ⵜⴰⵎⵀⵍⵜ ⵏ ⵎⴰⵕⵃⴰⴱⴰ 2022: ⴰⵔ ⵉⵜⵜⵓⵃⵢⵢⴰⵍ ⵓⵙⵡⵊⴷ : ⵓⵊⵓⵕⴷⵡⵉ ⵍⵓⵎⴰⵕⵓⴽ 

ⴹⴰⵕⵜ ⵙⵉⵏ ⵏ ⵉⵙⴳⴳⵯⴰⵙⵏ ⵏ ⵉⴱⴷⴷⵉ ⵏ ⵜⵎⵀⵍⵜ ⵏ “ⵎⴰⵕⵃⴰⴱⴰ”, ⴰⵔ ⵉⵜⵜⴳ ⵍⵎⵖⵔⵉⴱ ⴷ ⵚⴱⴰⵏⵢⴰ ⵜⵉⵣⵣⴰⵎⵔ ⵜⴰⴼ ⴰⴷ ⵙⵖⵓⴷⵓⵏ ⴰⵙⵡⵓⴷⴷⵓ ⵏ ⵜⵎⵀⵍⵜ ⴰⴷ. ⴷ ⵓⵔ ⵉⴽⴽⵓⵍ ⴰⴷ ⵉⵜⵜⵓⴳ ⵢⴰⵏ ⵏ ⵓⴳⵔⴰⵡ ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ ⵉⵏⴳⵔ ⵓⴽⴰⴱⴰⵕ ⵏ ⵙⵏⴰⵜ ⵜⵎⵉⵣⴰⵔ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵓⵙⵙⵓⵊⴷ ⴰⵎⴳⴳⴰⵔⵓ. ⵜⵍⴰ ⵜⵎⵀⵍⵜ ⵏ ⵎⴰⵕⵃⴰⴱⴰ 2022 ⵜⴰⵙⵖⵉⵡⵙⵜ ⵏ ⵉⵖⵔⵔⵓⴱⴰ ⴷ ⵉⵣⵔⵉⵔⵉⴳⵏ ⵏ ⵓⵣⴷⴰⵢ ⴰⵙⴳⴰⵡⴰⵏ ⴷ ⵉⵣⵔⵉⵔⵉⴳⵏ ⵏ ⵎⴰⵕⵕⴰ ⵉⵙⴰⴳⵏ ⵢⴰⵎⵓⵏ, ⴷ ⵉⵙⵖⵉⵡⵙⵏ ⵏ ⵜⵏⴼⵔⵓⵜ ⴷ ⵓⵣⵔⵔⵓⵢ, ⴷ ⴰⵡⴷ ⵉⵙⵡⵓⴷⴷⵓⵜⵏ ⵏ ⵢⵉⵡⵙ ⴰⴷⵓⵙⴰⵏ ⴷ ⵜⵏⴰⵎⵓⵏⵜ, ⴳ ⵜⵉⵣⵉ ⵏ ⵜⴰⵙⵙⴰⵙⵜ ⵏ ⴽⵓⴼⵉⴷ- 19. ⴷ ⵜⵥⴹⴰⵕ ⴰⴷ ⵜⵙⵙⵏⵜⵉ ⵜⵎⵀⵍⵜ ⴳ 15 ⵢⵓⵏⵢⵓ ⵜⵣⴷⵢ ⴰⵔ 15 ⵛⵓⵜⴰⵏⴱⵉⵔ. ⴷ ⵜⵙⵓⵍ ⵜⵏⴱⴰⴹⵜ ⵏ ⵚⴱⴰⵏⵢⴰ ⵜⵇⵇⵏ ⵉⵡⵜⵜⴰ ⵏ ⵡⴰⴽⴰⵍ ⴳ ⵜⵖⵔⵎⵜ ⵏ ⵙⴱⵜⴰ ⴷ ⵎⵍⵉⵍⵢⴰ, ⵎⵉⵏⵣⵉ ⵉⴽⴽⴰ ⵜⵜ ⵉⵏⵏ ⵉⵜⵜⵓⵖⵜⴰⵙ ⴰⴷ ⵜⵜⵓⵕⵥⴰⵎⵏ ⴰⵍⵜⵓ ⴰⵙⵙ ⵏ ⵓⵚⵉⴹⵢⴰⵙ 30 ⵉⴱⵔⵉⵔ ⴷⴳ ⵓⵣⴳⵏ ⵏ ⵢⵉⴹ.

ⴰⴳⵔⴰⵡ ⵏ ⵓⵎⵓⵍⵍⵉ ⵉⴱⴱⴷⵏ ⵎⴳⴰⵍ “ⴷⴰⵄⵉⵛ” ⵉⵍⴰ ⵍⵎⵖⵔⵉⴱ ⵜⴰⵎⴰⵜⵔⵜ ⵉⵥⵍⵉⵏ ⴳ ⵜⵏⴳⵣⵉⵜ ⵏ ⵜⵏⴼⵔⵓⵜ ⵜⴰⵎⴰⴹⵍⴰⵏⵜ (ⵍⴱⴰⵢⴰⵏ)

ⵉⵏⵏⴰ ⵓⵎⵙⵇⴰⴷ ⴰⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵟⵟⴰⵍⵢⴰⵏ, ⵢⵓⵙⴼ ⴱⵍⵍⴰ, ⵎⴰⵙ ⴷ ⵜⵉⴳⴳⵉ ⵏ ⵓⴳⵔⴰⵡ ⵏ ⵓⵎⵓⵍⵍⵉ ⵏ ⵉⴱⴷⴷⵉ ⵎⴳⴰⵍ “ⴷⴰⵄⵉⵛ” ⴳ ⵍⵎⵖⵔⵉⴱ, ⵍⴰ ⵉⵎⵎⴰⵍ “ⴰⵏⵙⴰ ⵉⵖⵓⴷⴰⵏ ⵍⵍⵉ ⴳ ⵜⵍⵍⴰ ⵜⴳⵍⴷⵉⵜ ⴳ ⵜⵏⴳⵣⵉⵜ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵎⴰⴹⵍⴰⵏⵜ”. ⵉⵙⵙⵉⴽⵣ ⵓⴷⵉⴱⵍⵓⵎⴰⵙⵉ ⴰⵎⵖⵔⵉⴱⵉ ⴳ ⵡⴰⵡⴰⵍ ⵏⵏⵙⵏ ⵉⴼⴽⴰ ⵉ ⵢⴰⵡⵎⵉⵢⴰⵜ “ⴰⵍ ⵊⵓⵕⵏⴰⵍⵉ” ⵜⴰⵟⵍⵢⴰⵏⵉⵜ, ⵉⴼⵙⵔⵏ ⴰⵚⵏⴰⵟⵟ ⵏ ⵓⴽⵕⴰⵙ, ⵎⴰⵙ ⴷ ⵜⴰⵎⵙⴰⵔⵜ ⴰⴷ ⵉⵎⵢⴰⵙⵏ, ⵏⵏⴰ ⴳ ⵔⴰⴷ ⴷⵔⵓⵏ ⵡⵓⴳⴳⴰⵔ ⵏ 92 ⵏ ⵜⵎⴰⵣⵉⵔⵜ, ⵉⴷⴷⴰ ⴰⴷ ⵉⵙⵙⵉⵖ ⵜⵉⴼⴰⵡⵜ ⵅⴼ ⵡⴰⵏⵙⴰ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⴰⵎⴰⴹⵍⴰⵏ, ⵉⴷⴷⵖ “ ⵉⴳⴰ ⴰⵎⵙⴽⵔ ⵏ ⵓⴼⵔⴰ ⴷ ⵜⵏⴼⵔⵓⵜ, ⵍⵓⵎⵏ ⴳ ⵉⴼⵔⵉⵇⵉⵢⴰ, ⴰⵛⴽⵓ ⴰⵔ ⵜⵜⵣⵢⴰⴷⵏ ⵉⴷⵖⴰⵔⵏ ⵏ ⵜⵡⵓⵛⵛⵏⵜ, ⴷ ⵓⴱⴽⴽⴰⴹ ⴰⵎⵙⵓⴷⵙ ⴷ ⵜⵏⴰⴷⵉⵔⵜ”.

ⴰⴼⵔⵙ ⵏ ⵢⵉⴳⵔⵏ ⵓⵙⴽⴰⵡ ⴳ ⵟⴰⵏⵊⴰ ⴷⴼⴼⵔ ⵏ ⵓⵃⵓⵏⴷⵔ ⵙ ⵜⵎⵏⵜⵉⵍⵜ ⵏ ⵜⴰⵙⵙⴰⵜ (ⵍⵉⴱⵉⵕⴰⵙⵢⵓⵏ

ⵉⵣⵎⵎⴻⵎ ⵢⵉⴳⵔ ⵏ ⵓⵙⴽⴰⵡ ⴷ ⵜⵓⵚⴽⴰ ⵢⴰⵏ ⵏ ⵓⴼⵔⵙ ⵉⵜⵜⵢⴰⴽⵣⵏ ⴳ ⵓⵙⴳⴳⵯⴰⵙ ⵏ 2021 ⴹⴰⵕⵜ ⵓⵏⵃⵓⴷⵔ ⵏⵏⴰ ⵉⵍⴰ ⴳ ⵓⵙⴳⴳⵯⴰⵙ ⵏ 2020 ⵙ ⵜⵎⵏⵜⵉⵍⵜ ⵏ ⵜⴰⵙⵙⴰⵙⵜ ⵏ ⵏ ⴽⵓⴼⵉⴷ-19. ⴰⵔ ⵙⵙⵉⴽⵉⵣⵏ ⵉⵙⴼⴽⴰ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵟⴰⵏⵊⴰ ⴱⵍⵍⵉ ⵛⵉⴳⴰⵏ ⵏ ⵉⵙⴷⴰⵡⵏ ⵉⵜⵜⵓⵙⵎⴽⵍⵏ ⴳ ⵓⵙⴰⵜⵓⵢ ⵏ ⵢⴰⵜ ⵏ ⵜⵔⴰⵜⵙⴰ ⵏ ⵜⵓⵔⴰⴳ ⵏ ⵓⵙⴽⴰⵡ ⴷ ⵜⵙⵇⵇⴰⵎⵓⵜⵉⵏ ⵜⵉⵙⴳⴰⵡⴰⵏⵉⵏ ⵏ ⵓⵙⴽⴰⵡ. ⵉⵥⵕⴰ ⵢⴰⵜ ⵏ ⵜⵓⵜⵜⵢⵜ ⴳ ⵓⵙⴳⴳⵯⴰⵙ ⵏ 2021 ⵙ ⵓⵢⵏⵏⴰ ⵢⵓⵜⵉⵏ 32.73  ⴳ ⵜⵉⴳⵎⵉⴹⵉ ⵙ ⵓⵣⵏⵏⵎⵣⴰⵍ ⴰⴽⴷ ⵓⵙⴳⴳⵯⴰⵙ ⵏ 2020. ⵔⵏⵉⵏ ⵉⵙⴼⴽⴰ ⵉⵍⵍⴰⵏ ⴳ ⵜⵖⵜⴰⵙⵜ ⵉⵥⵍⵉⵏ ⵙ ⵉⵙⴳⴳⴰⵙⵏ ⵏ 2019 ⴷ 2021 ⴷ ⵉⵜⵜⵓⵙⵎⵏⴷⵏ ⵙ ⵜⵉⴳⴳⵉ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ, ⵎⴰⵙ ⴷ ⵛⵉⴳⴰⵏ ⵏ ⵉⵙⴷⴰⵏ ⵉⵜⵜⵓⵙⵎⴽⵍⵏ ⴷ ⵍⵍⵉ ⵉⵇⵇⵏ ⵖⵔ ⵜⵓⵜⵜⵔⵉⵡⵉⵏ ⵏ ⵜⵚⴽⵉⵡⵜ ⴷ ⵓⵙⴳⵣⵎ ⴷ ⵜⵉⴳⴳⵉ ⵏ ⵜⵔⵓⴱⴱⴰ ⵏ ⵜⵣⴷⵓⵖⵉⵏ ⴷ ⵓⴱⵟⵟⵓ ⵏ ⵜⴼⵔⴽⴰⵡⵉⵏ, ⵉⵎⵎⵓⵜⵜⵉ ⵙⴳ 2102 ⵏ ⵓⵙⴷⴰⵡ ⴰⵙⴳⴳⵯⴰⵙ ⵏ 2020 ⵖⵔ 2790 ⵏ ⵓⵙⴷⴰⵡ ⴳ ⵓⵙⴳⴳⵯⴰⵙ ⵏ 2021.

ⵍⵎⵖⵔⵉⴱ ⴷ ⵜⴳⵍⴷⵉⵜ ⵉⵎⵓⵏⵏ ⵙⴱⵖⵔⵏ ⵙⴳ ⵓⵙⵎⴰⴷ ⵏ ⵜⴷⵎⵙⴰ ⵏⵏⵙⵏ (ⵎⴰⵔⵓⴽ ⵍⵓⵊⵓⵖ)

ⵉⵏⵏⴰ ⵓⵎⵙⵇⴰⴷ ⵙⵉⵎⵓⵏ ⵎⴰⵔⵜⵏ ⵏ ⵜⴳⵍⴷⵉⵜ ⵉⵎⵓⵏⵏ ⴳ ⵕⵕⴱⴰⵟ, ⵎⴰⵙ ⴷ ⴰⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴰⵙⵉⵏⴰⵏ ⵏⴳⵔ ⵍⵎⵖⵔⵉⴱ ⴷ ⵜⴳⵍⴷⵉⵜ ⵉⵎⵓⵏⵏ ⵉⴷⴷⴰ ⴰⴷ ⵢⴰⵡⵉ ⵢⴰⵏ ⵏ ⵉⵙⵎⴰⴷ ⴰⴷⵎⵙⴰⵏ ⵏⴳⵔ ⵙⵏⴰⵜ ⵜⵎⵉⵣⴰⵔ ⵜⵉⵎⴷⴷⵓⴽⴽⴰⵍ. ⴷ ⵉⵏⵏⴰ ⵎⴰⵙⵙ ⵙⵉⵎⵓⵏ ⵎⴰⵔⵜⵏ, ⴳ ⵢⴰⵏ ⵏ ⵓⵎⵙⴰⵡⵍ ⵉⴳⴰ ⴷ ⵜⴽⵓⵢⴰⵙⵙⵜ “ⵍⵉⴽⵓⵏⵓⵎⵉⵙⵜ” ⵜⴼⵙⵔⵜ ⴰⵙⵙⵏⵏⴰⵟ ⵏ ⵓⴽⵕⴰⵙ”, ⵍⴰⵏⵜ ⵜⵎⵉⵣⴰⵔ ⵏⵏⵖ ⵜⴰⴷⴰⵎⵙⴰ ⵉⵙⵎⴷⵏ ⴰⵔ ⴰⴽⴽⴰⵏⵜ ⵉⵙⵓⵍⴼⵏ ⴰⵢⵏⵏⴰ ⵏⵙⵓⵍ ⵓⵔ ⵜⴰ ⴷⴳⵙ ⵏ ⵙⵙⴱⵖⵔ ⵙ ⵜⵍⵖⴰ ⵉⵙⵎⴷⵏ. ⴷ ⵀⴰⵜ ⴱⴷⴷⴰⵏ ⵅⴼ ⵛⵉⴳⴰⵏ ⵢⵉⴳⵔⴰⵏ ⴰⵎ ⵜⵢⵔⵣⴰ ⴷ ⵜⵔⵏⵉⵡⵉⵏ ⵉⵜⵜⵓⵙⵎⴰⵢⵏⵓⵏ ⴷ ⵜⵎⵓⵔⵉⵡⵉⵏ ⵏ ⵓⴼⵓⵙ ⴷ ⵓⵙⵙⵍⵎⴷ”. ⴷ ⵉⵙⵙⵖⵣⵏ ⵎⴰⵙ ⴷ ⴰⵏⵎⴷⵢⴰ ⵏ ⵜⵏⴳⵎⵉ ⴰⵎⴰⵢⵏⵓ, ⵍⵍⵉ ⵎⵓ ⵉⵕⵥⵎ ⵍⵎⵖⵔⵉⴱ, ⵉⴳⴰⵜ ⵢⴰⵜ ⵏ ⵜⵔⵙⵍⵜ ⴷ ⵢⵓⵙⴰⵏ ⵉ ⵓⴼⵕⵕⵓ ⵉⵖⵓⴷⴰⵏ ⵏ ⵉⵙⵓⵍⴼⵏ ⵍⵍⵉ ⴰⴽⴽⴰⵏⵜ ⵜⴷⵎⵙⵉⵡⵉⵏ ⵙ ⵙⵏⴰⵜ.

ⴰⴼⵏⵉⵇ ⵏ ⵓⵥⵕⴼ ⴰⴳⵔⴰⵖⵍⴰⵏ: ⵉⴳ ⴰⵍⵎⵖⵔⵉⴱ ⵙⴳ ⵜⵎⵉⵣⴰⵔ ⵍⵍⵉ ⵉⵎⵔⴰⵔⵏ ⴰⴽⴷ ⵜⴰⵙⵙⴰⵙⵜ ⵏ ⴽⵓⴼⵉⴷ-19 ⵙ ⵜⴰⵣⵣⵍⴰ (ⵍⵉⵣⴰⵏⵙⴱⵉⵔⴰⵙⵢⵓⵏ ⵉⴽⵓ)

ⵉⵏⵏⴰ ⵎⴰⵙⵙ ⵊⵉⵀⴰⴷ ⴰⵣⵖⵓⵔ ⵉⴳⴰⵏ ⴰⵏⵎⵀⴰⵍ ⵏ ⵓⵙⵡⵓⴷⴷⵓ ⵏ ⵉⴼⵔⵉⵇⵉⵢⴰ ⵏ ⵉⵥⵥⵍⵎⴹ ⴷ ⵓⵏⵇⵇⴰⵙ ⴰⵏⴰⵎⵎⴰⵙ  ⴷ ⵡⴰⵙⵢⴰ ⵏ ⵏ ⵡⴰⵎⵎⴰⵙ ⴳ ⵓⴼⵏⵉⵇ ⵏ ⵓⵥⵕⴼ ⴰⵎⴰⴹⵍⴰⵏ , ⴳ ⵢⴰⵏ ⵏ ⵓⵎⵙⴰⵡⴰⵍ ⵜⴼⵙⵔ ⵜⵙⵖⵏⵜ “ⵍⵓⴱⵡⴰⵏ” ⵜⴰⴼⵕⴰⵏⵚⵉⵚⵜ, ⴰⵙⵙⵏⵏⴰⵟ ⵏ ⵓⴽⵕⴰⵙ , ⵎⴰⵙ ⵉⴳⴰ ⵍⵎⵖⵔⵉⴱ ⵙⴳ ⵜⵎⵉⵣⴰⵔ ⵍⵍⵉ ⵉⵎⵔⴰⵔⵏ ⵙ ⵜⴰⵣⵣⵍⴰ  ⵙ ⵓⵢⵏⵏⴰ ⵉⵍⴰⵇⵏ ⵙ ⴰⴽⴷ ⵜⴰⵙⵙⴰⵜ ⵏ “ⴽⵓⴼⵉⴷ-19” ⴷ ⵉⵙⵓⴽⵣ ⵎⴰⵙⵙ ⴰⵣⵖⵓⵔ ⴳ ⵓⵎⵙⴰⵡⴰⵍ ⴰⴷ ⴰⵎⴽⵓⴷ ⵍⵍⵉ ⴳ ⵉⵙⴰⵡⵍ, ⴰⵍⵜⵓ ⵅⴼ ⵉⵙⵡⵓⴷⴷⵓⵜⵏ ⴳⴰⵏⵜ ⵙⵏⴰⵜ ⵜⵎⵉⵣⴰⵔ ⵏ ⵜⵎⵏⴰⴹⵜ ⴳ ⵜⵉⵣⵉ ⵏ ⵜⴰⵙⵙⴰⵙⵜ ⵜⴰⵡⴽⵕⴰⵏⵉⵢⵜ, ⵎⴰⵙ ⴷ ⵜⵓⵙⵉ ⵜⴳⵍⴷⵉⵜ ⵙⴳ ⵛⵉⴳⴰⵏ ⵏ ⵡⴰⵎⵎⴰⴽⵏ ⵏ ⵡⴰⵏⵏⴰⵍ ⴷ ⵓⴼⵔⴰⴳ ⴰⵏⴰⵎⵓⵏ , ⵏⵏⴰ ⵉⵜⵜⴰⵖⵓⵍⵏ ⵙ ⵍⴼⴰⵢⵜ  ⴳ ⵓⵎⵣⵡⴰⵔ ⵅⴼ ⵜⵓⴳⴳⵜ ⵏ ⵉⵎⵣⴷⴰⵖⵏ ⵉⵍⵍⴰⵏ ⴳ ⵜⵡⵓⵔⵉⵡⵉⵏ ⵏ ⵢⵉⴳⵔ ⵓⵔⵜⵓⵚⴽⴰ.

ⴰⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ :75.31 ⵏ ⵎⵍⵢⵓⵏ ⵏ ⴷⴷⵔⴳⵎ ⵉ ⵓⵙⴳⴳⵯⴰⵙ ⵉ ⵉⵏⵏⴼⵍⴰⵙⵏ ⵉⵜⵜⵡⴰⵖⵏ ⵙⴳ ⵜⴰⵙⵙⴰⵙⵜ ⵏ ⴽⵓⴼⵉⴷ -19(ⵍⵓⴱⵉⵏⵢⵓⵏ)

ⵉⵙⵙⵓⵎⵏ ⵓⵎⴰⵡⵙⴰⵙ ⵏ ⵓⵙⴰⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⵏ ⵓⵙⵡⵓⵔⵉ ⴷ ⵜⵙⵓⴳⴳⴰⵔ, ⵢⵓⵏⵙ ⵙⵙⴽⵓⵔⵉ, ⴱⵍⵍⵉ 75.31 ⵏ ⵎⵍⵢⵓⵏ ⵏⴷⴷⵔⵀⵎ ⵉ ⵓⵙⴳⴳⵯⴰⵙ ⵜⴷⴷⴰ ⴰⴷ ⵜⵜⵓⵥⵍⴰⵢ ⵉ ⵉ ⵉⵏⴰⴼⵍⴰⵙⵏ ⴷⴰⵔ ⵓⴼⵏⵉⵇ ⴰⵏⴰⵎⵓⵏ ⵉⵜⵜⵡⴰⵖⵏ ⵙ ⵓⴱⴰⵢⵓⵕ ⵏ ⴽⵓⴼⵉⴷ-19. ⵉⵔⵏⴰ ⵓⵎⴰⵡⵙⴰⵙ, ⴳ ⵡⴰⵡⴰⵍ ⵏⵏⵙ ⵙ ⵓⵙⵓⵍⴼ ⵏ ⵓⵎⵣⵡⴰⵔⵓ ⵏ ⵎⴰⵢⵢⵓ 2022, ⴰⵢⴷⴷⵖ ⵏ ⵡⴰⴳⴳⴰ ⴰⵥⵕⴼⴰⵏ ⵉⴷⴷⴰ ⴰⴷ ⵉⵜⵜⵢⴰⵙⵢ ⵙ ⵓⵢⵏⵏⴰ ⵉⵍⴰⵇⵏ ⴳ ⵓⵙⵖⵓⴷⵓ ⴰⵖⵣⵓⵔⴰⵏ ⵏ ⵓⵏⴰⴳⵔⴰⵡ ⵏ ⵜⵏⴰⴼⵜ ⴳ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ. ⴷ ⵉⵙⵙⵓⴽⵙ ⵎⴰⵙ ⵔⴰⴷ ⵓⵙⵖⵓⴷⵉ ⵏ ⵜⵍⴳⴰⵎⵜ ⵏ ⵓⵙⵉⵟⵟⵏ ⵏ ⵜⵖⵔⴰⴷ ⵏⵏⵉ ⵢⴰⴽⴽⴰⵏ ⴰⵣⵔⴼ ⵏ ⵓⵙⴰⴷⵓⵔ ⵉ ⵎⴰⵕⵕⴰ ⵓⴷⵎⴰⵡⵏ ⵉⵜⵜⵓⵏⴰⴼⵍⴰⵙⵏ ⵛⵔ ⵓⴼⵏⵉⵇ ⵏ ⵜⵏⴰⴼⵓⵜ ⵜⴰⵏⴰⵎⵓⵏⵜ ⵉⵜⵜⵡⴰⵖⵏ ⵙ ⵓⴱⴰⵢⵢⵓⵕⵏ ⴽⵓⴼⵉⴷ-19, ⴰⴼⴰⴷ ⴰⴷ ⵣⵎⵔ ⵓⵏⴰⴼⵍⴰⵙ ⴰⴷ ⵏⵏⴰ ⵢⵓⵡⴹⵏ ⵜⴰⵏⴰⴼⵜ ⵉⵜⵜⵡⴰⵖⵏ ⵙ ⵓⴱⴰⵢⵢⵓⵕ ⵙⴳ ⵓⵙⴰⴷⵓⵔ ⵏ ⵜⴰⵡⵙⵔⵜ ⵙ ⵓⵕⴰⵄⴰ ⵏ ⵜⵉⵣⵉ ⵏ ⴳⵔ ⴱⵕⴰⵢⵕ 2020 ⴷ ⴷⵓⵊⴰⵏⴱⵉⵔ 2021, ⴱⵍⴰ ⵏ ⵓⵙⵉⵟⵟⵏ ⵏ ⵡⴰⴷⴷⴰⴷ ⵍⵍⵉ ⴳ ⵓⵔ ⵓⵎⵥⵏ ⴽⵔⴰ ⵏ ⵜⵖⵔⴰⴷ ⵏⵖ ⵓⵎⵥⵏ ⵜⵉⵖⵔⴰⴷ ⵓⵔ ⵉⵎⴷⴰⵏ.

