” (ⵍⴰⵃⴷⴰⵜ ⵍⵎⵖⵔⵉⴱⵉⵢⴰ)

ⵢⴰⵖⵓⵍ ⴷ ⵓⵙⵏⵜⵍ ⵏ ⵓⵙⵔⴷⵙ ⴰⴱⵓⵍⵉⵣⴰⵔⵢⵓ ⵏ ⵉⵎⵥⵥⵢⴰⵏⵏ ⵖⵔ ⵜⵏⵉⵍⴰ ⵜⴰⵎⴰⴹⵍⴰⵏⵜ. ⴹⴰⵕⵜ ⵏ ⵓⵎⵥⵕⵉ ⵉⵎⴳⴳⵓⵙ ⵍⵍⵉ ⵣⵣⵓⵣⵏⵔ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⵉⴳⵔⴰⵖⵍⴰⵏ ⵏ ⵓⵔⴱⴰ ⵙ ⵜⵎⵍⵙⴰ ⵏ ⵜⵙⵔⴷⵙⴰ ⴳ ⵓⵔⵣⴰⴼ ⵏ ⵓⵏⴼⵍⴰⵙ ⴰⵎⴰⵜⴰⵢ ⵏ ⵜⵎⵜⵜⵉⵏ ⵉⵎⵓⵏⵏⵉⵏ, ⵙⵜⵉⴼⴰⵏ ⴷⵉ ⵎⵓⵙⵜⵓⵔⴰ, ⵖⵔ ⵜⵎⵔⵙⵡⵉⵏ ⵏ ⵜⵉⵏⴷⵓⴼ, ⵉⵥⵍⵢ ⵓⵙⴰⴳⵔⴰⵡ ⴰⵏⴰⵎⵓⵏ ⴰⵎⴰⴹⵍⴰⵏ ⵉⵜⵜⵓⴳⵏ ⴳ ⵍⵎⵉⴽⵙⵉⴽ ⵢⴰⵜ ⵜⵉⵣⵉ ⵉⵙⵜⴰⵡⵀⵎⵎⴰⵏ ⴳ ⵉⵙⴰⵡⵍ ⵅⴼ ⵓⵙⵏⵜⵍ. ⴳ ⵎⴰⵢⴰⴷ ⵏⵏⵉⴽ, ⵜⵙⴷⴷⵉⴷ ⵜⵎⴰⴷⴷⴰⵙⵜ ⵜⴰⵎⵉⴽⵙⵉⴽⵉⵢⵜ ⵏ ⵜⴳⵎⵉ ⵜⴰⵏⴰⵎⵓⵏⵜ ⵏ ⵉⴳⴷⵓⴷⵏ ⵉⵏⴰⵥⴰⵕⵏ ⴷ ⵡⴰⵎⵓⵏⵏ ⵙⴳ ⵓⵣⴰⵕ ⵏ ⵉⴼⵔⵉⵇⵉⵢⴰ ⵎⴰⵙ ⴷ ⴰⵙⵔⴷⵙ ⵏ ⵉⴳⵏⵣⵉ ⵏ ⵍⴱⵓⵍⵉⵣⴰⵔⵢⵓ ⵏ ⵉⵎⵥⵥⵢⴰⵏⵏ ⴳ ⵜⵎⵔⵙⵉⵡⵉⵏ ⵏ ⵜⵉⵏⴷⵓⴼ ⵉⵔⵡⴰⵙ ⵜⴰⵡⵓⵔⵉ ⵜⴰⴱⵔⵙⵉⵡⴷⵜ» ⴷ ⵉⵏⵏⴰ ⵓⵏⵙⵙⵉⵅⴼ ⵏ ⵜⵎⴰⴷⴷⴰⵙⵜ ⵜⴰⵣⵔⴼⴰⵏⵜ ⵉⵙⵉⴷⵔⵓ ⵔⴰⵎⵉⵔⵣ ⵍⵓⴱⵉⵣ, ⴳ ⵜⵙⴳⴰ ⵏ ⵓⵙⴰⴳⵔⴰⵡ ⴰⵏⴰⵎⵓⵏ ⴰⵎⴰⴹⵍⴰⵏ ⵡⵉⵙⵙ ⵙⵎⵎⵓⵙ ⴷ ⵎⵔⴰⵡ ⵉⵜⵜⵓⴳⵏ ⴳ ⵎⵉⴽⵙⵉⴽⵓ, ⵎⴰⵙ ⴷ ⵍⵎⵉⵍⵉⵛⵢⵜ ⵏ “ⵍⴱⵓⵍⵉⵣⴰⵔⵢⵓ”, ⴷⴰ ⵜⴳⴳⵏⵜ ⵜⴰⵕⵓⵥⵉ ⵜⴰⵅⴰⵜⴰⵔⵜ ⵏ ⵉⵣⵔⴼⴰⵏ ⴷ ⵜⵏⵜⴰⵎⵉⵏ ⵜⵉⴳⵔⴰⵖⵍⴰⵏⵉⵏ, ⵙ ⵓⵔⵙⴷ ⵏ ⵉⵎⵥⵥⵢⴰⵏⵏ ⴳ ⵜⵎⵔⵙⵉⵡⵉⵏ ⵏ ⵜⵉⵏⴷⵓⴼ ⵙ ⵓⵙⵎⵔⵙ ⵏⵏⵙⵏ ⵓⵎⵏⵏⵣⴰⵖ ⵉⵜⵜⵓⵙⴽⴰⵔⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⴱⵉⵜ.

