ⵉⵏⵙⵙⵉⵅⴼ ⴳ ⵜⵉⴼⴰⵡⵜ ⵏ ⵡⴰⵙⵙ ⴰⴷ ⵎⴰⵙⵙ ⴰⵎⴰⵡⵙⴰⵙ ⴰⵏⵎⵓⵇⵇⴰⵔ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵜⵎⵔⵙⵍⵜ ⵏ ⵜⵏⴽⵔⴰ ⵙ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵉ ⵉⵎⵙⵖⴰⵏⵏ ⴷ ⵉⵎⴰⵡⴰⵙⵏ ⵏ ⵜⵎⴰⵡⴰⵙⵜ ⵏ ⵜⵄⵓⵔⵔⵎⴰ ⴷ ⵜⵓⵏⵏⵓⵏⵜ. ⵉⵎⵔⴰⵔⴰ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵅⴼ ⵜⵎⴰⵎⴽⵉⵏ ⵏ ⵓⵙⵖⵓⴷⵓ ⵏ ⵓⵙⵓⵔⵙ ⴰⵏⴰⵎⵓⵏ ⵉⵥⵍⵉⵏ ⵙ ⵉⵎⵙⵖⴰⵏⵏ ⵙ ⵓⵙⴷⵓⵙ ⵏ ⵜⵏⴰⴼⵓⵜⵉⵏ ⴷ ⵉⵙⴽⴰⵏⵏ ⵏⵏⴰ ⴰⵙⵏ ⵜⴰⴽⴽⴰ ⵜⵎⵔⵙⵍⵜ ⵙⵍⴰⵡⴰⵏ ⴰⴽⴽⵯ ⴰⵢⴷⴷⵖ ⵜⵍⵎⴰⵍⴰ ⵜⴼⴰⵙⴽⴰ ⴷ ⵜⵏⵓⵕⵥⵎⵜ ⵏ ⵓⵏⴱⴷⵓ, ⴰⵛⴽⵓ ⵉⴼⴼⵖ ⵓⴳⵔⴰⵡ ⵙ ⵓⵙⵙⵉⵍⵢ ⵏ ⵉⵙⵙⵖⵔⵎⵏ ⵏⵏⴰ ⵉⵜⵜⵓⴼⴽⴰⵏ ⴳ ⵓⵙⴰⵜⵉ

ⴳ ⵉⵖⵔⵎ ⵏ ⴰⵚⵉⵍⴰ, ⵉⴷⵔⴰ ⵎⴰⵙⵙ ⴰⵎⴰⵡⴰⵙ ⴰⴽⴷ ⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵎⵓⵃⵎⵎⴰⴷ ⴱⵏ ⵄⵉⵙⴰ, ⴳ ⵓⵕⵥⵥⵓⵎ ⵏ ⵜⵙⴰⵔⵡⵜ ⵏ ⵓⵙⴼⵉⵔⵙ ⵅⴼ ⵓⵖⵔⴰⴱ ⵏⵏⴰ ⵉⴽⵛⵎ ⴰⵎⵎⴰ ⵏ ⵓⵖⴰⵡⴰⵙ ⵏ ⵜⵉⵕⵡⵉⵜⵉⵏ ⵏ ⵜⵙⵓⵜⵍⵜ ⵏ ⵓⵏⴱⴷⵓ ⴳ ⵓⵙⴳⴳⵯⴰⵙ ⴰⴷⵍⵙⴰⵏ ⵏ ⵉⵖⵔⵎ ⵏ ⴰⵚⵉⵍⴰ ⵏⵏⴰ ⵉⴼⴽⴰⵏ ⵉⵖⵔⴱⴰⵏ ⵏⵏⵙ ⵉ ⵢⵉⴳⵔ ⵏ ⵉⵏⴰⵥⵓⵕⵏ ⵉⵎⵖⵔⴰⴱⵉⵢⵏ ⵏⵏⴰ ⵉⵙⵏⴼⵍⵓⵍⵏ ⵙ ⵢⴰⵜ ⵜⵎⴰⵎⴽⵜ ⵉⵛⵏⴰⵏ ⵜⵉⴼⵉⵍⵉⵏ ⵏ ⵉⵖⵔⴱⴰⵏ ⵉⵃⵍⴰⵏ. ⵜⵉⵏⵉⴳⵉⴷⴰⵔ ⵉⵜⵜⵓⴽⵯⵍⴰⵏ ⵖⵓⵔ ⵉⵏⴼⵔⵓⵜⵏ ⵉⵎⵢⴰⵏⴰⵡⵏ, ⴼⴽⴰⵏⵜ ⵢⴰⵏ ⵡⴰⴼⵓⵍⴽⵉ ⵉⵥⵍⵉⵏ ⵉ ⵉⵖⵔⴱⴰⵏ ⵏ ⴽⵉⴳⴰⵏ ⵏ ⵡⴰⵙⵓⴽⵏ ⵏ ⵉⵖⵔⵎ ⴰⵢⵏⵏⴰ ⵢⵓⵊⵊⴰⵏ ‘’ⵉⵥⵉⵍⴰⵛⵉⵢⵏ’’ ⴷ ⵉⵏⵔⵣⴰⴼ ⵏ ⵉⵖⵔⵎ ⵏ ⵜⵥⵓⵕⵉ ⴰⴷ ⵉⵍⵉⵏ ⵎⵏⵉⴷ ⵏ ⵓⵏⵎⵓⵇⵇⴰⵔ ⴰⴽⴷ ⵜⴷⵍⵙⴰ. ⵓⴳⴳⴰⵔ ⵏ ⵎⴰⵏ ⴰⵢⴰ, ⴳ ⵓⵙⴰⵜⵉ ⵏ ⵉⵔⵣⴰⴼⵏ ⵏⵏⴱⵔⴰⵣⵏ, ⵉⵙⵙⴽⵔ ⵎⴰⵙⵙ ⴰⵎⴰⵡⴰⵙ ⵢⴰⵜ ⵜⵎⵜⵜⴰⵢⵜ ⵏ ⵃⵎⴰ ⴰⴷ ⵉⵡⵜ ⴰⵏⴼⴰ ⴳ ⵜⵎⵔⵙⵉⵡⵜ ⵏ ⵉⵖⵔⵎ ⵏ ⴰⵚⵉⵍⴰ, ⵏⵏⴰ ⵏⵏ ⵉⵜⵜⴰⴳⴳⴰⵏ ⵅⴼ ⵓⴳⴰⵔⵓ ⴰⵟⵍⴰⵙⵉⵢ ⵏⵏⴰ ⵉⵔⴰⵏ ⴰⴷ ⵉⵙⴱⵔⵔⴽ ⵜⵉⵔⴱⴰⵜⵉⵏ ⴷ ⵉⵃⵏⵊⴰⵔⵏ ⵏ ⵜⵎⵓⵔⵜ ⵏⵏⵖ ⵉⵄⵣⵉⵣⴻⵏ, ⴳ ⵓⵙⴰⵜⵉ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵎⵔⵙⵉⵡⵜ ⴳ ⵓⵙⴳⴳⵯⴰⵙ 2022, ⵏⵏⴰ ⵉⵔⴰⵏ ⴰⴷ ⵉⴱⴷⵓ ⴰⵙⵙ ⵏ 15 ⵢⵓⵍⵢⵓⵣ ⴷ ⵢⵓⵛⴽⴰⵏ, ⴰⵢⴷⴷⵖ ⴷ ⵉⵥⴹⴰⵕ ⴰⴷ ⵉⵙⵏⵓⴱⴳⵓ ⵡⴰⵏⵙⴰ ⴰⴷ ⵖⵓⵔ 250 ⵏ ⵓⵎⵙⴱⵖⵔ ⴷ

ⴳ ⵓⵙⴰⵜⵉ ⵏ ⵓⵔⵣⴰⴼ ⵏ ⵜⵡⵓⵔⵉ ⵏⵏⴰ ⵜⵙⵙⴽⵔ ⵎⴰⵙⵙⴰ ⵏⴰⵔⴷⵓⵙ ⴱⵉⴽⵉⵍⵉ -ⵜⵓⵎⴰⵙ, ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵙⵏⵓⵔⴰⵢⵜ ⵏ ⵓⵙⵙⴳⵎⵉ ⵏⵏⴰ ⵉⴹⴼⴰⵕⵏ ⵉ ⵡⴰⵎⵓⵏ ⴰⵢⵉⴼⵔⵉⵇⵉⵢ (AUDA- NEPAD), ⵙⴳ ⵜⴰⵏⵏⴰⵢⵜ ⵏ ⵓⵇⵙⴰⵃ ⵏ ⵜⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵓⵎⵏⵥⴰⵡ ⵏⵏⵙ, ⵉⴽⵔⵔⵙ ⵎⴰⵙⵙ ⴰⵎⴰⵡⵙⴰⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵎⵙⴰ ⴷ ⵓⵎⵢⴰⵡⴰⴹ, ⵢⴰⵏ ⵉⵇⵉⵎⵉ ⵏ ⵜⵡⵓⵔⵉ ⴰⴽⴷ ⵓⵏⵎⵀⴰⵍ ⴰⵎⴰⵜⴰⵢ ⴰⵙⵙ ⵏ ⵡⴰⵢⵏⴰⵙ 19 ⵢⵓⵍⵢⵓⵣ 2022, ⵜⵜⵓⵙⵎⵔⴰⵔⴰⵏ ⴷⵉⴳⵙ ⵜⵎⵏⵜⵉⵍⵉⵏ ⵏⵏⴰ ⵖⵓⵔ ⵜⴰⵡⵉⵜ ⵉⵛⵛⴰⵔⵏ; ⵣⵓⵏⴷ: ⵓⴷⴷⵓⵔ ⵏ ⵉⵄⵔⵔⵉⵎⵏ ⵉⴼⵔⵉⵇⵉⵢⵏ ⴳ ⵓⵙⵙⴳⵎⵉ ⵃⵎⴰ ⴰⴷ ⵜⵜⵓⵙⵙⴳⵎⵉ ⴷ ⵓⵙⴰⴳⴳⵯ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ. ⴰⵙⵖⵓⴷⵓ ⵉⵙⵓⵔⵙⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵏ ⵉⵄⵔⵔⵉⵎⵏ ⵏ ⴰⴼⵔⵉⵇⵇⵢⴰ. ⵎⴽⵉⵏⵏⴰ ⵙⵙⵎⵜⵔⵏ ⵙ ⵢⵉⴳⵔ ⴰⵅⴰⵜⴰⵔ ⴰⴷⵍⵙⴰⵏ ⴰⴼⴰⴷ ⴰⴷ ⵉⵜⵜⵓⵙⴱⵓⵖⵍⵓ ⵓⵎⵢⴰⵡⴰⵙ ⴰⵢⵉⴼⵔⵉⵇⵉⵢ ⵉⵔⴰⵏ ⴰⴷ ⵉⴽ ⵜⴰⵢⴰⴼⵓⵜ ⵉⵃⵍⴰⵏ ⴳ ⵢⵉⴳⵔ ⵏ

ⵉⵕⵥⵎ ⵎⴰⵙⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⴰⵎⴰⵡⴰⵙ ⵏ ⵜⵄⵓⵔⵔⵎⴰ ⴷ ⵜⴷⵎⵙⴰ ⴷ ⵓⵎⵢⴰⵡⴰⴹ, ⴰⵙⵙ ⵏ ⵓⵙⵉⵎⵡⴰⵙ 26 ⵏⵓⵡⵡⴰⵏⴱⵉⵔ ⴷⴷⵖ ⴰⴷⵖⴰⵔ ⵏ ‘’ⵉⵜⵔⴰⵏ ⵏ ⵊⴰⵎⵄ ⵍⴼⵏⴰ’’ ⴳ ⵓⵙⵔⵉⵔ ⵏ ⵜⵎⵖⴰⵔⵉⵏ ⵏⵏⴰ ⵉⵍⵍⴰⵏ ⴳ ⵡⴰⵙⵓⴽ ⵏ ⵍⵇⵙⵓⵔ ⴳ ⵉⵖⵔⵎ ⴰⵣⴰⵢⴽⵓ ⴳ ⵎⵕⵕⴰⴽⵛ, ⴰⴽⴷ ⵎⴰⵙⵙ ⴽⴰⵔⵉⵎ ⵇⵙⵙⵉ ⵍⵃⵍⵓ, ⵡⴰⵍⵉ ⵏ ⵜⵎⵏⴰⴹⵜ ⵏ ⵎⵕⵕⴰⴽⵛ ⴰⵙⴼⵉ, ⵎⴰⵙⵙ ⵙⴰⵎⵉⵔ ⴳⵓⴷⴰⵔ, ⴰⵏⵙⵙⵉⵅⴼ ⵏ ⵜⵎⵏⴰⴹⵜ, ⴷ ⵎⴰⵙⵙⴰ ⴼⴰⵟⵉⵎ ⵥⵥⴰⵀⵕⴰ ⴰⵎⵖⵉⵡⴰⵏ ⵏ ⵉⵖⵔⵎ. ⵉⵏⵏⴰ ⵎⴰⵙⵙ ⴰⵎⴰⵡⴰⵙ ⴳ ⵎⴰⵏ ⴰⵢⴰ ⵎⴰⵙ ⵜⴳⴰ ⵜⵎⴰⵡⴰⵙⵜ ⵅⴼ ⴰⴷ ⵜⴰⵡⵙ ⵇⵇⴰⵃ ⵉⵙⵏⴼⴰⵔ ⵉⴳⴰⵏ ⴰⵎⵎ ⵡⵉ ⵏⵏⴰ ⵖⵓⵔ ⵉⵡⵜⵜⴰⵙⵏ ⴰⴷ ⵉⴼⵓⵍⴽⵉⵏ ⴷ ⵉⵏⵏⴰ ⵎⴰⵙ ⴷ ⵉⵇⵇⴰⵏ ⴰⴷ ⵏⵙⵙⴱⵖ ⴳ ⵉⵎⵉⵔⵉ ⵏ ⵜⵎⵔⵙⵍⵜ ⵃⵎⴰ ⴰⴷ ⵉⵜⵜⵓⵙⵎⴰⵜⴰ ⵓⵎⴷⵢⴰ ⵅⴼ ⵜⴰⴷⴷⵔⵡⵉⵏ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴳ ⵍⵎⵖⵔⵉⴱ, ⴰⴼⴰⴷ ⴰⴷ ⴷⴰⵔⵙ ⵢⵉⵍⵉ ⵢⴰⵏ ⵡⴰⵏⵙⴰ ⴰⵎⵎ ⵡⴰⴷ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