ⵎⴰⵕⵕⴰ ⵜⵉⵏⴰⵎⵎⴰⵙⵉⵏ ⵜⵏⵎⵓⵍⵍⵉⵜⵉⵏ ⵓⵔ ⵜⵏ ⵉⵙⵓⵙⵎ ⵓⵎⵙⴰⵙⴰ ⴰⵎⴽⵕⴰⴹ ⵏ ⵢⵉⴹ ⵏ ⵓⵎⵣⵡⴰⵔⵓ ⵏ ⵎⴰⵢⵢⵓ (ⵍⵉⵜⵜⵉⵃⴰⴷ ⵍⵉⵛⵜⵉⵔⴰⴽⵉ)

ⵎⵎⵓⵏⵏⵜ ⵎⴰⵕⵕⴰ ⵜⵏⴰⵎⵎⴰⵙⵉⵏ ⵜⵏⵎⵓⵍⵍⵉⵜⵉⵏ ⵉ ⵓⵔ ⵜⵏⵜ ⵉⵙⵙⵓⵙⵎ ⵓⵎⵙⴰⵙⴰ ⴰⵏⴰⵎⵓⵏ, ⵍⵍⵉ ⵜⵙⴳⵎⴹ ⵜⵏⴱⴰⴹⵜ ⴰⴽⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ ⴷ ⵜⵏⴰⵎⵎⴰⵙⵉⵏ ⵜⵏⵎⴰⵍⵍⵓⵜⵉⵏ ⵜⵉⴳⵔⵏⵙⴰⵙ, ⴰⵙⵙ ⵏ ⵓⵚⵉⴹⵢⴰⵙ ⵉⵣⵔⵉⵏ ⴳ ⵕⵕⴱⴰⵟ. ⴷ ⵜⵏⵏⴰ ⵜⴽⵓⵏⴼⵉⴷⵉⵕⴰⵍⵉⵢⵜ ⵜⴰⴷⵉⵎⵓⵇⵕⴰⵟⵉⵢⵜ ⵏ ⵜⵡⵓⵔⵉ ⴱⵍⵍⵉ ⴰⵎⵙⴰⵙ ⵡⴰⵏⵉⵜⵉ ⵓⵔ ⵢⵓⵡⵉⴹ ⵖⵔ ⴰⵙⵡⵉⵔ ⵏ ⵓⵙⵓⴳⴳⵎ ⵏ ⵜⴰⵎⴰⵍⵢⵜ ⵜⴰⵎⵙⵡⵓⵔⵉⵜ ⴷ ⵛⵉⴳⴰⵏ ⵙⴳ ⵉⵙⴽⴽⵉⵏ ⵉⵇⵇⵏ ⵖⵔ ⵉⵎⵙⵡⵓⵔⵉⵜⵏ ⵉⵎⵖⵔⵉⴱⵉⵢⵏ ⵉⵜⵜⵓⵏⴼ ⴰⵙⵏ ⵜ, ⵙⴳ ⴷⵉⴳⵙ ⴰⵟⵟⴰⵚ ⵏ ⵉⵎⵅⵓⵎⴱⴰⵔ ⵉⵎⵙⵙⵓⴳⵓⵔⵏ ⴷ ⵉⵙⵏⵎⴰⵍⴰⵢⵏ. ⴷⵉ ⵜⵙⴳⴰ ⵏⵏⵉⴹⵏ, ⵉⵏⵏⴰ ⵓⵎⵣⴷⴰⵢ ⴰⵏⵎⴰⵍⴰⵢ ⵏ ⵜⵎⴰⴷⴷⴰⵙⵜ ⵜⴰⴷⵉⵎⵓⵇⵕⴰⵟⵉⵢⵜ ⵏ ⵜⵡⵓⵔⵉ ⴷⵜⴼⵉⴷⵉⵕⴰⵍⵉⵢⵜ ⵏ ⵉⵏⵎⴰⵍⵓⵜⵏ ⵉⴷⵉⵎⵓⵇⵕⴰⵟⵉⵢⵏ ⴷ ⵜⴽⵓⵏⴼⵉⴷⵉⵕⴰⵍⵉⵢⵜ ⵜⴰⵎⴰⵜⴰⵢⵜ ⵏ ⵜⵡⵓⵔⵉ ⵎⴰⵙ ⵓⵔ ⵉⵍⵍⵉ ⵓⵎⵙⴰⵙⴰ ⵏⵉⵍ ⵓⵏⴰⵔⵓⵣ ⵏ ⵏ ⵜⵎⴰⵍⴰⵢⵜ ⵜⴰⵎⵙⵡⵓⵔⵉⵜ ⴷ ⵉⵙⵙⵓⵜⵔ ⵙⴳ ⵜⵏⴱⴰⴹⵜ ⴰⴷ ⵜⵙⴷⴷⵔⴼ ⴰⵙⵎⴽⵍ ⵏ ⵉⵙⴷⴰⵡⵏ ⵉⵜⵜⵢⴰⴳⵍⵏ ⴷ ⵉⵇⵇⴱⵓⵔⵏ ⵉⵏⴳⵉⵙⵏ ⵏ ⵜⵏⴳⵔⴰⵡⵉⵏ ⴷ ⵓⵙⴰⴷⴼ ⵏ ⵉⵎⴰⵙⴰⵢⵏ ⵏ ⵉⵙⵍⴽⵉⵏ ⵢⴰⵜⵜⵓⵢⵏ ⵉⵙⴷⴰⵡⴰⵏ ⴷⴳ  ⵜⵙⴽⴽⴰⵍⵉⵡⵉⵏ ⴷ ⵢⵓⵙⴰⵏ ⴳ ⵜⵎⵙⵖⴰⵏⵜ ⵜⴰⴳⴷⵓⴷⴰⵏⵜ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵜⴳⵔⴰⵡⵉⵏ ⵜⵉⴷⵖⴰⵔⴰⵏⵉⵏ.

ⴰⵙⵓⵔⴼ ⴰⴳⵍⴷⴰⵏ ⵉ ⵎⴰⴷ ⵉⵜⵜⴳⵏ 958 ⵏ ⵢⴰⵏ ⵙ ⵜⵎⵍⴷⴰ ⵏ ⵓⵎⵓⴷ ⵏ ⵜⵉⵙⵙⵉ ⴰⵏⴰⵎⵎⴰⵔ (ⵍⵉⵜⵜⵉⵃⴰⴷ ⵍⵉⵛⵜⵉⵕⴰⴽⵉ)

ⵙ ⵜⵎⵍⴷⴰ ⵏ ⵡⴰⵎⵓⴷ ⵏ ⵜⵉⵙⵙⵉ ⴰⵏⴰⵎⵎⴰⵔ, ⵉⵙⵙⵓⴼⵖ ⴱⴰⴱ ⵏⵡⴰⴷⴷⵓⵔ ⴰⴳⵍⵍⵉⴷ ⴰⵏⴰⴹ ⵏⵏⵙ ⴰⴽⵙⵡⴰⵜ  ⵏ ⵓⵙⵙⵓⵔⴼ ⵉ ⵜⵓⴳⴳⵜ ⵏ ⵉⵏⵓⵎⴰⵥ ⵙⴳ ⴷⴳⵙⵏ ⵡⵉⵏⵏⴰ ⵉⵍⵍⴰⵏ ⴳ ⵓⵕⵥⵥⵓⵎ ⴰⵎⴽⵓⴷ, ⵅⴼ ⵢⴰⴷ ⵉⵍⵍⴰ ⵓⵏⴱⴰⴹ ⵏ ⵛⵉⴳⴰⵏ ⵏ ⵜⵙⵏⴱⴹⴰⵢⵉⵏ ⵏ ⵜⴳⵍⴷⵉⵜ ⵜⴰⵛⵛⵔⵉⴼⵜ, ⵉⴳⴰ ⵡⵓⵟⵟⵓⵏ ⵏⵏⵙⵏ 958 ⵏ ⵢⴰⵏ. ⵉⵏⵏⴰ ⵓⵍⵖⵓ ⵏ ⵓⵎⴰⵡⵙⴰⵙ ⵏ ⵜⵣⵔⴼⵜ ⴳ ⵍⵎⵙⵉⴱⵜ ⴰⴷ ⵜⴰⵏⴰⵎⵎⴰⵔⵜ ⵓⵔ ⵢⵓⴼⵉ ⵓⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ ⵉⵟⵟⴼ ⴰⵙ ⵜⴰⴷⵓⵙⵉ ⵏⵏⵙ ⵖⴰⵙ ⴰⴷ ⵉⴽⴼ ⴰⵙⵓⵔⴼ ⵏⵏⵙ ⴰⵎⴰⵡⵍⴰⵡⵉⵢ ⴰⵏⴼⴽⴰⵢ ⵉ ⵡⴰⵟⵟⴰⵚ ⵏ ⵡⵉⵏⵏⴰ ⵅⴼ ⵉⵍⵍⴰ ⵓⵏⴱⴰⴹ ⴳ ⵉⵙⴽⴽⵉⵏⵏ ⵏ ⵜⵖⵡⵡⴰⵖⵜ ⴷ ⵜⵡⵛⵛⵏⵜ, ⵍⵍⵉⴳ ⵙⵙⵓⴹⵔⴻⵔⵏ ⵙ ⵜⵍⵖⴰ ⵜⵓⵏⵚⵉⴱⵜ ⵉⵎⵥ ⵏⵏⵙ ⵖⵔ ⵜⵔⵙⴰⵍ ⵏ ⵜⵎⵜⵜⵉ ⴷ ⵉⴼⵓⵥⵕⵏ ⵏⵏⵙ ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ, ⴹⴰⵕⵜ ⵓⵣⵣⵔⴰⵢ ⵅⴼ ⵉⵎⵏⴰⴷⵏ ⵏⵏⵙⵏ ⵉⵡⵏⴳⵉⵎⵏ, ⴷ ⵓⵙⵉⵜⵜⵢ ⵏⵏⵙⵏ ⵙⴳ ⵜⵡⵛⵛⵏⵜ ⴷ ⵜⵖⵡⵡⴰⵖⵜ, ⵓⵟⵟⵓⵏ ⵏⵏⵙⵏ 29 ⵏ ⵢⴰⵏ.