ⵜⵉⵙⵙⴰⵙ ⵏ ⵓⴳⴰⴷⴰⵣ ⴷ ⵓⵏⵣⴰⵖ ⵏ ⵉⵙⵙⴰⵔⵓⵜⵏ..ⵍⵎⵖⵔⵉⴱ ⴳ ⵡⴰⵎⵎⴰⵙ ⵡⵉⵙⵙ ⵙⵉⵏ ⴳ ⵡⴰⵄⵔⴰⴱⵏ ⴷ ⵡⵉⵙⵙ 40 ⴳ ⵓⵎⴰⴹⴰⵍ (ⵔⵉⵙⴰⵍⴰⵜ ⵍⵓⵎⵎⴰ)

ⵉⵣⵡⴰⵔ ⵍⵎⵖⵔⵉⴱ ⵉ ⵜⵉⵎⵉⵣⴰⵔ ⵏ ⵜⵎⴰⵏⴰⴹⵜ ⵏ ⵉⵥⵥⵍⵎⴹ ⵏ ⵉⴼⵔⵉⵇⵉⵢⴰ ⴳ ⵢⵉⴳⵔ ⵏ ⵜⵉⵙⵙⴰⵙ ⵏ ⵓⴳⴰⴷⴰⵣ ⴷ ⵓⵏⵣⴰⵖ ⵏ ⵉⵙⵙⴰⵔⵓⵜⵏ, ⵅⴼ ⵓⵢⵏⵏⴰ ⴷ ⵉⴷⴷⴰⵏ ⴳ ⵜⵏⴰⴹⵜ ⵉⵙⵙⵓⴼⵖ ⵓⵙⵉⵏⴰⴳ “ⵜⵛⴰⵏⴷⵍⵔ” ⵏ ⵜⵏⴱⴹⵉ, ⵉⴳⴰⵏ ⵢⴰⵜ ⵜⵎⵔⵙⵍⵜ ⵓⵔ ⵉⵔⵔⴰⵣⵏ ⴰⵔ ⵜⵙⵡⵓⵔⵉⵏ ⴰⴽⴷ ⵜⵏⴱⴰⴹⵉⵏ ⵃⵎⴰ ⴰⴷ ⵜⵙⴷⵓⵙ ⵜⵣⵎⵎⴰⵔ ⵏⵏⵙ, ⵎⵉ ⵉⵍⵍⴰ ⵡⴰⵏⵙⴰ ⵏⵏⵙ ⴰⴷⵙⵍⴰⵏ ⴳ ⵙⴰⵏⵖⴰⴼⵓⵔⴰ. ⵜⵙⵜⵉ ⵜⵏⴰⴹⵜ ⵍⵎⵖⵔⵉⴱ ⴳ ⵜⵙⴽⵯⴼⵍⵜ ⵜⵉⵙⵙ 40 ⴳ ⵓⵎⴰⴹⴰⵍ ⴳ ⵜⵎⴰⵜⴰⵔⵜ ⵏ ⵜⵉⵙⵙⴰⵙ ⵏ ⵓⴳⴰⴷⴰⵣ ⵏ ⵓⵙⴳⴳⵯⴰⵙ ⵏ 2022 ⵙⴳ 104 ⵏ ⵜⵎⵓⵔⴰ ⵅⴼ ⵉⵜⵜⵓⴳ ⵓⵙⵎⵉⵍ, ⵙ ⵉⵄⴰⵢⴷ ⵏ 7 ⵏ ⵜⵙⴽⵯⴼⴰⵍ, ⵙ ⵓⵣⵏⵏⵎⵣⴰⵍ ⵏ ⵜⵙⴽⵯⴼⵍⵜ ⴳ ⵉⵍⵍⴰ ⴰⵙⴳⴳⵯⴰⵙ ⵉⵣⵔⵉⵏ (33 ⴳ ⵓⵎⴰⴹⴰⵍ), ⵙⵢⵉⵡⴹ ⵏⵏⵙ ⵖⵔ ⵜⵙⴽⵯⴼⵍⵜ ⵜⴰⵎⵓⵜⵜⵔⵜ ⵉⵍⴽⵎⵏ 0.62 ⵏ ⵜⵏⵇⵇⵉⴹⵜ ⵙⴳ ⵜⵏⵇⵇⵉⴹⵜ ⵉⵙⵎⴷⵏ ⵉⵍⵍⴰ ⴳ ⵓⴳⵓⵎ ⴰⴷ ⴰⵢⵢⴰⵡⴰⵏ, ⵍⵍⵉ ⵅⴼ ⵉⴱⴷⴷⴰ ⵓⵙⵎⵉⵍ ⴰⵎⴰⵜⴰⵢ ⵏ “ⵜⴰⵏⴱⴹⴰ ⵜⴰⵎⴰⵢⵏⵓⵜ” ⵏ ⵓⵙⵎⵉⵍ ⵏ ⵉⵡⵓⵏⴰⴽ. ⵜⵣⵎⵎⴻⵎ ⵜⵏⴰⴹⵜ, ⵎⴰⵙ ⴷ ⵍⵎⵖⵔⵉⴱ ⵉⴳⴰ ⵙⴳ ⵜⵎⵓⵔⴰ ⵖⵔ ⵉⵍⵍⴰ ⵓⵙⴰⴷⴼ ⴰⵎⵊⴰⵀⴷⵉ ⵉⴳⴳⵣⵏ ⴷ ⵢⵓⵎⴰⵏ ⵙⴳ 40 ⵏ ⵜⵎⵉⵣⴰⵔ ⵉⵖⵓⴷⴰⵏ ⴳ ⵜⵎⴰⵜⴰⵔⵜ ⵏ ⵜⵉⵙⵙⴰⵙ ⵏ ⵓⴳⴰⴷⴰⵣ, ⴷ ⵉⵍⴰ ⴰⴷⵖⴰⵔ ⴰⵙⵜⵕⴰⵜⵉⵊⵉⵢ ⵏⴳⵔ ⵉⴼⵔⵉⵇⵉⵢⴰ ⴷ ⵓⵕⵓⴱⴱⴰ, ⵖⵔ ⵍⵍⴰⵏ ⵛⵉⴳⴰⵏ ⵏ ⵉⵙⵓⴳⴰⵎⵏ ⵉⴳⴰⵎⴰⵏⵏ.