ⵉⴳⴳⵣ ⵡⵓⵟⵟⵓⵏ ⵏ ⵡⴰⴷⴷⴰⴷⵏ ⵉⵏⵎⵓⵙⵙⴰ ⵙ “ⴽⵓⵕⵓⵏⴰ” ⵖⵔ 340 (ⵍⵎⴰⵙⴰ)

ⵜⵙⵙⵓⴹⵔⴻⵔ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵜⵉⵣⵡⵓⵔⵉ ⵏ ⵡⴰⵙⵙⵏⵏⴰⵟ, ⵙ ⵓⵣⵎⵎⴻⵎ ⵏ 20 ⵏ ⵉⵎⵟⵟⵓⵚⵏ ⵉⵎⴰⵢⵏⵓⵜⵏ ⵙ (ⴽⵓⴼⵉⴷ-19) , ⵎⴳⴰⵍ ⵏ 39 ⵏ ⵢⴰⵏ ⵏ ⵉⵊⵊⵉⵏ ⴳ 24 ⵏ ⵜⵙⵔⴰⴳⵜ ⵉⵣⵔⵉⵏ. ⴷ ⵉⵙⵙⵓⵎⵏ ⵓⴰⵡⵙⴰⵙ, ⴳ ⵉⵏⵖⵎⵉⵙⵏ ⵉⴽⵓⵢⴰⵙⵙⵏ ⵏ ⵜⵏⴰⵟⵟⵓⴼⵜ ⵏ (ⴽⵓⴼⵉⴷ-19) , ⴱⵍⵍⵉ 6 ⵏ ⵎⵍⵢⵓⵏ ⴷ 255 ⵏ ⵢⵉⴼⴹ ⴷ 820 ⵏ ⵢⴰⵏ ⵏ ⴳⴰⵏ ⵜⴰⴳⵣⴰⵢⵜ ⵜⵉⵙⵙ ⴽⵕⴰⴹⵜ ⵏ ⵓⴳⵣⴰⵢ ⵏ ⵓⵙⵓⵊⵊⵉ ⵏ ⵓⴼⵓⵔⵓⵙ, ⵎⴰⴽⴰ ⵢⵓⵍⵢ ⵡⵓⵟⵟⵓⵏ ⵏ ⵉⵎⴳⵣⴰⵢⵏ ⵙ ⵜⴳⵣⴰⵢⵜ ⵜⵉⵙⵙ ⵙⵏⴰⵜ ⵖⵔ 23 ⵎⵍⵢⵓⵏ ⴷ 285 ⵏ ⵢⵉⴼⴹ ⴷ 241 ⵏ ⵢⴰⵏ, ⵎⴳⴰⵍ,24 ⵎⵍⵢⵓⵏ ⴷ 806 ⵏ ⵢⵉⴼⴹ ⴷ 447 ⵏ ⵢⴰⵏ ⴳⴰⵏ ⵜⴰⴳⵣⵣⴰⵢⵜ ⵜⴰⵎⵣⵡⴰⵔⵓⵜ. ⴷ ⵜⵓⵡⴹ ⵜⴰⴳⴳⴰⵔⵜ ⵏ ⵡⴰⴷⴷⴰⴷⵏ ⵉⵏⵎⵓⵙⵙⵓⵜⵏ 340 ⵏ ⵡⴰⴷⴷⴰⴷ, ⴷ ⵓⵔ ⵉⵜⵜⵓⵣⵎⵎⵉⵎ ⴽⵔⴰ ⵏ ⵡⴰⴷⴷⴰⴷ ⵉⵀⵔⵛⵏⴳ 24 ⵏ ⵜⵙⵔⴰⴳⵜ ⵜⴰⵏⴳⴰⵔⵓⵜ, ⵜⴳ ⵜⴰⴳⴳⴰⵔⵜ ⵏ ⵡⴰⴷⴷⴰⴷⵏ ⴰⴷ 11 ⵏ ⵡⴰⴷⴷⴰⴷ.

ⴰⵎⵓⵏ ⴰⴼⵔⵉⵇⵉⵢ ⴷⴰ ⵉⵙⵙⴱⵖⴰⵙ ⵜⵉⵎⵓⵔⴰ ⵏ ⵉⴳⵎⴰⵎⵏ ⵅⴼ ⵓⵙⵎⴰⴷ ⵏ ⵡⴰⵏⵏⴰⵍ ⴷ ⵓⵙⵡⵓⴷⴷⵓ ⵏ ⵜⵡⵓⵔⵉ ⵏ ⵜⵙⵇⵇⴰⵎⵓⵜⵉⵏ ⵜⵉⴼⵔⵉⵇⵉⵢⵉⵏ ⵅⴼ ⵓⵏⵣⵡⵉ ⵏⵏⵉ ⵅⴼ ⵉⵜⵜⵓⴳ ⵓⵏⵎⵓⴳⴳⴰⵔ (ⴽⵓⴱ 22) ⴳ ⵎⵕⵕⴰⴽⵛ (ⵜⴰⵏⵣⵔⵓⴼⵜ ⵜⴰⵎⵖⵔⵉⴱⵉⵜ)

ⵉⵙⵙⵏⵜⵎ ⵡⴰⵎⵓⵏ ⴰⴼⵔⵉⵇⵉⵢ, ⵎⴰⵙ ⵍⴰ ⵉⵙⵙⵖⵔⴰⵙ 54 ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵜⴰⴼⵔⵉⵇⵉⵢⵜ, ⵅⴼ ⵓⵙⵎⴰⴷ ⵏ ⵡⴰⵏⵏⴰⵍ ⴷ ⵓⵙⵡⵓⴷⴷⵓ ⵏ ⵜⵡⵓⵔⵉ ⵏ ⵜⵙⵇⵇⴰⵎⵓⵜⵉⵏ ⵜⵉⴼⵔⵉⵇⵉⵢⵉⵏ ⵅⴼ ⵓⵏⵣⵡⵉ, ⵍⵍⵉ ⵉⵜⵜⵡⴰⵙⴽⵔⵏ ⴳ ⵓⵏⵎⵓⴳⴳⴰⵔ (ⴽⵓⴱ22) ⴳ ⵎⵕⵕⴰⴽⵛ ⴰⵙⴳⴳⵯⴰⵙ ⵏ 2016, ⵉ ⵓⵙⵀⵡⵏ ⵏ ⵜⵉⴳⴳⵉ ⵏ ⵓⵎⵙⴰⵙⴰ ⵏ ⴱⴰⵔⵉⵣ. ⴷ ⵉⵙⵙⵏⵜⵎ  ⵓⵙⵇⵇⵉⵎ ⵏ ⵓⴼⵔⴰ ⴷ ⵜⵏⴼⵔⵓⵜ ⵏ ⵡⴰⵎⵓⵏ ⴰⴼⵔⵉⵇⵉⵢ ⴳ ⵓⵙⵎⵎⴰⵍ ⵏ ⵉⵜⵜⵓⴼⵙⵔⵏ ⴰⵙⵙⵏⵏⴰⵟ ⵏ ⵓⴽⵕⴰⵙ, ⵍⵍⵉ ⴳ ⵉⵙⵙⵓⵍⵉⵏ ⵜⵉⵡⵓⵔⵉⵡⵉⵏ ⵏ ⵓⴳⵔⴰⵡ ⵉⵜⵜⵓⴳⵏ ⴳ 21 ⵉⴱⵔⵉⵔ ⵅⴼ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵓⴼⵔⴰ ⵜⵏⴼⵍⵓⵙⵜ ⴳ ⵉⴼⵔⵉⵇⵉⵢⴰ, ⵙ ⵜⴷⵔⴰⵡⵜ ⴰⴽⴷ ⵍⵎⵖⵔⵉⴱ, “ⵉⵇⵇⴰⵏ ⴷ ⵉ ⵉⵡⴰⵏⴰⴽ ⵏ ⵉⴳⵎⴰⵎⵏ ⴷ ⵜⵔⵓⴱⴱⴰ ⵜⵉⴷⵎⵙⴰⵏⵉⵏ ⵜⵉⵙⴳⴰⵡⴰⵏⵉⵏ , ⴷ ⵜⵎⵜⵜⵉⵡⵉⵏ ⵜⵉⵙⴳⴰⵡⴰⵏⵉⵏ, ⴰⴷ ⴱⴹⵓⵏ  ⵏ ⵜⵔⵎⵉⵜⵉⵏ ⴷ ⵜⵓⵙⵙⵏⵉⵡⵉⵏ ⴷ ⵜⵎⵙⴽⵉⵔⵉⵏ ⵉⵖⵓⴷⴰⵏ ⴳ ⵢⵉⴳⵔ ⵏ ⵉⴱⴷⴷⵉ ⵎⴳⴰⵍ ⵉⵙⵏⴼⵍⵏ ⵉⴱⴰⵡⵏ ⵏ ⵓⵏⵣⵡⵉ, ⵙ ⵓⵙⴱⵓⵖⵍⵓ ⴷ ⵓⵎⵢⴰⵡⴰⵙ ⵉⵕⴰⵡⴰⵏ ⵉⴳⴳⵓⵜⵏ ⵏⴳⵔ ⵜⵎⵍⵉⵜⵉⵏ ⵜⵉⴷⵖⴰⵔⴰⵏⵉⵏ ⴷ ⴷ ⵜⵏⴰⵎⵓⵔⵉⵏⴷ ⵜⵙⴳⴰⵡⴰⵏⵉⵏ, ⵃⵎⴰ ⴰⴷ ⵢⵉⵍⵉ ⵓⵣⴷⴰⵢ ⵉⵛⵏⴰⵏ ⵉ ⵜⵓⴳⴳⴰⵙ ⵉⵜⴰⵡⵉⵏ ⵖⵔ ⵓⵙⴼⵙⵉⵙ ⵏ ⵜⵎⵏⴰⴳⴰⵍⵉⵏ ⴰⴷ”.

ⵢⵓⵏⵙ ⵙⵙⴽⵓⵔⵉ: ⴰⵙⴰⵡⵔ ⴰⴳⵍⴷⴰⵏ ⴰⴽⵙⵡⴰⵜ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⵉⵍⴰ ⴰⵣⵣⵉⴳⵣ ⴰⵎⵇⵇⵔⴰⵏ (ⵍⵢⴰⵡⵎ ⵍⵎⵖⵔⵉⴱⵉ)

ⵉⵙⵙⵏⵜⵎ ⵓⵎⴰⵡⵙⴰⵙ ⵏ ⵓⵙⴰⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵓⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵜⵡⵓⵔⵉ ⴷ ⵜⵙⵓⴳⴳⴰⵔ, ⵢⵓⵏⵙ ⵙⵙⴽⵓⵔⵉ, ⵜⵉⵢⵉⵔⴰ ⴷ ⴳ ⵕⵕⴱⴰⵟ, ⴱⵍⵍⵉ ⴰⵙⴰⵡⵔ ⴰⴳⵍⴷⴰⵏ ⴰⴽⵙⵡⴰⵜ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ, ⵉⵙⵙⵏ ⵢⴰⵏ ⵏ ⵓⵣⵣⵉⴳⵣ ⴰⵅⴰⵜⴰⵔ ⴳ ⵓⵙⵓⴳⴳⵣ ⵏⵏⵙ. ⴷ ⵉⵙⵙⵓⴽⵣ ⵎⴰⵙⵙ ⵙⵙⴽⵓⵔⵉ, ⴳ ⵜⴳⵓⵔ ⵏⵏⵙ ⵙ ⵜⵎⵍⴷⴰ ⵏ ⵓⵎⵣⵡⴰⵔⵓ ⵏ ⵎⴰⵢⵢⵓ 2022, ⵎⴰⵙ ⵉⵜⵜⵓⵙⴽⴰⵔ ⵓⵎⵙⴰⵙⴰ ⵅⴼ ⵡⵓⴳⴳⴰⵔ ⵏ 20 ⵏ ⵓⵎⵕⵚⵓⵎ, ⵉⵀⵎⵎⴰⵏ ⵜⵉⴳⵔⵓⵎⵎⴰ ⵏ ⵉⵎⵣⵣⵓⵍⵏ ⴷ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏ ⴷ ⵡⵓⴷⵎⴰⵡⵏ ⵓⵔ ⵉⵍⵍⵉⵏ ⴷ ⵉⵎⵖⵔⴰⴷ ⵍⵍⵉ ⵉⵜⵜⴳⵏ ⵜⵉⵡⵓⵔⵡⵉⵏ ⵉⵥⵍⵉⵏ, ⵏⵏⴰ ⵎⵉ ⵢⵓⵜⵉ ⵡⵓⵟⵟⵓⵏ ⵏⵏⵙⵏ 3.5 ⵎⵍⵢⵓⵏ ⵏ ⵓⵎⵍⵜⴰⵖ, ⴷ ⵢⵏⵏⴰ ⵔⴰⴷ ⵉⵙⵙⵓⵔⴼⵏ ⵉ 11 ⵏ ⵎⵍⵓⵢⵏ ⴰⴷ ⵙⵙⴱⵖⵔⵏ ⵙⴳ ⴰⵢⵜ ⵓⵣⵔⴼ, ⴷ ⴰⵔ ⵏⵜⵣⵎⵎⴰⵎ ⴷⴰⵀ ⵎⴰⵙ ⵛⵉⴳⴰⵏ ⵙⴳ ⵡⵉⵙⵙ ⵉⵣⵎⵎⴻⵎⵏ ⵙⴳ ⵜⴳⵔⵓⵎⵎⴰ ⴰⵔ ⵜⵉⵣⵡⵓⵔⵉ ⵏ ⵉⴱⵔⵉⵔ 2022 ⵉⵣⴳⵔ ⵎⵍⵢⵓⵏ ⴷ 700 ⵏ ⵢⵉⴼⴹ ⵏ ⵓⵎⵍⵜⴰⵖ.

ⵢⵓⵡⵉ ⴷ ⵓⵎⵙⴰⵙⴰ ⴰⵏⴰⵎⵓⵏ ⵛⵉⴳⴰⵏ ⵏ ⵜⵎⴳⴳⵉⵜⵉⵏ ⵉⵍⴰ ⴰⵡⵜⵜⴰⵙ ⵏ ⵓⵙⵖⵓⴷⵓ ⵏ ⵜⵣⵎⵎⴰⵔⵜ ⵏ ⵜⵙⵖⵉ ⵉ ⵉⵎⵙⵖⴰⵏⵏ ⵏ ⵢⵉⴳⵔ ⴰⴳⴷⵓⴷⴰⵏ (ⵍⵢⴰⵡⵎ ⵍⵎⵖⵔⵉⴱⵉ)

ⵜⵙⵙⵓⴽⵣ ⵜⵎⴰⵡⴰⵙⵜ ⵏ ⵓⵎⵎⴰⵜⵉ ⴰⵎⵓⵟⵟⴰⵏ ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⵓⵔⵜ ⴱⵍⵍⵉ ⴰⵎⵙⴰⵙⴰ ⴰⵏⴰⵎⵓⵏ ⵏⵏⵉ ⵜⵙⴳⵎⴹ ⵜⵏⴱⴰⴹⵜ ⴰⴽⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ ⴷ ⵜⵏⴰⵎⵎⴰⵙⵉⵏ ⵜⵉⵏⵎⴰⵍⴰⵢⵉⵏ ⵜⵉⴳⵔⴳⵏⵙⴰⵙ, ⵢⵓⵡⵉ ⴷ ⴰⵟⵟⴰⵚ ⵏ ⵜⵎⴳⴳⵉⵜⵉⵏ ⵏⵏⵉ ⵖⵔ ⵉⵍⵍⴰ ⵓⵡⵜⵜⴰⵙ ⵏ ⵓⵙⵖⵓⴷⵓ ⵏ ⵜⵣⵎⵎⴰⵔⵜ ⵏ ⵜⵙⵓⵖⵉ ⵉ ⵜⵎⵙⴰⵖⴰⵏⵉⵏ ⴷ ⵉⵎⵙⵖⴰⵏⵏ ⵏ ⵢⵉⴳⵔ ⴰⴳⴷⵓⴷⴰⵏ. ⵜⵔⵏⴰ ⵜⵎⴰⵡⴰⵙⵜ, ⴳ ⵓⵍⵖⵓ ⵏⵏⵙ, ⵎⴰⵙ ⴰⵎⵙⴰⵙⴰ ⴰⴷ ⵢⵓⵙ ⴷ ⴰⴽⴷ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⵉⵏⵓⵔⵣⵏ ⴳ ⵓⵙⵖⵓⴷⵓ ⵏ ⵜⵣⵎⵎⴰⵔⵜ ⵜⴰⵏⴰⵎⵓⵔⵜ ⴳ ⵓⵙⵖⵉⵎ ⵏ ⵉⴷⴰⵙⵉⵍⵏ ⵏ ⵓⵡⴰⵏⴽ ⴰⵏⴰⵎⵓⵏ, ⴷ ⵜⵙⵙⵓⴽⵣ ⴱⵍⵍⵉ ⵉⵜⵜⵓⴳ ⵓⵎⵙⴰⵙⴰ ⴰⵡⴷ ⵅⴼ ⵓⵙⵉⵜⵜⵢ ⵏ ⵜⵖⵔⴰⴷ ⵉⵏⴰⴷⴷⴰⵢⵏ ⴳ ⵢⵉⴳⵔ ⴰⵎⴰⵜⴰⵢ ⵖⵔ 3500 ⵏ ⴷⴷⵔⵀⵎ ⵉⵣⴷⴷⵉⴳⵏ, ⵜⵜⴰⴼ ⴰⴷ ⵉⵖⵓⴷⵓ ⵡⴰⴷⴷⴰⴷ ⴰⵥⵕⴼⴰⵏ ⵏ ⵉⵎⵙⵖⴰⵏⵏ ⵉⵍⵍⴰⵏ ⴳ ⵜⵙⴽⴽⴰⵍⵉⵏ ⵏ ⵜⵖⵔⴰⴷ ⵉⴳⴳⵣⵏ. ⴷ ⵜⵉⵖⵔⴰⴷ ⵏⵏⴰ ⵢⵓⴷⴼⵏ ⴳ ⵜⵉⴳⴳⵉ ⵙⴳ ⵜⵉⵣⵡⵓⵔⵉ ⵏ ⵛⵓⵜⴰⵏⴱⵉⵔ 2022.

ⴰⵙⵙⵓⵜⵔ ⵏ ⵓⴽⴰⴱⴰⵔ ⵏ ⵓⴼⴰⵔⴰ ⴷ ⵜⵏⵎⴰⵍ ⵉⵣⵡⵉⵔ ⵏ ⵜⴰⵙⵙⴰⵙⵜ ⵏ ⴼⴰⴷ ⴳ ⵉⵎⵉⵔ ⵏ ⵓⵏⴱⴷⵓ (ⵍⴱⴰⵢⴰⵏ)

ⵉⵡⵛⴰ ⵓⴽⴰⴱⴰⵔ ⵏ ⵓⴼⴰⵔⴰ ⴷ ⵜⵏⵎⴰⵍ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵢⴰⵏ ⵏ ⵓⵙⵇⵙⵉ ⴰⵎⵉⵔⴰⵢ ⵉ ⵓⵎⴰⵡⵙⴰⵙ ⵏ ⵓⵎⴰⵡ ⴷ ⵡⴰⵎⴰⵏ ⴷ ⵅⴼ ⵜⵍⴳⴰⵎⵜ ⵏ ⵜⵎⴷⵉⵏⵉⵏⴷ ⵜⵎⴳⵔⴰⵡⵉⵏ ⵍⵍⵉ ⵔⴰⴷ ⴷⴰⵔ ⵢⵉⵍⵉ ⵢⴰⵏ ⵏ ⵓⵙⴰⵔ ⵓⵙⵍⵉⴷ ⴳ ⵡⴰⵎⴰⵏ ⵏ ⵜⵉⵙⵙⵉ ⴳ ⵉⵎⵉⵔ ⵏ ⵓⵏⴱⴷⵓ ⴷ ⵉⴷⴷⴰⵏ, ⴷ ⵅⴼ ⵜⵎⴳⴳⵉⵜⵉⵏ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⵜⵓⴳⵏⵜ ⴳ ⵢⵉⵏⴼ ⵉ ⵜⵎⵓⴽⵔⵉⵙⵜ. ⴷ ⵉⵏⵏⴰ ⵓⴽⴰⴱⴰⵔ ⵎⴰⵙ “ⵜⴰⵎⵓⵔⵜ ⵏⵖ ⴰⵇⵇⴰ ⵜⵄⴷⴷⵓ ⴳ ⵜⵉⵣⵉ ⵏ ⵜⵣⴰⵡⴰ, ⵡⴰⵅⵅⴰ ⴷ ⵉⵏⵥⴰⵕⵏ ⵏⵏⴰ ⵉⴽⴽⴰⵏ ⵜⵉⵢⵉⵔⴰ ⴰⴷ, ⴷ ⵓⵔ ⴰⴽⴽⵯ ⵓⴽⵜⵓⵔ ⵏ ⵡⵓⴳⴳⵓⴳⵏ ⴰⵔ ⴰⵙⵙⴰ 34.3%, ⵎⴳⴰⵍ 51.93 ⴳ ⵓⵣⵏ ⴷⴰⵙⵙⴰ ⴰⴳⴳⵯⴰⵙ ⵉⵣⵔⵉⵏ ⴷ ⵓⵎⵢⴰⴳⴰⵔ ⵏⴳⵔ ⵉⴳⵍⵎⴰⵎⵏ ⵏ ⵡⴰⵎⴰⵏ, ⵎⵛⵉⵏⵏⴰ ⵉⵙⵙⵏ ⵓⵙⴷⴷⵓⵍ ⵏⵡⴰⵎⴰⵏ ⵜⴰⵙⵎⵓⵔ ⵉⵎⵢⴰⴳⴰⵔⵏ”, ⵉⴳⵔ ⴰⵙⵇⵙⵉ ⵅⴼ ⵜⵍⴳⴰⵎⵜ ⵏ ⵜⵎⵏⴰⴹⵉⵏ, ⵜⵉⵎⴷⵉⵏⵉⵏ,ⵜⴳⵔⴰⵡⵉⵏ ⵏⵏⴰ ⵉⴷⴷⴰⵏ ⴰⴷ ⵢⵉⵍⵉ ⵓⵙⵍⵉⴷ ⵏ ⵜⴷⵔⵉⵙ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵜⵎⴳⴳⵉⵜⵉⵏ ⴷ ⵉⵍⴰⵇ ⴰⴷ ⵜⵜⵡⴰⴳⵏⵜ ⴳ ⵉⴱⴷⴷⵉ ⵎⴳⴰⵍ ⵜⴰⵎⵓⴽⵔⵉⵙⵜ ⴰⴷ ⵉⵛⵇⵇⴰⵏ ⵙⴳ ⵓⵢⴰ ( ⵜⴰⵖⵓⵣⵉ ⵏ ⵡⵓⵏⴰ ⵉⵎⴰⵢⵏⵓⵜⵏ, ⴰⵣⴷⴰⵢ ⵙ ⵜⵔⴰⵜⵙⴰ; ⵉⵙⵔⵙⵉⵡⵏ ⵏ ⵓⵙⵜⴰⵢ; ⴰⵏⵀⵍⵍⴰ ⵏ ⵜⵔⴰⵜⵙⴰ; ⴰⵙⵉⵜⵜⵢ ⵏ ⵡⵓⴳⴳⵓⴳⵏ …ⴷ ⵡⵓⴳⴳⴰⵔ)

ⵜⵙⵙⵍⴽⵏ ⵙⴱⴰⵏⵢⴰ ⵉⵙⵓⵖⴰⵏ ⵏⵏⵙ ⵙ ⵓⵚⴽⵓ ⵏ ⵜⵎⵉⵇⵇⴰⵏ ⴳ ⵢⵉⴳⵔⴰⵏ ⵉⵎⵏⴰⵡⴰⵢⵏ ⴰⴽⴷ ⵍⵎⵖⵔⵉⴱ ( ⴱⴰⵢⴰⵏ ⵍⵎⵖⵔⵉⴱ)

ⵜⵙⵙⵍⴽⵏ ⵜⵎⵙⵙⵡⵉⵍⵜ ⵙ ⵢⵉⵙⵎ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ, ⵉⵥⴰⴱⵉⵍ ⵔⵓⴷⵔⵉⴳⵉⵣ, ⵎⴰⵙ ⵜⴰⵎⴰⵣⵉⵔⵜ ⵏⵏⵙ ⵜⵎⵢⴰⵇⵇⴰⵏ ⴰⴽⴷ ⵍⵎⵖⵔⵉⴱ ⵅⴼ ⵓⵚⴽⵓ ⵏ ⵜⵎⵢⴰⵇⵇⴰⵏⵉⵏ ⴷ ⵜⵎⴷⵔⴰⵡⵉⵏ ⴳ ⵎⴰⵕⵕⴰ ⵉⴳⵔⴰⵏ, ⴳ ⵜⵍⵍⴰ ⵜⵔⵏⴰ. ⴷ ⵜⵏⵏⴰ ⵎⴰⵙⵙⴰ ⵔⵓⴷⵔⵉⴳⵉⵣ ⴳ ⵓⵖⴰⵡⴰⵙ ⵏ “ⵓⵔⴰ 24” ⴳ ⵜⵏⵣⵡⴰⵢⵜ  “ⴽⴰⴷⵉⵏⴰ ⵙⵉⵔ”, ⵜⵙⵎⵓⵏ ⴰⵏⵖ ⵜⴰⴹⴰ ⴷ ⵍⵎⵖⵔⵉⴱ, ⵜⴰⵎⴰⵣⵉⵔⵜ ⵜⴰⴷⵊⴰⵕⵜ ⵍⵍⵉ ⵖⵔ ⵍⵍⴰⵏ ⵛⵉⴳⴰⵏ ⵏ ⵉⵣⴰⵔⵓⵜⵏ ⵉⴷⵎⵙⴰⵏ, ⵉⵏⴰⵎⵓⵏⵏ, ⵉⵙⵔⵜⴰⵏ ⴷ ⵜⵏⴼⵍⵓⵙⵜ, ⴷ ⵏⵏⴰ ⵙ ⴷ ⵉⵇⵇⴰⵏ ⴰⴷ ⴷⵉⴷⵙ ⵏⴳ ⵜⴰⴹⴰ, ⴷ ⵔⴰ ⴰⴽⴽⵯ ⵏⵙⵡⵓⵔⵉ ⵙ ⵙⵉⵏ ⴰⵍⵜⵓ ⵅⴼ ⵜⵔⵏⴰ”, ⴷ ⵜⵏⵏⴰ ⵜⵎⵙⵙⵉⵡⵍⵜ ⵙ ⵢⵉⵙⵎ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ, ⴱⵍⵍⵉ “ⵍⵎⵖⵔⵉⴱ ⵉⴳⴰ ⴰⵎⴷⵔⴰⵡ ⴷ ⵡⴰⴷⴷⵊⴰⵕ ⵉⵇⵇⴰⵏ ⴰⴽⵉⴷⵙ ⵏⴳⴳ ⵜⵓⵏⵇⵇⵉⵡⵉⵏ ⵉⵛⵏⴰⵏ”. ⵜⵔⵏⵉ ⵎⴰⵙ ⴷ ⵙⵏⴰⵜ ⵜⵎⵉⵣⴰⵔ ⴰⴷ ⵛⵛⴰⵔⵏⵜ ⵉⵚⴰⵃⴰⵜⵏ ⵉⴳⴳⵓⵜⵏ.