ⴰⵎⵓⵏ ⴰⴼⵔⵉⵇⵉⵢ: ⵜⴰⵡⵓⵔⵉ ⵜⴰⵏⴰⴼⴳⴰⵏⵜ ⵏ ⵍⵎⵖⵔⵉⴱ ⴳ ⵉⴼⵔⵉⵇⵉⵢⴰ ⴷ ⵜⴰⵔⵙⵍⵜ ⵜⴷⵙⵍⴰⵏⵜ ⵉ ⵜⵙⵔⵜⵉⵜ ⵏⵏⵙ ⵜⴰⴼⵔⵉⵇⵉⵢⵜ (ⵔⵉⵙⴰⵍⴰⵜ ⵍⵓⵎⵎⴰ)

ⵉⵙⴷⴷⵉⴷ ⵓⵎⵙⵇⴰⴷ ⴰⴳⵏⵙⴰⵙ ⵏ ⵔⴱⴷⴰ ⵉ ⵜⴳⵍⴷⵉⵜ ⵖⵓⵔ ⵡⴰⵎⵓⵏ ⴰⴼⵔⵉⵇⵉⵢ ⴷ ⵜⵙⵇⵇⴰⵎⵓⵜ ⵜⴰⴷⵎⵙⴰⵏⵜ ⵜⴰⴼⵔⵉⵇⵢⵜ ⵉⴹⴼⴰⵕⵏ ⵉ ⵜⵎⵜⵜⵉⵏ ⵎⵓⵏⵏⵉⵏ, ⵎⵓⵃⵎⵎⴰⴷ ⵍⵄⵔⵓⵛⵉ, ⵜⵉⵣⵡⵓⵔⵉ ⵏ ⵡⴰⵙⵙⵏⵏⴰⵟ ⴳ ⴰⴷⵉⵙ ⴰⴱⴰⴱ, ⵎⴰⵙ ⵜⴰⵡⵓⵔⵉ ⵜⴰⵏⴼⴳⴰⵏⵜ ⵏ ⵍⵎⵖⵔⵉⴱ ⴳ ⵉⴼⵔⵉⵇⵉⵢⴰ ⴷ ⵜⴰⵔⵙⵍⵜ ⵜⴷⵙⵍⴰⵏⵜ ⵉ ⵜⵙⵔⵜⵉⵜ ⵏ ⵉⴼⵔⵉⵇⵉⵢⴰ. ⴷ ⵉⵏⵏⴰ ⵓⴷⵉⴱⵍⵓⵎⴰⵙⵉ ⴰⵎⵖⵔⴱⵉ, ⵍⵍⵉ ⵉⵙⴰⵡⴰⵍⵏ  ⴳ ⵓⴳⵔⴰⵡ ⵏ ⵓⵙⵇⵇⵉⵎ ⵏ ⵓⴼⵔⴰ ⴷ ⵜⵏⴼⵔⵓⵜ ⵉⴹⴼⵕⵏ ⵉ ⵡⴰⵎⵓⵏ ⴰⴼⵔⵉⵇⵉⵢ, ⵉⵜⵜⵓⵥⵍⴰⵢⵏ ⵉ ⵡⴰⴷⴷⴰⴷ ⴰⵏⴰⴼⴳⴰⵏ ⴳ ⵓⵎⵏⵥⴰⵡ, ⵎⴰⵙ ⴰⵎⵢⴰⵡⴰⵙ ⵉⵕⵡⴰⵏ ⵏⵏⵉ ⵉⵙⵡⴰⵍⴰⵏ ⵜⴰⵡⵓⵔⵉ ⵜⴰⵏⴼⴳⴰⵏⵜ ⵏ ⵜⴳⵍⴷⵉⵜ ⵙⴳ ⵜⵙⵉⵎⴰⵏⵜ ⵏⵏⵙ, ⵉⵜⵜⵓⵙⴰⵖⵍ ⴰⵢⵏⵏⴰ ⵉⴷⵓⵢ ⵓⴱⴰⵢⵢⵓⵕ ⵏ ⴽⵓⴼⵉⴷ-19, ⵙⴳ ⵓⵙⵎⵏⵉⴷ ⵏ ⵢⵉⵡⵙⵏ ⵏ ⵓⵙⵓⵊⵊⵉ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵏⴳⵔ ⵜⵉⵎⵉⵣⴰⵔ ⵏ ⵉⴼⴼⵓⵙ. ⵉⵔⵏⴰ ⵎⴰⵙⵙ ⵍⵄⵔⵓⵛⵉ ⵉⵏⵏⴰ ⴱⵍⵍⵉ ⵜⴳⴰ ⵜⴰⴳⵍⴷⵉⵜ ⴰⵙⵎⵓⵙⵙⵓ ⵏ 12 ⵏ ⵓⵙⴳⵏⴰⴼ ⴳ ⵓⵙⴰⵜⵉ ⵏ ⵜⵎⵀⵍⵉⵏ ⵏ ⵓⵃⵟⵟⵓ ⵏ ⵓⴼⵔⴰ ⵉⴹⴼⵕⵏ ⵉ ⵜⵎⵜⵜⵉⵏ ⵎⵓⵏⵏⵉⵏ, ⴷ ⴰⴽⴷ ⵓⵙⵙⵉⵡⴹ ⵏ ⵉⵎⵢⴰⵡⴰⵙⵏ ⵉⵏⴰⴼⴳⴰⵏⵏ.

ⵎⴰⴱ 60/05/2022