ⵜⵕⵥⵎ ⵜⵏⴱⴰⴹⵜ ⵉⵎⴷⵉⵡⴰⵍⵏ ⵉⴱⴰⵔⵡⵏ ⵅⴼ ⵜⵏⴳⵔⴰⵡⵜ ⵏ ⵜⵏⴰⴼⵜ ⴰⴽⴷ ⵉⵏⵎⵣⵔⴰⵢⵏ ⵉⵏⴰⵎⵓⵏⵏ ⴰⵣⴳⵏ ⵏ ⵎⴰⵢⵢⵓ ⴳ ⵏⵍⵍⴰ (ⵜⴰⵏⵣⵔⵓⵜ ⵜⴰⵎⵖⵔⵉⴱⵉⵜ)

ⵓⵔ ⵉⴽⴽⵓⵍ ⵎⴰⵙ ⴷ ⴰⵙⵖⵓⴷⵓ ⵏ ⵓⵏⴳⵔⴰⵡ ⵏ ⵜⵏⴰⴼⵜ ⴳ ⵍⵎⵖⵔⵉⴱ ⵢⵓⴷⴼ ⴳ ⵜⴼⵔⴽⵜ ⵜⴰⵎⵖⵜⴰⵙⵜ, ⵍⵓⵎⵏ  ⴷⴼⴼⵔ ⵏ ⵓⵙⵉⴷⴼ ⵏ ⵓⵎⵙⴰⵙⴰ ⵏⵏⵉ ⵜⵙⴳⵎⴹ ⵜⵏⴱⴰⴹⵜ  ⴰⵙⵙ ⵏ ⵓⵚⵉⴹⵢⴰⵙ ⵉⵣⵔⵉⵏ ⴰⴽⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ ⴷ ⵜⵏⴰⵎⵎⴰⵙⵉⵏ ⵜⵉⵏⵓⵍⵍⴰ, ⴷ ⵜⴳⴰ ⵅⴼ ⵓⵕⵥⴰⵎ ⵏ ⵏ ⵓⵙⵖⵓⴷⵓ ⴰⵖⵣⵓⵔⴰⵏ ⵏ ⵜⵏⴳⵔⴰⵡⵜ ⴰⴷ ⵙ ⵓⵎⵙⴰⵡⴰⵍ ⵉⵕⵥⵎⵏ ⴰⴽⴷ ⵉⵏⵎⵣⴰⵔⴰⵢⵏ ⵉⵏⴰⵎⵓⵏⵏ ⵖⵔ ⵡⴰⴳⴳⴰⴹ ⵏ ⵏ ⵓⵙⵔⵔⵙ ⵏ ⵓⵏⴳⵔⴰⵡ ⵉⵎⵓⵏⵏ ⵉⵥⵍⵉⵏ ⵙ ⵢⵉⴳⵔ ⴰⵎⴰⵜⴰⵢ ⴷ ⵡⴰⵢⵢⴰⴹ ⵉⵥⵍⵉⵏ ⵖⵔ ⵢⵉⴳⵔ ⵓⵙⵍⵉⴳ. ⴷ ⵓⵔ ⵉⴽⴽⵓⵍ ⴰⴷ ⵜⵙⵙⵏⵜⵉ ⵜⵏⴱⴰⴹⵜ ⴳ ⵡⴰⵎⵎⴰⵙ ⵏ ⵡⴰⵢⵓⵔ ⴰⴷ ⴳ ⵏⵍⵍⴰ, ⴳ ⵜⵉⴳⴳⵉ ⵏ ⵉⵎⴷⵉⵡⴰⵍⵏ ⵉⴱⵔⴰⵡⵏ ⴰⴽⴷ ⵉⵏⵣⴰⵔⴰⵢⵏ ⵉⵏⴰⵎⵓⵏⵏ ⵜⵜⴰⴼ ⴰⴷ ⵙⵙⵖⵣⵏⵏ ⴰⵙⵖⵓⴷⵓ ⵅⴼ ⵅⴼ ⵢⴰⴷ ⵎⵙⴰⵙⴰⵏ ⵉⵇⵇⵏ ⵖⵔ ⴰⵏⴳⵔⴰⵡ ⵏ ⵜⵏⴰⴼⵜ. ⵙ ⵓⵢⴰ ⵜⴷⵎⴰ ⵏⴰⴷⵉⵢⴰ ⴼⴰⵜⵃ ⵍⵄⴰⵍⴰⵡⵉ, ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ, ⴰⴷ ⵜⵙⵙⵏⵜⵉ ⵜⵏⴰⴱⴹⵜ ⴳ ⵜⵉⴳⴳⵉ ⵏ ⵉⵎⴷⵉⵡⵍⴰⵏ ⵉⴱⴰⵔⵡⵏ ⴰⴽⴷ ⵉⵏⵎⵣⵔⴰⵢⵏ ⵉⵏⴰⵎⵓⵏⵏ ⵃⵎⴰ ⴰⴷ ⵙⵖⵣⵏⵏ ⴰⵙⵖⵓⴷⵓ ⵏ ⵅⴼ ⵎⵙⴰⵙⴰⵏ ⵏ ⵓⵏⴳⵔⴰⵡ ⵏ ⵜⵏⴰⴼⵜ, ⴰⵣⴳⵏ ⵏ ⵡⴰⵢⵢⵓⵔ ⴳ ⵏⵍⵍⴰ.

ⵍⵎⵖⵔⵉⴱ ⴷ ⵙⵙⴰⵄⵓⴷⵉⵢⴰ ⵜⴰⵙⵓⵔⵉⴼⵜ ⴳ ⵓⴱⵔⵉⴷ ⵏ ⵜⵎⵓⵔⴳⵉ ⵏ ⵜⵓⵙⵎⵉⴷⵜ (ⵍⴰⵃⴷⴰⵜ ⵍⵎⵖⵔⵉⴱⵉⵢⴰ)

ⵉⵎⵙⴰⵙ ⵍⵎⵖⵔⵉⴱ ⴷ ⵜⴳⵍⴷⵉⵜ ⵏ ⵙⵙⴰⵄⵓⴷⵉⴰⵢ, ⵜⵉⵢⵢⵉⵔⴰ ⴰⴷ, ⵅⴼ ⵓⵙⵔⵔⵓⵙ ⵏ ⵜⵙⵓⵔⵉⴼⵜ ⴳ ⵓⴱⵔⵉⴷ ⵃⵎⴰ ⴰⴷ ⵙⵙⴽⵔⵏ ⵢⴰⵜ ⵏ ⵜⵎⴰⴷⴷⴰⵙⵜ ⵏ ⵜⵎⵓⴳⵔⵉ ⵜⵓⵙⵎⵉⴷⵜ ⵏ ⵓⵙⴷⵓⵙ ⵏ ⵉⵙⵓⵍⴼⵏ ⵏ ⵓⵙⵙⴰⵔⵓ ⴷ ⵓⵙⴽⴰⵔ ⵏ ⵜⵏⴷⵉ ⵜⴰⵎⵔⵏⵉⵡⵜ ⴷ ⵜⵡⵓⵔⵉ ⵏⴳⵔ ⵙⵏⴰⵜ ⵜⵎⵉⵣⴰⵔ. ⵢⵓⵙ ⴷ ⵎⴰⵏ ⴰⵢⴰ ⵙⴳ ⵉⵎⴷⵉⵡⴰⵍⵏ ⵉⴳⴰ ⵓⵎⴰⵡⵙⴰⵙ ⵏ ⵜⵎⴳⵔⵉ ⴷ ⵜⵙⴱⴱⴰⴱⵜ ⵎⴰⵙⵙ ⵕⵉⵢⴰⴹ ⵎⵣⵡⴰⵔ ⵙ ⵓⵎⵢⴰⵡⴰⴹ ⵏ ⵥⵕⵉ ⴳ ⵊⴷⴷⴰ ⴰⴽⴷ ⵓⵎⴰⵡⵙⴰⵙ ⵏ ⵜⵎⵓⴳⵔⵉ ⴷ ⵓⴳⵔⴰ ⴰⵎⵖⵓⵣ ⴰⵙⴰⵄⵓⴷⵉ ⵎⴰⵙⵙ ⴱⵏⴷⵔ ⴱⵏ ⴱⵕⴰⵀⵉⵎ ⵍⵅⵔⵉⴼ. ⵉⵏⵏⴰ ⵎⴰⵙⵙ ⵎⵣⵡⴰⵔ ⴳ ⵓⵎⴷⵉⵡⴰⵍ ⴰⴷ ⵎⴰⵙ ⵎⵙⴰⵙⴰⵏ ⵅⴼ ⵓⵙⵡⵓⵔⵉ ⵅⴼ ⵡⴰⵟⵟⴰⵚ ⵏ ⵉⵙⴰⵡⴰⵔⵏ ⵙⴳ ⴷⴳⵙⵏ ⴰⵙⴰⵡⵔ ⵏ ⵓⵎⵣⵉⵣⵡⴰⵔ ⵓⵙⵎⵉⴷ ⵏⴳⵔ ⵙⵏⴰⵜ ⵜⵏⴳⵔⴰⵡⵉⵏ ⵜⵓⵎⵔⴰⵡⵉⵏ ⴳ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⴷ ⵙⵙⴰⵄⵓⴷⵉⵢⴰ ⴷ ⵓⴽⵛⵛⵓⵎ ⵏ ⵉⴳⴰⴷⴰⵣⵏ ⵙ ⵜⵏⴷⵉ ⵜⴰⵎⵔⵏⵉⵡⵜ ⵜⴰⵢⵓⴳⴰⵏⵜ ⴷ ⴰⵡⴷ ⴰⵙⵙⴰⵔⵓ ⴳ ⵓⴼⵔⴷⵉⵙ ⴰⵏⴰⴼⴳⴰⵏ ⴷ ⵓⵙⵏⴼⵍⵓⵍ

ⵏⵉⵥⴰⵕ ⴱⴰⵕⴰⴽⴰ: ⴰⵎⵙⴰⵙⴰ ⴰⵏⴰⵎⵓⵏ  ⵢⵓⵡⵉ ⴷ ⵛⵉⴳⴰⵏ ⵏ ⵉⴱⵖⵓⵔⵏ ⵉⵅⴰⵜⴰⵔⵏ (ⵍⵄⴰⵍⴰⵎ)

.ⵉⵙⵙⵍⴽⵏ ⵏⵉⵥⴰⵕ ⴱⴰⵕⴰⴽⴰ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵕ ⵜⵙⵉⵎⴰⵏⵜ, ⴳ ⵜⴳⵓⵔⵉ ⵏⵏⵙ ⵉⴼⴽⴰ ⵙ ⵜⵎⵍⴷⴰ ⵏ ⵜⵎⵓⵏⵉ ⵜⴰⵏⵎⴰⵍⴰⵢⵜⵍⵍⵉ ⵉⵙⵏⵎⴰⵍⴰ ⵡⴰⵎⵓⵏ ⴰⵎⴰⵜⴰⵢ ⵏ ⵉⵎⵙⵡⵓⵔⵉⵢⵏ  ⴳ ⵍⵎⵖⵔⵉⴱ ⴰⵙⵙ ⵏ ⵓⵎⵣⵡⴰⵔⵓ ⵏ ⵎⴰⵢⵢⵓ ⴳ ⵏⵍⵍⴰ ⴳ ⵜⴰⴷⴷⴰⵔⵜ ⵜⵓⵎⵍⵉⵍ, ⵙ ⵍⵎⵙⵉⴱⵜ ⵏ ⵓⵙⴼⵓⴳⵍⵓ ⵙ ⵡⴰⵎⵎⵓⴷ ⵏ ⴰⵎⵜⵜⵉⵡ ⵏⵉⵎⵙⵡⵓⵔⵉⵢⵏ, ⵙ ⵎⴰⵙ ⴷ ⴰⵙⴼⵓⴳⵍⵓ ⴰⵙⴳⴳⵯⴰⵙ ⴰⴷ, ⵉⵍⴰ ⵢⴰⵜ ⵏ ⵜⴰⴹⴼⵉ ⵉⵥⵍⵉⵏ ⵍⵍⵉ ⵉⴳⴰⵏ ⴰⵙⴼⵓⴳⵍⵓ ⵙ ⵜⵎⵔⵏⵉⵡⵉⵏ  ⵏⵏⵉ ⵢⵓⵡⴹ ⵡⴰⵎⵓⵏ ⴰⵎⴰⵜⴰⵢ ⵏ ⵉⵎⵙⵡⵓⵔⵉⵢⵏ,”ⵉⵜⵜⵓⵕⵛⴰⵎ ⵙ ⵓⵙⵙⴹⵕⵓ ⴰⵏⵎⵣⵔⵓⵢ ⵙ ⵢⵉⵍⵉ ⵏⵏⵙ ⴷ ⴰⵎⵣⵡⴰⵔ ⴳ ⵜⵏⵓⵟⵟⴰⴼ ⵏ ⵉⵙⵜⴰⵢⵏ ⴰⵣⵣⵓⵍⴰⵏⵏ ⵏ ⵢⵉⴳⵔ ⵓⵙⵍⵉⴳ, ⴷ ⵓⵙⴱⴷⴷ ⵏ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴳ ⵓⵙⵇⵇⵇⴰⵎⵓ ⵏ ⵉⵎⵛⵉⵡⵕⵏ”, ⵉⵔⵏⵉ ⴱⵍⵍⵉ ⴰⵏⵎⴰⵍⵓ ⵏ ⵓⴽⴰⴱⴰⵕ ⵏ ⵜⵙⵉⵎⴰⵏⵜ ⵉⵍⴰ ⴰⴷⵖⴰⵔ ⴰⵅⴰⵜⴰⵔ ⴳ ⵓⵎⵙⴰⵡⴰⵍ ⴰⵏⴰⵎⵓⵏ, ⴷ ⵜⵜⵢⴰⵡⴹⵏⵜ ⵛⵉⴳⴰⵏ ⵏ ⵜⴱⵖⵓⵔⵉⵏ ⵉ ⵉⵎⵙⵡⵓⵔⵢⵉⵏ ⵉⵎⵖⵔⵉⴱⵉⵢⵏ ⵙ ⵓⵙⴳⵎⴹ ⵏ ⵅⴼ ⵓⵎⵙⴰⵙⴰ ⵏ 30 ⵉⴱⵔⵉⵔ 2022 ⴳ ⵜⵡⴰⵍⴰ ⵜⴰⵎⵣⵡⴰⵔⵓⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵢⴰⵏ ⵙⴳ ⵉⴱⵖⵓⵔⵏ ⴰⴷ, ⵍⵍⵉ ⵉⵙⵙⵉⴽⵉⵣⵏ ⵉⵅⴰⵙⴰ ⵏ ⵜⵏⴱⴰⴹⴰ ⴷ ⵉⴽⴰⴱⴰⵕⵏ ⵏ ⵜⵓⴳⵜ ⴷ ⵉⵏⵎⵓⵍⴰ ⵉⴳⵔⴳⵏⵙⴰⵙ ⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ ⴰⴷ ⵜⵜⵢⴰⵡⴰⴹⵏ ⵉⵡⵜⵜⴰⵙⵏ ⵍⵍⵉ ⵙ ⵜⵜ ⵉⵏⵏ ⵉⴽⴽⴰ ⵢⴰⴷ ⵍⵍⵉ ⵉⵎⵎⴰⵖ ⴼⵍⵍⴰⵙⵏ ⵓⴽⴰⴱⴰⵕ ⵏ ⵜⵙⵉⵎⴰⵏⵜ.

ⵜⴰⵙⴷⵡⵉⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴳ ⵕⵕⴱⴰⵟ, ⵜⵓⵡⵉ ⵜⵓⵙⴽⵯⴼⴰⵍ ⴱⴰⵀⵔⴰ ⵉⵣⵡⴰⵔⵏ ⴷⵉ ⵜⴳⵔⴰⵖⵍⴰⵏⵜ (ⵍⵄⴰⵍⴰⵎ)

ⵜⵓⵡⵉ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴳ ⵕⵕⴱⴰⵟ ⵜⵉⵙⴽⵯⴼⴰⵍ ⴱⴰⵀⵔⴰ ⵉⵣⵡⴰⵔⵏ ⴳ ⵜⵙⵏⴰⵡⴰⵢⵜ ⵜⴰⴳⵔⴰⵖⵍⴰⵏⵜ ⵜⴰⵎⴰⵢⵏⵓⵜ ⵍⵍⵉ  ⴷ ⵉⵙⵙⵓⴼⵖ, ⵜⵉⵏⵉⵢⵉⵔ ⴰⴷ, ⵜⵎⵔⵙⵍ ⵜⴰⴳⵔⴰⵖⵍⴰⵏⵜ ⵉⵜⵜⵓⵥⵍⴰⵢⵏ ⴳ ⵓⵙⵙⵓⴷⵙ ⵏ ⵜⵙⴷⴰⵡⵉⵏ “ⵟⴰⵢⵎⵣ ⵀⴰⵢⵔ ⵉⴷⵓⴽⴰⵢⵛⵏ” ⵏ ⵓⵙⴳⴳⵯⴰⵙ ⵏ 2022. ⴷ ⵉⵏⵏⴰ ⵓⵍⵖⵓ ⵏ ⵜⵏⵙⵙⵉⵅⴼⵜ ⵏ ⵜⵙⴷⵡⵉⵜ ⴱⵍⵍⵉ ⴰⵎⵓⵔⵙ ⴰⴷ ⵢⵓⵙ ⴷ ⴳ ⵓⵙⴰⵜⵓⵢ ⵏ ⵓⵍⵜⴰⵖ ⵏ ⵍⵎⵖⵔⵉⴱ ⴳ ⵢⵉⵡⴹ ⵖⵔ ⵉⵙⵓⵖⴰⴷ ⵏ ⵜⵏⴳⵎⵉ ⵜⴰⵙⵓⵍⴰⵏⵜ ⵜⵉⵙⵙ ⵙⴰⵜ ⵎⵔⴰⵡⵜ , ⵉⴷⴷⵖ ⵜⵓⵡⴹ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴳ ⵕⵕⴱⴰⵟ ⵜⴰⵙⴽⵯⴼⵍⵜ ⵜⴰⵎⵣⵡⴰⵔⵓⵜ ⴳ ⵜⵎⵓⵔⵜ ⴳ ⵍⵉⵏ ⵉⵇⵇⵏ ⵖⵔ ⵙⴰ ⵏ ⵉⵡⵜⵜⴰⵙⵏ. ⵉⵔⵏⴰ ⵎⴰⵙ ⴷ ⴰⵢⴷⴷⵖ ⵏ ⵉⵡⵜⵜⴰⵙⵏ ⵍⵍⴰⵏ ⴳ ⵜⴷⵓⵙⵉ ⵉⵖⵓⴷⴰⵏ ⴷ ⵓⴱⵓⵖⵍⵓ ⵏ ⵜⵓⴷⵔⵜ ⵜⴰⴽⴰⵍⴰⵏⵜ ⴷ ⵓⵙⴱⴷⴷⵉ ⵏ ⵡⵓⴷⵎⴰⵡⵏ ⵡⴰⵔ ⵜⴰⵏⴳⴰⴷⴷⴰⵢⵜ ⴷ ⴰⴽⴷ ⴰⴼⵔⴰ ⴷ ⵜⵣⵔⴼⵜ ⴷ ⵜⵎⵔⵙⴰⵍ ⵉⵕⵡⴰⵏ ⵉⵍⵎⴰ ⵜⵉⵎⵙⵙⵓⵔⵉⵏ ⵏ ⵢⵉⵡⴹ ⵖⵔ ⵉⵡⵜⵜⴰⵙⵏ ⵏ ⵜⵙⵏⴳⴰⴷⴷⴰⵢⵜ ⵏⴳⵔ ⵙⵉⵏ ⵡⴰⵏⴰⵡⵏ ⴷ ⵜⵙⵎⵓⵔⵜ ⴷ ⵓⵙⵏⴼⵍⵓⵍ ⵉⵍⴰ ⵜⴰⵎⴰⵙⴰⵢⵜ.

ⴰⵣⴰⵍ ⵏ ⵓⵎⵙⴰⵙ ⴰⵏⴰⵎⵓⵏ ⵉⵣⴳⵔ 18 ⵎⵍⵢⴰⵕ ( ⵔⵉⵙⴰⵍⴰⵜ ⵍⵓⵎⵎⴰ)

ⵉⵥⴹⴰⵕ ⴰⴷ ⵢⴰⵡⴹ ⵡⴰⵣⵍ ⴰⵎⵙⵎⵓⵏ ⵏ ⵓⵎⵙⴰⵙⴰ ⴰⵏⴰⵎⵓⵏ ⵏⵏⵉ ⵅⴼ ⵉⵜⵜⵓⵙⴳⵎⴹⵏ ⴰⵙⵙ ⵏ ⵓⵚⵉⴹⵢⴰⵙ ⵉⵣⵔⵉⵏ, ⵏⴳⵔ ⵜⵏⴱⴰⴹⵜ ⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⵓⵜⵉⵏ ⵏ ⵍⵎⵖⵔⵉⴱ ⴷ ⵜⵏⴰⵎⵎⴰⵙⵉⵏ ⵜⵉⴳⵔⴳⵏⵙⴰⵙ, 18 ⵎⵍⵢⴰⵕ ⵏ ⴷⴷⵔⵀⵎ, ⴳⴰⵏⵜ ⴰⵜⵉⴳⵏ ⵏ ⵉⵙⴰⵍⵉⵏ ⵏ ⵉⵎⵙⵖⴰⵏⵏ ⵏ ⵓⵙⴳⴳⵯⴰⵙ ⵏ 2020 ⴷ 2021 ⵉⵎⴰⴹⵍⵏ ⵙ ⵜⵎⵏⵜⵉⵍⵜ ⵏ ⵓⴼⵉⵔⵓⵙ ⵏ “ⴽⵓⵕⵓⵏⴰ” ⵖⴰⵙ ⴰⵎⴰⵢⵏⵓ “ⴰⵢⵏⵏⴰ ⵉⵜⵜⴰⵡⴹⵏ 8 ⵎⵍⵢⴰⵕ ⵏ ⴷⴷⵔⵀⵎ”, ⵙ ⵓⵢⵏⵏⴰ ⴷ ⵉⴷⴷⴰⵏ ⴳ ⵉⵙⴼⴽⴰ ⵍⵍⵉ ⵉⵙⵏⴽⴷ ⵓⵎⴰⵡⵙⴰⵙ ⵏ ⵓⵙⴰⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵜⵣⵎⵎⴰⵔ, ⵢⵓⵏⵙ ⵙⵙⴽⵓⵔⵉ, ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⵏ ⵡⴰⵙⵙⴰ ⴰⵎⵣⵡⴰⵔⵓ ⵏ ⵎⴰⵢⵢⵓ 2022. ⵉⵔⵏⴰ ⵓⵎⴰⵙⴰⵢ ⵙⴳ ⵜⵏⴰⴱⴹⵜ, ⵎⴰⵙ ⴷ ⴰⵣⵍ ⴰⵥⵕⴼⴰⵏ ⴰⵙⴳⵯⵙⴰⵏ ⵏ ⵓⵙⵙⵉⵍⵉ ⵓⵙⵉⵜⵜⵉ ⵏ ⵜⵖⵔⴰⴷ ⵉⴳⴳⵣⵏ ⵉ ⵎⴰⵢⴷ ⵉⵜⵜⴳⵏ 50 ⵏ ⵢⵉⴼⴹ ⵏ ⵓⵎⵙⵖⴰⵏ ⵏ ⵓⵡⴰⵏⴽ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵖⵔ ⵉⵍⵍⴰ ⵡⴰⴷⴷⴰⴷ ⴰⵎⵙⵙⵓⴳⵓⵔ ⵉⵖⵢ ⴰⴷ ⴰⵡⴹⵏⵜ 191 ⵎⵍⵢⵓⵏ ⵏ ⴷⴷⵔⵀⵎ, ⴷ ⵉⵏⵏⴰ ⵔⴰⴷ ⵜⵙⵙⵏⵜⵉ ⵜⵎⴳⴳⵉⵜ ⴰⴷ ⵙⴳ ⵓⵎⵣⵡⴰⵔⵓ ⵏ ⵛⵓⵜⴰⵏⴱⵉⵔ 2022. ⴳ ⵎⵉⵏ ⵉⵇⵇⴷⵏ ⵖⵔ ⵡⵓⴽⵓⵙ ⵏ ⵜⵙⴽⴽⴰⵍⴰ ⵜⵉⵙⵙ ⵙⴰⵜ ⵉ ⵉⵎⵙⵖⴰⵏⵏ ⵉⵍⵍⴰⵏ ⴷⴳ ⵜⵎⴳⵔⴰⵡⵜ ⵏ ⵉⵎⴰⵡⴰⵙⵏ ⵉⵎⵙⵙⵓⴳⵓⵔⵏ ⴷ ⵉⵎⴰⵡⴰⵙⵏ ⵉⵜⵉⵇⵏⵉⵢⵏ, ⵉⵣⵎⵎⴰⵔ ⴰⴷ ⵢⴰⵡⴹ ⵡⴰⵣⵍ ⵏ ⵓⵥⵕⴼ ⴰⵙⴳⵯⵙⴰⵏ ⵏ ⵜⵎⴳⴳⵉⵜ ⴰⴷ “18 ⵎⵍⵢⵓⵏ ⵏ ⴷⴷⵔⵀⵎ”, ⴰⴷ ⴳⵉⵙ ⵙⴱⵖⵔⵏ 3 ⵏ ⵢⵉⴼⴹⵏ ⴷ 861 ⵏ ⵓⵎⵙⴰⵖⵏ, ⵙ ⵓⵢⵏⵏⴰ ⵙⴽⴽⵓⵔⵉ.

ⵜⴰⵡⵏⵏⴰⵖⵜ ⵜⴰⵎⵖⵔⴱⵉⵜ ⵏ ⵓⵏⴱⴰⴹ ⴰⵢⵉⵎⴰⵏ ⵖⴰⵙ ⴰⵢⴷ ⵉⴳⴰⵏ ⵜⴰⵙⵉⵍⴰ ⵏ ⵓⵙⴷⵓⵙ ⵏ ⵓⴼⵔⴰ ⴷ ⵜⵏⴳⵎⵉ ⴳ ⵜⵏⵣⵔⵓⴼⵜ (ⵔⵉⵙⴰⵍⴰⵜ ⵍⵓⵎⵎⴰ)

ⵉⵙⵙⵍⴽⵏ ⵓⵎⵓⵣⴰⵢ ⵏ ⵛⵛⵉⵍⵉ ⴳ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵓⵏⵙⵙⵉⵅⴼ ⵏ ⵜⵎⵔⵙⵍⵜ  ⵜⴰⴳⵔⴰⵖⵍⴰⵏⵜ ⵏ “ⴰⴼⵔⵉⴽⴰ ⵍⴰⵜⵉⵏⴰ”, ⴰⵏⵟⵓⵏⵢⵓ ⵢⵍⴱⵉ ⴰⴳⵉⵍⴰⵔ, ⵎⴰⵙ ⴷ ⵜⴰⵡⵏⵏⴰⵖⵜ ⵜⴰⵎⵖⵔⵉⴱⵉⵜ ⵏ ⵓⵏⴱⴰⴹ ⴰⵢⵉⵎⴰⵏ ⴳ ⵜⵏⵣⵔⵓⴼⵜ  ⵖⴰⵙ ⵏⵜⵜⴰ ⴰⵢⴷ ⵉⴳⴰⵏ ⵜⴰⵙⵉⵍⴰ ⵏ ⵓⵙⴷⵓⵙ ⵏ ⵓⴼⵔⴰ ⴷ ⵜⵏⴳⵎⵉ ⴳ ⵜⵎⵏⴰⴹⵜ. ⴷ ⵉⵏⵏⴰ ⵓⵎⵓⵣⴰⵢ ⵏ ⵛⵛⵉⵍⵉ ⴳ ⵉⴷⵉⵙ ⵏ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵏⴰⵎⵓⵏ ⴰⵎⴰⴹⵍⴰⵏ ⵡⵉⵙⵙ 15 ⴳ ⵍⵎⵉⴽⵙⵉⴽ, ⴱⵍⵍⵉ “ ⵜⵉⵍⴰⵡⵜ ⵜⴰⵙⵔⵜⴰⵏⵜ ⴷ ⵜⵎⴰⵙⵙⴰⵏⵜ ⴰⵙⵙⴰ ⵉⵙⵙⵍⴽⵏ ⵎⴰⵙ ⴷ ⵜⵡⵏⵏⴰⵖⵜ ⵏ ⵓⵏⴱⴰⴹ ⴰⵢⵉⵎⴰⵏ ⵍⵍⵉ ⵜⴼⴽⴰ ⵕⵕⴱⴰⵟ ⵉⴳⴰ ⴰⵙⴰⵜⵓⵢ ⴰⴷⵙⵍⴰⵏ ⵓⵔ ⵉⵍⵉⵏ ⴰⵏⴰⵡ ⴷ ⵉⵛⴼⴰⵏ ⴰⴷ ⵢⵉⵍⵉ ⵓⴼⵙⵙⴰⵢ ⴰⵏⴳⴳⴰⵔⵓ ⵉ ⵓⵎⵏⵣⴰⵖ ⵉⵜⵜⵡⴰⴳⵏ ⵅⴼ ⵜⵏⵣⵔⵓⴼⵜ, ⴷ ⵓⵙⵓⴳⵔ ⵏ ⵜⵏⴳⵎⵉ ⴷ ⵓⵙⴱⵓⵖⵍⵓ ⵏ ⵉⵎⵣⴷⴰⵖⵏ ⵏⵏⵙ”. ⴷ ⵉⵏⵏⴰ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵜⵙⴷⴷⵔⴼ ⵜⴰⵎⵀⵍⵜ ⵏ ⵜⵏⴳⵎⵉ ⴳ ⵉⵙⴳⴳⵉⵏ ⵏ ⵉⴼⴼⵓⵙ ⵏⵏⵙ, ⴷ ⵜⵙⵙⵓⴷⴰ ⵖⵉⵍⴰⴷ ⴳ ⵓⵙⴱⴷⴷⵉ ⵏ ⵓⵖⴰⵡⴰⵙ ⵏⵏⵙ ⵏ ⵓⵏⴱⴰⴹ ⴰⵢⵉⵎⴰⵏ ⴷⴳ ⵜⵉⵍⴰⵡⵜ, ⵙ ⵢⵉⵡⴹ ⵏ ⵜⵏⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⴱⵍⴰ ⵏ ⵉⵙⴰⵡⵔⵏ ⵉⴽⵙⵡⴰⵜⵏ ⴳ ⵜⵎⴷⵉⵏⵉⵏ ⵏ ⵣⵓⵏ ⴷ ⴷⴷⴰⵅⵍⴰ ⴷ ⵍⵄⵢⵓⵏ.

ⴰⵜⵉⴳⵏ ⵏ …. ⵜⵙⴷⴷⵔⴼ ⵜⵓⵣⵍⵜ ⴰⵏⵙⵙⵅⵉⴼ ⵏ ⵓⵙⵇⵇⴰⵎⵓ ⵏ ⵉⵎⵓⵔⴰ ⴷⴼⴼⵔ ⵎⴰⵙ ⵜⵜ ⵉⵏⵏ ⵉⴽⴽⴰ ⵉⵖⵜⵙ ⴰⴷ ⵜⵜⵓⴳ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵎⵙⵖⴰⵔⵓⵜ ⴳ ⵎⴰⵕⵚ ⵉⵣⵔⵉⵏ (ⵍⴰⵃⴷⴰⵜ ⵍⵎⵖⵔⵉⴱⵉⵢⴰ)

ⵜⵜⵓⵙⵎⴰⵢⵏⵓⵏ ⵉⴽⴰⴱⴰⵔⵏ ⴷ ⵜⵔⵓⴱⴱⴰ ⵏ ⵜⵓⵣⵍⵜ ⴳ ⵓⵙⵇⵇⴰⵎⵓ ⵏ ⵉⵎⵓⵔⴰ ⵜⵓⵜⵜⵔⴰ ⵏⵏⵙⵏ ⵙ ⵜⵉⴳⴳⵉ ⵏ ⵜⴳⵔⴰⵡⵉⵏ ⵏ ⵓⵙⵡⵓⵔⵉ ⴰⵎⵙⵖⴰⵔⵓ ⵉⵜⵜⵓⴳⵏ ⵅⴼ ⵓⵙⵡⵓⴷⴷⵓ ⵏ ⵓⵙⵏⴰⵎ ⵏ ⵡⴰⵜⵉⴳⵏ ⵏ ⵉⵎⵜⵜⵉⵡⵉⵏ ⵏ ⵜⵙⴰⴷⵓⵔⵜ ⵉⴷⵍⵙⴰⵏⵏ ⴳ ⵉⴳⴰⴷⴰⵣⵏ ⵉⵏⴰⵎⵓⵔⵏ. ⴷ ⵙⵖⴹⴼⵏⵜ ⵜⴳⵔⴰⵡⵉⵏ ⵏ ⵜⵓⵣⵍⵜ ⴳ ⵓⵙⵇⵇⴰⵎⵓ ⵏ ⵉⵎⵓⵔⴰ, ⴳ ⵜⵓⵣⵉⵏⵜ ⵓⵣⵏⵏ ⵉ ⵓⵏⵙⵙⵉⵅⴼ ⵏ ⵜⵣⵇⵇⴰ ⵜⴰⵎⵣⵡⴰⵔⵓⵜ, ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ, ⵙ ⵓⵎⴰⴹⵍ ⵏ ⵜⵉⴳⴳⵉ ⵏ ⵜⴳⵔⴰⵡⵉⵏ ⵏ ⵓⵙⵡⵓⵔⵉ ⵉⵜⵜⵓⴱⴷⴰⵔⵏ ⵍⵍⵉ ⵙ ⵜⵜ ⵉⵏⵏ ⵉⴽⴽⴰ ⵉⵖⵜⵙ ⴰⴷ ⵜⵜⵓⵙⴽⵔⵏⵜ ⴳ ⵓⵙⴰⴽⵓⴷ ⵏ ⵓⵎⵣⵡⴰⵔⵓ ⵏ ⵎⴰⵕⵚ. ⴷ ⵜⵙⵙⵓⵜⵔ ⵜⵓⵣⵍⵜ ⵜⴰⴱⵕⵍⴰⵎⵏⵉⵢⵜ ⵉⴳⴰⵏ ⵙⴳ ⵓⴽⴰⴱⴰⵕ ⴰⵏⵎⴰⵍⴰⵢ ⴷ ⵓⴽⴰⴱⴰⵔ ⴰⵏⵎⵓⵙⵙⵓ ⴷ ⵓⴼⴰⵔⴰ ⴰⵏⵎⴰⵍⴰⵢ ⴷ ⵜⴳⴰⵡⵔⵜ ⵜⴰⵏⵎⵓⵔⴰⵢⵜ ⵏ ⵜⵣⵔⴼⵜ ⴷ ⵜⵏⴳⵎⵉ ⴰⵏⵙⵙⵉⵅⴼ ⵏ ⵓⵙⵇⵇⴰⵎⵓ ⵏ ⵉⵎⵓⵔⴰ ⴰⵙⵙⵓⴳⵣ ⵏ ⵜⴰⵖⵜⴰⵙⵜ ⵏ ⵓⵙⵉⵔⴰ ⵏ ⵓⵙⵇⵇⴰⵎⵓ, ⴷ ⴰⴷ ⵜⵜⵓⴼⴽⵏⵜ ⵜⵏⵎⵎⴰⵍⵉⵏ ⵉ ⵓⵙⵡⵓⵔⵉ ⵅⴼ ⵜⵉⴳⴳⵉ ⵏ ⵜⵙⵇⵇⵎⵓⵜ ⵜⴰⵎⵙⵖⴰⵔⵓⵜ ⵉ ⵓⵙⵏⴰⵎ ⵏ ⵡⴰⵜⵉⴳⵏ ⴳ ⵎⵉⵏ ⵢⵓⴷⵙⵏ ⵜⵜⴰⴼ ⴰⴷ ⵙⵉⵙⵏⵜ ⵜⵉⵍⵉ ⵜⵡⵓⵔⵉ.

05/05/2022 ⵜⴰⵙⵏⵓⵔⴰⵢⵜ ⵏ ⴰⵎⵖⵔⵉⴱⵉ ⴰⵎⵇⵇⵔⴰⵏ